نيران قلبي

part 5

نيران قلبي
بقلم هدى
البارت الخامس

---------

- سمعته هيج كال وركضت من بيتهم لبيتنه كلساع اوكع واكوم صار الدرب شطوله ولا عبالك بيناتنه فرع طلعت روحي الا وصلت..

لكيت البيت عباره عن نار واصله للشارع وشباب المنطقه يركضون منا ومنا يحاولون يطفون النار
تقدمت يمهم وصحت

- لللللااااااا

ركضت اريد افوت لجوه لزمتني مره جيرانه قيدتني بأديها وماخلتني افوت بقيت اصيح

- ببببيتتنننهه ررراححح ديييححتتتترككك خلونييي افوتتتت

هذا البيت بي كل ذكرياتنه انولدت بي وكبرت بي بابا شكد تعب الا سواه هيج بدقايق انهدم تعبه

كعدت بالكاع واني ابجي اجت ماما واخواتي وكامن يصيحن..

حسيت مثل الضربه كلش قويه على راسي اختنكت وكمت اكح اريد يوصل النفس ماكو

عيوني صار عليها غواش ومااسمع بس صوت جهال المنطقه يصرخون..

احس لساني صار ثكيل مااكدر احجي بس دموعي مستمره تنزل

بعدها ما حسيت بشي

فقدت

كعدت لكيت نفسي ممدده على سرير بالمستشفى وماما كاعده يمي وتبجي..

- اريد مي

مسحت دموعها وحجت...
- ها حبيبتي الحمدلله ع سلامتج..هاج مي شربي

- ماما شجابني لهنا

- جنه واكفات اني واخواتج يم البيت عاطت كالت ليال شمم وكعت ركضنه عليج حاولنه نصحيج ماصحيتي

سندناج وجابنه ولد ابن الجيران خطيه ماعافني لمن اجه تمار الا راح

- بابا والبنات وين

- اخواتج راحن لأهل فدك وابوج رايح ببغداد مايدري بالحريق خطيه ليال تخبلت من شافت النار

شهگت وگلت

- اكلج ماما شلون احترك البيت

- يكولون تماس كهربائي اكو نقطه عطلانه لايحه البرده وصار الحريق

من كالت تماس رأسا ذكرت النقطه الفوك الي كلت لتمار عليهة وماصلحهة خنكتني العبره..

- يعني البيت انهدم!!

- اي شنسوي هذا قضاء وقدر

- بسس شلووننن هية نقطه صغيره شلون هدمت!!! بيت

- ماما الكهرباء لايحه الغاز شيصير احتفال مثلا ياحبيبتي

حطيت راسي بحضنهة وبچيت
- وهسة وين راح نسكن

- هسة بس خلي نطلع من المستشفى والله كريم ربج يحلهة

شفت تمار جاي بأتجاهنه درت وجهي للجهة الثانيه محملته ذنب الي صار لأن ماصلحهة قبل لا يطلع..