النصيب اقوه من الحب (روايات ليبيه)

الحلقه 24

اسفه طولت عليكم والله توا كيف جا الضي
#النصيب_اقوه_من_الحب

#الحلقة_24

الكاتبه Meroo Ahmad

🌹»"قراءة ممتعة" »🌺

وكانت الدار ظلام قعد ايفتش في مكان البريزة الضي
انا حسيت في حد خش خفت ماقدرتش نتحرك من مكاني
سند القي البريزة الضي 💡💡💡ولعه
كنت انشوف في ضهر راجل
انا 😨😱😱😱:وووووووووه بااااااااباااااااا
سند نقز عليا وسكر فمي بايده
سند:عنشكلك هدا انا اسكتي ونحا ايده
انا 😳انصدمت: سند
سند:اي
انا:شن ادير هنا
سند ضحك: ريفتلك وقلت انجيك
انا:كنك مجنون جايني هنا
سند: ماريتي شي من اجنوني
انا كشرت: تي شن في اكثر من هكي كل مره بوجه
سند عقد حواجبه: نفهم انك زعلانه
انا : اي واجد زعلانه منك
سند تنهد بتعب: المهم تواجيت بنقولك عرفت من الي كان يبي ايفرقنا
انا بفرحه: من
سند:مزال ما عرفته
انا استغربت: مش توا قلت تعرف
سند: توا عطيني تلفونك توا نعرفو جميع
انا: كيف التلفون مافيه شي
سند: خبط راسي بالشويا بكف ايده توا انتي هاتيه
انا: عطيته التليفون
سند: رفع التليفون مني وقعد ايبربش فيه مش عارف كيف نسيت وين كان عقلي بس
انا بعدم فهم: شنو ادير فهمني حاجه
سند: تدكري مره بعد صارت مشكله عمر ورفعت تليفونك
انا: اي وشن ليها علاقه بالموضوع
سند: ما ياغبيه بعد خديته مسحت كل شي وكسرت الشفرا وخديتك شفرا جديده
انا: اي احكي بسرعه بنفهم
سند: انتي اسكتي خليني نتكلم
انا سكتت ☺️
سند: خلاص نزلت فيه برنامج تسجيل مكالمات
انا: اتبصر صح
سند: لا وراسك المهم درته ايسجل في المكالمات تلقائي ودرتله اخفاء عشان ما اتشوفيه
انا: يعني توا نعرفو من كان وراء الموضوع صح
سند: اكيد اهو فتحته البرنامج
فتحو المكالمات وكانت الصدمة سمعو كل شي وكيف كانو ايخططو هاله وتنسيم وتهديد هاله لي تنسيم في كل مكالمه
انا: والله كنت شاكه فيها لانه كانو حركاتها غريبه بعده ادكرت يوم الفضانيه يوم المشكله كيف جت وطلبت تليفوني وحكيت القصه لي سند
سند كان امعصب وناااار 🔥🔥🔥 تطلع من اعيونه بسبب الكلام الي سمعه بس يبي يعرف شنو الي هاله اتهدد بيه تنسيم 💔

سند مسك وجهي بين ايديه: سامحيني ياميرتي عارف غلطت في حقك وقلت كلام اخخخييي والله وقتها كنت امعصب ونار شاعله فيا فكرت خلاص بنخسرك انتي ماتعرفيش اهميتك فحياتي والله كنت امصدقك وعارفك مستحيل اديري شي زي هذا لانه عارف من امربيك صح بس كنت في دوامه كيف هكي وبالخص الرسائل والمكالمات من رقمك هدا الي زاد اجنوني 🥺🥺 والله انا انحبك ❤️
انا 😭😭😢: بس كذبتني طلعتني غلطانه وماننفعش
هدي تاني مره اتقولي فيها رخيصه كنت نتكلم وخانقتني العبره كلمه ازياده بنبكي
سند: انتي تعرفيني بعد انعصب نقعد انفلم واجد وكلام ماليش طعمه بس مش من قلبي
انا نبكي: بس انت ماسمعت مني طحت فيا اهزيب وكلام زي السم
سند: اسف اسف اسف اسف اسف ياقلبي وربي كنت امعصب ماقدرتش انسيطر علي روحي احمدي ربك مادرت حاجه تانيه نحمد في ربي الف مره مادرتها
انا رفعت ليه: شن هي الحاجه التانيه
سند:خلاص انسي واحسن انه ماصار شي انك مشيتي قبل ما نفقد اعصابي اكثر
انا: بس شن هي
سند: شن تبي تعرفي قتلك كل شي انتهي خلاص 🥺
انا: بس نبي نعرف انا
سند بقلت حيله: مرات كنت غلطت وطلقتك في لحظة غضب
انا زدت في ابكاي وحطيت ايديا علي وجهي
سند ندم انه تكلم: خلاص عليش امعقده الموضوع
ماصار منه الكلام 💔🥺
انا بحزن: يعني كنت امفكر اديرها يعني انهون عليك بسرعه تقدر اتخلا عني
سند ضمني لحضنه ويمسح بايده علي راسي: وراسك ماتهوني ومستحيل انتخلا عنك بيش تفهمي انتي انا قتلك من يوم انولدتي فيه مكتوبه باسمي وليا وملكي
انا نبكي وخنقتني العبره: بس انت بعد اتعصب تبدا زي الوحش يبدا كلامك واعر وخرا زيك
سند انصدم ورفعلي راسي: من الخرا
انا ضحكت: انت خرا وحمار بس مشكلتي انحبك
سند ضحك: تعرفي الخرا هدا بعد ايعصب تعرفي شن اديري عشان يهدا
انا: شنو
سند ابتسم: اول ما اتشوفيني امعصب تعالي احضنيني طول منغير كلام لانه طول نهدا ويمشي غضبي وكل شي
انا ضحكت: امال ديما بنعصبك وانجي لي حضنك طول
اسند ابتسم: دري الي تبيه المهم جنبي نبيك
انا ابتسم ❤️: انقولك حاجه
سند: قولي ياروحي
انا: امبدري بعد كنا في المحل نحكو
سند:اي خيرا
انا: بعد خيرتك بين قلبك وعقلك
سند: اي الحمدلله قلبي طلع مش غلطان
انا: تعرف لو كنت اخترت عقلك شن درت
سند: شنو
انا: كان مابيكون في فاطمه بحياتك مره تانيه كان كل شي انتهي ونتف حط سند ايده علي فمي
سند: اسسسس رد بالك اتقوليها الكلمه هدي لانه مستحيل اتصير حتي لو اخترت عقلي انا مستحيل انخليك افمهتيي اخرلك مره اتقوليها اسمعتي
انا هزيت راسي
سند: اووووف شن بيفوت اسبوعين هذين
انا ضحكت: وكنك مستعجل
سند: ما نبيك ترقدي فحضني ديما ونصبح علي الوجه العسل وو غمزلي 😉😉
انا: اصلا انا زعلانه منك ره 😂😂
سند: عارفك بتغيري الموضوع
انا: لالا
سند: وليش زعلانه ما توا حلينا كل شي
انا: ما انا مازال خاطري مكسور منك 💔🥺
سند: معاش الي يكسر خاطرك حتي او كنت انا
انا: بعيد السو عنك 🥺
سند: كنك هكي وليتي
انا: خيرني
سند رجع خصلات اشعري وراء وذني: وجهك هكي اصفر وامبدري شفتك نازله
انا 🥺🥺: كله منك انت
سند: لو صارت بينا مشكله يعني ماتاكلي ولا ترقدي
انا: ما عندي نيه ناكل والنوم امجافيني من بعدك
سند: باذن الله معاش ايصير شي زي هدا ❤️ حبيبي توا بنمشي ناخدلك حقك منهن وصبا علي كل دمعه نزلت منك
انا مسكت في ايده: شن بدير
سند:بنمشي نعجن الكلبه تنسيم طريحه ونفهم شن امدايره والملبزه وليش هاله اتهدد فيها بعدها اندور الكلب هداك احسابه امعايا
انا: به خليك امعايا انهدرزو اشويا
سند: لا وين توا ايجي واحد من خوتك ولا باتك يفهمو غلط وغمزلي 😉
انا: مش حا ايجو توا
سند: باس راسي خلاص حبيبي بعدين نحكو توا نوضي ماترقديش مغرب تمرضي امشي هدرزي امعا البنات اشويا وباتي في بيت جدي انكسدو اليل انهدرزو تمام
انا: به
سند: مافيش حاجه حلوه قبل ما نطلع
انا ابتسم وصبيت: لا ياقلبي مافيش
سند ضحك: من توا اتقول خليك انهدرزو وتبيني نقعد امعاها 😉😉
انا ضحك: امشي امشي خلاص غيرت راي
سند: لا وين خلاص قررت بنقعد وندير حجات العيب 😂😂😂😂
انا قعدت اندف فيه ونضحك: بطل سماطه ياباااارد
سند: به كنك تضربي 😂😂😂
انا: ماهو خاطري نضربك 😂😂 وانفش كل غلي فيك
سند: والله
انا نضحك: اي 😂😂
اوصلت لي الباب
انا: توا تفضل مطرود 😂😂😂
سند: منوره علي الزه بس حطيها فراسك 😉
انا: شن بدير يعني هيا برا
سند عضني في خدي: اندير هكي افهمتي وفتح الباب طلع بسرعه
انا حطيت ايدي علي خدي:خزي تافه سكرت الباب
خشيت داخل وانا فرحانه انه خلاص معاش في حاجز بيني انا وسند ❤️ واتحل كل شي وكنت اكثر حاجه امفرحتني انه سند ابروحه عرف الحقيقه وكان امصدقني ❤️