فضربه الصعيدى على راسه بالخشبه المطفيه , الخشبه أتكسرت على رأس الديب , الديب أتأثر شويه بس هجم تانى وعض بسنانه طرف جلبية الصعيدى وشدها بفكه .
الصعيدي وقع على الارض , والديب فضل يشد فى جلابيته ويجرجره منها .
والديب بيجرجره أيده طالت عصايا تانيه مولعه , من النار , فنزل بالعصايا المولعه على راس الديب أكتر من مره وهو بيقوله :
سيب الجلابيه يحرق أبو اللى جابو أبوك هتقطعها , الديب فضل ماسك فى الجلبيه بسنانه , فالصعيدى طلع أيديه من كمام الجلابيه وخرج نفسه من رقبة الجلابيه , ووقف بالصديرى والكلسون !!!
Lina Basyouni
الديب ساب الجلابيه وحاول يهجم على الصعيدى اللى جرى وفضل يلف حوالين الديب والديب كان بيلف وراه بس بصعوبه جدا .. لدرجة أن الديب تقريبا داخ و سابنا ومشى !!!
قولتله وانا فوق الشجره :
ده سابك ومشى !!!
قالى وهو بينهج وبيحاول ياخد نفسه من كتر اللف حوالين الديب:
الديب أجوى مخلوق على وجه الارض ... بس ربنا سابله نقطه ضعف واحده ... شوكه فى ضهره تخليه مايعرفش يلف رقبته , فعلشان يلف لازم يلف بجسمه كله ... لو لفيت حواليه بيتعب ويمشى ,بعد مايتف فى وشك على الدوخه اللى دوختهاله !!
ومد أيده ونزلنى من فوق الشجره .
قولتله وانا بنفض هدومى :
وأزاى عرفت المعلومات دى عن الديب ؟!!!
قالى بتفاخر :
عيب عليكى ... حدانا فى البلد كانوا الديابه ساعات بينزلوا من الجبل على الغيط .... ده فيه عيال كانوا بيصطادوهم وبيربوهم زى الكلاب!!
قولتله :
شكرا يا أسمك أيه .... اها صح هو انت أسمك أيه ؟!!
قالى:
منصف جاد عبد الحق مولى السي.....
قاطعته وقولته :
خلاص ياسيدى هو انا هطلعلك بطاقه , أنا سألت على أسمك بس .... شكرا يا منصف .
ممكن حضرتك تتفضل عشان عايزه انام !!
قالى :
بشوقك بس الديب مبينساش تاره .. وممكن يرجع تانى .... وساعتها هيمصمص عضمك
وسابنى ومشى وهو بيغنى :
جالو علينا ديابه ... وأحنا ياناس غلابه ... يامغنواتى غنى حكايتنا على البيانوليه ...
مشى بعيد عند النار بتاعته اللى كانت بتطفى ورمى فيها خشب فولعت تانى , والنار عليت , ساوى الرمل برجله .. وبرم كام جلبيه فى بعض وعملهم مخده ونام عليهم .
Lina Basyouni
قولت لنفسى وأنا بتلفت حواليا :
أيه ده ممكن يكون عنده حق !! والديب يرجع تانى ويأكلنى !!
أنت تقرأ
فيولا (منصف لاند) مكتملة
Romanceانا شغاله معالجه بالموسيقى ,وبعزف فى الاوبرا , بجيد العزف على كل الآلآت اللى تعرفها واللى متعرفهاش , بس آلتى المفضله " الفيولا ", عندى 32 سنه .. عزباء وأفتخر .. بطلة سباحة .. بتكلم 12 لغة ... وعايشه لوحدى بعد بابا وماما ما اتوفوا . فى يوم أستقبلت...
