نيران قلبي

part 1

نيران قلبي
بقلم هدى
البارت الاول

---------

- ولجن يمعزايات كعدن ماشبعتن نوم
شكم مره اني مانعتجن من السهر ماتبطلن ،
شمم كومي شنو ميته

- هااااا ماما

- ووجعا لج ساعةة 11 الظهر وكت غده

- اهووو بس اني خابصتني ماتكعدين ذني التنبل

- دكومي كومي وكعدي رنيم وياج عوفي ليال وحدها تكعد

- حبابه بس دقيقتين
حطيت راسي عالمخده جان تعيط بصوت کمزتني

- اي اي كايمه بس اكعد رنيم واجي وراج

- يلاا بسرعه

نزلت هية وباوعت عالساعه بعدها 10:30 هاي امي لازم تزود نص ساعه رجعت نمت يمكن عشر دقايق وسمعت عيطة امي من جوه طفرت اكعد رنيم

- رنيم رنوو كعدي هيو

- همممم شتردين

- كومي كومي امي خبصتني كعدن ماكعدن

- اي اي نزلي واني وراج جايه

- لا حبيبتي ننزل سوه امي متحلفه بينه تردين اكلهة وحدي

- اي كعدت انتي كعدي ليال وتعالي

- ماتقبل ست الكل كالت بقي ليال نايمه بس احنه تريدنه للكراب

- هههههههه شكد تغارين منهة

- دمشي امشي

نزلنه غسلنه وطبينه للمطبخ اجت اسراء تزرل بينه كالعاده

بدينه نعزل اشياء بسيطه وماما تطبخ

دخلت ليال وگالت
- صباح الخير

- هلة هلة بسورها ونورها هلة ببنيتي الحلوه

رنيم،شمم - اي واحنه بنات البطه السوده

- اكول انجبن وكملن الزلاطه اثنين ومامدبراتهة

اجت ليال تتفيك بمشيتهة وتسوي حركات عود تقهرنه

دنصب الغده فات بابا ووراه تمار
ركضنه عليهم بابا اخذ ليال ويبوس بيهة وخرهة واجينه يمه انطانه كل وحده علاكه حلويات هاي عادته كلما يرجع من الشغل لازم يترسلنه كل وحده علاكه

فاتو بدلو وحطينه الصينيه ، كملنه وجابت رنيم جاي وكيك هي مسويته

بعدها كل واحد راح لغرفته اني ورنيم وليال بغرفه وتمار وحده بغرفه

رحنة عالجربايه اني ورنيم وكعدنه نسولف
هيج وقت اهلي ينامون ومرات اني ورنيم نبقه جانت الساعه 1 الضهر بقينه ساعتين
وكالعاده ليال بكل وقت نلكاهة نايمه

بعدها نزلنه للمطبخ دائما العصر رنيم تسوي حلويات واني اساعدها

واحنه نسوي طلعو اهلي للحديقة كملنا الكنافه واخذناهة للحديقه يم اهلي
وكعدنه نتشاقه وتمار ويانه