امشي واسولف بيك مدري شجاني
حبك ملاني هموم يمكن عماني
روحي بسرير الموت تنشد تريدك
ما ترضى بالدكتور بس لمسه ايدك
حبك مرض بالروح وبدمي يجري
غيرك فلا حبيت بس الله يدري
سميرة شمالهه اخت جابر (خذتني رجليه لبيت ناي ...)
دكيت الباب طلعتلي ناي
هلا خية ناي
ناي هلا بخيتي شمالج ضايج خلكج
سميرة زلمتج بالبيت
ناي نايم وانه اقرة شمالج
سميرة ادخل واكلج سالفة دوهنتني
ناي كولي خيه ظل بالي
سميرة اكلج اخت جابر اسماء اليوم رادت تسير عليج الظهر وكت زلمتج راد البيت وانه جنت رايدة امرج وشافتني كالت مسيرة لناي تكلي اي افادي يوجعني
وانه كلتلهه زحمة زلمة وحرمته ترحيلهم الظهر جا ما وجعج افادج الا الظهر شني انكلبت عليه خيه انه ما ادور ورة الزلمه ما اتحرش بي
ناي شني خية كونهه حاطه عينهه على حسن اشلع اعيونهه انه ما كربلي الزلمه من يوم عرسي هأأأ انه شكلت
سميرة شني بت هويشم ما كرب عليج من يوم عرستو
خيه لو انه ما اسمع
ناي خية بروح جدج اسكتي جنج ما سمعتي
سميرة ام جويسم وام زهرة الدار مو خاليه وروح جدي
شني كليلي شني صار خليني افهم
ناي اكلج انتي اخيتي الزلمه كلما يتكربلي ينفر مني ويكعد يتعوذ من الشيطان قبل يومين كسر الغرفة وانه حايرة ويا هي تجي تكلي ليش ما حبلتي جا اكلهم انه بعدني بت 😭😭😭
سميرة خية سمعي لا تبجين اروحن لعلويه اعرفهه وتكشفلج وروح جدي كون ام جويسم تطلع ورة السالفه وام زهرة بويايييييي اهججهن من السلف
وانه اريدن اسوين شغيله اريدن منج تطلبين من زلمتج يروح لبغداد وياخذج لابو طلبه وابغداد ابقو بفندق فهمتي بت هويشم اذا ما اسوين الي اكولنه اجي اخذج لشط واغطج بي لا تبطين افادي فهمتي 😡😡
ناي فهمت شمالج انتي لا يضيج خلكج
سميرة جيبلي ماي بت هويشم اخوج الصبح وانتي هسه اكتل روحي
ناي جا عليوي شماله وياج
سميرة مشتري نعال جديد ولخت بين الزرع وضربني على وجهي وام جويسم تضحك عليه بوياااااااي اخوج اعليوي لا احطنه بالشط وياج جيبي ماي😡
ناي هههههههههههه جا انتي على كولة زهرة انطيتي على وجهه ابو الجناحات وهل ردة شربي ماي
سميرة بسج شني هاي تقرين اليوم
ناي اي اقرة تعلمت اكتب شوفي اسمج هيج ينكتب وعلمني الدكتور اكولن نعم وكالي بعد لا تحطين نون بالحجي مالج
سميرة هههههه بعد رويحتي احبنج هذا اسمي جا اسم ابوي وجدي واخوي
ناي هههههههههه هيج شوفي خيه
