#النصيب_اقوه_من_الحب
#الحلقه_21
الكاتبه Meroo Ahmad
🌹»"قراءة ممتعة" »🌺
.
.
.
.
.
.
.
مر اسبوع وكنا انحضرو لي الخطبه كانت يوم الجمعه
رفعني محمد انا وسندس لي السوق خديت كل شي ناقصني
بدينا في التحضيرات من يوم الخميس في اليل
كانو كل مناسباتنا انديرو فيها في بيت جدي لانه تعودنا عليه
جاء يوم المنتظر 😍😍
الي انرجو فيه انا وسند بفارغ الصبر ❤️
.
.
.
.
. خلي انقولكم شن صار في الاسبوع هذا
انا ماشفت سند لانه كنت انحضرو لي الفضانيه وبعدها الفرح طول كنت غاطسه ناخد في بتاتي عشان انكمل بدري بدري ❤️
سندس ومحمد كانت علاقتهم حلوه وتهبل وكل واحد ايكمل التاني فكانو احنينن في بعض ❤️ ايخططو لي مستقبل لانه محمد ناوي ايدير الفرح امعانا بس مازال ما فتح موضوعه امع جدي وطلب سندس لانه حكي لي ماما وبابا بس وطول الاسبوع هذا كان ايغير في الشقه وداير صيانه وكله من ذوق سندس ❤️
خالد ونور زادو تعلقو في بعض واضح كان حبهم حلو ❤️ الي مر في مشكله كبيرا كانت حا ادمر العلاقة الحب الي بينهم بس بلحظه نور الي طلعت لي المره وجت خطبتها غيرت قدرهم وخلت خالد ايخاف انه نور خلاص بضيع منه 💔 اول مره قلبه حب كان حبه اكبر من المشكله الي بينهم في لحظه نسي كل شي صار وسامحها بس عشان خايف صح اتكون نور لي راجل غيره 💔 فا الشعوره هدا مايبي ايحسه او يخطر علي باله ولو مره يبعد تفكيرها طول 👌👌👌❤️ هكي ايكون الحب الصح ❤️ وعجبني تصرفه بصراحه
.
.
.
اما اماني وناصر كانت علاقتهم نضيفه ومبنيه علي حب
ومايخلاش امر من امجد الي زارق بينهم ايغار هلبا علي اماني واغلبية الوقت ياقاعد امع اماني يا اما ناصر مش عاطيهم راحه يتكلمو امع بعض ❤️🔥
اما بيسان زي ماهي مشاكل امع ايوب
وابرار واريج زي ماهن ❤️
اما هاله وتنسيم كانو ايوتو لي خطتهم وكل شي جاهز
.
.
.
.
.
في اليل البنات كسدو حنوني جت الحنه اتهبل لانه عارفه سند ايحبها
رقدنا بدري لانه ورانا يوم طويل
الصبح نوضتنا ماما
فطرنا وكانت كل العيله موجوده
البنات ايجهزو كل شي وكانو نور وابرار شارفين علي التنضيم والتنسيق وكل شي جابو الشباب منظومه اغاني ولعنها البنات الجو كان اكثر من رائع
امع الساعه 12 رفعني محمد لي المزين امعايا سندس
بدت فيا المزين وطلبت منها اديري ميك اب خفيف
وتسريحه عشان اشعري كان طويل قتلها اديره افلو بس فيه رفعه وكملتلي وبدات في سندس حتي هي طلبت ميك اب خفيف كملنا قريب الساعه 4:30
رنيت علي محمد جاء رفعنا لي البيت كل اشويا ايبحت في سندس من المرايا ويبتسم
أنت تقرأ
النصيب اقوه من الحب (روايات ليبيه)
Mistério / Suspenseروايه باللهجه الليبيه روايه تدور احدثها بين شخصيتن ابطال والنصيب يلعب درو كبير في حياتهم تنقلب 180درجه احدثها حقيقه من مجتمعنا روايه حقيقه مع القليل من الخيال
