#النصيب_اقوه_من_الحب
#الحلقة_29
الكاتبه مرام حمد
Meroo Ahmad
🌺"«قراءة ممتعة»"🌹
فات الوقت
عند البنات كانو جايبات مزينه في البنت كملتهن بسرعه
عشان مكياج بناتي خفيف ماياخد وقت
قعدو يلبسو لانه وقت علي الصاله ضروري ايرتبو كل شي ويستقبلو الضيوف
قعدو ايطلعو في الدبش الي بيرفعو الي الصاله
وكان من الشباب الموجودين
ناصر ومعتصم وامجد وخالد وايهم وامعاهم بابا وعمي عبدالله
اريج كانت طالعه من المطبخ بالصدفه ايخش امجد اريج كانت رافعه سلة المناديل وكانت لبسه قفطان قصير وضابط عليها لونه زهري ❤️ ورافعه شعرها طالعه اكيوت امع الحنه البسيطه وميك اب خفيف
امجد قعد فاتح فمه🤤🤤😍 ومسبوه في جمالها وجسمها وكيف طالعه حلوه زي الاميرات
اريج لحظت امجد ايشوفلها وامدقق فيها
اريج: كنك شن تبي خاش
امجد ذايب فيها 🤤🤤: من انا
اريج: لا الجن الي وراك كنك اتشوفلي هكي
امجد هز راسه: ليش لبسه هكي
اريج:وانت شن دخلك نلبس هكي ولالا
امجد: قصير واجد يافرخه
اريج: عادي حفلة بنات ومافيهاش راجاله 😒😒😒
امجد: ومحمد وسند الي بيخشو ماهم رجاله ولا كيف
اريج:عادي زي خوتي وانت شن حارق دمك 😏😏
امجد:خوتك معتصم وخالد بس
اريج:اطلع من حياتي عليش تدخل بكل شي ساد المشكله الي درتها وغلطت فيا توا بتدخل في لبسي واجد هكي
امجد كان مايبي حد ايشوفها هكي :ما اتعصبني يا اريج بري غيريه قفطانك
اريج بتحدي :لو تنطبق السماء ع الارض مش امغيره شي بعدين من انت عشان تحكم فيا لاك خويا ولا خطيبي ولا بابا عشان تحكم مجرد ولد عمي بس
وجت ماشيه امجد مسكها من ايدها
امجد متعصب: قدها انتي
اريج نحت ايده: اكيد مايحكمش فيا حد
امجد: العب امعايا واعر 🔥
اريج: وشن بديرلي مثلا عشان انخاف منك 😒
امجد جبدها ودخلها لي المطبخ وسكر الباب
اريج: تي بعد خيرك اهبلت اشويا وطيحتني
امجد ضحك: مزال ما شفتي شي من اهبالي
وقرب عليها
اريج انتبهت انه امجد اقريب منها واجد ارتبكت
اريج بصوت يرجف: امجد قاطعها امجد
امجد ضحك :ههههه وين الي توا قويه وتحدا فيا مانشوفش فيها وين
اريج: بعد يابارد
امجد: كنه وجهك هكي احمر وزاد قرب عليها مسكها من خصرها وقربها ليها
اريج: شن ادير انت بعد
امجد: ماهو انتي قلتي شن بدير مثلا اهو وريتك شن نقدر اندير ياسمحه
اريج بخوف: بعد توا ايجي حد يفهم غلط
امجد ضغط عليها: عادي ايجو
اريج كان ضاغط عليها ماقدرت اتفك روحها منه: كنك حقير هكي بعد اأ سكتها امجد بوسه 💋😘
اريج انصدمت في نفس الوقت قلبها يخبط في التانيه 100 مره ❤️❤️❤️
امجد: شفتي الحقير شن دار
امجد: نصيحه مني كل ما اتعاندي بنعادك وفهمك كفايه
اريج: خزي حقير بعد عني
امجد:قرب من وذنها مش قتلك العب امعايا واعر 🔥 اهي اول تجربه المره التانيه اتكون حاجه اكبر من هكي
اريج دفاته بقوه من عليها
اريج:منحسابش هكي تطلع نذل وتفكيرك حقير زيك
امجد مسح فمه وكان فيه اشويا من روج اريج
امجد ابتسم: بالمناسبه روجك حلو ويقتل بس للاسف مسحته وهكي احسن 😂😂
اريج: واطي 😡
امجد: اعصابك اشوي بيبي 😂😂😂
اريج: والله اتشوف يا امجد وطلعت بسرعه تجري قريب طاحت من الكعب 😂😂😂
أنت تقرأ
النصيب اقوه من الحب (روايات ليبيه)
Mistero / Thrillerروايه باللهجه الليبيه روايه تدور احدثها بين شخصيتن ابطال والنصيب يلعب درو كبير في حياتهم تنقلب 180درجه احدثها حقيقه من مجتمعنا روايه حقيقه مع القليل من الخيال
