قبل ما نبدأ القراءه.. صلوا علي شفيعنا يوم القيامة و اتموا التسليم عليه..
" اللهم صلي و سلم و بارك علي سيدنا محمد و هاي آله و أصحابه أجمعين "
_____________🍂____________🍂______________
البارت الأول
هااي يا جماعة .. عاملين ايه ؟؟
انا مايا جلال المصري ..
عامله الجروب ده عشان ننزل فيه بوستس تضحك و كده و نفرفش المهم كده مر سنه علي الجروب يااا جمااااعةةةةة ..
= ماياا .. أنتي يا بت
كل سنه ..
= أنتي يا نيلة ..
-ايه الفصلان ده
= انتي يا اخره صبري ... يخربيتك ..
-نعم .. نعامين ..
= حد يكلم امه كده ..
-نعم يا مامتي يا سكر .. حلو كده
= صبرني يا رب علي ما ابتلتني ... لييه يا ربي كده أنا عملت ايه سيئات في حياتي عشان كده..
-نعم يا ماما
= بتعملي ايه ؟
-بعمل فديو ع الفيس ..
= يا منحرفة .. أنا ربيتك علي كده يا بت بطني هااا؟!
-ليه كده بس ده انا بعمل فديو عادي ع الجروب بتاعي .. بتاع الكومكس
= بصي .. روحي اغسلي المواعين يلاا ..
-قولي كده ... قلبي كان حاسس ..آآآآآآه يا حسره قلبي ياني ..
=امشي غوري يا بت ..
-في ام بتقول لبنتها الكيوت القمر اللي هو انا كده ... اخس .. اخس .. و الله يا تيته سوسن و عرفتي تجيبي
و هنا الأم برقتلها
و هنا ضحكت مايا ضحكتها السخيفة: متقلقيش بشكر فيكي يا مامي يا قمرر.. شوفتي بقلك يا مامي حتي ..
و هنا القت الأم السلاح الأمومي الخاص بها في وجهه مايا التي سقطت علي الأرض بطريقة مضحكة 😂😂😂
_____________🍂____________🍂______________
بعد مرور ساعة
صدع رنين هاتف مايا
مايا : الوو
شهد : اهلين يا ست مايا ... مش بتردي ع المسنجر ليه
مايا : فوني فصل شحن ... و بعدين بغسل المواعين حضرتك ..
شهد : ماشي ياختي .. اول ما تخلصي كلميني .. اوك
مايا : اشطا ..
و قفلت معاها .. ف الاخر
_____________🍂____________🍂______________
بعد مرور نصف ساعة ..
# مايا
اخيرا يا فرج الله يالهووي كل ديه كانت مواعين ليه قبيلة كانت بتاكل ... لا إله إلا الله .. أول مره أشوف قبيلة بتأكل.. لا إله إلا الله
= محمد رسول الله ياختي ..
-ايه ده ف ايه حتي أفكاري ..
= حضرتك بتكلمي نفسك شبه المجانين أصلا ..
-بجد ... هولي شتت.. يا جماعةةة
= بس يا ماما .. الأفلام الأجنبي لحست دماغك.. الله يرحم كانت....
-خلاص يا ماما ... عارفه ان انا مجنونه ...
= خدي هنا في واحد هيتقدمك يوم الخميس الجاي ..
ف سرها - يا رب عربيه تشوطه و هو جايي .. يروح المستشفي .. ميلحقهوش .. عشان عزرائيل ياخده .. و يرحمه من اللي أنا هعمله فيه ابن المبقعه ده.. كان حد اشتكاله ان انا سنجل تعبان.. ثواني كده يبقي هو مهكر تلفوني و بيشوف الاستوري واتس .. خلصانه
=خلصتي ...
-لا بقي انتو مركبين جهاز تصنت ف أفكاري ..
= روحي بدل ما اجيب الشبشب انزله علي دماغك ... جتك القرف .. عيلة مقرفه
-في ايه يا سوو .. بهزر معاكي .. ياختي طعمه .. هاتي بوسه كده و انتي قمر كده ياختي ..
= روحي انجري من وشي ...
-مش عارفه ... مدايقة ليه ديه يا ربي يا مامااااعععع ..
= عجلة بتكلم أول مره أشوف عجلة بتكلم.. الله أنا بقيت بتكلم زيها اففففف
# مايا
أنا رايحه أكلم شهد .. يوووه لسه الزفت ده بيشحن خلاص افصله اكلمها و اشحنه تاني .. مش حوار
= الووو
-الوو.. أهلين يا ست مايا .. ياللي منفضلنا
= بت يا شهد ... حد قلك قبل كده اننا ضراير و لا حاجه ياختي
-لا ليه ؟!
= صبرني يا رب ... المهم عايزني في ايه .. بقي و اخلصي عشان التلفون بيشحن و الرصيد قرب يخلص
- مستخسره في اختك حبيتك شويه رصيد.. المهم كنت عايزه اعمل جروب لينا كده نسميه مافيا و كده ايه رايك ؟!
= فكره حلوه خصوصا أن أنا بحب المافيا و كده أوييي و نفسي اتخطف حرفيا.. و اعيش جو أكشن بقي و هوبااااااا ... اه صح بس هتعمليه فين؟!
- علي الفيس و كده و نتكلم فيه عن المافيا و الاعمال بتاعتهم كده و أن المافيا ديه بدات ازاي و اسمه كان ايه في الاول و المواقع بتاعتهم اسمها ايه و كده جو سرش بقي و هكر و اللعبه لعبت يااا ماااان بس كل ده هزار ..
= اشطا اويي كده خلصانه ..
-بقولك
=قولي ياختي
_ سلميلي علي طنط سارة يا به
= اشطاااا.. سلاااامااات
_ قوبلاااات يا مايووو
يتبع ...
........
بعيد عن الرواية بس فعلا .. الأمهات اما يصدقوا يلقوكي قاعده ما بتعمليش حاجة .. و ف أمان الله ماسكه التلفون عادي .. تقولك طب قومي اغسلي المواعين. . خلصتي طب قومي اكنسي الشقه كلها .. اللي هو انا مش هسيبك قاعده مبتعمليش حاجة 😂😂😂😂😂💔💔 .. ناقص تقول طب يلا خشي علي شقه الجيران اكنسيها بالمره معاكي .. طالما قاعده فاضيه .. اكيد مصر كلها بيحصل معاها كده 😂😂😂💔😉
.......
رأيكووا. . اكمل كتابتها و لاا .. لأن رأيكوا هيدعمني جداا ؟!
أنت تقرأ
الدانجوان
Romance~ مرحبا بك في عالم لا وجود له ~ يمتلك من الغموض ما هو أشبه بمصمم أزياء إنتقائي لا يضع توقيعه إلا على تفاصيل الكبار.. المبادئ هي مصنع الرجال و لكن هو إنتاج لمصنعه الخاص لمبادئه الحرة #الدانجوان_تستحق_القراءة
