حكيت سلك الكشكول اللى معايا فى الارض بسرعه .
بريته زى المشرط وقطعت بيه العازل البلاستيك اللى فوق السلوك التخينه وخليتها عريانه.
مسكت سلك الكشكول اللى معايا ووصلت السلوك العريانه كلها فى بعضها .
العلبة فرقعت فى وشى وكهربتنى بعد ماعملت قفله , وسمعت صوت تكه الباب اللى أتفتح أوتوماتيك !!!!
الباب أتفتح وانا جسمى مزنوق فى الشراع , حاولت أسلت جسمى من شراع الباب , نجحت بس بعد ما شراع الباب ساب جرح عميق بالطول فى نص جسمى المدهون .
طلعت بره الباب ووقفت على طولى ومشيت بسرعة فى طرقه طويله ومليانه أوض وأنا ماسك جمبى اللى بيسح دم !!
وزى ماتوقعت المكان طلع مخزن أدوات تجميل , وصلت أخر الطرقه , لقيت أخرها فسحايه كبيره , وقدامى تلاته قاعدين فارشين على الأرض وبياكلوا .... جمب كل واحد منهم عصاية الكهربا بتاعته ..
لفيت وكنت هرجع تانى بس عينى وقعت على النبوت بتاعى .النبوت بعيد عنى ..وعلشان أوصله لازم أعدى من وراهم من غير مايحسوا بيا .
عديت من ورا الصناديق اللى فيها مستحضرات التجميل , وأستخبيت لحد ماوصلت للنبوت أول ما مامسكته حسيت أنى سيطرت على خوفى و أن روحى رجعتلى , حسيت أنى أقوى ونسيت الجرح اللى فى جمبى !!!
عديت من ورا الصناديق تانى , وروحت ناحية الطرقه اللى فيها الأوض , وخدت فى أيدى كام علبة زيت تانيه ودلقتها فى الطرقه اللى قبل الاوضه ووقفت قدام الأوضه وفى أيدى النبوت .
أستنيتهم يخلصوا أكل , خلصوا ودخلوا الطرقه , أول ماشافوا باب الاوضه مفتوح ولقونى واقف بره بالنبوت ..أتذهلوا وبصوا لبعض وجريوا عليا وفى أيديهم عصيان الكهربا , فأتزحلقوا من الزيت اللى دلقته على الأرض ووقعوا تحت رجلى .
نزلت على راس كل واحد فيهم بالنبوت , كل واحد منهم خدله ضربه واحده فى الاول علشان ألحق أدوخهم كلهم بسرعه قبل ماحد منهم يقوم !!
كل واحد منهم دلوقتى يعينى ماسك راسه اللى بتجيب دم , عديت عليهم واحد واحد بالنبوت ودغدغت راس كل واحد فيهم !!!
بس ولا واحد فيهم لابس جزمه ببوز معدن !!!
خدت كل الكروت الممغنطه بتاعتهم واللى بتفتح أبواب الاوض , وعصاية كهربا من بتوعهم , وعديت على كل الأوض اللى فى الطرقه , وفتحت بيبانها وأنا بدور على منصور والواد ابو نضاره .
لحد مالقيت الواد أبو نضاره فى أوضه ونايم على السرير , مكنش مصدق نفسه أول ما شافنى فتحت الباب .
حاول يقوم من على السرير بس مكنش قادر ... روحت سندته , وقولته :
لو ماقومتش دلوقتى وأتعافيت على نفسك هتموت , دى فرصتنا الوحيد علشان نهرب ... فاهم ...... وزعقتله وأنا بقول :
قوم على رجلك ندور على منصور , وخد دى فى أيدك
أديته عصاية الكهربا
أنت تقرأ
كاليفورنيوم 2 (مكتمل)
حركة (أكشن)3 شبان يعثرون علي كرسي يحتوى بداخله علي مادة الكاليفورنيوم (ثانى أغلى مادة على وجه الأرض) يقررون بيعه علي الديب ويب ويتورطون مع عصابات خطيرة
