نيران قلبي

part 23

نيران قلبي
بقلم هدى
البارت الثالث والعشرون

---------

شمم ..

- يااا هذا عزيز

گالتها بيان واني شهگت

- يحح مو داكول اعرفه ، امشي خنسلم

- ياشمم فشله

- دمشي يختي وين الفشله غير رجل اختي

- روحي وحدج

- طبج مرض

رحت يمه جان واكف يخابر لمن خلص كتله

- شلونك نسيبب

- اهلاااا الحمدلله

- اليوم هنا ليش؟

- اجيت بشغل وذكرتكم

- يعني اجيت الي ، عاد سويلي واسطه فد شي عندي مادة تطبيقات الحاسبه مزفته بيها

- ها شمم ممتفقين هيج ، امشي نكعد بالكافيريا

- اوكِ بس احاجي بيان ، هيو حنروح نكعد بالكافتيريا تجين؟

- اي خو ما ابقه وحدي

- ليش وين راحن صديقاتج

- خيولن ماحاجيهن

- امشي

طبينه لگينه عزيز گاعد 

- السلام عليكم

- وعليكم

- اي عليمن العزيمه

- والله يا ست شمم المفروض عليج بعد انتي وضميرج

- ههههههههههه تدلل نسيب شتنزل؟

- مااريد شي

- لعد شلون

- انتن اخذن

طلب النه بيتزا وببسي اني عفت المستحه وكعدت اكل

- ايي رنيم شلونها

- زينه

- ليش مجبتها

- اخاف عليها

- يابه ترا ماناكل بشر منو راسم هالفكره ببالك

- ههههههههههه ، هي ما قبلت تجي باقيه وي الحجيه

- اي عيني عجبها الجو بعد متريدنه

احنه نحجي وبيان مچتفه ايديها وساكته

- عدكم محاضرات؟

- عندي وحده بس شنو عاجبني اعبرها

- لا ممنوع خلصو محاضرات واني منتظركم
اريد اسلم ؏ عمي

- تمام لعد حنروح هسة ، وين نلتقي؟

- يم بوابة الجامعه

- اوكِ

كمنه اني وبيان ردت ادفع الحساب عزيز خزرني ودفع هو