نيران قلبي

part 8

نيران قلبي
بقلم هدى
البارت الثامن

- رُبما أبدو لك غير مُبالي ( بَس آنه كُلش رايدك )

---------

- رنيم اني احبج

- نعم؟!!!

- اعتقد ماغلطان بالكتابه

- ههههههه

- حجيتلج نكته؟

- لا بس تفاجأت!! منو انت ، ليش متعوفني ، شلون حبيتني

-  اني عزيز ، لأن احبج والي احبه مااعوفه

- شنوووو شنوو منوو عزيز

- الي ببالج

- هـه دتضحك عليه مو

ثواني ودزلي صورته هنا انصدمت صدمة حياتي

اي هو هو هذا دكتور عزيز بسس شلون مداتدخل بعقلي...

رجعت فتحت الفون لكيته داز

- ها صدكتي ، رنيم؟

- عوفنيي

- براحتج ..

شفتها وما جاوبت بعدني مصدومه ماادري شأسوي ، فرشت بالكاع وغطيت وجهي شويه واجن البنات ينامن ..

انتضرت لمن صارت الغرفه هدوء شلت البطانيه وكعدت اكعد شمم جانت نايمه يمي بس ندستهة كامت

- هااا

- اشش لج تعاي شوفي المصيبه الاجتني

- عزا شصاير

شوفتها المحادثه...

- يا يا هيج الحجي صاير

- دعوفي الحجي كليلي شسوي والله لهسة مصدومه

وليش تنصدمين رجال مبين يحبج

- مال ارتبط بي ويخطبني وهاي لا مااريد

- دكعدي راحه عيني مو انتي الجنتي تحجين بي وعاجبج

- اي اعجاب بس مو بهالطريقه

- الله يسهللكم عيني ،يلا ولي خلي انام

- طاح حضج عود ردتج تنطيني حل

درت وجهي عنهة ونمت بعد تفكير طويل..

ثاني يوم العصر رحنه لبيت خالتي واني كضيتها صفنات فوني مافتحته ابد ومخليته صامت التهميت وي البنات شويه وتناسيت الموضوع...

جنت كاعده بالهول وشمم يمي كرصتني وحركت حواجبهة...حسيت عدهة شي 
كامت لغرفة ايلاف ورحت وراهة

- شتردين؟

- وصمخ شريد يعني ،شصار وياج

- مادري ، مافاتحه الفون من البارحه

- يا حضي دفتحي

- ما ولي ، جرته مني وفتحته

- عزاا ولج تعاي شوفي