سجينة الضابط

البارت الثالث والثلاثون

قصه جديدة🍁 بعنوان (سجينه الضابط )
البارت الثالث والثلاثون 🍒🌸
بقلمي أريج عمر
# اتمنى_لكم_قراءة_ممتعة🍒💥
____________________________________
مريم:يوم اهلي ماتوا بوقتها انخلقت مريم جديدة
كسرها القدر لمرة الثانية صديقتي وأهلي
بقيت بالمقبرة روحي صارت بيها ليل نهار
شكد اخاف إني من المقابر والظلام بس مكدرت
اتحرك كل روحي هنا شعندي بعد ارجع لبيت
شعندي بعد بهل الحياة .

حيدر: مقبلت ترجع لبيت وجان لازم نسوي فاتحة
واهواي أمور وصيت عليها ذولي يلي بالمقبرة تركتها ورحت بس كلبي يمها مطمئن لانو اكو زوجة الدفان بيتهم كلش قريب لذلك اطمئنت
خلصت الفاتحة يومين وناس رايحة وراجعة
وعلى اتصال مباشر وياهم .

ياسر: هسة شلون

حيدر: والله ما اعرف

زمن: نروح وياك حيدر لمريم

حيدر: يلا لموا أنفسكم طلعنا من بغداد لنجف
وصلنا هناك على نفس مكانها بين امها وابوها
تكسر الف كلب

زمن: العيون سواء الوجه اصفر ضعفانه حيل روح ما بيها اتقربت يمها حضنتها يا حبيبتي شصاير بيج سودة بوجهي يا عمري

مريم: حضنتها بجيت

زمن: فدوه لدمعة من دمعاتج يا عمري كولي يالله

ياسر: صدكي تاذينهم بهل الشكل اقري قرآن اذكري الله ميصير يا بابا

حيدر: كومي يلا نروح شصاير بحالج عايشة بالكبور

ياسر: نروح لبيت صديقي وبعدين نروح لأمير نزورها حتى يبرد كلبها

مريم: اخذوني إجباري رحنا لبيت صديقه لياسر موسوي سيد استقبلونا هم دخلوا يم الرياجيل
احنا يم النسوان اكو حجية كلش جبيرة بالعمر وبشرتها بيضة صاحتني يمها

العلوية: يمه فطم جيبي الها مي من الأمير

فطم: هاج يمه

العلوية: يمه اشربي منها وغسلي وجهي وبردي كلبج

مريم: أخذت شربت منا وغسلت وجهي

العلوية: تعالي اقرأ الج آيات

مريم: خليت رأسي على رجليها ضلت تقرأ آيات احس مثل البرودة نزلت على كلبي شوية شوية نعست وبعد ما أدري

زمن: اووي حبيبي ذبلانه

العلوية : يمه غطا لاخيتج خليها ترتاح
........

حيدر: بقينا يمها صار الغدا وشربنا جاي طلعت برا
شربت جكاير واتصلت على زمن

زمن: هاا حيدر

حيدر: شلون صارت

زمن: نايمة بعدها

حيدر: كعديها حتى نروح نزور

زمن: يي هسة قفلت الخط اتقربت منها مريومة
حبي يلي اكعدي

مريم: جنت حلمانه بابا وماما مبتسمين واني فرحانه كلش واركض اريد اتقرب منها يبعدون اركض اريد اوصل المسافة تكثر فزيت