سر ياقوت 🌙 ( روايات ليبية )

سر ياقوت 3 " القاتل قدامك يا أمي " 🌙

#سر_ياقوت 🌙 حلقة " 3 "
بقلم #احمد_عبدالله
"القاتل قدامك يا أمي  "
.
( وصلت ياقوت للحوش و خشت للجردينة )
( و هي داخلة )
( شافت سيارة " فرج المصراتي )
👁👁🔥
( خشت ياقوت للحوش و مشت للصالة )
( شافت فرج و قربت عليه )
( و مدت ايدها )
ياقوت : بارك الله فيك عزاك مقبول و ما هانتش عليك العشرة
فرج المصراتي : و من قالك اني جاي نعزي
ياقوت : أمانا ليش جاي
فرج المصراتي : جاي نتشمت
ياقوت : 👁👁🔥 انت شن تقول
فرج : زي ما سمعتي يا ياقوت جاي نتشمت
( فجاء جرت ياقوت و قاماته و شداته من رقبته )
ياقوت : انت يلي قتلت ولدي يا فرج
تكللللمممممممممم انت يلي قتلت يوسف
فرج : ولدك ربي خدي حقي منه
ياقوت : انت يلي قتلت ولدي
( طلقت يدها و حطت يدها علي راسها و الدموع في عيونها )
ياقوت : لو انت قول ، بالله عليك يا فرج
خليني نرتاح قول قوووللللللللل
انت يلي قتله و اللهي انت
قتلك يا فرج مش ولدي يلي قتل ولدك 💔 حرام عليك تحرمني منه ، قتلتني اني 😭 ليش يوسف
فرج : 👁👁 انا لو نبي نقتل ولدك كنت قتلته من 2011 و انتي عارفة و كان نبي نقتلك كنت خليت الثوار يشدوك و يخلوك عبرة لمن اعتبر ، انا عارف و متاكد ان ولدك يوسف هو يلي قتل ولدي يلي كنت نشوفله و نشوف للدنيا و لما فقدته حسيت اني فقدت دنيتي بس عمري ما فكرت نأديك يا ياقوت تعرفي ليش
ياقوت : ليش
فرج : لانك من لحمي و دمي حتي لو ولدك كان كلب بس انتي ما تستاهليش و اعتقد ان الزمن خدي حقي منك و من ولدك
ياقوت : ( شدت ايده ) و حق ولد عمي قولي و متخافش انت يلي قتلته و لا لا ، خليني نرقد مرتاحة بالله عليك
فرج : ( نحي ايدها ) فكري يا ياقوت كويس ، و شوفي ولدك في من تاني غالط ، انا سامحته في ولدي بس مش كل الناس تسامح
( تلفت و مشي )
ياقوت : ( بديت نعيط بصوت عالي ) اااااااه يا كبدي اااااااه
منى : خيرك يا هانم
ياقوت : هو يلي قتل يوسف يا منى هو 💔 حاسة حاسة
منى : 💔 هدي بالك
( جي خوها )
مفيد : هو فرج شن يبي منك
فايزة : قداش ليا ما شفتاش
ياقوت : ( مسحت دموعها ) لالا غير جاي يعزي
( ناضت ياقوت ركبت لدارها )
( فتحت الباب و خشت رقدت علي السرير و الدموع في عيونها )
ياقوت : ولدي ما قتلش ولدك 💔 حرام عليك يا فرج
🌙 تذكر 🌙
" في 2011 "
( صوت باب يطق الساعة 2 فليل )
( لبست و نزلت نجري )
( فتحت الباب )
ياقوت : 🤭 يوسف وين كنت
يوسف : ( شاد سلاح ) ماشي لباب العزيزية
ياقوت : انت هبلت و لا شني
يوسف : ولد عمك فرج طلع جرد
ياقوت : ما دخلناش فيه يا ولدي كل حد حر
يوسف : هرب الكلب لتونس لكن ولده يحيي قاعد الليلة انهاره احرف
ياقوت : بتقتل ولد عمي يا يوسف
يوسف : تي جرد
ياقوت : شن دخلك انت فيه ، ما اديرش عداوة مع اهلك يا يوسف رد بالك
( هو و طالع )

( شديت ايده )
ياقوت : هاذم اهلك يا يوسف
( تلفت و طلع )
ياقوت : 👁👁 يوسف يوسسسسف يوسسسسسسسفف
.
( و للاسف يوسف مشي لحوش فرج و شنع بولده و ياريت قتله و بس 💔 لا دار شن يبي )
.
ياقوت : ولدي دارها ولدي دارها
نور : هادي اخرت تربيتك ، شوفي شن دار
ياقوت : اسكتي خشي خشي
.
( طبعا مشيت لحوش فرج و كان فرج مسافر و اول ما وصلت )
كان مشهد يكسر القلب
امه : قتلتي ولدي يا ياقوت ، قتلتي ولدي يا بنت عمي
ياقوت : 🤭🥺
امه : 💔 ولدك قتل ولدي يا ياقوت ، ولدك شنع بيه يا ياقوت ،
ياقوت : 💔
امه : حسبي الله و نعم الوكيل فيك يا ياقوت ، حسبي الله و نعم الوكيل فيك يا بنت عمي
.
( مكالمة فرج كانت زي الموس في قلبي )
فرج : بارك الله فيك يا بنت عمي ، شكرا يا ياقوت
ياقوت : و اللهي ما نعرف
فرج : ولدك يا ياقوت
ياقوت : لالا مش ولدي لا
فرج : شفته في الفيديو يا ياقوت
ياقوت : لالا مش ولدي لا ، انت تعرف يوسف مستحيل يدير هكي ، هاذم كتيبة خميس و اللهي ماهو يوسف
فرج : حسبي الله و نعم الوكيل فيك يا ياقوت
ياقوت : 💔
............
( و لكن بعد سقوط طرابلس و وقت ما تم هذم حوشي ، لقيت فرج قدام حوشي و يقول رجعوها و نضرته ليا كانت قاسية و كنت خاطري نقوله اسفة بس مش قادرة )
الثوار : اهيا ياقوت المصراتي صور صور ، اركبي ، اتفو عليك يا عاهة مصراتة
فرج : ياقوت ترجع لحوشها
ياقوت : 🥺
فرج : زي ما سمعتوا ترجع لحوشها معززة مكرمة هي و يوسف
.....
ياقوت : شكرا يا فرج
فرج : حق ولدي حناخده منك اني يا ياقوت
ياقوت : 👁👁🔥
.
🌙 الرجوع الي الواقع 🌙
ياقوت : ( الدموع في عيوني ) 💔 حق ولده من حقه ،
اااااااااااااه علي يوسف ااااااااااااااااه
ااااااااااااااااااااااااااااااااه
.
( خشت نور للحوش )
نور : هذا شني الصوت
منى : هادي امك تعيط علي يوسف
نور : قاعدة في قصة يوسف يلي ما تبيش تتم
مفيد : تعالي تعشي معانا يلي نورا
( تلفتتله و بكل وقاحة )
نور : اسمي نور ، نور ، و لو سمحت لو ناسي اسمي معش تناديني
مفيد : خيرك نورا بنت اختي زعلتي
( ما عدلتش عليه و ركبت )
فايزة : شفتها بنت اختك كيف وقحة ، احني كان نروحوا خير
مفيد : نخلي العز هذا كله و نمشي نروح لاش خلي رزق اختي نتبرطع فيه ، هذا من اليوم رزقي
فايزة : شن قصدك
مفيد : توا تفهمي بعدين 👁👁🔥
....
( ركبت نور لدارها خشت لقت صغار حالها في الدار )
نور : انتم شن تديروا اهني
اطلعووووا برااااا
براااااااااااااااااااااااااا
.
ناضت ياقوت من فراشها تجري شدت التليفون و اتصلت بلمحقق نادر
ياقوت : الو
نادر : الو استاذة ياقوت تفضلي
ياقوت : انا اسفة علي الازعاج بس انا عرفت قاتل ولدي
نادر : 👁👁 شني
ياقوت : ايه و اسمه فرج المصراتي
نادر : فرج المصراتي
ياقوت : ايه 💔
نادر : يلي ولدك قتل ولده
ياقوت : 👁👁 انت من قالك
نادر : هذا السوال عيب تساليه لمحقق
ياقوت : بس ولدي و الله ما قتلهة
نادر : بكرا تعالي نتفاهموا
ياقوت :💔🥺
( سكرت المكالمة و الدموع في عيونها و رقدت علي السرير )
✨ تحلم ✨
( واقفة لابسة اسود و قدامي مراية كبيرة )
( نشوف في ولدي قدامي في المراية )
ياقوت : يوسف حبيبي 💔 قتلك فرج يا يوسف
💔 هو قتلك يا ولدي
يوسف : مش فرج يلي قتلني يا امي
ياقوت : 👁👁 امانا من يلي قتلك يا يوسف
يوسف : القاتل قدامك يا أمي
ياقوت : مني مني يا يوسف
يوسف : القاتل قدامك يا امي قدامك
قدامك
ياقوت : يوسسسسسسسفف
( نضت )
ياقوت : اه
اه
اه
( خشت نور تجري للدار )
نور : خيرك يا ماما
ياقوت : يوسف جاني في الحلم يا نور
نور : 👁👁 شن يبي
ياقوت : قالي من يلي قتله
نور : 🔥 اه و شن قالك
ياقوت : قالي ان القاتل قدامي و مش فرج يلي قتله
نور :قالك اسم
ياقوت : لا لا 💔 ( بدت تبكي و تعيط )
نور : امي لازم تنسي الموضوع يوسف مات خلاص
معش يهم اي شي تاني
و اذا علي الاحلام تعودي من الشيطان
ياقوت : 💔😭 نبي يلي قتل ولدي
نور : تصبحي علي خير
( ناضت نور )
( شدت ياقوت ايد نور )
( تلفتت نور و الصدمة فيها )
ياقوت : انتي تعرفي من يلي قتله
نور : لا طبعا و لو نعرف كنت طول قلت
امي انتي حالتك معش تطمن ابدا لازم تمشي لدكتور
تصبحي علي الف خير
.
📍 الصبح بكري ( قسم الشرطة )
( وصل نادر للقسم خش للمكتب )
نادر : صباح الخير
احمد : صباح النور
نادر : شن مزال فرح في غيبوبة
احمد : للاسف مزال
نادر : امس كلمتني ياقوت
احمد : خيرها
نادر : قتلي يلي قتل ولدها
احمد : مني
نادر : فرج المصراتي
احمد : فرج المصراتي 🤭
نادر : ايه اصلا هو كان في دائرة الاتهام من اليوم الاول و بعدين ما تنساش ان ولد فرج قاتله يوسف قبل التورة
احمد : بس هل انت حتحبس فرج المصراتي
نادر : الحق في ضل الدولة يلي ما فيهاش قانون مستحيل نقدر بس لازم نكلمه يكون موجود
.....
( ناضت ياقوت الصبح لبست و طلعت مشت لقسم الشرطة )
.
ناضت نور
( لقت خالها و مرته و ولاده يفطروا )
نور : صباح الخير
مفيد : صباح الورد تعالي نورا كولي فطور معانا
نور : 👁👁 نورا و كولي فطور هذي اي لغة
مفيد : 😂
نور : 👁👁 منى تعالي نبيك
( مشت نور و هي معصبة و لحقتها منى )
فايزة : شفتها كيف تتسهوك عليك
مفيد : بنت اختي و تضحك معاي
فايزة : طيح سعدك هادي تتسهوك عليك
مفيد : فكنا من الكلام هدا علي الصبح جيبيلي الدحي يلي عندك
...
نور : وين امي
منى : طلعت
نور : كيف تخليها تطلع بروحها امي خلاص هبلت رسمي
منى : منقدرش نمنعها
نور : قتلك من امس متخليهاش تطلع
منى: اسفة يا هانم
نور : تمام خلاص ارجعي للبهايم يلي يسمسموا
........
( كلم نادر فرج و جي للقسم )
نادر : استاذ فرج انت متهم
فرج : ما تكملش عارف ، متهم اني قاتل يوسف ولد ياقوت بنت عمي و كلماتك امس ياقوت و قتلك اني يلي قتلت ولدها صح
نادر : صح
فرج : تمام مش قتلك عارف اني
نادر : و انت شن قولك
فرج : قولي لما تجي ياقوت مش توا
( وصلت ياقوت لقسم الشرطة خشت للمكتب )
ياقوت : صباح الخير
( مدت ايدها لنادر و فرج )
( و قعمزت )
ياقوت : و من غير اي كلام اني جاية بنقول كلمة وحدة بس
فرج ما قتلش ولدي
ناصر : 👁👁
فرج : 👁👁
ناصر : كيف
ياقوت : زي ما سمعت فرج مش هو يلي قاتل يوسف
فرج : و شن يلي خلاك تتاكدي يا ياقوت
ياقوت : هكي بروحي ، مش انت يلي قاتل و خلاص
ناصر : شن يلي غير اقوالك يا استاذة ياقوت
ياقوت : لو سمحتو من غير اسئلة ولدي مش فرج يلي قتله و خلاص
فرج : لو سمحت استاذ ناصر نبي نرفع قضية اتهام باطل في حق ياقوت
ياقوت : 🥺
فرج : ( قرب علي ياقوت ) قتلك لو نبي نقتل ولدك كنت قتلتك و قتلته
ياقوت : عارفة
ناصر : تقدر استاذ فرج تتفضل
( ناض فرج )
ناصر : استاذة ياقوت انتي خايفة من شي
لو خايفة انك تقولي هو يلي قاتل قوليلي
مش رح ندير شي بس رح نقفل القضية
تكلمي استاذة ياقوت
ليش غيرتي رايك
ياقوت : تقدر تسكر القضية
ناصر :طبعا
ياقوت : سكرها
( و ناضت )
ناصر : ممكن نسالك سوال
ياقوت : ( تلفتت ) تفضل
ناصر : ليش قتلتي ولد فرج
ياقوت : 💔 مش اني يلي قتلته يلي قتله ولدي ، و لو لقيته حاسبه او اقتله
ناصر : تمام تفضلي استاذة ياقوت
.
( طلعت ياقوت و من غير ما توضح اي شي ، و السبب هو ان تقفل قضية ولدها و تقعد تدور في القاتل بروحها و بدات بعد ما عرفت ان مش فرج يلي قتله و تخلي المحقق متاكد ان القاتل هو فرج و اني انا خايفة منه ، و هذا يعطيني مساحة ندور علي القاتل وسط اعداء ولدي كلها )
.
( بعد ما طلعت ياقوت من المكتب خش احمد لنادر )
احمد : شن صار
نادر : ما صار شي نفت كل اقوالها
احمد : 🤭
نادر : و رح نسكر القضية من الاساس
احمد : ما فهمتش
نادر : خلاص وضحت الصورة ، نفت ياقوت بعد ما هددها فرج و الباين ان فرج هو يلي قتل يوسف بس خافت تقول و الحقيقة افضلها لان فرج هذا خطير
احمد : يعني قضية ولد ياقوت حتتسكر
نادر : من توا حنسكرها و معش حنفكر فيها ابدا و القاتل هو فرج
........
نور : الو ناجي
ناجي : الو يا هانم
نور : خيرها الشركة مسكرة
ناجي : نستني في استاذة ياقوت امتي حترجع
نور : مش حترجع ، برا افتحها من اليوم و خلي الموضفين يخدموا و اني حنخطم عليك مرة مرة
ناجي : حاضر يا هانم
مرته : مني
ناجي : نور بنت ياقوت
مرته : خيرها
ناجي : قتلي افتح الشركة تاني
مرته : ياريتها حتي هي ماتت و تفكينا منها
ناجي : شن حال محمود
مرته : محمود حاله كويس من لما مات ولد ياقوت
حس ان ربي خداله حقه من يلي خلاه معاق
بعد ما بوه سكت علي حقه و مكلماش بكل
ناجي : سكري فمك شن كنتي تبيني ندير ، سكتت و خلاص و اهو ربي خدي حقنا منه خلي نمشي نشوفه
( مشي خش لدار ولده )
( لقي محمود شاد التليفون و مقعمز )
ناجي : اهلا يا غالي
محمود : خش يا بوي
ناجي : كيف حالك
محمود ؛ تمام
ناجي : شن معش فيه سفرة لتونس
محمود : مزال مافيش بس لما رح تجي حيكلمني اشرف و نمشي
ناجي : تمام . هادي صور ياقوت
محمود : ا ا ا ايه
ناجي : و شن ادير في تليفونك
محمود : لا بس نقرا عليها معلومات
ناجي : نبيك يا محمود توا تعيش زي قبل ، خلاص يلي معقك مات خلاص
محمود : قتلك يا بوي
ناجي : نعم
محمود : عندك رقم ياقوت
ناجي : شن تبيه
محمود : نبي نعزيها
ناجي : ايه ليش لا ، ايه عزيها خلي تذكرك و تديرلك العملية باش ربي يسامح ولدها
( عطاه الرقم )
محمود :👁👁🔥
........
( وصلت ياقوت من القسم و الدموع في عيونها نهر )
( خشت الجردينة )
عبيد ( السواق ) وينك يا هانم ، طلعتي بروحك انشغلنا عليك
ياقوت : لالا انا مش صغيرة ، مشيت عندي مشوار و جيت ما تخافش
عبيد : نور قلبت عليك الدنيا
ياقوت : هديكا ديما هكي
( خشت ياقوت و فتحت باب الحوش )
منى : وينك يا هانم انشغلنا عليك ، نور من بكري خايفة عليك
ياقوت : اخر مرة نسمعها اني مش مهبولة باش تخافوا عليا و نور انهارها احرف
منى : فيه حد يستني فيك
ياقوت : مني
( طلع فهد )
فهد : عمتي ياقوت
ياقوت : فهد فهد 💔🔥
( اضبطته)
ياقوت : صاحبك مات يا فهد ، عشرة عمرك مات خلاص
فهد : 😭
ياقوت : قلبي علي يوسف نار نار يا فهد
( شافتله )
ياقوت : مش كلمتك الصبح قبل ما نسمع بخبر و قتلي انك كلمته
فهد : اني الحق كنت نكلم فيه و ما يردش عليا و ما بيتش نشغلك
ياقوت : انت وين كنت
فهد : كنت في تونس
ياقوت : مش قتلي راقد في الحوش الصبح
فهد : 👁👁 لالا قتلك مسافر
ياقوت : باهي خلاص 💔😭 ( رجعت تبكي ) صاحبك مات يا فهد مات
.
نور : رجعت
منى : ايه رجعت
نور : و قاعدة تدور في القاتل
منى : ما نندريش ، بس جي فهد اليوم
نور : تمام تمام اني شوية و نوصل للحوش
.
( روح فهد و رجعت نور للحوش )
ياقوت : معش تخافي عليا
نور : كيف معش نخاف عليك
ياقوت : معش تخافي عليا و خلاص
نور : امي انتي خيرك معاي لامتي حتقعدي هكي معاي
ياقوت : 👁👁
نور : 💔 طول عمرك مش طايقة مني كلمة طول عمرك تحبي يوسف اكتر
ياقوت : اهو ماتتتتتتت 💔 ارتاحي ماتتتتتتتت
نور : 🥺 هذا جزاتي اني طلبت انك تحني عليا و تفكري فيا
ياقوت : 💔 مش وقته الكلام هذا اطلعي برا
نور : متعودة طول عمري علي هكي ، تصبحي علي خير
( طلعت نور من الدار و دموعها في عينها )
( خشت لدارها تبكي )
( لقت صغار خالها في دارها )
نور : اطللللللللععععوووووا برررررااااااااااااااااا
براااااااااااااااا
( طلع الزوز البنات يجروا )
( و سكرت الباب و هي تبكي و تذكر )
🌙 تذكر 🌙
نور : اني من حقي ان نشتغل في الاماكن يلي انا نبيها
يوسف : قلت لا يعني لا
نور : و اللهي . مش من حقك تتحكم فيا و تمنع حلمي ، و هذا حلمي ، يا امي
ياقوت : خيركم
يوسف : تعالي شوفي بنتك يا تبي تخدم في المتابة
نور : غاير مني اني قريت و بنخدم وانت بطال
ياقوت : عيب  ( مدت ايدها و ضربتها كف )
نور : 🥺ليش يا امي
ياقوت : خوك قال لا يعني لا
نور : 🥺و خيرك انتي اشتغلتي و حققتي يلي تبيه
ياقوت : قتلك خوك قال لا يعني لا
نور : 💔 حاضر
( طلعت تجري 🏃🏻‍♀️لدارها )
يوسف ؛ شفتيها لمسخة تبي تخدم في المتابة و يبدا عندها فلوس الكلبة
ياقوت : خليتها تخدم
يوسف : لا يعني لا
.
🌙 الرجوع للواقع 🌙
( تبكي بدموعها 😭💔 الله يرحمك الله يرحمك )
......
📍 في دار ياقوت
( مقعمزة شافت وحدة من بنات خوها )
( نادتها )
ياقوت : اوسمة حبيبتي تعالي
اوسمة : ها عمتي
ياقوت : يا روح عمتي ، حبيبتي تعرفي في الكمبيوتر و التليفونات
اوسمة : نعرف في التليفونات
ياقوت : باهي لو عطيتك تليفون تقدري تفتحيهولي
اوسمة : طبعا
ياقوت : تعرفي يا اوسمة نعطيك 20 جني ، بس بشرط
اوسمة : شني
ياقوت : لا بابا و لا ماما و لا عمتك نور تعرف باهي
اوسمة : باهي
( مشت تجري سكرت الباب و فتحت الدولاب تجري و طلعت التليفون )
( و مداته للبنت )
اوسمة : هذا من غير رمز
ياقوت : به
اوسمة : بس فيه فيس
ياقوت : شني هذا فيس
اوسمة : هذا موقع فيه صاحبك و الناس يلي تعرفيها و يبدوا يراسلوا فيك
ياقوت : تقدري تفتحيه
اوسمة :عندك رقم التليفون يلي مفتوح بيه الفيس
ياقوت : عندي ايه
( اعطيتها رقم شفرة يوسف يلي في التليفون القديم يلي عندي ، لان يوسف لما تزوج شري تليفون جديد بشفرة جديدة )
ياقوت : هذا الرقم 
اوسمة : هذا
ياقوت : ايه هذا
( دخلت البنت الرقم و وصلها الرقم السري و فتحت الفيس )
اوسمة : نفتح
ياقوت : تره ، باهي وين الرسايل
اوسمة : وين العشرين
ياقوت :حاضر
( ناضت للشنطة تجري )
ياقوت : هاك
اوسمة : هاذم الرسايل
ياقوت : تمام شكرا بنتي و هادي 10 تانية و رد بالك تقولي لحد باش ديما نعطيك
اوسمة : باهي
( طلعت البنت من الدار و سكرت الدار و فتحت الرسايل )
الرسالة 📲 ( وينك يوسف حبيبي  ، لازم تجيني بسرعة ، لو ما جيتش حنموت )
ياقوت : 👁👁🤭🔥................. يتبع
( مزال المفاجات في البداية و الباين ان يوسف احباله طويلة هلبا و دائرة الشك مفتوحة ، بس هل نادر حيسكر القضية او لا و من وراء الرسالة هادي )
كل هذا في الحلقة 4 و السوال الاهم #من_قتل_يوسف 💔
تصبحوا علي الف الف الف خير
الكاتب : احمد عبدالله
رايكم علي الحلقة بالله عليكم ❤️