#امستردام30
اثناء مرور 5 ايام
شمس كانت بتحاول تتجاهل العملو واهب ، من ناحيه كانت بتحاول تجد ليه مبرر خصوصا انها بتشبه نيفين وغالبا كان مفتكرها نيفين ، بس بترجع تقول انو كان وقتها عارف انو هي شمس ما نيفين ، كانت تايهه وسط تفكيرها ..
شهاب حاول اكتر من مرة انو يعترف ل شمس ، بس الخطط ماكانت في صالحوا ..
اما بسمه ، ما كانت عاوزة صهيب ييعد عنها تاني ، كانت بتحاول ما تخسرو ، واليوم بسببو بسمه قدرت تمشي اول خطواتها ..
كانو بيتمشو في شارع جنب البيت ، هي كانت قاعدة في الكرسي وهو ممشيها ..
بسمه: خلينا نقعد هنا شويه
صهيب: هنا؟
بسمه: اي
حرك كرسيها عشان يخليها جنبو ..
بسمه: لا عاوزة اقعد هنا جنبك مافي الكرسي
صهيب: ماينفعك لسس ..
بسمه قاطعتو: ما حتعالج صاح؟ ولا حقدر امشي انا اصلا قلت وعارف..
صهيب قاطعها بصوت عالي: لا ، ما كدا ، طيب امسكي في ايدي كويس اتفقنا؟
بسمه: بسمه حاولت توقف قبل ما يجي عليها وفعلا قدرت تقيف بس لثواني بسيطه وكانت حتقع بس صهيب مسكها وفضلو واقفين وبعاينو لبعض بإندهاش ..
بسمه: انا وقفت صح؟
صهيب: ااااي ، مش قلنا اصبرري
بسمه من فرحتها حضنتو شديد ..
تتخيلو ممكن شعور صهيب يكون شنو في اللحظه دي ، اتمحت الابتسامه وخالطها اندهاش تاني ، وصمت تام ..
بسمه بعدت: امم ، اسفه ..
صهيب: عادي ، تقعدي ؟
بسمه: اي
قعدت جنبو بصعوبه بس في الاخر قدرت تقعد ..
صهيب: قبل شويه كنتي بتقولي في شنو ؟
بسمه: ايي انت عارف اني م بصبر وبعدين ماكل الجاهم شلل اتعافو
صهيب: كلهم كان ممكن يتعافو ، عشان الارداة فوق كل شي
بسمه: صح ، ماما لو عرفت حتنبسط
صهيب ابتسم: اي
سكتتو للحظات ..
بسمه: صهيب؟
صهيب: احكي
بسمه: صهيب انا اسفه بجد ، يمكن لو انت حصل معاك كدا ما كانت حقيف معاك ، وبرضو الحصل والخلانا نبعد انا الكنت سببو ، .. متلخبطه ماعارفه اقول شنو بس انا اسفه
صهيب ضحك: بسمه بتعتزر ؟
بسمه: اي ليه حجر ؟
صهيب: لا ما حجر بالعكس انتي اطيب وحدة في الدنيا ، وبعدين هل واضح اني زعلان لا بالعكس .. كل الحصل كان لخير اولو انك حتشوفي حياتك
مع الاحسن وانا حشوفك حياتي برضو
بسمه: قصدك شنو ، يعني انت حتشوف حياتك عادي ؟
صهيب: وانتي برضو
بسمه لفت وشها على الجهه التانيه ..
بسمه: خلينا نمشي
صهيب: ليه ؟ الجو حلو
بسمه: عاوزة ارجع البيت ..
صهيب: طيب ماشي ، يلا ..
_
الساعه كانت 9:00 مساءا ..
علاء وقف وسط الكل اثناء تجمعهم في الصاله ، بما انكم كلكم هنا ، وبما انو بكرة الويكند برضو ، قررت انا المتواضع ..
اثار: هي هي!!! عاوز تقول شنو وليه المقدمه دي كلها
علاء: اصبري واستمعي
وكمل: قررت انا المتواضع علاء والاخ والصديق الرؤف النبيل اياد ..
نجمه: علاء بطل بياخه قول على طول
اياد: كمل يا متواضع م تشتغل بيهم
هلاء: والاخ الوضاح ان ..
وضاح قاطعو: والله حزينه منك
علاء: معليش ، طيب والاخ المتانق المنمق الرائع وضاح على دعوة حضرتكم بكرة لحفل شواه وطبعا على حسابنا ودي اهم نقطه ..
