نيران قلبي

part 18

نيران قلبي
بقلم هدى
البارت الثامن عشر

---------

بيان ..

اندفر الباب وطبت شمم!

- هاي شدتسوون

- اهوو اجت مخربة اللحضات

- ماميته عليك اجيت لبيان ، يلا ولج نزلي مو حصرتي الولد

كمت اعضلها شفه اريد تسكت ماكو

- وانتَ مو عندك شغل وبابا دزك ؏ اوراق

- اي رايح

اخذ الاوراق و باسني بخدي

- الله يطيح حضج شمم دومج مخرعتنه

- ديلا عيني فوك ما صاعدتلج بنفسي

- وهسة منو انتي الاميره ايزابيل؟

- تؤ تؤ الاميره شمم ،يلا يلا البنات منتضرات جنابج تتفضلين

نزلت شمم قبلي واني مشيت وراهة

نزلت للهول وصارت الهلاهل والهوسات
بنات خالات وعماتي جايات ووحده بت خالي

- تعاي اكلج شمم

- ها

- ذكرت ايلاف مشفتها بالعرس ولا اجت هسة ليش

- غير حامل وحملها ماثابت ماتكدر تطلع

- يا خطيه

- متكومين تركصين

- مالي خلك ، كعدي انتي ماشبعتي

- ولا راح اشبع اكو احلى من الركص

- همداج ، هاي فنوه ليش ما اجت

- ايسر ماقبل تكول باجر اشوفهة من تجينه

- اوكِ

رنيم ..

مر اسبوع على زواج بيان وتمار واحنه مرادين خبر لأهل عزيز

وره حفلة السبعه چنه معزومين ببيت عمي فاضل
وكل عماتي موجودات

وره الغده بابا فتح موضوع عزيز
ايسر كال اني اعرفه خوش ولد

- اي اني سألت عليهم عائله محترمه هو وحيد وابو متوفي ، بس القرار راجع لـ رنيم

كالها وباوعلي كمت من يمهم وكعدت بالمطبخ

اجت ماما يمي
- رنيم صارلنه اسبوع مراديلهم خبر فشله، وانتي شفتي الكل مدحو بالولد شتكولين

- بكيفكم الي تريدو

- رنيمه هاي حركات بكيفكم ومادري شنو بطليها
هذا نفسه الدكتور الي رقمه عندج مو

- اي

- عرفت جوابج لعد..

عافتني وكامت ابتسمت على حجيها تلكفهة وهي طايره مايفوتها شي