#النصيب_اقوه_من_الحب
#الحلقة_25
الكاتبه Meroo_Ahmad
🌹»"قراءة ممتعة" »🌺
نحنا انهدرزو ماحسينا بالوقت سمعنا الاذن
سند: خلاص حبيبي خشي ارقدي
انا كنت نعسانه: به تصبح علي خير
سند: وانتي من اهلي ❤️
انا ابتسمت ورفعت الكيس الي جابه سند كان امعبه شكلاطه
سند: خليها الصفره توا انا انزلها
انا; تمام ياروحي
ونزلت صليت الفجر طول رقدت جنب سندس لانه البنات كلهم روحو
نزل سند حط السفره
ومشاء لي شقتنا ❤️ صلا الفجر ورقد بتعب
في الصبح
ناض سند ورفع تليفونه وبعت رساله لي شخص
سكر التليفون وتنهد تنهيده طويله هو افكار ترفعه وافكار اتجيبه يبي ايحلها بسرعه من غير مشاكل
.
.
.
.
.
عندي نضت اناوسندس نوضتنا اجديده فطرنا
لمينا الحوسه وقعدت اجديده تعطي فينا نصايح وكل وحده ماليها الا حوش راجلها والحاجه التصير بينك وبينك راجلك ماتطلعش من الحوش و اهتمي بنفسك وبراجلك ونصايح واجد 😂😂😂😂 انتم تعرفو العزيز وعاداتهم في الافراح
المهم اتفقنا انا وسندس بعد العصر نمشو لسوق
خليت سندس ادير في الغداء لي جدي
طلعت لبيتنا القيت البنات امنضفات البيت وامدايرات الغذاء وماما ماهناك
انا: وين ماما يانور
نور كانت امكسده عاي التلفزيون TV
نور نقصت الصوت: طلعت هي ومحمد لي المحلات الذهب
انا:بياخدو ذهب لي سندس
نور:اي
انا: مفروض مشت اختارت ذهبها ابروحها مش غريبه هي
نور ضحكت: تي سندس كل شي اختارته هي حتي الذهب بتختاره
انا: اكيد هي بتلبسه ف لخير
نور:اكيد الي بتختاره ماما بيعجبها
انا: ان شاءالله
نور:تعرفي كساد بكل امتي ايجي العرس نبي انهيج فيه
انا ابتسمت:خلاص هانت كلها اسبوعين بس توا يمشو بسرعه
خشت علينا بيسان
بيسان: نبي نمشي امعاك لسوق كان بتمشي
انا: اليوم ماشيه نا وسندس تعرفي امس ما خدينا رحتنا في الاختار امقيدينا محمد وسند
نور: كله ولا بعد خشينا محل ارواب كيف بحتو في بعض قريب ساعه وبعد ضحكو وبعدو عن المحل
انا ضحكت 😂: عليك تزليطه😂😂
نور تضحك: بكل الحق موقف 🔥 كل واحد جايب اخته عشان ياخدها التاني 😂😂😂
بيسان: ربي ايهنيكم يارب ويسعدكم 😍😍 ياريت نهاية كل اتنين ايحبو بعض زيكم مش زي نهايتي خيانه وكذب وحب مزيف 💔
نور: مازعليش روحك ع خاطر واحد مايتساهلك
انا: حبيبتي توا ربي يبعتلك الي احسن منه وايحطك فعيونه وايحبك وايصونك وايخاف عليك ❤️
بيسان مسحت دمعتها: ان شاء الله اصلا قرر ننسا لانه من هوا لين يكسر قلبي مايستاهل ولا ذرة حب مني
صح كانت تجربه فاشله بس تعلمت ما نوتق في اي شخص ولا نعطي حد اكبر من حجمه
نور:توا ايجيك سيده والي ارجل منه ايحبك وايكون صادق امعاك
بيسان:لالا انا سكرت باب الحب خلاص بنركز في قرايتي ونتخراج وانحقق حلمي ❤️
انا:ربي يهديك
بيسان:يهدي الجميع
انا:وين اماني
نور: راقده
انا; لي الوقت هدا
بيسان: عاد ماما مش قاعده واخده حريتها
نور:خلوها ترقد شن امضايقه عليكم ماهو البيت نضيف والغداء ع النار شن بدير يعني كان ناضت
انا:تي حي عليها لو تجي ماما وتالقها راقده
بيسان:ههههه ماما اسلاحها الشبشب في نص نومتك تخبطك حاجه زي الرصاصه 😂😂😂 اتنوض مفجوع تالقه وجه امعصبه وقارنه حواجبها بمعني انه وره طريحه وهزيبه
انا ونور 😂😂😂
نور: به نوضنها قبل ماتجي ماما اصلا طول هي في النوم
نوضنا اماني هدرزنا اشويا وجت ماما ومحمد
سلمو وكان محمد فرحان واجد واضح الفرحه في اعيونه الكل املاحظينه
المهم شرو عالقتين و8 اسورات و6ختم كانو واخدين ختم وامعاهم الدبله لانه محمد ما دار تلبيسه بي ايلبسها في الفرح وامعاهم ساعه ❤️❤️ كان ماشاء الله ذوق ماما حلو ❤️
ومحمد خدالي هديه عالقه واسورتين وخاتم
أنت تقرأ
النصيب اقوه من الحب (روايات ليبيه)
Misteri / Thrillerروايه باللهجه الليبيه روايه تدور احدثها بين شخصيتن ابطال والنصيب يلعب درو كبير في حياتهم تنقلب 180درجه احدثها حقيقه من مجتمعنا روايه حقيقه مع القليل من الخيال
