#النصيب_اقوه_من_الحب
#الحلقه_30
الكاتبه مرام حمد
Meroo ahmad
🌹"«قراءة ممتعة»"🌺
روحو هلي من الصاله وكان الكل تعبو
ضمو البنات الحوسه علي السريع
بيسان: تعرفو جعت
نور: حتي انا امبدري ماكليت شي
ابرار: تعالو انسخنو العشاء فيه منه
بيسان: هيا ميته جوع
اريج ضحكت: قبل سندس ديما جعانه واتقول ميته جوع 😂😂😂 الله الله توا وين قاعده
نور: في حضن محمد قاعدين في العسل 😂😂
بيسان: نبي ليم خلاص خليه العشاء 😂
ابرار: تعالي انا وياك انونسو بعض
قعدن يضحكو ايهدرزو
طلعو لي المطبخ ايسخنو في العشاء
بيسان: شن رايك ناكلو هنا علي الارض
سخنو العشاء وحطن سفره كبيرا من كل شي
بيسان: نور جيبي المشروب
نور: في ببسي بس
اريج: جيبي حتي هوا راي اكويس
قعمزو البنات بياكلو
ايخشو الشباب امجد ومعتصم وخالد وناصر
امجد: اووووووه خيانه هدي
خالد جا قعمز جنب اريج: جت في وقته
وقعمزو ناصر ومعتصم وامجد
ابرار: من عزمكم انتم
ناصر: جاين بلا عزومه
نور كانت امصبيه علي الفريز اطلع في المشروب
خالد: انويرا احسبينا في مشروب
ناصر: وحتي انا
بيسان: مصح اوجوهكم
البنات ايشوفو لبعض ومنصدمين في جرئت الشباب وجوهم عادي
الشباب ماكانو جيعانين بس كان كل واحد خاطره ايشوف حبيبته
نور جابت المشروب وقعمزت جنب بيسان
وقعدو ياكلو وايهدرزو ويضحكو ويحكو في مواقفهم زمان كان الكل فرحان
تعشو الشباب وطلعو البنات ضمو الحوسه وطلعو خلو بيسان اتسيق منسجمه
ايخش معتصم: مش مصدق انه اخيرا القيتك ابروحك
بيسان انخلعت التفت ورا:بسم الله خلعتني 😳
معتصم:هههههه خيرك مرعوشه
بيسان: سلمك انت الي امرعشني
معتصم ضحك: شن اديري ابروحك
بيسان: شوفت عينك واضح
معتصم:سلمها الفالحه
بيسان ابتسمت وكملت
معتصم توتر: بيسان
بيسان التفتله : تبي شي
معتصم: نبي انكلمك في موضوع
بيسان: احكي
معتصم: بنسالك سوال مش امسامحك لو كذبي عليا وحلفتك باغلا معندك اتقولي الحق
بيسان: احكي شن خوفتني
معتصم: انتي مرتبطه في حد فحياتك
بيسان: ليش تسال
معتصم: انا حلفتك اتقولي
بيسان: مافيش حد بحياتي ولا مرتبطه بس ليش تسال
معتصم افرح: اكيد مافي حد
بيسان: والله مافي حد
معتصم ابتسم وقعد ايشوف في بيسان
بيسان: به وليش تسال جاوبني
معتصم: اقريب تعرفي
طلع معتصم
بيسان استغربت في سؤاله بس شك في حاجه بس استبعدتها 💔
.
.
.
.
.
.
اريج كانت تصفح في الفيس
جتها رساله من الفايبر
امجد: بست 😍
اريج: لا بست ولا بستين خطاني
امجد: كنه الحلو زعلان
اريج: شن تبي مني انت
امجد: اممممممم حاجات واجده 🔥😉
اريج: سخيف وقليل ادب
امجد: شن ريتي من قلة الادب انتي
اريج: بالله برا خطاني مش ناقصتك
امجد: بس طالعه طرف اليوم يافرخه
اريج: امجد لي وين تبي توصل انت
امجد 😍❤️: ليك ❤️
اريج قعد قلبها ايدق بسرعه
اريج: ما افهمت
امجد: ما انتي غبيه وادماغك امسكر
اريج: لا شفنا ذكائك
امجد ضحك عليها: اكبر دليل امبدري كيف استغليت الموقف وبستك وكيف قلبت الموقف يعتبر من انواع الذكاء
اريج:يعتبر من انواع قلة الادب وصياعتك يافهمان
امجد: 😂😂😂😂😂
اريج: 😒😒😒😒
امجد: عشكلك يافرخه ضحكتيني عنجد صياعتك
اريج: شكلك فاضي انت هيا وجهك مش ناقصتك
امجد: اريج
اريح قلبها ايدق ❤️: ها
امجد:عصا 😂😂😂😂
اريج: المفروض نضحك صح
امجد:لالا انخاف تقتيلني من ضحكتك
اريج: امجد علي شن اتلمح انت
امجد: به الي استوعبتي الامر
اريج: احكي شن
امجد: لا مش حانقولها لعند نتاكد
اريج 😍: شنهي وتتاكد من شنو
امجد:زي ما انا انفكر فيك زعما اتفكري فيا
اريج: كنك انت ما افهمتك احكي بوضوح
امجد: ياناعليا نقعد طول عمرري انلمح وهي ماتفهم خاطري نفهم شن في مكان عقلك فالحه بس في طول السان والعركه
اريج: انت الي تحكي بالغاز شن عرفني
امجد: اسمعي
اريج: نعم
امجد: اطلعيلي برا نبيك
اريج : مستحيل شن تبي قوله هنا
امجد: مانقدرش نكتبها
اريج شبه فهمت الموضوع شن 😍😍: به تصبح ع خير
امجد: برحتك وانتي من اهل الخير
سكرو هم الاتنين
كانت اريج فرحانه بطير اما امجد كان زعلانه لانه اريج رفضت اتشوفه اضايق واجد
رقد هو مضايق ومش عارف كيف يتصرف
أنت تقرأ
النصيب اقوه من الحب (روايات ليبيه)
Misteri / Thrillerروايه باللهجه الليبيه روايه تدور احدثها بين شخصيتن ابطال والنصيب يلعب درو كبير في حياتهم تنقلب 180درجه احدثها حقيقه من مجتمعنا روايه حقيقه مع القليل من الخيال
