اشتري الغالي ولا ادور الرخيص
الرخيص يبيع ربعه لو عله
واترك اللي مو على العشرة حريص
الما يقدر خوتك لا ادلله
وأحفظ اسرارك تحت زر القميص
غير صدرك بير لا تأمن اله
الحكيم اللي على أحوالك بخيص
يمه محلوله تلاگي المعضلة
والفضولي اللي على أوضاعك شخيص
تدري غاياته وتعرفه من أوله
وعوف لــ معوز أدب يبقى نقيص
هذا تدري دواه تركه .. اجاهله
طاحت أيامي عليّ طيح الـقنيص
طيحة المسحاة فوگ السنبله
ودام من خيط الأمل يبقى بصيص
ودام بعيون الخلگ نلگه هله
نشتري الغالي ولا ندور الرخيص
سعره بيه الغالي يبقى شما غله
# مأمون النطاح
سميرة عليوي شني سالفتك تأخرت
عليوي جا غير صمد اخلص الشغيلة
صمد بويه شمالكم جايبني المستوصف
سميرة هلا بويه صمد اشلونك
زهرة اشلونك بويه
صمد زين بعد ابوجن ورويحته أمرن شني شغيلتجن
زهرة سميرة تكلك يا صمد
سميرة كولي انتي خيه شني
زهرة جا جبتيني والسانج ما يكصه السيف وهسه تلعثمين
عليوي شني جا وحدة تشمره على الاخرة احجن
صمد بويه واري شغل والدكتور ارحون لبيته اشوفن ناي احجن لا اطلع ضيم الشغل بالعصا على ظهرجن
عليوي بويااااااي جا شني تكضنهه صفنه
اخت فليح
سميرة شني ام زهرة وام جويسم مسويات عمل لدكتور
ما يكرب ناي بويه فشله فشله اغطي وجهي كله منج
زهرة
صمد بويه شني الفشله وروح ابوي خايبات الحجيتنه ما اطلعه لأبوي لو طلع من كبرة
عليوي خايبات شني لا يكون تبلن على النسوان
زهرة انه جذبت على امي وكلتلهه ما احبن ناي وخذت
الدكتور وهي أمنت بيه وسولفتلي الي سونه
صمد بويه انه ابوج كولي بويه جا انتي أم بعد شهرين وليدج بيدج كونج تسكتين عن الحك بويه وليدج يتبهذل
زهرة انه اجيتك صمد اريدن حل
سميرة ايييييي وروح جدي الحل عندي
صمد وجع وجع مسودنه شمالج تصرخين
كولي
سميرة خاب بويه صمد جا انته كشفت اخت جابر اريدنك شني تشتغل كشاف وتكشف ام جويسم وام زهرة واكتلهن وابرد كلبي بيهن
صمد شني كشاف ما تستحين جا انه اعرف بالديرة وعمايلهن
زهرة بويه لا يضيج خلكك ما تعرفهه مسودنه
