سجينة الضابط

البارت الواحد والعشرون

قصه جديدة🍁 بعنوان (سجينه الضابط )
البارت الواحد العشرون🍒🌸
بقلمي أريج عمر
# اتمنى_لكم_قراءة_ممتعة🍒💥
____________________________________

حيدر: كعدت ساعة تسعةاليوم ما داومت لأن اليوم مشية مال الزلم وعقد قرآن نزلت جوا
البنات يرتبن وامي كاعده تعزم صحت زمن

زمن: ها حيدر

حيدر: ريوك

زمن: تدلل رحت حضرتله ريوك وسويت جاي
ورحتله تفضل بالعافية

حيدر: الله يعافيج

زمن: ردت اروح صاحلي حيدر

حيدر: اكعدي خلي احجي وياج كم كلمة

زمن: كعدت احجي اسمعك

حيدر: شوفي انتي راح تزوجين اريدج ترفعين راسي كدام الكل إذا الدنيا صارت ضدج التجي الي لا تخافين يلي ياذيج ياذيني انت صح اليوم راح دخلين بذمة ياسر بس انتي بامانتي حتى لو تزوجتي وإذا انتي مترددة هسة انهي كل شيء سعادتج وراحتج أهم

زمن: تسلم حيدر انت مو بس اخوي انت ابويا الثاني أن شاء الله دووم ابقى رافعة راسك

حيدر: يلاا كومي لا تسختين

زمن: هههههه كمت عيني

حيدر: كملت ريوك كمت رحت لإستقبال عدنا خوالي وعمامي مكدروا يجون لأن الشغلة صارت بسرعة خبرتهم واعتذروا السلام عليكم

الكل: وعليكم السلام

حيدر: استريحوا

خالي محمد: شخبارك حيدر شو متبين

حيدر: والله بالدوام ما لحك

خالي: محمد: هم النا حق عليك

حيدر: حقك تدللون ازوركم بأقرب وقت

خالي عباس : ما ناوي تزوج

جواد: ضحكت كتلهم يي والله نايم على كلبي شيخلصني منه

حيدر: خزرته لا بعد ما أريد اورط بنت العالم وياي واني على ساعة واجب ويمكن اموت

خالي محمد: اسم الله عليك ابني

حيدر: جاي نحجي واجتني رسالة فتحتها من ياسر راسلته

ياسر: ها حيدر شلونك

حيدر: بخير انت شلونك

ياسر: أفتقدك

حيدر: ههههه

ياسر: تذكر وعدتني تزفني بيدك

حيدر: وعلى وعدي بعدني

ياسر: نشوف

حيدر: يول ما مصدك

ياسر: يلا عيني عندي شغل باي

حيدر: باي ضلينا نحجي ونفتح مواضيع وبعدين صار وقت الغدا وفرشوا السفرة
البنات سباعيات كل شيء مرتب وعلى الأصول