شعر يمثل حال ناي
انكتب عليه الضيم وال ون
عزيزة نفس ما ينسمع لي ون
اوكع واكوم ما اشكي و اون
انه الشوفتني دنياي من كل كتر الوان
الدهر لعب بيه
الشعر ( بتول مهدي)
ناي تمر الأيام انه واخوي عليوي نطلع للحصاد ونرد (نرجع ) لحبوبتنه دمعه ليلة من اليالي تمرضت حبوبتي دمعه
دمعه خايبه ناي كومي جدة
ناي جدة شمالج ردينه بحيلج الأولي جدة بس انتي البقيتي اليه ولعليوي اخوي
دمعه يمه ناي يبعد اهلي وطوايفي تعالي جدة كعدي جدامي
ناي جدة اخذج ل دكتور
دمعه يمه ناي انتي موش اصغيرة وبعدج الأوليه وتركضين انتي واخوج بالبساتين جدة فتحي عينج على الدنيا جدة الدنيا ما تريد الغشيم انه احس الموت كرب جدة
ناي جدة لا توصين فدوة اغديلج انه واهلي فدوة جا انتي اذا تموتين جدة منو يبقالي 😭😭
دمعه ناي يبعد اهلي وطوايفهم جا انتي بت هويشم السانج ما يكصه السيف تبجين
ناي جدة جا انتي خيمتنه واهلي الناس تاكلني بعدج جدة
دمعه يبعد طوايفي بت هويشم اريدج جويه (قويه) على جدتج دمعه هذا البيت ضل اذا اموتن ويجون عمامج يطالبون بالكاع وبالبيت تطلعين هاي الاوراق لعمامج سمعتي جده
ناي جدة فدوة اروحلج انعل ابو البيت لابو الكاع كون بس انتي سالمه
دمعه خايبه جدة ما يدوم بس وجه ربج الكريم ناي انتي لا تعرفين لا تغرين ولا تكتبين لا يغشمروج عمامج وياخذوج منج الدار وكاع ابوج اريدنج سباعيه
ناي جدة جدة اغديلج فدوة خايب خويه عليوي الحك جدة دمعه
عليوي جده شمالج جدة بويه كومي خويه ناي عينيني (ساعديني)
ناي (شلنه جدتي دمعه بالليل ورحنه للمستوصف.....)
عليوي دكتور حسن دكتور حسن
حسن صح شغلتي بالريف متعجبني وقراري سنه وبعدهه انقل للبغداد حتى اكون قريب من امي واختي الصغيرة الي يضايقني اكثر شي من يوم وصلت هي بنيه اسمهه ناي السانهه متبري منهه ودائما ما ترادد بالكلام وكل الوقت ملثمه خصوصاً بالحصاد اول مرة اشوف وجهه بوفاة بيبيتهه دمعه تمنيت بوكتهه لو دمعه ميته من زمان هالجمال كلة ضامته وملثمه 😍😍 (وجهه جنة العافيه)
حسن طلعت متفاجئ عليوي وبنيه بظهرة ساندة مرة جبيرة بالكاع (بس صار تركيزي وقتهه على وجهه ناي)
ها خيرك عليوي اصاير
عليوي جدتي دمعه
حسن تعال انشيلهه اندخلهه جوة
ناي تعال عليوي انه وانته نشيل جدتي
حسن انه وعليوي نشيلهه انتي مرة متكدرين اشيلينهه
ناي علكيفكم شيلوهه
عليوي دكتور جدتي صارلهه ٥ أيام مريِضه واليوم عافيتهه كلش موش زينه
حسن ان شاء الله مبيهه شي بس انطوني مجال افحصهه
ناي خويه عليوي لو ماخذيهه للمضمد صمد خايب يكلب بالمرة ويشوفهه وساكت
عليوي خويه اغديلج فدوة لسانج اليوم انطي اجازة احنا بشدة بس ربج يفرجهه علينه
ناي جا انه شكلت ما يفتهم شي ومن هيج هالساكت
عليوي بوياي ناااااي خويه
ناي سكتت
عليوي دكتور بشر
حسن ننتظر رحمة ربكم حبوبتكم نبضهه ضعيف
ناي جا شني فهمنه احنه ماكلنه الواهس على جدتي
حسن كلبهه ضعيف ضاربتهه جلطه قلبيه
عليوي جنطه شني دكتور
ناي جا انه موش كتلك يا خويه ما يفتهم
حسن (اللهم صبرك كل هالتعب تجي ست ناي ما يفتهم لو ما احنه بنص عرب وعيب الرجال يرد على مرة .....)
ناي شمالك عينك انكلبن كلب
حسن عوفو حبوبتكم للصبح اذا تعدت حالتهه الله نقذها واذا لا ادعولهه
ناي خويه جدتي تموت
عليوي كومي خويه خلينه نصلي وندعيلهه جا نوحج ميفيد ي ناي انتي يتيمه وبخيته ادعي بلكن يستجاب
ناي اي خويه 😭
(بقينه للصبح ننتظر جدتي تصحى والدكتور حسن ما قصر ويانه بس المستوصف العدنه بالقريه ينقص هواي مواد طبيه والمستوصف بالقريه رفعو شيوخنه كتب للمجلس وما اجتي الحكومه وللصبح.........)
ناي خايب عليوي جدتي
عليوي دمعه بويه ماتت
ناي خايب الغسل شمالك غراب من الصبح كوم شوف هذا الدكتور شيكلك
عليوي تعالي خويه وانه غراب ما قصرتي خويه اشكرج
ناي خاب دمشينا بياحال وتعتب
دكتور حسن جدتي دمعه
حسن حبوبتكم انطاكم عمرهه البقيه بحياتكم اسف المستوصف ينقص هواي اجهزة وادوية ولازم انطورة حتى اذا اجانه مريض ميموت بسبب النقص
عليوي جدددددة دمعه عمت عيني عليج جدة
ناي جدتي ماتت انته شمالك تلطم وتنوح وانته دكتور انه كتله ما يفتهم جدتي امس حجت وياي شمالك انته وينهه جدتي هذا الدكتور مسودن ما يفهم شي الغرايه (القرايه ) والكتابه سودنته
(من سمعت بموت جدتي بيومهه تخربطت احوالي جدتي وصتني ب ليلتهه ما اوقع اوراق لعمامي لأن أميه)
حسن( وكفت واني اوجهه صدمة ناي بوفاة بيبيتهه وتصرخ بوجهي.. اني مسودن (مجنون😁) ما افهم ووووو.......)
عليوي خاب شمالج ناي بت هويشم تسودنتي الزلمه ما عليه زود سوة العليه وزايد هاي ارادة الله سبحانه وتعالى كومي خويه روحي لبيت جدتي وانه اجيبن عمامي ندفن جدتي
ناي اخذني خويه لدفنه جدتي
عليوي ي ناي يا خويه سمعي مني و ردي للبيت
ناي خايب خويه هذا الدكتور يعرف بالغرايه والكتابه جدتي وصتني وكالت اذا عمامج رادو ياخذون منج كاع ابوج والدار طلعي هذا الورق ولا توقعين على شي
عليوي جيبي خويه
دكتور اقرة هذا الورق
حسن اي (قريت الورق بيت بأسم ناي هاشم وعلي عويد والكاع هم باسمهم اثنينهم ) اخويه عليوي البيت والكاع باسمك واسم اختك اوراق مهمه احتفظو بيهه
عليوي ناي وين خويه نحطهن عمامنه من زمان طمعانين بكاع ابوج ودارجدتي
ناي ما اعرف يا خويه
حسن الأوراق الي بيدكم تحميكم انتو اذا تنازلتو عن حقكم
عليوي ناي مفهمنه
حسن يعني انتو الاثنين الكاع والبيت ملك الكم فهمتو هاي
عليوي ناي فهمنه
حسن اذا احد كالكم وقعو اوراق لا توقعون احتمال ياخذون منكم الكاع والبيت فهمتو
عليوي ناي فهمنه
ناي جيبهن خويه
عليوي ردي البيت
وانه اجيبن عمامي
ناي (دفنه جدتي وكمل كلشي بقينه انه وعليوي......)
ام جويسم هلا ب ناي
ناي هلا هلا ام جويسم خيرج اليوم ابستانه
ام جويسم جا الوادم اسولف بيج يبت هويشم
ناي شمالهه الوادم اسولف ابت هويشم
ام جويسم يكولون ظلت بت هويشم وحدهه هي و اخوهه عليوي وبلا رجل
ناي شني قصدج ي أم جويسم
ام جويسم خايبه جويسم ايريدج مريته وخلينه نسد حلوك الوادم
ناي ام جويسم الوادم التحجي كونهه بيهه خير توكف كدام بت هويشم ربتني دمعه وتعرفين تربيه دمعه
ام جويسم جويه (قويه ) على جدتج والسانج على ابوج هويشم
ناي لا اجيبن طاريهم لا وروح جدتي اكتلج بالبستان
ام جويسم جا ماتت دمعه وظليتي انتي بلا رجل والوادم اسولف بيج
ناي ام جويسم جفي شري
ام جويسم اي يبت هويشم بعد يا هو يكظج المرة بلا خيال
ناي ب١٠٠ زلمه وخيال يا أم جويسم وحجايتج عليهه حك وحك جبير
ام جويسم بت هويشم تحجي بالحك
ناي عمامي ياخذون حكوك مو حك واحد وانتي تعديتي ي أم جويسم
(رحت لعمامي وردت عونتهم بس ...... )
ناي عمي طلال وينه
زوجة طلال طالع رايح للمضيف شرايدة يبت هويشم
ناي اريدنه بشغيله
زوجة طلال روحي للمضيف
ناي رحت لمضيف عمامي اليجمعون هناك
انضربت ب دكتور حسن
شمالك ما اشوف
حسن اني لو انتي تركضين وعينج بالكاع
ناي ميل عن طريقي
حسن وين رايحه ناي هناك مضايف شيوخ كبار
ناي اروحن لعمامي
حسن سمعي ي ناي دخلتج على المضيف وانتي مرة زحمة وعيب صح اني مو منكم ولا من قريتكم بس اني ابن عشاير شنو مشكلتج روحي لعمامج للبيت
ناي اريدن اروح للمضيف ميل واعرف عيب مرة تدخل للمضيف انه بت عرب واعرفلهه
حسن ما دامج تعرفيلهه ... وين اخوج مشكلتج شنو شرحيهه اله هو يروح للمضيف
ناي جا ام جويسم تكول الوادم عليه بقيت بلا زلمه
بعد ما ماتت جدتي دمعه
حسن مزوجه انتي قبل !!!
ناي لا شمالك انته يعني جدتي راحت وانه بقيت بلا زلمه
حسن هههههههه على هاي تركضين
ناي هاي اضحك عدكم انتو المدينه احنه عرب
حسن والله يا ناي ام جويسم دفعتج ورحتي برجليج وتريدج لجويسم بس ابلاش
ناي مفهمت شني ابلاش
حسن انتي مو ترحين لعمامج تكليلهم يرحون ياخذون عطوة ورة العطوة سلاح ورة السلاح تاخذج ام جويسم فصليه
ناي اصخام الصخمج يا أم جويسم الا اكتلهه وادفنهه بالبستان
حسن ههههههههه لا تعلمي شغله
ناي شني هاي الشغيله
حسن اذا سمعين حجايه عليج بعد لا تركضين لعمامج اتأكدي وروحي لاخوج عليوي واذا تسكتين عنهه بعد احسن
ناي فهمت جا ام جويسم تريدني ابلاش لجويسم الوصخ
حسن هههههه اي يلا ردي لبستانج ليشوفج احد يم المضايف
ناي مشكور دكتور انه اعلمج ام جويسم الوصخ 😡 رجعت لدار جدتي دمعه ابجي وانحب على حظي ودنيتي ظليت وحدي لا ابو لا ام لا جدتي .....)
حسن (ضحكت عليهه ورجعتهه من طريق المضايف صعبه بنيه وتروح للمضيف ....)
............... .......... ......... .......... ...... .....
عليوي رجعت من عمامي من المضيف رحت للبستان ما لكيت ناي رديت للبيت
ها خويه ناي كتلج لا تردين وحدج
ناي خويه عليوي😭😭 ام جويسم
عليوي شمالهه ام اصويخم
ناي خويه تكول الوادم تكول ماتت جدتهه دمعه وبقت بلا زلمه
عليوي انه اروحن لأم جويسم واعرف منين سمعت
ناي خويه اجيت لمضيف عمامي ودكتور حسن ردني
عليوي خويه شمالج انته معدلة ما تعرفين طبت الحرمة للمضيف زحمه
ناي جا غير ام جويسم
عليوي اروحن انه واردن حكج مربع أفا عليج خويه
ام جويسم
👋👋
ام جويسم شمالك الباب تكسر
عليوي اريد اعرف يا هو الكايل على اختي ناي ظلت بلا رجل
ام جويسم جا انه سمعت الوادم
عليوي انه اعرف الوادم يا هو هذا اكصن السانه بيدي
جويسم هلا بعليوي
عليوي شيخ تقبل امك تكول لاختي ناي ظلت بلا رجل وتكلهه الوادم حجتهه وما تكلي يا هو حجاهه
جويسم خايب يعلوي انه اريدن اختك اقنع ناي
عليوي شيخ انته زلمه حياتك كلهه ثارات وعدوك ينتظر الطكه عليك
جويسم خايب عليوي تخاف على اختك من ثاراتي انه زلمه اليندك بيه ما اعوفنه حي
عليوي شيخ من رخصتك انه ما عندي بس ناي بعد الله لا تفكر بعد بالموضوع
جويسم رايح لعمامك يعليوي ونشوف يا هو انه لو انته
عليوي انه يشيخ انه واختي ما انطيهه
(ما لازم اغثن ناي خليهه تضحك انه احلنهه بويه وينك متت لو موجود جويسم ما يفك حلكه ..... شيخ من تالي جويسم الوصخ )
................ ........ ....... ....... ...... ......
رجعت للبيت لكيت ناي تغني
وردة سكيتهه من ماي العيون 🌹🌹🥀
هلا هلا 🕺🕺بت هويشم تغني وردة وردة
ناي جا ما سامعني اغني .....فضني اسويت ويه ام جويسم عرفت يا هو كال
عليوي خويه راح يخطبج جويسم الوصخ خويه كملي غني باجر تغنين لجويسم
ناي خاب عليوي عن الغشمرة مالتك لا وروح جدتي ....
عليوي وروح جدتي دمعة انه اخوج خويه يسحكون على جثتي وياخذوج وروح هويشم ما يشمون الهوى
ناي خايب خويه عمامي اشلون
عليوي اكتلهم ههههههه اضحكي خويه جا انه مو احزام ظهرج وعضيدج
ناي 😭😭 يبعد طوايف اهلي رويحتي خويه لا تخليني بيد عمامي ويقبلون بجويسم
عليوي اسحك جويسم برجليه لخاطرج يا خويه مسحي دموعج خويه امشينا للشط
ناي صدك تاخذني
عليوي جا جذب بت هويشم هناك نشوينه سميجه ونرد ب ليل
ناي هلا بأخوي وعضيدي البس عباتي واجيك
عليوي تمشينا للشط ناي كلش ضاج خلكهه
لكن ثاني يوم .......
يتبع
