مامشــــــــ بــــــــالعــــــــمر افيــــــــيــــــــشــــــــ كلہن بــــــــالضلوعــــــــ احــــــــاااہ ..
😔😔
سميرة خاب ناي شني جبتي البدله من بغداد
ناي حسن بعد رويحتي كالي اخذيهه
سميرة اكلج بغداد حلوة
ناي خيه شني حلوة كولي جنة شني الوادم شني الناس
خايبه رحت لأبو طلبه وجبتلج صوغة علك وسبحه وجبتلج دشداشه الج ولمرت عمي زهرة وأم جويسم خايبه وجبت لأخوي عليوي دشداشه وشحاطه وعكال
ههههه ذكرت زهرة بت عمي وعمي الشيخ طلال
سميرة خايبه شني هجمتي بيت الزلمه ذكرتي السلف كلة
ناي لا شمالج انتي انه اجمع فليسات الزرع وعمي الشيخ ينطيني فليسات جا تعرفيني انه ما اخذ
سميرة خايبه لا اضلين بكلبج الأبيض ي ناي وانه كتلج ما اريدن مرت عمج اجهزج انتي ما تسمعين مني
ناي خايبه جا غير انتي على راسهن
سميرة ما خليتهن يشوفن دربهن بس خية ناي مرت عمج كالتلي اروحن اجيب باقي ملابسج ورحت
ناي اكلج خيه خليهه على ابو خيمة الزركه انه طلبت من أبو طلبه يمشي عرسي على خير ويسترني وما يشمتن بيه
سميرة انشالله جا انه فرحانه وروح جدي
ناي هههه خايبه ذكرت نويرة حسن رحت لصالون لبغداد شني يجيبن ويخلن على وجهي يسمنه تنظيف وانه اكلهن وروح ابوي غاسلة وجهي بصابون ركي وانه شفت صابون ريحته ترد الروح جبت الي والج ولنويرة وزهرة
سميرة بوياي لا تكولين جبتي لام جويسم ومرت عمج احرك روحي
ناي نسيتهن سودة بوجهي اخذ الجبتهن ل عليوي
سميرة ما تاخذيهن مال اخوج اكلج بطلي كلبج الأبيض شني انتي
اجة عليوي
عليوي اختي ناي وروح هويشم وحدي بالبيت نمت يم فليح
سميرة جا تعال شني جابتلك اختك دشداشه والعكال والشحاطه واهم شي الصابون إبو الريحه الترد الروح ٢ مو وحدة
عليوي هلا بأختي وين الصوغة
ناي اخوي اعليوي ننطيهن لمرت عمي وام جويسم
عليوي وروح هويشم ناي ما تاخذيهن جيبيهن
ناي خاب عليوي شني
سميرة اخذهن كونهه تاخذهن احطنهه بالتنور واحطبهه
عليوي لا تاخذيهن ناي وروح جدتي ازعل
ناي خويه بالعافية كونهه الصوغة تعجبك
عليوي مشكورة يرويحتي
ناي (اخذت الصوغات ونطيتهن كلمن صوغته ......)
ام جويسم هاي صوغتج تعبتج بالجهاز هاي جبتلج علك من ابو طلبه
