نضت الصبح وتليفوني يرن مبطلش رديت لقيته أستاذ الجامعة:السلام عليكم عُلا وينك ضروري تجي توا
اني:دقيقة مسافة الطريق ونكون عندك
بدلت ونزلت جري طلعت من الحوش نهرول نعتبر نوعاً ما وصلت للجامعة لاقاني هوا ودكتورة ثانية ومشينا مع بعض للقاضي وامتحني بقضية غريبة وحلبتها وقالي انت توا محامية قتله:لو سمحت القاضي علي صح؟
-ايوا القاضي علي
اني-نبي قضية الساحرة خديجة مرت محمد اعطيهالي
شبحتلي بنظرة مستغربة وحمقانة وقال:علاش!؟
اني:نبي نشد قضية امي
وقف بصدمة وقعد يشوفلي وبعدها حضني وقالي:انت بنت خديجة اااااه بآدميتنا بنتك ياخديجة بتشد قضيتك قداش ليا مشبحتهاش وتوا هيا قدامي نشوف فيها
اني:حرام ياعمي
علي:ناديني جدي اني جدك يابنت خديجة انا بوها يابنت بنت الحمدلله من كان يتوقع نتلاقى بحفيدتي في قضية أمها سبحان الله لا اله الا الله
قعدت نبكي واني شادة فيه ونعيط ونقوله:بابا تزوج يا جدي بابا بدل ماما ياجدي بدلها حرام عليه كيف هكي؟!
وقعدنا حاضنين بعض ونبكوا على الزمن اللي فرقنا ومخلاناش نتلاقوا مع بعض من اكثر من عشرية سنة
قعمزنا مع بعض نهدرزوا ويحكيلي على امي في طفولتها وكيف طفولة سراج وقعدنا مع بعض يجي للمغرب وبعدين روحت وقتله تو نتلاقوا كل فترة وكل يوم
روحت لحوش العيلة كلمت مالك قتله تلاقيت مع جدي قلي اني مروح بيه توا يحكيلي على بنت خديجة وكيف شكلها ومحلاها شكلك صاروخ
اني-مشيها على غيري مستحيل معمركش شفتني
-😅ميقدر حد يمشيها عليك شكله
-بش تعرف بس😎😎
سكرت منه ورقدت ومشت أيامي هكي من جدي لمالك للخدمة لحوش العيلة لين جي عرس خوتي وعزمنا حتى خوالي سراج حلف انهم يجوا وقرروا يجو بالفعل وجت ومرة مرة نتصل بايناس نطمن عليها تقولي انها خايفة ترعش ومتوترة موت مع ان العرس قعد مبداش😬😁اول ايام العرس
ريهام قريب تموت لان سراج تزوج بالسرعة هادي وفاتها ومفكرش فيها حتى مع انها عندها غيره لكن تبيهم الكل يفكروا فيها عليك انانية😒😒
تم العرس وفاتت الفرحة واني فيا غصة تمنيت ماما كانت معانا مش مرت بابا💔
مشيت ثاني يوم للخدمة وشديت قضية ماما وكان الضابط اللي شادها هوا مالك وواحد اسمه راكان وكان ولد عمه اي ولد خالي الثاني تعرفت عليهم نحكيلكم
الشرطي:انت مدام قضية شنو شادة؟!😳
اني😒:قضية خديجة
الشرطي:ايه ايه تفضلي معاي لمكتب الضابط اللي شادها
مشيت ورآه واني نشوف في الموقوفين واقفين على الحيط ويديهم فرق من ساعات .. شفت زوز بنات انصدمت وصدمتي كانت اكبر لما لقيت وخده منهم واحدة مألوفة!! اني:ريماس؟!
تلفتت وحضنتني وبدت تبكي(هادي زميلتي في الثانوية)
ريماس:ليسولي تهمة تهريب مخدرات لقوهم في الجامعة يا عُلا😭😭😭
اني:نعطي القضية لواحد قدير يقدر يظلعك بريئة بس انت بريئة ولا لا؟
ريماس:والله بريئة وأقسم بالله العظيم مظلومة
هزيتلها راسي بمعنى باهي ومشيت كملت مع الضابط طق الباب وسمعنا تفضل نت الداخل مشي الضابط وخلاني اني خشيت .. كان فيه زوز شباب واحد منهم مالك والتأني منعرفاش قعدت واقفة صفر التاني بإعجاب وقال:من الصاروخ
شبحتله بانزعاج فقال مالك:تفضلي قعمزي
قعمزت وهوا شبك يديه مع بعض واتكى عليهم براسه وقال:من معانا
اني:المحامية عُلا محمد دلّني الشرطي على الغرفة هادي وقالي الضابط فيها شاد قضية خديجة لو سمحت نبيها
مالك:وشن يخليني اعطيهالي؟!
اني:دير روحك تتسهوك توا
الولد التاني يلعب في لعبة التصويب متع يحدف حاجة زي السهم على اللوحة المدورة ويشوفوا وين تجي حذف وحدة جيهتي مرت جنب راسي وقال:احترمي نفسك قدام الضابط مالك
اني:وانت منو؟!
هوا:مساعده راكان يا عُلا محمد
اني:اتفقت مع القاضي علي اني نشد القضية وسمحلي
راكان بحماقة:كيف يخلي حد غريب يشد قضية عمتي!؟
اني:شكلك راقد على ودانك عمتك اللي تتكلم عليها امي يا بابا ومن حقي نطلعها بريئة
شبحتلي بصدمة😳وقال:مالك انت عندك علم صح؟
مالك:ايه وتوا بنت عمتك معانا في القضية وتقدر تحل مش مشكلتها هيا بس مشكلة غيرها حتى هما
قعدت نشبحله باستغراب😐😐وراكان يشبحلي بشبحة مستفزة شوية وقال:تعالي معاًنا اول حوش جدك
اني:سراج يقصلي رجليا
راكان:اووو سراج كبر وصار منه😄
مالك:بلا برادة زايدة عن اللزوم .. نوضي معانا هيا في خذ ضروري تشوفيه
نضت معاهم وطلعنا ركب مالم في السيارة وكانت كبيرة وكتعليم واضح ان نوعها راقي بس معنديش في السيارات المهم ركبوا واني قعدت تشبح وخائفة منبيش نركب مع حد غريب
راكان:ها بتركبي ولا شنو؟!
اني بخوف فتحت الباب وركبت من تالي وهما من قدام السيارة ربحتها صنة رجولية قوية ومصقعة المكيف على قوته قعمزت وراهم
راكان:تو قوليلي كيف مخليينك خوتك بلا وشاح
اني:سراج ميهماش الا يضرب بسبب ولا بدونه واحمد واحد تافه اربع وعشرين ساعة يكلم في البنات وأيهم على حاله أنس مسافر وعبدالرحمن كل شي شهادة عنده والباقي ميهماش وعبدالله اصغر مني
مالك:وبوك
اني:بوي لاهي في مراته الجديدة .. حقاً مجيتوش للعرس أنتم ولا جئتوا
راكان:اني مشيت في الكساوي الزوز
مالك:جيت حتى اني
رِن تليفوني لقيتها ايناس رديت:شن تبي مني وانت متزوجة امس
راكان شرق بالضحك وإيناس:باللهي شن؟
اني:شن تبي
ايناس:انت وين اليوم صباحي
اني:عندي خدمة مش فاضية انت مفضاك تتصلي بيا على خاطر صباحك وين امك وخواتك؟
وصكرت عليها وراكان يضحك عليا قتله:ضم فمك انت التاني مش ناقصني غير انت
وصلنا حوش خوالي وكانوا حياش بحدا بعض كبار هلبا وراكان يقول:هادا اللي في الوسط حوش جدك اكبر حوش .. اللي في اليمين حوش بوي نيزار ويجنبه حوشي اللي مبني على فاضي وبجنبي حوش خالك عبدالحميد واللي في اليسار حوش بو مالك وبحداه حوش مالك
مالك:خش انت وياها مش وقت خلال
خشينا وكانوا هناك نساوين ورجالا
إيمان(ام راكان):أهو جو الضباط مشاء الله اللهم بارك
راكان:منورة يام
مالك:جبنا معانا ضيفة وين حلا؟
ريان(اخت مالك):استنى ناديهالك
ومشت تنادي فيها وجت هيا وياه شوي ناداني مالك ولما خشيت لقيت بنت نسخة مني واقفة قدامي قعدنا نشبحوا لبعض والكل يشبحولي بصدمة على خشة جدي علي وتفاجئ بيا
اني:هادي من؟!
حلا:اني مفروض نسأل؟
_____________________________________
وبس لحد هنا
