فيولا (منصف لاند) مكتملة

بيانولتى

فضلت أشاورلهم بأيدى وأنا بتنطط  فوق السفينه
نزل من السفينه  الكبيره  قارب صغير ومشى فى أتجاه سفينتنا , كان راكب فيه أتنين ...واحد منهم شكله هندى والتانى شكله أوروبى .

أول ما قربوا بالقارب سألونى أذا كنت بعرف أتكلم هندى أو أنجليزى ؟

Linabasyouni

قولتلهم بالانجليزى انى  بعرف أتكلم اللغتين , وأستنجدت بيهم وأنا بعيط ودخلتهم على منصف الكابينه .. الهندى طلع لاسلكى من جيبه و قال كلمه واحده  "سينتينل "

وطلب وحدة علاج تنزل من السفينه حالا , وقالهم يجيبوا المصل !!!

نزلت وحدة العلاج وخدوا منصف وخدونى .. ونقلونا على السفينه الكبيره 

أدوا لمنصف حقنة مصل وعملوا فحص ليا فلقونى سليمه .
الراجل الهندى قالى :

أنهم جم علينا لما لقونا دخلنا منطقه محظوره كان قاصده على  الجزيره اللى أضرب علينا فيها سهام ورماح !!
قالى أن الجزيره دى ممنوع حد يقرب منها أكثر من 5 أميال وحكالى قصه أغرب من الخيال وأستحاله حد يصدقها !! بس حقيقه ميه فى الميه .

Linabasyouni

فضلت جمب منصف واللى الحمد لله حرارته بتنزل ... وطلع منه صوت أنين وهلوسه.. بيقول وهو بيهلوس :

,بيانولا ... عنتر ... عبله

وساعات كتير كان يفضل ساكت  وهو نايم فجأه يقول بصوت عالى :

يابنت القرده !!!

و يرجع ينام تانى

Linabasyouni

فضلت جمبه يومين لحد مابدأ يفوق .. وعينه فتحت
أول ما شافنى قال بصوت ضعيف :

بيانولا أنتى كويسه !! .. أحنا فين !؟

و حاول يقوم من مكانه , فمسكت دراعه وحطيت ايدى على صدره وزقيته براحه علشان يريح تانى على السرير وقولتله وأنا مبتسمه وعينى بتدمع :

أحنا فى سفينه هنديه , وراجعين الهند , ولما نوصل هيتواصلوا مع السفاره المصريه علشان يرجعونا مصر... انا مش مصدقه أنك لسه عايش وقدامى دلوقتى .

قالى :

وااه  ... عيب عليكى يابه أنتى كنتى مفكرانى هموت من دبوس جه فى دراعى .......

ده انا حالف أقل من ديناصور ماموتش !!

قولته وانا بمسح دموعى :
Linabasyouni
هقولك على حاجه أستحاله تصدقها

قالى وهو بيحاول يتحرك :

لو أكده يبقى سندينى يابيانولا الاول علشان أقعد نص قاعده على السرير مش متعود على النومه دى .

سندته وجبتله مخده وحطيتها ورا ضهره .

فقال :

أحكى شوقتينى أسمعك !!