صرخ منصور فيه وهو بيدبحنى وقال :
أوعى تقتله ... هو الوحيد اللى يعرف مكان الكاليفورنيوم.
فنزل السكينه من على رقبتى وزقنى فوقعت على وشى والدم فضل بيسح من رقبتى
كمل منصور كلامه وهو بيتشحتف ومرعوب وقال:
شوفته وسط الدخان وهو بيشيل الشنطه , وبيخبيها , بس والله ما اعرف هو خباها فين .
أبوجزمه ببوز قاله :
مدام هو الوحيد اللى يعرف مكان الكاليفورنيوم يبقى أنتوا مالكوش لازمه !!!
وقرب من منصور وفى أيده الخنجر !!!
قلته :
لو قتلتهم مش هقولك على مكان الكاليفونيوم !!
بس الجمله دى ماطلعتش منى كده !!! طلعت منى بصوت حشرجه من غير كلام!!, تقريبا حبالى الصوتية اتأثرت وصوتى مابقاش طالع!!!
أتنططت على الأرض وشاورت بأيدى اللى مربوطه ورا ضهرى علشان مايدبحش منصور بس مكنش منتبه ليا!!
مسك السكينه وحطها عى رقبة منصور , فضلت أتنطط مكانى والف وانا بحاول أتكلم....
صوتى مش طالع !!!
حاولت أصرخ طلع صوت حشرجه عالى أنتبه ليه أبو جذمه, وساب منصور ،قرب عليا وهو بيقول:
بتقول حاجه !! فهزيت راسى بالموافقه .
فقال وهو بيضحك:
طيب ماتقول !!
طلعت صوت حشرجه , و قعدت أتلوى على الأرض ،فهم أنه مزق حبالى الصوتيه وهوبيدبحنى .
جه ورايا وانا نايم على بطنى وقطع الافيز البلاستيك الى رابط أيدى من ورا
وقالى :
لو مبتتكلمش تبقى تكتب ...
ايدى أتحررت فمسكت رقبتى اللى بتجيب دم , وكتبت بأيدى التانيه على الرمل :
لو قتلتهم مش هقول حاجه ...
ضحك ومسك النبوت وضربنى على راسى , أغمى عليا فتره كبيره ........
فوقت بس لسه مفتحتش عينى , حسيت أنى نايم على ضهرى فوق سرير , مديت أيدى وحسست على رقبتى , فحسيت بملمس الشاش واللزق الطبى على رقبتى !!
فتحت عينى على سقف فوقيا , حاولت ألف برقبتى بس ماقدرتش من الجرح ,فحاولت أقوم بجسمى كله ,قومت بس بصعوبه , ولفيت بعينى علشان أشوف الاوضه اللى محبوس فيها !!!
كانت تقريبا 3متر فى 3 متر ,أرضيتها وسقفها من الاسمنت , على الارض مرمى قدامى بواقى علب كريمات وزيوت شعر لشركة معروفه ,تقريبا أنا فى مخزن من مخازن الشركه دى !!
واللى أكيد ليها علاقه بالعصابه أن مكانتش العصابه نفسها , عصابة مافيا مستخبيه تحت أسم شركه تجميل معروفه !!!!
أنت تقرأ
كاليفورنيوم 2 (مكتمل)
Action3 شبان يعثرون علي كرسي يحتوى بداخله علي مادة الكاليفورنيوم (ثانى أغلى مادة على وجه الأرض) يقررون بيعه علي الديب ويب ويتورطون مع عصابات خطيرة
