زماني كطع خيط الفرح ......وياي
جمع الزمن ضيمه ......وياي
تطلبني دنياي ثارات شدت ......... وياي
شدة اقوة من شدة واكولن .......الياي
يبشر والخير ياي اليه
.... ..... ...... .......
رحنه لمضيف عمامي.....
عليوي السلام عليكم
العم طلال وعليكم السلام هلا بعليوي
حسن السلام عليكم
العم طلال هلا دكتور اشلونك
منو انتي خويه زحمة دخلتج على مضيف الزلم
حسن أمي اليوم جيناكم بموضوع
العم طلال هلا بيج خويه جا دكتور زحمه مرة بنصنه
ام حسن احنه جايين بشغله شيخ واتمنى مترجعونه خايبين الضن منكم
العم طلال أبشري يا بت الأجاويد
ام حسن اجيت من بغداد اريد ناي زوجة لأبني حسن
العم طلال ام حسن الدكتور صار وليدنه ننطي السلف مو بنيتنه ناي
ام حسن الي أفهمه موافقين
العم طلال موافقين بس الأصول يا أم حسن عمامه اهله يجون
ام حسن اجيت بنفسي اخذ منكم كلمه البنيه النه
العم طلال البنيه الكم واخذوهه من هالشارب
ام حسن والنعم منك شيخ وان شاء الله اني اصير أمهه مو ام زوجهه
العم طلال متقصرين يبت الأجاويد بنيتنه يتيمه وما الهه احد وحسن ان شاء الله كفو وزلمه معدل
حسن اخليهه بعيوني شيخ
العم طلال معدل ي دكتور معدل جيب اهلك وعمامك
عليوي كوم بويه وصل خالتك لناي اليوم غداج يمنه
دكتور اليوم غداك يمنه
حسن تسلم شيخ ان شاء الله اجي ويه عمامي وأهلي ويجمعنه زادك
الشيخ طلال هلا بيك وبأهلك
حسن مشكور شيخ من رخصتك
الشيخ مرخوص
انتفض عم من عمام ناي شيخ طلال جا احنه مو عمامهه ما النه شور ورآي تعرف شيخ جويسم رايد ناي
الشيخ طلال والبت بت اخوي وانتو عمامهه وعلى راسي بس انه اختار زلمه معدل لبت اخوي
انتفض الثاني وشيخ جويسم مو معدل ي شيخ طلال
الشيخ طلال البت اجه نصيبهه وصارت صاحبة زلمه تكفون السانكم واسدون سالفة جويسم لا وروح ابوي كلكم تطلعون من العشيرة
الكل هدوء بعد كلام الشيخ طلال
في بيت الشيخ طلال
زوجة طلال هلا بيك كواك الله يرويحتي ضايج خلكك
طلال ما مش شي .... اليوم ناي اجتني ام حسن طلبتهه لأبنهه
زوجة طلال بت هويشم طلبتهه ام الدكتور شمالك متكولهه بتي زهرة متعلمه وتعرف تقرة وتكتب وهي تلوك للدكتور مو بت هويشم
طلال ما اسمع حسج يا مرة شمالج اظلين بالحسد وانه اغم ادلل بالبت لا ازرعين براس بتج زهرة شي على ناي البت يتيمه وحوبتهه تعثرج فهمتي يبت كويظم
زوجة طلال فهمنه شني من بخت شايله بت هويشم خذاهه دكتور وبتي باقيه على جبدي
طلال بت كويظم انه حذرتج كلشي اسوينه ثمنه غالي
زوجة طلال جا شسوي الله يسعد بت هويشم ويرزق بتي من بختهه هالكبرةةةة
طلال رايح اشوفن بت اخوي وانتي ظلي نسوان ما عدهه عكل (عقل)
......... ............. ....... ..... . ......... . . . .........
حديث بين زوجة طلال و بنتهه
زوجة طلال كعديييي كعدييي نايمه للظهاري وبت هويشم طلبتهه ام الدكتور
زهرة يا دكتور يمه شمالج انتي
زوجة طلال خايبه امدددددددداج على بخت امج طلعتي
زهرة اوووو ي يمه لو تفهميني سالفتج لو ارد انام
زوجة طلال خايبه دكتور حسن الدكتور الجديد بالمستوصف
زهرة يمة صدك تحجين انه احبنه والله ما يصير لبت هويشم يمااااه اروحن اكتل بت هويشم
زوجة طلال كافي يبت شيخ طلال الدكتور نصيبج بس اصبري ادرسهه ابالي
زهرة ها يمه اغديلج فدوة سوي شي
زوجة طلال صبري ي زهرة صبري
........ ....... ....... ....... ..... ...... ..... ..... ......
كلام بين ام حسن وناي
ناي ياهووو
ام حسن اني ماما ناي
ناي هلا بخالتي تفضلي
ام حسن اجيت اريد اسمع رأيج وحسن وياي يسمعج
ناي بكيف عمامي
حسن ناي احنه تقدمنالج صح بس اريد كلمه انتي موافقه
عليوي خويه ناي احجي جا غير شيخ طلال قبل
ناي انه انه
عليوي اكلج خويه انتي شني هي جلمه يا أي يا لا
ناي اي خويه
ام حسن خلص شايفين كل الخير
حسن خلص ناي تسمعين الشرط مالي
ناي اي(انه شني كاظه يد عليوي من الخوف...)
حسن اول شي اعلمج تقرين وتكتبين
تتركين الحصاد اعلمج الشغل بالمستوصف
تبقين مثل ما انتي
ناي اي
حسن نترخص يلا ماما نتوكل على الله
عليوي الله وياكم
ناي الله وياكم
عليوي ها خويه ناي خايبه السانج ما يكصه السيف وينه
ناي خويه تفشلت وانته شمالك مثل المسودن بس شالك حلكك وتمضحك
عليوي خويه ناي...... يمه يا يمه الدكتور بالخد يحبني أن كمت وأن كعديت يمه يا يمه
ترجيه بأذني والله يا يا يمه .... كون التريده الروح
ترجيه بأذني حبيبه يا يا يمه
ناي خايب شمالك انته صدك ما تستحتي استخفيت وروح جدتي بالعصا اكسرن رجليك يعليوي
عليوي ها خويه من كونج تستحين ترجيه بأذني والله يا يمه خايبين بت هويشم صارت مرت الدكتور حسن
يتمختر حبيب الروح بالدلال
يمر بطولة الحلو يحرك الدلال
كون احبسنك بنص الدلال
واكتب حبيب الروح هذا ليه
(الشعر بتول مهدي)
ناي خويه شمالك تفشلني ☺😊
عليوي الباب ياهو بالباب
العم طلال انه يعليوي
ناي عمي هلا عمي اشلونك
عليوي انه شفتك بالمضيف ما اسلم الشيخ جاينه لو اجيت لبت اخوك
العم طلال خايب عساك لا سلمت انه اجيت لبت اخوي ميل جيبنه جاي
عليوي ناي جيبي لعمج جاي
ناي يدلل عمي
العم طلال لا بت اخوي تكعد من حيث بت الشيخ وانته تخدمنه
ناي هلا بعمي جا اخذت حكي (حقي) منه يتمزهد عليه
عليوي جا انه عمي ابن الكهوجي انه ابن اخوك وانته تحب ناي وما تحبني وروح جدتي
العم طلال من كونك تغار يعليوي هههههههه
ناي اي عمي يغار ههههههههههه
عليوي وروح هويشم ما اغارن انه زلمه معدل
العم طلال صير معدل وجيبلي جاي هههههههههه
عليوي اجيبلك جاي عمي ليش ما اجيبن
ناي عمي اجيبلك خبز حار ابقى تعشا ويانه
طلال كعدي بويه معدله انتي مثل امج الله يرحمهه تكيف بخطارهه بويه كالج عليوي تقدملج الدكتور حسن وشيخ جويسم رايدج
ناي لا عمي اروحلك فدوة كلشي ولا جويسم ما اريدنه
طلال لا بويه انه ما اقبل انطيج بويه اعرف جويسم طلابته جثير وصار شيخ عايش على الفصول الباطله
انه اجيتج اكلج قبلت بالدكتور حسن كونه زلمه معدل
ناي بكيفك عمي اروحن اجيبلك جاي
طلال جا اخوج وين راح
ناي ما اعرف يعمي
عليوي اجيت اجيت
طلال بويه جاي طلبتك مو تطبخ ذبيحه
عليوي لا عمي انته تطردني اجيبلكم جاي وانه بقيت اسمع حجيكم هذا جاي برد
طلال بعد ابوج ناي
ناي أمر عمي
طلال عوجيه حبوبتج دمعه
ناي اي عمي ههههههه
عليوي لا عمي وروح جدتي ما اعيدنهه وانتي كيفتي بت هويشم
طلال بعد ابوج تعال ولك جا انته تبقى اغم زلمه شكبرك سوالف مال جهال
عليوي عمي بروح جدتي عليك رجليه وجعني
طلال حتى تسوي التوبه وما تعيدهه انه اروحن
ناي تعشا يمنه عمي
طلال اجيكم باجر اتعشا يمكم وعليوي يطبخ النه
ناي اي هلا بيك عمي جا ما ناكل بس الخبز هههههههه
عليوي شفت يعمي تضحك عليه بت هويشم
خايبه ناي يروح عمي
طلال اي خايب شسوي
عليوي ادلل بت اخوك وانعل والديه الي يكربهه
طلال اي هيج معدل
عليوي اي عمي علباتي راحن
طلال اترخص بعد ابوكم دير بالك على اختك
عليوي اي عمي حاضر
زوجة طلال يبات يم بت اخو يبات والله لا ابهذلج يبت هويشم جا انتي مرت الدكتور اصيرين الا انه جوة الكاع ..... بوياي
