سر ياقوت 🌙 ( روايات ليبية )

سر ياقوت 4 " ‏أحساس أم " 🌙

#سر_ياقوت 🌙 حلقة " 4 "
بقلم #احمد_عبدالله
" أحساس أم  "
.
ياقوت : تره ، باهي وين الرسايل
اوسمة : وين العشرين
ياقوت :حاضر
( ناضت للشنطة تجري )
ياقوت : هاك
اوسمة : هاذم الرسايل
ياقوت : تمام شكرا بنتي و هادي 10 تانية و رد بالك تقولي لحد باش ديما نعطيك
اوسمة : باهي
( طلعت البنت من الدار و سكرت الدار و فتحت الرسايل )
الرسالة 📲 ( وينك يوسف حبيبي  ، لازم تجيني بسرعة ، لو ما جيتش حنموت )
ياقوت : 👁👁🤭🔥
( شفت رسائل هلبا من الرقم هذا 👁👁🔥 )
.
📍 في دار نور 🔥
( مقعمزة نور و تبكي ناضت فتحت الباب و نزلت للمطبخ بتشرب أمية )
( خشت للمطبخ فتحت التلاجة )
( تسمع في صوت البنات )
ياسمين : منين ال 30 جني هاذم
اوسمة : اعطتهملي عمتي ياقوت لما فتحتلها تليفونها القديم
نور : 👁👁
اوسمة : و قتلي ما تقولي لحد بكل
ياسمين : حتي اني نبي فلوس
اوسمة : قاعد فيه كمبيوتر تبي حد يفتحه انا معرفتش
نور : ( شرقت بلمية )
اه اه اه اه 🥱
( طلعت من المطبخ لدارها 🔥 )
........
📍 في دار ياقوت
( قاعدة تفتش في التليفون )
و رقدت
......
🌞 الصبح الساعة 9
( يطق باب دار ياقوت )
( ناضت ياقوت تفتح )
منى : يا هانم في زوز نساوين لوطة يبوك
ياقوت : حاضر شوية و نازلة
منى : تمام
( نضمت امورها و طلعت من الدار و نزلت )
( اول ما نزلت ياقوت )
( طلعت نور من دارها )
( بدت تأشر لمني )
نور : تعالي تعالي ( بصوت واطي )
منى : نعم
نور ؛ امي نزلت
منى : ايه جايين زوز نساوين بيعزوها
نور : باهي تمام
منى : تبي حاجة
نور : لالا انزلي لوطة
( نزلت منى )
( تلفتت نور . لقت خالها وراها )
نور : انت شن ادير اهني
مفيد : في وحدة تسال خالها شن ادير اهني ، هذا حوشي زي ما هو حوشك
نور : ايه طبعا 👁👁
( تلفت مفيد و نزل )
( طلعت نور تجري 🏃🏻‍♀️ لدار ياقوت )
...
( نزلت ياقوت للصالة )
مريم : ووووووووه علي يووووسسسف وووووه
توا كيف سمعت يا حبيبتي ، ربي يصبرك
ووووووه هذا زي ولدي و الله
ياقوت : حبيبتي مريم كيف حالك
مريم : باهي عرفتينا يا ياقوت ليا من 2003 معش شفتك
ياقوت : الدنيا تلاهي
مريم : باهي يلي شفتك يا ياقوت و اللهي ليك وحشة
ياقوت : 🥺❤️ صحيتي مريم انتي من ريحة الغوالي و الله
مريم : هذه بنتي يا ياقوت
ياقوت : ما شاء الله ربي يحفظها كبرت
مريم : خليتيها زغيرة
ياقوت : ربي يحفظهالك
مريم : تعرفي ديما نسال عليك و نقول نجيك بس نتحشم نقول مرات نسيتني
ياقوت : ننسي الناس الطيبة يلي عشت معاهم
.
📍 نور في الدار
( تدور في دار ياقوت و قلبت عليهم الدنيا كلها )
( و لقت التليفون بس الكمبيوتر لا )
.
ياقوت : بارك الله فيكم عزاكم مقبول
مريم : ان شاء الله ما نجوك الا في الخير بسلامة
ياقوت : بسلامة
( سكرت الباب وراهم و خشت )
( ركبت في الدروج و وصلت لدارها و فتحت الباب )
نور : 👁👁
ياقوت : انتي شن اديري اهني
نور : اني كنت
ياقوت : ( شافت في ايد نور التليفون ) كنتي بتاخدي التليفون و الكمبيوتر
نور : لا لا
ياقوت : ( سحبت من ايد نور التليفون ) شن حتستفيدي مش عارفة
طول عمري نعرفك زعلانة من خوك بس اول مرة نعرف انك تكرهيه لدرجة هادي
( فتحت التليفون ) 🤭👁👁🔥 انتي مسحتي الرسايل
مسحتي الرسايل يا نورررررررررر
نور : 🥺💔 و اللهي ما مسحت حاجة
ياقوت : ( شدت يد نور بلقوة ) انتي طول عمرك هكي مش حتتغيري ابدا
🔥احساسي 🔥دائما يقول انك تكرهي خوك
نور : 🥺💔
ياقوت : نقولك حاجة اني حنخليلك الحوش و طالعة
و اقعدي فيه
( تلفتت ياقوت و بدت تلم في دبشها )
نور : ( الدموع في عيونها ) خليك انتي اني طالعة من الحوش
اني متعودة نطلع من الحوش من زمان
متعودة علي كل الكلام هذا
ياقوت : اطللللعي اطلللعي معش نبي نشوفك اطللللعععيييي
( خشت نور تجري لدارها و تلم في دبشها )
منى : استهدي بالله يا هانم
نور : 💔🔥 من يومي انا هكي من يومي
( و الدموع في عيونها نهر )
🌙 تذكر 🌙
و لما كانوا صغيرين
نور : معش تمد ايدك عليا يا ماما
امي : خيرك
نور : تعالي شوفي يوسف يضرب فيا
امي : قعمز يا يوسف
نور : ( ناضت تجري ) تعرفي ليش يضرب فيا علي خاطر شده المدرس اليوم يدخن
امي : 👁👁 سكري فمك يا حيوانة خوك ما يديرش هكي
تعالي يا يوسف اضربها قليلة الادب هادي
نور : 🥺💔
.....
🌙 الرجوع للواقع 🌙
نور : متعودة متعودة 💔
( لمت دبشها و طلعت من دارها و نزلت و دموعها في عيونها و فتحت باب الحوش و طلعت )
( و هي طالعة لقت قدامها ناجي )
ناجي : خيرك يا هانم فيه شي
نور : ابعد عليا انت التاني
( و طلعت بسيارتها )
( خش ناجي للحوش )
.....
📍 دار ياقوت
ياقوت : مقعمزة ياقوت تبكي بعد ما لقت التليفون كله ممسوح
و منهارة
( طقت منى الباب و خشت )
منى : يا هانم ناجي يستني فيك لوطة
( شافتلها و مسحت دموعها و نزلت معاها )
.
ياقوت : اهلين كيف حالك يا ناجي
ناجي : كيف حالك يا هانم
( جي مفيد قعمز معاهم )
ناجي : خيرها نور هانم فيه شي
مفيد : و انت شن خصك
ناجي : 👁👁
ياقوت : ( شافت لخوها بغضب ) مفيدددد
( تلفتت لناجي و بتسمتله )
ياقوت : مشكلة بسيطة
ناجي : اها ربي يهدي ، قتلك استاذة ياقوت ، اني اليوم جايك اليوم بخصوص الشركة
مفيد : ايه خيرها
ياقوت : ( تلفتت ياقوت و بكل عصابية ) مفيييدد
كمل ناجي
ناجي : المهم ، كنت جاي بنقولك هل نفتح او نستناك لين تبدي في الشغل
ياقوت : لالا افتح و اشتغل و اصلا جي فهد فا افتحوا الشركة و ابدوا اشتغلوا كاني موجودة
ناجي : تمام حاضر
مفيد : و انا حنجي معاك
ناجي : 👁👁
مفيد : ايه طبعا هذا من اليوم مالي و لازم نحافظ عليه . مال اختي هو نفسه مالي
ناجي: ايه طبعا تشرف
( ناض ناجي و ناضت ياقوت و سقداته للباب )
ياقوت : ناجي حطه اي شي في الشركة المهم يسكت و يفكني نقولك حطه في الطباعة و قوله هذا مكتب المدير دير معاه اي حل
ناجي : حاضر اطمني ، قتلك ياقوت هانم ، عطيت رقمك لولدي محمود يبي يعزيك ، كلمك
ياقوت : لا الحق ، بس قوله انه عزاه وصل و بارك الله فيه
ناجي : مع السلامة
( سكرت ياقوت الباب وراء ناجي و ركبت لدراها )
( شدت تليفونها )
( لقت رسالة غريبة من رقم غريب )
الرسالة 📲 ( ولدك البداية و الجاي كل يلي تملكيه )
ياقوت : 👁👁🤭🔥
( مشت ياقوت تجري للكمبيوتر فتحاته لقاته مسكر و معرفتش كيف تفتحه )
( سكرته و هي معصبة )
......
📍 قسم الشرطة
احمد : صباح الخير
نادر : صباح النور
احمد : شفت شركة ياقوت رجعت اليوم فتحت
نادر : باهي كويس هذا يأكد ان ياقوت عرفت من يلي قتل ولدها و توا بتشوف حياتها
احمد : يعني انت تأكدت ان فرج هو يلي قاتل
نادر : طبعا
احمد : باهي شن رايك ان اليوم واحد من جماعتي شاف نور معاها بضاعتها في حوش خوها
نادر : 👁👁🔥 نور
.......
( فتح ناجي الشركة ، و معاه مفيد )
( خش )
( وصل فهد )
ناجي ؛ كيف حالك فهد
فهد : الحمد الله استحشت الخدمة و الله
ناجي : انت هذا كله في تونس
فهد : قلت خلي ندهور شوي
ناجي : سمعت مفيد هذا بيبدا معانا في الشركة
فهد : حي بلحقا
ناجي : قصدي انتبه
فهد : و كيف بدير في هديكا الحاجة
ناجي : اسكت توا اسكت  👁👁
...
مفيد : يا ناجي وينك
ناجي : تفضل استاذ مفيد
مفيد : نبي مكتب اختي ياقوت
ناجي : بس هذا ممنوع
مفيد : تي اما ممنوع متعك نبي مفتاح المكتب قتلك
ناجي : 🤭🔥
.....
( مقعمزة ياقوت بروحها في الحوش و تبكي بعد ما مشت نور )
( تسمع في منى تكلم في بنتها )
منى : تي باهي اسكتي
رنا : نقولك تعبانة
منى : باهي خلاص اسكتي
ياقوت : خيرك منى
منى : و اللهي رنا بنتي تعبانة شوي و تبني نرفعها
ياقوت :قصدك واقفة قدامي ، تي بري لبنتك امشي
منى : بلحقا يا مدام
ياقوت : بسرعة بس قبل ما تطلعي جيبي الشنطة
( مشت تجري جابت الشنطة )
( فتحت ياقوت الشنطة و طلعت منها فلوس و مدتهم لمنى )
منى ؛ لالا خيرك سابق
ياقوت : ( عصبت عليها ) عيب عليك يا منى و طمنيني عليها بالله عليك
منى : بارك الله فيك
( فرحت بيهم و طلعت تجري )
( جت فايزة مرت مفيد خو ياقوت )
فايزة : هي حتي اني بنروح لمصراته
ياقوت : ليش ان شاء الله خير
فايزة : و اللهي امي تعبانة و اهو قاعد معاك مفيد
اوسمة : بنمشو نحنو لعرس خالي
( شفت فايزة قرست ايد بنتها )
فايزة : ( ضحكت ) صغيرة تبصر
ياقوت : 👁👁 💔 لالا حبيبتي بري ربي معاك و طمنيني علي امك
( طلعت هي و صغارها )
( متحشمة تقولي ماشية لعرس خوي )
.
( قعمزت في الحوش بروحي و الدموع في عيوني )
( كلمت ام فرح و سالتها علي فرح لقيتها تبكي و تقولي ان فرح قاعدة في غيبوبة )
🥺💔 ربي يشوف فيك يا فرح
....
( مع الساعة 7 المغرب  )
( طق باب الحوش )
( فتحت لقيته عابد ( السواق )
ياقوت : نعم عابد فيه شي
عابد :و اللهي كنت بنقولك اني بنبطل الفترة هادي الشغل
ياقوت : ان شاء الله خير خيرك
عابد : تعبان شوي و بعدين طالبين عليا صورة لضهري
ياقوت : ان شاء الله بشفي تمام حنكلم ناجي يخليلك غدوا حاجة ليك في الشركة خودها ، بس طبعا نستناك تتعالج و ترجع
عابد : حاضر ، بارك الله فيك
ياقوت : سلمك
عابد : حقا يا هانم فيه شبوب يسكن في الحي متعي ، يبي خدمة و لما سمع اني نخدم عندك ، اصر انه ندوره خدمة في حوشك
ياقوت : به
عابد : شن رايك نعطيه خدمة السواقة و لما نرجع اني بعدين نعطيه اي شي تاني
ياقوت : تمام خليه يجي نشوفه
عابد : موجود ، عرفتك حتوافقي
يا صلاح يا صلاح
ياقوت : 👁👁
( نشوف في شاب في عمر ولدي يوسف )
صلاح: اهلين يا هانم
ياقوت : اهلا يا صلاح
عابد : تعرفي عليه و متاكد انك حتوافقي عليه صباح راجل كويس و خديم ، بسلامة
صلاح : 🙂
ياقوت : تفضل خش ولدي
( دخلاته و قعمزاته في الصالة )
ياقوت : انت شن تخدم
صلاح : اني متخرج سياسة و كل مرة خدمة و خلاص
ياقوت : زي بنتي نور ، باهي خيرك ما تخدمش بشهادتك
صلاح : شهادة السياسة توا ولت اخطر من الكتاب الاخضر
ياقوت : ان شاء الله حنلقالك خدمة بأذن الله ، خلاص اني وافقت عليك
صلاح : شكرا ليك يا هانم ☺️
ياقوت : نعرفك بيا و لا تعرفني
صلاح : طبعا نعرفك استاذة ياقوت المصراتي
ياقوت : ايوه و عندي بنت و ولد ، بس الولد عطاك عمره
صلاح : ايه يوسف الله يرحمه
ياقوت : 👁👁 🔥 بس اني ما قتلكش اسمه ...............................يتبع
.
الغموض حيكون اكتر و احدات في انتظاركم اكتر بكتير ، و الاهم هو #من_قتل_يوسف
بقلم : #أحمد_عبدالله
رايكم في الحلقة بالله عليكم و تعليقات طويله و ليلتكم طيبة ❤️