وصلنا حوش جدي قتلهم اني خلاص بنعيش هني مع جدي طبعاً مسألة حد مني فيني لان محدش دورنا ولا سأل عليا وقت كنت بايتة هني ووقت تسكر حوش العيلة مسألوش وين مشيت ولا وين بتت
جدي رحب بيا ودار عزومة للأقارب وعرفهم عليا واني بنت بنته وكلهم يقولوا:بنت اللي متتسماش تو نشوفوا ربايتها هديكا اللفعة
اني في داخلي:والله لما نوريكم نجوم اليل في نص النهار يا فانص انت وهيا😏😏
جي يوم الجلسة واني مرقدتش ليلتها كنت على احر من الجمر طبعاً كل دفعتي جو لأنهم بيشوفوا اول جلسة ليا كانوا كل أقاربي موجودين وكانوا قدامي ثلاثة مرآة ودور رجالة ووحد منهم جدي وواقف بعيد وراي مالك وراكان في الباب واقف سراج كان مقعمز وجلس انه في شيء غريب هني ليش الكل هناك؟!
علي(جدي):نفتتح هذه الجلسة بِسْم الله الرحمن الرحيم
(كله من راسي راه)
القاضي التاني واسمه فهد:نحن اليوم ينفتحوا قضية معلقة ليها اكثر من ثلاثين سنة وبسم الله يبدأ المدعي العام
القاضية المرأة اسمها ريم:بس قبل خلّصونا نعرفوكم على القضية القضية هادي تتهم مرآة بالسحر وتخريب البيوت اتهمتها بيها حماتها ومع ان المرأة متوفية اصرت المحامية انها تبي تعاود فتح القضية
الاقارب كلهم انصدمت وابتسامة المكر على وجه عُلا وصالحة كانت مصدومة وخايفة بس هيا مطمئنة لان معندهمش دليل ضدها
المدعي العام كان شاب اسمه رمزي:اني وبعد رويتي للملف هادا لقيت مفيش داعي لفتح القضية ومنعرفش السبب اللي يخليك مصرة يا آنسة عُلا بس وكما شفت مفيش دليل يثبت براءة خديجة او ادانتها وهادا ما عندي
عُلا ابتسمت بثقة كبيرة وبنصر فقال علي:تتفضل المحامية وتقول ماعندها
اني تنفست والفتن لمالك اللي ابتسملي هوا وراكان وهمس:انت على حق
تقدمت وقلت:اني ياسيدي جيت هني وفتحت هادي القضية المعلقة زيما تقولوا لانها بالنسبة ليا بصمة عار نبي نفضح كل شي نعرف الحق .. بس هادا مش موضوعنا حالياً .. وقبل موضوعنا بنسأل سؤال بعد اذنكم
فهد:تفضلي
اني:عمركم سمعتوا بمُتَّهِم يتحول لمُتَّهَم؟
الكل شافولي باستغراب وتحولت نظرة صالحة بخوف فقالت ريم:لا ليش
اني:لان هني بتسمعوا واني نتهم صالحة نوري بالقضية هادي ياسيادتكم
كلهم شنقوا بصدمة وشبحوا لي صالحة بعدين ليا اني اما سراج كان يحس بالفخر بأخته اللي دار اللي مقدروش عليه كلهم مع ان هيا البنت وهما الرجالة
ريم بصدمة:وين دليلك
اني:اصبري كل شي وليه وقته
صالحة وقفت وقالت بانفعال:كيف تتعمق عمتك يا قليلة الرباية
اني:وانت كيف تتهمي مرت خوك؟
قعمزت وسكتت واني كملت:في خد عنده اعتراض لحد هني لأَنِّي يمكن نسكت
وقف راجل عمتي:كيف تتهميها
راكان:نعلمك كيف مشت وفتحت فيها محضر و...
مالك من بين سنونه:راكان
سكت واني مدورتش راجل عمتي وكملت:الأدلة عندي كلها وعندي ثلاثة شهود
سراج أنصدم من الثنين اللي هوا ميعرفهمش!
اني:سراج لو سمحت
سراج وقف بس قال:يمكن لان الموضوع كان في طفولتي مينخداش بالشهادة
ريم:اي معاه حق
اني:تمام
صالحة حست بنوع من الارتياح بس قبل ما تكملوا طلب القاضي فهد تنزل المتهمة وتوقف هني قدامهم وجلبوها اثنين من الضباط وقَعَدت واقفة تشبحلي خاطرها تقتلني بعيونها
اني:خالتي ريهام
انصدموا كلهم عدا راكان اللي مثل روحه مصدوم حتى هوا معاهم بس مالك كان متوقع مني الشي هادا وابتسملي وهوا يشوفلي رافع حاجبه واني ابتسمتله وكأني نقوله بش تعرف بس
خشت خالتي ريهام وقَعَدت نشوفلها وهيا وقفت في مكان الشهود وقالت:اني متكذبش ولا ننكر حقيقة اني تعاملت بيه اني ومرت خوي بس والله ماكانت خديجة معانا وربي ان شاءالله يستمحني لأَنِّي تباين معاها مع اللي مايخاف الله وربي وصالحة دفعتلي مبلغ كبير باش وتبلى عليها
صالحة عيونها قريب يطلعوا فيها
علي:بارك الله فيك تقدري تطلعي
هزت براسه وجت قتلي:ربي ينصرك يارب
ابتسمتلها وطلعت قتل لصالحة:لحد هني ولا تبي تجاذب العيلة بفضايحك؟
صالحة بإنكار:تكذب انت دفعناها باش تتبلى عليا
اني:تمام انت همي تبي الشاهد التاني روبين
خشت روبين واللي هيا ام راكان وكان يتمنى كل شي ولا يشوف أمه في هذا الموقف تمنى الارض تبلغه وقتها بس شد حيله وحتى جدي تمنى مل شي الا بنته ومرت ولده يجو يشهدوا في مكان زي هدا
روبين:اني غالطة بحد في حقها خديجة وان شاءالله تكون مسامحتني هيا وصغارها ونبي نشهد ضد صالحة نفس كل كلمة نطقتها ريهام قبلي وصالحة هيا راس البلي
راجل عمتي متحملة هادي الصدمة وقريب اغمى عليه بس شد حيله اما ولدها متحملش كان يبي يمشي يقتلها قدام الكل وهيا قاعد تنكر
اني شبحت لمالك وقلت:لو سمحت
تقدم من القضاة التلاتة وأعطاهم الفيديوهات وعرضوها والكل انصدموا اللي كان عنده أمل فقده اما هيا قالت انه تركيب وفي الاخر واللي خلى الكل يستسلم الصوتية💔
الصوتية كسرت امالهم وامالي وخلت الكل ينصدموا حتى صالحة قعدت تشوفلي بصدمة وقالت:من وين جبتيه
علي:انحكم على صالحة انها مذنبة
ريم كانت ساكتة ونزلت دمعتها لما شافت ان اغلب اللي في القاعة يبكوا ومصدومين
فهد:عشر سنوات في السجن النسائي
اني قربت منها وقتله:شفتي يا عمتي كيف فاتت اكثر من ثلاثين سنة وانفضحتي قدام الكل ماما كانت مضلومة واعوانه الكل عرفوا الحقيقة توا اني هادي وين استريحت لما خديتلها الحق منك ياللي متتسميش
ومشيت وهيا انهارت ورفعها طول للعيادة .. طلعت من القاعة ورفعوا الجلسة واني خشيت لغرفة موجودة وقعمزت نبكي خشوا مالك وراكان
راكان:درتيها ياقدر
وكان مبتسم بس فيه في عيونه دموع رديا:سامحني دخلت امك في حاجة زي هادي
راكان:ولا يهمك
مالك:وتوا نمشواْ كل حد في طريق؟!
اني:عينك معاكم لحوش جدك ياهيبة .. عندي سؤال توا علاش قلت لإيمان امي؟
راكان:ربتني هيا ماهوا وهيا مع انها مرت بري الا انها ام اختي فهيا امي حتى اني
وبعدين طلع يلي يشوف امه قبل ما تمشي وقعدنا حني الزوز في الغرفة بروحنا
مالك:انت اقوا من اللي توقعته!
اني قعدت نشبحله بعدين حضرته بدون وعي وقَعَدت نبكي:خديت حقي وحق ماما يا مالك
هوا تجمد في مكانه ومعاش عرف شن يدير بعدها عليه بهدوء وطلعوا مع بعض للسيارة ركبت من تالي وركبوا الزوز من قدام وكان مالك وجهه ألوان ألوان من الحشم اول مرة يقرب من بنت للدرجة هادي
راكان:تي خيرك عرق ياراجل؟!
مالك:أسكت من عليا
اني:حقا راكان عادي نخطب اختك لخوي؟
راكان:اسأليها هادا شورها مش شوري
اني:تماما😊😊
وصلنا حوش جدي ولقيتهم مدايرين حفلة غادي وحتى خوتي وبابا غادي وكل وحد حضني وباركلي كأني تزوجت🙂🙂
المهم تلاقوا مع حلا وعبدالله قعد مفنص فيها سنة وهوا يحسابها اني نبصر عليه وبعدين قعد يشوفلنا الزوز😂
اني:بابا بنقعد هني اني راه
بابا:ديري اللي يريحك لكن العيشة في حوش جدك واعرة راه
اني:تمام
روحوا وقَعَدت مع اختي وريان ورزان
اني:رزان مرتبطة؟
رزان باستغراب:لا
اني:تقبلي كان جي خطبك حد؟
رزان:على حسب الحد هدا
اني:خوي يدور واني الحق عجبتيني قلت خلي نسألها
رزان:قبل مايعرف؟
اني:ومن زيه كان يأخذ وحدة زيك
بعدين شبحت لي ريان وقتلها:وانت خيرك أربعة وعشرين ساعة بوشاح متنحيش فيه؟
ريان ارتبك مشي قالت حلا:ماهي صهباء شعرها لونه زي الأحمر البرتقالي ومتحباش
اني:كيف ماهياش هبلت شكلها؟ تي نحس خلي نشوف
نحت وكان شعرها قصير زي الولد قاصاتهلكن تهبل اما اني الفرق بيني وبين حلا انها حتى هيا شعرها قصير لا وجها بس طوله اما اني لا ركبتي😅😅
شكلي بيضة وعيوني قهوي فمي احمر وصغير خشمي واقف وشعري قصلي داكن وقصيرة
اختي نفس الشي بس أطول مني اما ريان عيونها عسلي فاتح فمها تحسه منفوخ بفلر😂خشمها واقف وشعرها زي الأحمر بيضة حتى هيا ومتوسطة في الطول
نادى علينا راكان تبتسموا البنات لبعض واني زي المسبوهة مش فاهمة خيرهم
______________________________________
وبس ان شاء الله عجبكم
