سجينة الضابط

تكملة البارت الثامن والعشرون

مريم : شنووو انفجار يعني صدك صدمة فوك صدمه متوقعنا هالشيء

زمن: مااا اخذوني لو اروح وحدي

جواد: بس نسبح ونبدل نطلع عفتهم وصعدت

مريم: كومي غسلي وجهج البس عباتج

زمن: كمت بجسم تعبان وروح مسلوبة لفيت حجابي ولبست عباتي كعدت براا

مريم: كملوا الولد ونزلوا

جواد: نور ابقي هنا وخالة لا ترحين ولو تعبناكم بس معدنا واحد  ابقي وياهن
وزمن ومريم يلاا كومن

مريم : صعدنا بالسيارة وصلنا للمستشفى
يمشون واحنه وراهم جان اكو أصدقاءه موجودين وياسر وعمار والكل

ياسر: شفت حبيبت روحي متغيرة مثل الطير المكسور جناحه العيون الذبلانه والوجه الشاحب متقدمت اله لا تعيد نفس ذاك الموقف شباب الانتظار بلا فائدة روحوا ومن يصير شيء اني أخبركم والله استاذنوا وراحو

زمن: التقيت بياسر بعد فترة طويلة مسوا اي ردة فعل بعد السويته مينغفر كعدت منتظره يدخلوني حتى اشوفه

جواد: دكتور نريد نشوفه

الدكتور: ميصير ما مسموح

جواد: تره ميصير عاد بس اخته

الدكتور: اعتذر منك ما مسموح

جواد: رجعت الهم

ياسر: هاا

جواد: ميقبل

ياسر: هي بكيفه ميقبل

الدكتور: ما مسموح الكم تدخلون ورجاء صوتكم

ياسر: تفهم انت لو لاا

الدكتور: تعلمني شلون افهم انتا

ياسر: شو انت ما ناوي خير

زمن: دكتور فدوة بس اشوف اخوية

الدكتور: اعتذر اختي

زمن: لااا فدوووة اريدد اخوووية ضليت ابجي ومحمد ومريم لازميني بكووا

ياسر: مكدرت ابقى طلعت براا ما اتحمل ضعفها ولا اكدر اضمها عذاب بالنسبة الي

محمد: بعد ما شاف حالته سمحلها تدخل بسس هي

زمن: دخلت للغرفة ثلج ملفلف من كل الجهات وحاطيله اوكسجين حيدر اني اخيتك وبنيتك تعوفني صدك حيدر وين وعدك لزمت ايده وضليت ابجي

مريم: اتصل بابا عليه ابتعدت عنهم حتى اتصل بالممرر يلي على ياسر

عمار: بعد ما راحت مريم رحت وراها انتظرته تخلص مكالمتها

مريم: بعد ما كلمت كلامي ويا بابا يسأل على حيدر التفتت عمارر اريد امشي منا يصير بوجهي اجي منا يصير بوجهيي بعدد

عمار: كارهة تشوفيني بسس حيدر عادي تجين أن شاء الله يموت ونخلص منا

مريم: اسم الله عليه انت تغار منا

عمار: يي اغار شدخلك انت

مريم: تركته بكوا رجعت لمكاني أجه هو وكف كبالي

زمن: بعد ما خلص الوقت طلعت

جواد: اطمنتي

زمن : يي

مريم: نروح

زمن: يي يلاا

جواد: اني ابقى

محمد: اني هم

ياسر: اوصلهن وارجع اني

زمن: صعدنا بسيارة ياسر وصلنا على الصامت ما حجه شيء نزلنا دخلنا للبيت وراح بعدين

مريم: افف تعبت

زمن: حقج عمري حقق

ام مريم: شلونه حيدر

مريم: ما اعرف

زمن: حالته خطره والله كريم ادعيله خالة

ام مريم: أن شاء الله
___________________

مريم : بعد مرور ثلاثة أيام وحيدر ما صحه والولد بالمستشفى بابا ياخذني من عندهم اروح اداوم وماما تروح الصبح وترجع بليل

جواد: متنا تعب وقهر رحت سألت الدكتور شنسوي حتى لو للخارج نطلعه قابلين

الدكتور: الله كريم

اتصلت على البيت كتلهم

نور: الحمدالله والشكر

______________

مريم: اليوم نروح لحيدر لأن سمحولنا  الزيارة وصلت للمستشفى احس بإحساس غريب اول مرة احسه دخلوا زمن والكل بس اني بقيت بعد ما طلعوا صاحتلي زمن طلعوا الولد دخلت واني احس كلبي يرجف خطوة خطوة وصلت كعدة على طرف السرير داسولف اله على زمن مركزه ويا شفت اصابعة تحركن ركضنا للدكتور أجه وطلعونا ....يتبع

____________________________________
اعتذر عن قصر البارت بس تعبانه حيل اكتب وعيوني تغمض لأن نعسانه😩 لذلك توقفت لهنا تصبحون على خير