سر ياقوت 🌙 ( روايات ليبية )

حلقة 12 " القاتل " 🌙 " ماقبل النهاية "

#سر_ياقوت 🌙 حلقة " 12 "
                                                        " ما قبل النهاية " 🌙
بقلم : #احمد_عبدالله
" القاتل "
..
( خشت للدار لقت أمها طايحة و تبكي )
نور : نوضي يا أمي
ياقوت : نور معش نبي نعرف القاتل
نور : 👁👁
ياقوت : معش نبي نعرف من قتل يوسف
خلاص ، سامحته من غير ما نعرفه يا نور
خوك ما كانش نسمة يا نور ماكانش نسمة
( تبكي بلعبرة و طاحت علي صدر بنتها )
نور : هدي بالك يا أمي
ياقوت : ( رفعت راسها و بدت تمسح في دموعها ) حنطلع ناجي و نقول ان يوسف هو يلي دار هكي و بلدليل و نرجعه لولده و مرته و نجيب يوسف الصغير من دار الايتام و نسامح كل حد قال حسبي الله و نعم الوكيل في خوك ،،،، كلهم يا نور كلهم
نخليه يرتاح في قبره يا نور
نور : ❤️
ياقوت : معش نبي نعرف القاتل ، معش نبي
نور : 👁👁🔥
.......
( وصل فهد لمركز الشرطة )
( دخلوه لمكتب نادر )
( خش نادر )
فهد : 👁👁
نادر : عندك علم كنت خارج شكوكي
فهد : و اللهي ما قتلته
نادر : لا لا لا يا فهد ، اني ما نتكلمش علي يوسف ، انا نتكلم علي الهروين
فهد : ( بدي يبكي و حط ايده علي راسه )
نادر : الهروب خلا كل اعدارك تنمحي
فهد : و اللهي متع يوسف و ياقوت عارفة
نادر : 👁👁
فهد : البضعة هادي كلها ليوسف  ، و انا و حنان كنا نحاولوا ان نتخصلوا منها
نادر : ايه و هو كان مش راضي مشت قتلته
فهد : لالا مستحيل
نادر : قبل موتت يوسف ، بليلة كنت في تونس و نفس التوقيت هذا حنان كانت في نفس المكان
فهد : 💔 مشيتله قبل ما يموت و ممكن هي الليلة يلي مات فيها
نادر : 👁👁 ومن كان معاه
فهد : مرته بس و كان بينهم خلاف كبير ، مشيتله و طلبت منه ان يدير حل في البضعة يلي حطها في حوش البنت بس قالي تصرفوا و كان مش خايف بس و اللهي ما قتله
نادر : ( بدي ينادي ) يا أحمد
أحمد : نعم
نادر : جيبلي حنان
....
( مشي جابها و جي )
( خشت الدموع في عيونها و شعرها منكوش و مش قادرة تتكلم )
نادر : يا حنان انتي قلتيلي انك كنتي توصلي في فهد صح
حنان ؛ ص ص صح
نادر : كنتي عند يوسف
حنان :👁👁 💔 مشيت انا و فهد كلمناه بس
نادر : ( ناض من الكرسي و سكر الباب )
حنان : ( بدت تبكي ) و اللهي ما قتلناه و اللهي و اللهي
نادر :مش موضوعي هذا
فهد : 👁👁
نادر : من شفتوا مع يوسف هديكا الليلة
حنان : شفت مرته بس
فهد :مرته بس
نادر : الساعة كم تقريبا
فهد : منعرفش
حنان : اني نقولك مع ال 8
نادر :و يوسف مات تقريبا 9 او ال 10 لان الجتة لما لقوها في مليتة كانت ليها فترة حوالي 12 ساعة
حنان : و اللهي ما قتلانه
نادر : تكلمي علي روحك بس
حنان : ح ح حاضر
نادر : قصة الهروين مش رح نقدر نطلعكم منها الا لو ياقوت اعترفت انها لولدها و قصة يوسف أنتم الزوز احتمال الكبير تكونوا قاتلينه
حنان :يعني
نادر : يعني انتي و فهد حتقعدوا في الحبس الا في حالتين لو ياقوت اعترفت ان البضاعة ليوسف ، و لو عرفنا القاتل
حنان : ( بدت تخبط في وجهها ) تعبت حرام عليكم حرام عليكم و اللهي ما درت حاجة
نادر : نقصي صوتك يا أحمد تعالا خودها
( خش أحمد شدها من شعرها و طلعها )
حنان : اااااااه
حسبي الله و نعم الوكيل يا يوسف
...
نادر : أما انت عاقبك حيكون صعب شوي و هذا بسبب الهروب
فهد :👁👁
.........
( ناضت ياقوت و بدت تمسح في دموعها )
نور : وين ماشية يا أمي
ياقوت : نطلع المظاليم
نور : ❤️
( لبست و طلعت لقت عبيد ( السواق القديم )
ياقوت : عبيد
عبيد : رجعت يا هانم كيف حالك
ياقوت : الحمد الله ❤️ توصلني
عبيد : طبعآ
( ركبت ياقوت و طلعت لقسم الشرطة)
......
نور : الو سلمي حبيبتي
سلمي : نور حبيبتي ليك وحشة
نور : و انتي اكتر ، سلمى حبيبتي نبي منك خدمة 
سلمي : تفضلي
نور : نبي 3 تأشيرات سفر لسويد في اسرع وقت ، ليا و لامي و نبيك تخدميلي جواز سفر و تأشيرة لطفل معاي
سلمي : ايه حاضر
نور : في اسرع وقت
سلمي : كم هكي
نور : يوم او يومين
سلمي : في يومين مستحيل
نور : كم ندفع و تجي في يومين
سلمي : هلبا
نور : عادي المهم يومين 🔥
.........
( وصلت ياقوت لقسم الشرطة لقت فهد واقف قدام الباب)
فهد : عمتي ياقوت
ياقوت : 👁👁
فهد : بيحبسوني قوليليهم الحاجات هادي ليوسف ، بالله عليك يا عمتي
امه : بالله عليك يا ياقوت الولد بيمشي فيها
ياقوت : ما تخافش يا فهد حتطلع
( خشت لنادر )
ياقوت : السلام عليكم
نادر : و عليكم السلام ، فيه شي جديد
ياقوت : جاية نطلع كل محبوس بسبب يوسف
نادر : 👁👁
ياقوت : زي ما سمعت ، ما نبيش اي مضلوم في الحبس بسبب ولدي
نادر : كيف حتطلعيهم
ياقوت : حنقول انه يوسف و عندي دلائل تتبت
نادر : ( شافلها بأستغراب ) ياقوت جاية تشهد ضد ولدها النسمة
ياقوت : ( بدت تبكي ) و ان شاء الله ربي يسامحني و يسامحه
( فتحت الشنطة )
( طلعت وراقي )
( بدت تعطي بلوحدة )
ياقوت : هادي ورقة تتبت ان يوسف هو صاحب السلاح
نادر : 👁👁
ياقوت : و هادي ورقة شراء من تاجر تركي كل المخدرات
نادر : 👁👁
ياقوت : ( بدت تبكي بلعبرة ) و عندي وراقي هلبا منها محظر البنت جمانة لما اعتدي عليها و فيديو ضربه لمحمود بسيارة و حتي انه يبيع في سلاح لمراهقات و فيه حالة اليوم تتعالج في المستشفي بسببه ، كل شي عندي لو احتجت
( حطت ايدها علي عيونها و بحسرة ) يسامحوه بس
نادر : ليش ولدك ما تعاقبش علي اعماله
ياقوت : ( و هي تبكي ) لانه ولد ياقوت المصراتي
( تلفتت و بتطلع )
نادر : استاذة ياقوت
( تلفتت )
ياقوت : نعم يا ولدي
نادر : هل هذا سببه النظام السابق 
ياقوت : ( ضحكت و اشرت بأيدها ) النظام السابق قالي ما تربيش ولدك ،  النظام السابق قالي استغلي منصبك ضد الناس ،  النظام السابق قالي ديري شن تبي و هددي الناس
نادر : 👁👁
ياقوت : معش نحطوا ذنوبنا علي النظام السابق  ، يلي غلطه الوحيد ان اعطتنا التقة واحني كنا خاينين ، النظام السابق  يا ولدي غلطه الوحيد انه مكانش طاغي ، لو كان طاغي كان قتلني و قتل يلي زي و قتل يلي يحكموا فيكم بعد ثورتكم ، و نضف البلاد
نادر : 👁👁
ياقوت : نادر ممكن تسكر القضية
نادر : معش تبي تعرفي القاتل
ياقوت : لا ، معش نبي لان اكيد قتله لان غلط فيه ،
نادر : حاضر حنسكرها
ياقوت : شكرا ( تلفتت )
نادر : استاذة ياقوت تشرفت اني شفتك و من زمان و انا نسمع عليك ، ما تخيلتش في يوم نكون محقق قضية تخصك
ياقوت : شكرا ليك انت يا ولدي ( ابتسمت و عيونها دموع )
( و طلعت )
فهد : حنطلع 💔
( قربت عليه و حطت ايدها علي كتفه )
ياقوت : حتطلع ❤️
( طلعت من قسم الشرطة و الدموع في عينها )
( ركبت السيارة )
عبيد : وين يا هانم
ياقوت : دار الايتام 💔
...............
( خش احمد لنادر )
احمد : شن صار معاك
نادر : معش تبي تعرف القاتل
احمد : 👁👁 كيف
نادر : تخيل ياقوت جاية تشهد علي اعمال ولدها
احمد : 👁👁
نادر : كان قتل ولدها كان تصفية حساب بينها و بين ربي ، عشان تعرف ذنوبها و تغفرهم
احمد : حتسكر القضية
نادر : حنسكرها بعد حاجة وحدة بس و هي نتيجة التحليل بس
احمد : كلمني الدكتور
نادر : و شن قالك
أحمد : قالي ان النتيجة 🔥 لبنت 🔥 و نسبة القرابة بينها و بين يوسف 100‎%‎
نادر : 👁👁 مني يعني
أحمد : يعني لازم عينة من يلي شاك فيهم
نادر : فرح
أحمد : فرح 🤭
نادر : ايه ، قالي فهد و حنان انها الوحيدة يلي كانت معاه
احمد : 👁👁
( و هو كيف بيطلع )
أحمد : بس مرته نسبة القرابة 100 ‎%‎
( تلفت نادر )
نادر : شن قصدك
أحمد : نور
نادر : 👁👁🔥اني ماشي ، طلع ناجي من الحبس
أحمد : حاضر
..........................
( وصلت ياقوت لدار الايتام )
مديرة الدار : كيف حالك استاذة ياقوت
ياقوت : بارك الله فيك
مديرة الدار : قداش ليا نبي نكلمك اوراق الولد جاهزة
ياقوت : 👁👁❤️ شكرا شكرا
مديرة الدار : و تقدري تاخديه
ياقوت : ( بدت تبكي ) فرحتيني و اللهي
مديرة الدار : و هادي اوراقه
( شدت ياقوت الاوراق )
مديرة : و زي ما قلتيلي سجلته بأسم ولدك يلي هو مسجل بيه من الاساس
ياقوت : 💔 صحيتي صحيتي
مديرة الدار : ( نادت علي الموظفة تجيبه )
( جي الولد )
ياقوت : 💔 الدموع في عيونها ( معش قدرت تتحمل )
( قرب عليها )
يوسف : خيرك عطلتي عليا
ياقوت ( شدت ايده و باساته ) سامحني سامحني حقك عليا
يوسف : نسيت اسمك
ياقوت : ماما ياقوت
يوسف : ماما ياقوت
( اضبطاته )
ياقوت : ليا شهر ما سمعتهاش ليا شهر من لما مات بوك 💔
( تلفتت و مسحت دموعها )
ياقوت : بارك الله فيك و صحيتي و ياريت تقبلي الهدية هادي مني لصغار الدار ( مبلغ مالي )
مديرة الدار : شكرا ليك استاذة ياقوت
( طلعت ياقوت الفرحة في عيونها )
....
( طلع نادر لنور )
( طق باب الفيلا )
( نور كانت تهدرز في التليفون و ايدها طاسة قهوة )
( فتحت الباب )
نادر : اهلا بيك استاذة نور
نور : اهلين
نادر : كنت نبيك في موضوع بسيط لو تكرمتي طبعا
نور : ايه طبعا تفضل
( خش نادر )
نور : تفضل ان شاء الله خير
نادر : و اللهي اليوم جت استاذة ياقوت قالت انها حتسكر القضية و معش تبي تعرف القاتل
نور : ايه و المطلوب
نادر : قصدي حتي انتي ما تبيش تعرفي القاتل
نور : اذا أمه ما تبيش تعرفه ، تبيني انا نعرفه ، انا مع هذا القرار ، لان بصراحة تعبنا
نادر ؛ ( شاف للطاسة ) استاذة نور ممكن أمية لو سمحتي
( ناضت نور و خلت طاستها قدامه )
( شد الطاسة و كسرها و خدي الجزء يلي كانت تشرب منه نور )
.
( جت نور تجري )
نور : شن فيه
نادر : انا اسف بالله عليك
نور : خيرها الطاسة
نادر : كيف شديتها بنشوفها انكسرت
نور : حصل خير تفضل أميتك
نادر : ( شرب لمية ) شكرا ليك
نور : العفو
نادر : تمام هذا هو الموضوع ، شكرا ليك و نتلاقوا
( و طلع ) 
نور : 👁👁 هذا خيره ، و مش من عوايده يحكي معاي
( طبست و بدت تقيم في المرش )
...........
ياقوت : ( طول الطريق و هي تشوف ليوسف الصغير )
تخيل الغلطة الوحيدة يلي نشكره عليها ❤️
يوسف : وين بنمشوا
ياقوت : لحوشي ، فيه جردينة كبيرة العب فيها و نجيبلك العاب و يلي تبيه و تشوف عمتك نور ،
يوسف : نور
ياقوت : ايه هي عصبية شوية بس طيبة
يوسف : ( بدي يضحك )
ياقوت : رد بالك تقوللها فكنا منها ( بدت تضحك و الدموع في عيونها )
..
( طلع نادر علي المستشفي )
( وصل خش للقسم يلي فيه فرح )
( لقي امها علي نفس حالتها )
امها : شن فيه
نادر : نبي نشوف فرح
امها : تفضل
نادر : ( خش و سكر الباب ) فتح فمها و حط عصاء لوح صغيرة و طلعها و حطها في الكيس
( خشت امها )
( حطها في جيبه بسرعة )
امها : في شي يا استاذ
نادر : لالا تفضلي خشي غير جيت نطمن عليها
امها :زي ما انت تشوف فيها من وقت الحادت
نادر : حتكون كويسة بأذن الله
امها : يارب
( طلع و سكر الباب )
( بدت امها تبكي )
🔥 فجاء تحركت ايد فرح و حطت ايدها علي ايد امها 🔥
..............
( وصل نادر لقسم الشرطة )
نادر : يا أحمد
احمد : شن صار معاك
نادر : تفضل هاذم فيهم لعاب نور و فرح
احمد : 👁👁 كيف درتها
نادر : المهم توا ارفعهم للدكتور و نبي النتيجة بسرعة . حقا طلعت ناجي
احمد : طلعته
نادر : تمام
( تلفت و مشي )
نادر : سكر الباب وراك
احمد : حاضر
( سكر الباب و طلع )
.........
( وصلت ياقوت هي و يوسف )
( خشت )
ياقوت : يا نور يا نور ( بدت تنادي )
( تلفت لقت دم )
ياقوت : 👁👁🔥 ننننووووورررررررررررررر
.........
( وصل ناجي لحوشه )
( طق الباب )
مرته ؛ ناجي 🥺
ناجي : رجعت ليك و لمحمود
( اضبطاته )
( طلع محمود من الدار )
محمود : 🥺💔
...........
نادر : قعمز و جاب ورقة و بيروا و قص الاوراق مربعات بدي يكتب
🔥 فرج 🔥
و حرق الورقة
🔥 محمود 🔥
و حرق الورقة
🔥 جمانة 🔥
و حرق الورقة
🔥 حنان 🔥
وحرق الورقة
🔥 ناجي 🔥
وحرق الورقة
🔥 فهد 🔥
وحرق الورقة
🔥 صلاح 🔥
وحرق الورقة
و اكتب
🔥 فرح 🔥
🔥 نور 🔥
و علقهم في الحيط
( و الباقي الاوراق اصبحت رماد )
...........
ياقوت : ( تعيط بصوت عالي ) نور نور يا نوورررر وينك
نور : نعم يا ماما
( بدت تجري )
ياقوت : انتي وين
نور : ( نزلت من الدروج ) نعم كنت في الدور التاني
ياقوت : شن الدم هذا  و بعدين خيرها ايدك
نور : نجرحت و انا نقيم في المرش متع الطاسة
ياقوت :( حطت ايدها علي قلبها ) نخلعت عليك يا بنتي
نور : ( قربت من امها ) لا حبيبتي ما فيا شي
ياقوت : تعالي شوفي المفاجاء
نور : 😊 وينها
ياقوت : تعال يا يوسف
نور : 👁👁🔥
ياقوت : ( مبتسمة ) اهي نور يا يوسف
يوسف : انتي العصبية
نور : 👁👁🔥 ( شافت لامها )
ياقوت : ( ضحكت ياقوت لنور ) هههههها نبصر عليه ، تعال بوس عمتك الطيبة هادي
( قرب عليها )
نور : ( طبست عليه وحطت عينها في عينه و باساته من خده )
ياقوت : ☺️
نور : شفت كيف انا مش عصبية بكل ،
ياقوت : مش قتلك اني طيبة
نور : 👁👁
........
ياقوت : من اليوم حيعيش معانا يوسف
نور : ماما حبيبتي ( حطت ايدها في خد بنتها )
ياقوت : نعم حبيبتي
نور : في موضوع مهم نبي نهدرز عليك في الليل ،
ياقوت : ان شاء الله
نور : خير خير
ياقوت : اني ماشية بنرقد شوي ، ساعة و نوضيني
باش نلعب مع يوسف الغزال
نور : حاضر
( ركبت ياقوت لدراها )
.........
( فرح في المستشفي )
امها : نضتي يا بنتي
فرح : ماما معش تقولي حد اني نضت نبيك بروحك
امها : حبيبتي حاضر مش رح نقول
فرح : فيه موضوع لازم تعرفيه
( شدت ايد امها )
........
( ياقوت راقدة و تحلم )
🌙 تحلم 🌙
( ما نشوف في شي و الدنيا مشوشة في عيوني )
( شفت يوسف طايح بدمه )
( و صوت عياط كبير في ودني )
( نحاول نفتح عيوني اكتر مش قادرة )
( نشوف في ايد بنت تمسح في عصاء حديد مغطية بلدم )
( نمسح في عيوني بايدي نبي نشوف اكتر مافيش فايدة )
( نشوف فيها كيف نحت دبشه )
( نشوف فيها تمسح في دمه )
ياقوت : يرسسسف يووووسسسففف يووووسسسسسسففف
🌙 ناضت ياقوت و هي مخلوعة و النفس هارب 🌙
( جت نور تاني )
نور : حلم تاني
ياقوت : لا مش حلم اني عرفت من قتل يوسف
نور :👁👁 شني
ياقوت : شفتها شفتها
نور : م م مني
ياقوت : بنت وحدة بنت ، يلي قتل خوك بنت يا نور ، اخرتها يموت علي ايد بنت
نور : لا يا أمي لا هذه تخاريف
ياقوت : تخاريف شني شفتها بعيني يا نور  . شفت ايدها ، خلي نمشي نقول لنادر ، لازم يعرف ، لازم
( ناضت من السرير و بدت تلبس )
نور : استني يا أمي استني
ياقوت : خلي نمشي بالك يعرفها
نور : مش قلتي سامحتي  القاتل خلاص يا امي القضية تسكرت
ياقوت : ( تبكي ) منحسابش انها بنت ، بالك نعرفها يا نور ، نبي نسالها ليش ليش بس
نور  : لالا استني
ياقوت :  خليني يا نور
( نزلت ياقوت )
( وقفت نور قدام الباب )
نور : استني
ياقوت ؛ نور خيرك خايفة ننسي شن شفت
نور : باهي ممكن تستني نديرلك قهوة تعدلي دماغك و نطلع اني و ياك
ياقوت : ( و الدموع في عينها )هذا وقت قهوة
نور : بالك عليك
ياقوت : باهي بسرعة يابنتي بسرعة
( رجعت ياقوت و قعمزت علي كرسي )
( و تبكي )
.............
ام فرح : تكلمي يا بنتي خيرك
فرح : امي اني نعرف القاتل
امها : اي قاتل
فرح : قاتل يوسف
امها : منى يا بنتي
فرح : .........
امها : 🤭🔥شني
..........
( ياقوت مقعمزة و حاطها ايدها علي راسها و تبكي )
ياقوت : شفتها شفتها
........
( خشت نور الكوجينة حطت البكرج علي النار )
( حطت السكر و القهوة )
( و فتحت الدولاب و طلعت حبوب 🔥 )
( و خلطت القهوة )
.......
ياقوت : ( حاطها ايدها علي راسها و تبكي ) شفتها و اللهي شفتها ، ظوافرها حمر ، ظوافرها حمر ، لابسها سلسلة ذهب و عليها نجمة
لابسه سلسلة
( فجاء ياقوت سكتت و هي بتعاود الكلمة )
ياقوت : ( بصدمة و الدموع في عيونها ) سلسلة ذهب و عليها نجمة ⭐️
.......
( خش احمد يرجي فتح المكتب )
نادر : شن صار
احمد : طلع التحليل
نادر : مني قول
أحمد : مستحيل مستحيل
نادر : مني ؟
احمد :..........
نادر :🤭👁👁🔥
.........
( ناضت ياقوت من الطاولة و مشت الكوجينة )
ياقوت : نور
( تلفتت نور و القهوة في ايدها ☕️ )
نور : القهوة واتية ماما ،
ياقوت : نور وين سلسلتك الذهب يلي عليها نجمة ⭐️
نور : 👁👁🔥
(طاحت القهوة من ايدها ☕️🔥 )
ياقوت : 💔....................................يتبع
الي اللقاء للحلقة الاخيرة 🔥 بقلم الكاتب #أحمد_عبدالله