فغطيت وشى علشان ماأشوفهمش وهما بياكلونى .....
Lina Basyouni
سمعت صوت منصف بيقول :
كيشو حه!!!.... وقف ياعنتر , بس ياعبله دى بيانولا صحبيتى!!
فتحت عينى .... لقيت الكلبين واقفين وبيلهثوا .. ووراهم منصف شايل على كتفه موز !!
وبيقولى :
وحشتينى يا بيانولا !!
رمى الموز على الارض , وقال :
عمو منصف جابلك سباطين موز .......تعالى يابه خديه بالحضن !!!
Lina Basyouni
كنت فرحانه أوى وعايزه فعلا أخده بالحضن بس الكلبين واقفين قدامى ... وشكلهم يخوف شاورتله على الكلاب وأنا خايفة وقولتله:
أيه دول !!!؟
ضحك بصوت عالى وقالى :
هههاى... ده عنتر !!
وشاور على كلب لونه فاتح...
أما السودا دى تبقى عبله !!
وشاور على الكلب التانى ..
لقيتهم فى الغابه وولفتهم عليا أكلتهم وشربتهم لحد ماحبونى ... السلعوه حست بالحنيه ... ياكش البنى أدمين يحس....
قطعت كلامه وقولتله وانا مرعوبه :
سلعوه ؟!
قالى :
اها هجين الديب مع الكلب... انا بقول عليه سلعوة ..
متخافيش بيعض بس ...... مبياكلش !!
وفضل يضحك
قولتله :
Lina Basyouni
طيب ممكن تهشهم بعيد عنى ؟!!
قالى :
قوليلى وحشتنى يامنصف لاول !!
أتعصبت عليه وقولتله :
منصف مشى الحاجات دى من قدام....
قطعت كلامى لما لقيتهم بيزوموا عليا !
قالهم :
كيشو حه ... تعالوا هنا
راحو ناحيته وقعدوا يشمشموا فيه ويلعبوا معاه!!
قومت من على الارض و نفضت هدومى وانا بقوله :
كنت فين المده دى كلها !!؟ ومكنتش بترجع على الشط ليه !!؟
قالى : Lina Basyouni
فضلت يوم تايه فى الغابه ,واللحمه الى كنت واخدها معايا قربت تخلص , طلع عليا عنتر السلعوه ... وكان جعان ياعينى رميتله حتة لحمه .. حبنى وقعد معايا ... شويه ومشى جاب مرته عبله وجم قعدوا معايا ونسونى ... كنت هموت من الجوع , وهما كمان ياحبة عينى
لقيتهم بيشمشوا وبيدورا على أكل مشيت وراهم وكانت بترزق ...أرنب يصطادوه أقطعه معاهم بالعدل وأقسمه ... صيده أصطادها فقطعها وأقسمها , وعلى كده يومين ,لحد ما لقيت ....
أنت تقرأ
فيولا (منصف لاند) مكتملة
Romansaانا شغاله معالجه بالموسيقى ,وبعزف فى الاوبرا , بجيد العزف على كل الآلآت اللى تعرفها واللى متعرفهاش , بس آلتى المفضله " الفيولا ", عندى 32 سنه .. عزباء وأفتخر .. بطلة سباحة .. بتكلم 12 لغة ... وعايشه لوحدى بعد بابا وماما ما اتوفوا . فى يوم أستقبلت...
