مرحبا متابعيني 😊 اتمنى الكم قراءة ممتعه
ناي اسمي على الة العزف الناي أبوي الله يرحمة يعزف ناي ويغني صوته يشبهه خضيري ابو عزيز جنه العافيه الله يرحمك يا بويه وأمي ماتت اول ما جابتني للدنيا ربتني جدتي دمعة أنه وابن عمي عليوي أنه وعليوي اخوان بالرضاعه أخوي الماجبته أمي حزام ظهري وعزوتي احبن الزرع والكاع بس جدتي دمعه من تلح وياي ما اروحن وطكني واروحن غصب جا هي محد يكدرلهه بس جدي والله اخذ أمانته يمكن هي كتلت الزلمه بكواتهه
أكلكم أنه شكلي حلو بس ما احبن وجهي حلو من ليش اشوفن الناس تعاين على الوجه ما تعاين على روح البشر وما أحبن شيخ جويسم وبعدين تعرفون ليش
دمعه اكلج يمه ناي
ناي ها جدة
دمعه وجعة جدتج كومي اريدن اروح لبيت جويسم
ناي جدة اكلج انتي تَعرفِين اشوفن العمى وما اشوف جويسم وامه الهويشه
دمعة جدامي امشي والزلمه رايدج مريته شمالج تبطرين
ناي يبو علينه جدة ما اروحن لو اطكيني بحديدة لو تحطبيني للتنور ما اروحن
دمعه ظلي جويعده على افادي يبت هويشم
ناي اظل جويعده شحلاتني ولا اكابل جويسم الوصخ من تالي صار شيخ وزلم تمشي وراه
دمعة خايبه ناي كومي من جدامي لا اسوي بيج اسوايه السلف كلهه تسولف بيج
ناي اروحن احسن كلما اكابلج تجيبين طاري طركاعة كون الفت على شيخ جوووووويسم ربي ربي دعوة يتيمه ربي
دمعه خايبه اكومن اجسرج احسن
ناي شردت منهه وختلت ورة اخوي عليوي وطكته بالعوجيه برجليه جسرته
عليوي جدة بويه جسرتيهن
دمعه من تلخت وراك بت هويشم وتحامي الهه تحمل الطك
عليوي جا غير اختي يا جدة
ناي يبو على بت هويشم والسويعة السودة الصارت بيهه جان أنه ابوي مات وامي ماتت وماخذوني وانتي جدة تردين تشمريني على جويسم الوصخ
دمعه خايبه جدة لا تبجين غير انه اريدن مصلحتج خايبه اموتن هالغم عليوي يزوج واظلين وحدج
عليوي لا جدة ناي اختي وانه انطيهه رويحتي وجويسم ما تريده انه ما اقبل
ناي اغديلك عشر فدوات خويه يبعد رويحتي وأهلي وطوايفي
دمعه ما صدكت بت هويشم
كوم خايب وديني لبيت جويسم
عليوي ليش جدة بلكت جد جويسم ياخذج مرة ثالثه ههههههههه
دمعه كوم لا اطكك بعوجيه اخلي رجليك يصيرن نصين
ناي اي خويه وتكتله الزلمه بالعوجيه هههههههه
دمعة خايبين هاي كعدتي الكم باجر كبل لا يطلع الصبح تطلعون للحصاد والزرع
الكاتبه بتول مهدي
ثاني يوم 🐓
دمعه كعدوووو شني نومكم لو يطيح الجبل عليكم ما تحسون
خايبه ناي جويعدة
ناي جويعدة جدة جويعدة
دمعه اخوج عليوي وين
ناي نايم جدة اعوفنه خطية تعيبان
دمعه بعدة بحيله شباب اريدنكم اليوم بالزرع والحصاد اشوفنكم منو لياخذهه جد جويسم الثالثه لا احرك اهلكم اليوم
ناي جا انتي اشوكت ما حركتي اهلنه من احنا زعاطيط حاركتهم جدة
دمعه خايبه ناي شمالج ترى وروح جدج
ناي لا جدة ابوسن ايدج لا تحلفين بجدي وروح هويشم اكرب كراب اليوم
خايبببب عليوي جدتنه دمعه الحلوة تريدك
دمعه بت هويشم يبي (جيبي)اخيج وتعالو
عليوي اي جدة دمعه اجينه ناكل لو ماكو اكل جدة
ناي ناكل ناكل وبوجهنه للحصاد
طلعنه للحصاد والزرع أنه وعليوي وشفنه جويسم وزلمه وراه
عليوي خايبه ناي شوفي منو
ناي يا خويه يا حظج يبت هويشم ربي جا انه ادعي على جويسم اصبح بوجه مصباحنه فكر خويه
عليوي اي وروح جدي
جويسم صباح الخير اشلونك عليوي
اشونج ي ناي
عليوي صباح الخير شيخ بخير
جويسم جا شمالهه ناي ما اسلم
عليوي شيخ مريضه اخذهه للمستوصف
جويسم انه غلام ابوي امشنا ناخذهه
عليوي لا شيخ انه اخذهه للمستوصف لا تعب نفسك
جويسم جا من ترجع اختك ناي من المستوصف تعال كلي اشلون صارت الناي
عليوي تآمر شيخ
ناي خايب شمالك ما تعرف تكله اختي ناي ما الك غرض بيهه
عليوي خايبه امشينا للحصاد انعلبو جويسم لابو اهله
بس شني ادعي كون جلب 🐕 خلف كون مربوط وما ناخذهه ركضه
ناي خايب ناخذنه توثيه نهطر جلب خلف ونكتله
عليوي وروح جدي كل مرة تحجيهه والكاج كدامي تركضين خاب اكبر خوافه انتي
ناي جا شني هاي توثيه وجلب خليف اكتلنه اليوم ونخلص الوادم منه
عليوي انشوف سباعيتج بت هويشم وما تطلعين بس هوى
ناي (تمشينه وصلنه بستان خليف المدهور ويطلعنه الجلب 🐕 انه التوثيه بيدي وركضت) خايب عليوي الحكلي خويه جلب خليف لحكني بوية هويشم جدة دمعه
عليوي ولجج ناي لا تركضين يركض وراج خاب ناي اوكفي
ناي انه بركضتي وانضربت بالدَكتور حسن
بويه هويشم الحك
حسن شبيجججج تركضين من الصبح
ناي جلب خليف
حسن شنو هاي بيدج
ناي ما مش بيدي شي
حسن التوثيه متعرفين تضربينه تخوفي
ناي اخذ التوثيه كضهه هطرة انه اخاف الله ليطيك خليف
حسن اهطرة 😒 جيبيهه راح شفتي من تركضين يركض وراج اوكفي بعد من اشوفين جلب خليف
ناي يماي طرد جلب خليف سواهه فضل على السلف شمالني يربي جويسم من صباحبتك و هذا الشختور سواهه فضل ...
حسن دكتوووووووور دكتورررررر
ناي اسمع واعرف اكولن دكتور بس انه بكيفي اكولن شختور يا شختور
حسن مو صوجج والله لو مبقي جلب خليف يكمل ركض وراج
عليوي ها خويه مو اكلج اوكفي لا تركضين
صباح الخير دكتور حسن
حسن صباح الخير دير بالك عليهه من جلب خليف
اترخص
عليوي انشالله دكتور
ناي شماله هذا شايف نفسه شختور والله
عليوي الزلمه خلصج من جلب خليف شمالج السانج عيب خويه
ناي اكلك امشي للحصاد (رحنه للبستان شغل يتعب كلش ..... مر اليوم ) بويه تكطعن جتوفي ورجليه
عليوي انه تجسرت امشينا لادمعه تطردنه وترجعنه البستان
ناي اي والله قبل لا تحلف بروح جدي هههههههه
عليوي والله يا خويه تاليتج لجويسم من السانج
ناي ما عندك جلمه بيهه خير لا تفك حلكك وتحجي
(ردينه للبيت جدة دمعه كاعده وام جويسم خطارهه
دمعه اجيتو يمه
عليوي اجينه يمه
ام جويسم خايبه ناس صايرة صلوات مرة معدله
ناي تسلمين ام جويسم
ام جويسم جا انتي ليش ما تكولين شيخ جويسم ثكيله بلسانج
ناي يخاله ام جويسم جا جويسم ذاك اليوم يركض ورة الهوش والوصخ كاتله مدري اشلون انطا وصار شيخ حكمتك ربي.
عليوي اي خايبه صدك ههههههههههه
دمعه ولكم بسكم يا متستحون انه هيج ربيتكم اعذريني ام جويسم البت اصغيرة ما تفهم
ام جويسم خايبه يبت هويشم يعجبج ما يعجبج شيخ جويسم
ناي السلف كله يدري وليدج يركض ورة الهوش ومرة وكع بنص الفضاله مال هوش خاب تذكر عليوي
عليوي ههههههههههه اي واخذه ابوي غطه بالماي ينظفه من فضالة الهوش
ام جويسم اروحن خايبه دمعه هاي بت هويشم تغلد على شيخ جويسم وانته عليوي تغلد شمالك زلمه شكبرك ابدال ما تردهه
عليوي ام جويسم جا احنه نسولف من جنه اصغار شمالج تزعلين هههههه
ناي اي صِدك خويه ههههههه
دمعه بوياي ولكم المرة راحت تكله لجويسم ويخليكم سالفه للسلف كله
ناي جا خليهه تولي يا جدة تكبرت بوليدهه الوصخ
عليوي هههههههه جويسم الوصخ
دمعه اليوم اجسركم (اكسركم )
ناي خويه خويه عليوي امشنا عجوزنا كضت العوجيه علينه
عليوي بوياي جدة نتقشمر وروح جدي
دمعه خايبين قشمرتكم ويه ام جويسم الله لا ينطيكم
ام جويسم خايبه ناي انتي واخوج تغلدون على وليدي شيخ جويسم 😡😡
يتبع ............
