سر ياقوت 🌙 ( روايات ليبية )

حلقة 9 " القاتل ... لا " 🌙

#سر_ياقوت 🌙 حلقة " 9 "
بقلم #احمد_عبدالله
" القاتل ....... لا "
.
جمانة : ولد ولدك يلي قتله عليه و كذبني
ياقوت : انتي شن تقولي
جمانة : لو تبي ولد ولدك اني لوحته في دار الايام و معش نبي نشوف وجهك يا ياقوت ، خربتي حياتي زمان و حتخربيها توا ، حرام عليك خليني نشوف حياتي و نتزوج ، فرحت لما لقيت حد يرضي بيا ، انسيني يا ياقوت ، خودي ولد ولدك و ربيه و لا خليه ، اني تعبت يا ياقوت
ياقوت :🤭🔥💔 لا لا لا يوسف ما يديرش هكي
جمانة : طول ما انتي عامية عيونك علي ولدك كل يوم حتشوفي مصيبة و خليك ديما كاذبة و تقولي ان ولدك نسمة ولدك
🔥شيطان 🔥
ياقوت : ( بدت تبكي و تضرب في وجها ) ااااااااه عليا ااااه يارب نموت يارب نموت ياربببببب
جمانة : و في اخر الحديت حابة نقولك ، حسبي الله و نعم الوكيل فيك و في ولدك يا ياقوت
ياقوت : 💔💔🔥
( طاحت و الدموع في عينها )
ياقوت :لاااااااااااااااااااااااااااااااااا💔
( تلفتتلها جمانة )
جمانة : الولد اسمه يوسف فودة علي اسم ولدك
ياقوت : 🤭
( جت منى تجري )
منى : انشغلت عليك يا هانم
ياقوت : 💔
( نوضت ياقوت و دخلتها للحوش )
.....
نادر : ها شن صار
احمد : الرقم مش لجمانة
نادر : لمني
احمد : لجهاز 18
نادر : 👁👁 هذا مني
احمد : الشخص يلي يبعت في الرسايل يبعت فيها عن طريق رقم وهمي ، و مش مسجل في منظمومة ليبيانا
نادر : باهي كيف نوصلوله
احمد : عندنا حل بس ياخد شوية وقت ، و هو تحديد موقع الجهاز
نادر : تمام ، نبي نعرف في اقرب وقت
........
( نور ما روحتش و سمعت كلام جمانة و ياقوت بس للان ما فهمتش )
( رجعت للحوش و دارت سبلة انها نست حاجة )
( خشت )
ياقوت : شن تبي
نور : نسيت حاجة
( لقت ياقوت مقعمزة و تبكي )
نور : ماما لو عندك اي مشكلة قوليلي انا نحلهالك
ياقوت : بارك الله فيك يا ستي ما نبيش مساعدتك
نور : خيرك يا ماما
ياقوت : نحساب روحي لقيت القاتل طلعت مش هيا مش هيا
نور : كنتي شاكة في البنت هادي ،و بعدين حقا يوسف شن دار معاها
ياقوت : 👁👁 منعرفش ، هي كانت حاطة بلاها عليه الله يرحمه
نور : يعني انتي شكيتي في جمانة و خليتي فهد
ياقوت : 👁👁 شن قصدك
نور : فهد صاحب يوسف
ياقوت : ( ناضت ياقوت و شافت لبنتها ) انتي حاسة بلي اني حاسة بيه
نور : يلي هو
ياقوت : فهد طول عمره يغار من خوك و زاد غار منه لما عطيت الشركة لخوك ، صح فهد يديرها صح
( بدت تبكي )
ياقًوت : صح فهد هو فهد 💔
( رقدت ياقوت و جنبها نور )
( ناضت ياقوت و خلت نور راقدة )
( نزلت كلمت ناجي )
ياقوت : تعالي نبيك ضروري
ناجي : حاضر يا هانم
.
( ناضت نور ودارت روحها راقدة )
.
( وصل ناجي طلعت و ركبت معاه )
ناجي : قاعد السواق في المستشفي
ياقوت : قاعد
ناجي :وين تبي تمشي
ياقوت :دار الايتام
ناجي : حاضر
( طلعت هي و ياه )
..
( نزلت نور و طلعت و لحقت ناجي )
.
( وصلت ياقوت و ناجي )
( تلفتت لناجي )
ياقوت : المكان هذا ما نبيش اي حد يعرفه الا انت بس ، و لو سمعت ان حد عرف حسابك حيكون كبير فاهم
ناجي : فاهم
ياقوت : رد بالك هذه سمعت ولدي
ناجي : حاضر
( نزلت للدار هي و ناجي )
.
( نور لحقتهم لدار الايتام )
نور : هذه شن ادير اهني 👁👁
..
( خشت لادارة الدار )
رئيسة الدار : انسي و شرفتي استاذة ياقوت المصراتي
ياقوت : الله يأنسك
رئيسة الدار :كيف نساعدك
ياقوت : ( بدت تضحك و متوترة و خايفة ان حد يعرف ) هو اني جاية اليوم حنتبني ولد من الدار
رئيسة الدار : حلو هلبا
ياقوت : ايه وحدة تحبني جابت ولد و حططاته اهني و الحلو انه سماته زي اسم ولدي بزبط
رئيسة الدار : شن اسمه الولد
ياقوت : ي ي يوسف فودة
رئيسة الدار : يا حنان جيبيلي الولد يوسف فودة
ياقوت : 👁👁
( جت و جابت الولد )
( كان عمره 3 سنين )
رئيسة الدار : هذا يوسف
( تلفتت ياقوت فجاء كانها شافت يوسف بزبط )
ياقوت : 🤭🥺💔 هذا يوسف
رئيسة : قرب يا يوسف لاستاذة ياقوت
( قرب الولد )
يوسف : ياكوت
ياقوت : 🥺💔 الله محلاها بصوتك ، ( حطت ايدها علي وجهه ) الله يا يوسف قداش ليا مساحشاتك
يوسف : حتاخديني معاك
ياقوت :طبعا طبعا ، و حتعيش معاي و حتعوضني علي يوسف الكبير ،
( شدت الولد و بدت تبكي )
ياقوت : ااااااااه يا قلبي ااااااه
رئيسة الدار : فيه شي يا استاذة ياقوت
( وخرت الولد )
( و بدت تمسح في دموعها )
ياقوت : لالا انا حناخد معاي يوسف
رئيسة : بس هذا يبي اجراءات
ياقوت : تمام ابديلي في الاجراءات حالا و في اسرع وقت و نبي يوسف يتعامل معاملة خاصة بالله عليك
( فتحت الشنطة ) هاذم 30 الف جني اعتبريهم تبرع مني للجمعية و ياريت تسرعي في اوراق يوسف
رئيسة الدار : شن ليك استاذة ياقوت
ياقوت : مع السلامة يا يا يوسف
يوسف : باي 👋🏻
ياقوت : 👋🏻🥺❤️
( طلعت ياقوت هي و ناجي و الدموع في عيونها و تبكي )
( ركبت السيارة )
.
( نزلت نور من السيارة و خشت هي للدار )
.
( ياقوت في السيارة )
ياقوت : تمام يا صلاح المهم تكون كويس
صلاح : اني كويس
ياقوت : خلاص حنبعتلك سواق حالا
( سكرت الخط )
ناجي : الولد الصغير فيه شبه من يوسف
( تلفتت ياقوت و هي معصبة )
ياقوت : شن قصدك ولد يوسف بلحرام
ناجي : لا ما نقصدك
ياقوت : خلاص امانا اسكت
ناجي : حاضر
..
( في المستشفي )
( طلع صلاح من المستشفي و رجع لحوش ياقوت )
.
نور : السلام عليكم
رئيسة الدار : و عليكم السلام انتي مني يا هانم
نور : انا نور فودة بنت ياقوت
رئيسة : اهلا اهلا للغالية
نور : سلمك يارب ، اني جاية بخصوص موضوع أمي
رئيسة : اها موضوع الولد يوسف
نور :🤭
رئيسه : حتي انتي حابة تشوفي يوسف. يا حنان جيبي يوسف
( جي يوسف )
نور : 💔👁👁
( خافت و طلعت طول )
.....
( وصلت ياقوت بسيارة )
( روح ناجي و نزلت ياقوت )
( شافت صلاح )
ياقوت : حمد الله علي سلامتك
صلاح : سلمك شكرا
( تلفتت شافت نادر يستني فيها قدام باب الحوش )
( مشت وصلت للحوش )
نادر : اهلين استاذة ياقوت
ياقوت : اهلين
نادر : حابب نتكلم معاك كلمتين
ياقوت : تفضل
( دخلاته للحوش و قعمز )
ياقوت : تفضل
نادر : اليوم فتحنا الكامبيوتر و بأذن الله بنبدوا في تفتيش الصور و الرسائل
ياقوت : 👁👁
نادر : حابب منك مساعدة ،
ياقوت :ت ت ت تفضل
نادر : قاعدة شاكة في جمانة
ياقوت : لا لا مش جمانة
نادر : و كيف تأكدتي انها مش هيا
ياقوت : قتلك مش هي و خلاص ،
نادر : انتي ولدك مداير حاجة مع جمانة
ياقوت : ولدي اشرف و اطهر خلق الله ، ولدي نسمة نسمة
نادر : تمام اني المهم معش نبيك تخبي عليا اي شي لو سمحتي استاذة ياقوت
ياقوت : ايه ايه ان شاء الله
نادر : نستأدنك
( ناض نادر و طلع )
( طلعت ياقوت لدارها تجري طلعت التليفون و مشت لقدام باب الفيلا وين يقعمز صلاح )
.
ياقوت : صلاح صلاح ، بسرعة يا ولدي ، نبيك تخش من تليفون يوسف للكمبيوتر و تحمي كل يلي فيه
صلاح : تمام حاضر
ياقوت : تعرف متاكد
نادر : انتي توا تأكدت
ياقوت : 👁👁🤭🔥
( طاح التليفون من ايدها )
( لفت )
نادر : تأكدت انك مضللة عليا القضية و انتي السبب اني منعرفش القاتل المدة هادي كلها ،
ياقوت : 👁👁💔
نادر : انتي لازم تتعاقبي عشان نعرف انا من قتل ولدك
( و طلع )
( طلعت وراه و هي تبكي )
ياقوت : استنا يا حضرة النقيب
استنا
( تلفت )
ياقوت : اني خايفة
نادر : من شني
ياقوت : نبوس ايدك و رجلك و نعطيك يلي تبي ، المهم الصور و الرسائل لا بالله عليك ، تبي تعرف شن صار مع جمانة تبي تعرف اي شي اني نقولك و ما تشوفش الجهاز
حرام الولد ربي ستره في الدنيا تفضحوه في الاخرى ، و بعدين ما تنساش انك حالف علي المصحف
نادر : 🔥 لاني حالف علي المصحف حنشوف الكمبيوتر 🔥
( دف ياقوت و طلع )
ياقوت : 💔🔥 يا فضيحتك يا ياقوت ، تعريت ، تعريت ، لحمي نكشف للناس
( طاحت و تبكي )
...
( وصلت نور بسيارتها )
( لقت امها تبكي )
( نزلت تجري لامها )
نور : خيرك يا امي
ياقوت ؛ ابعدي عليا ابعدي ما خيرني شي
نور : خيرك كل ما نسلك ما خيرني شي ما خيرني شي
ياقوت : لانك تدخلي في كل شي
نور : قصدك زي موضوع جمانة و دار الايتام صح
ياقوت : 👁👁
نور : لامتي تخبي عليا لامتي
ياقوت : 🔥 انتي ليش هكي ، انتي ليش تبي تفضحي خوك ، اهو بينفضح ارتاحي ارتاحي ، خدي الكمبيوتر المحقق و يفتشه و يعرف كل شي ، افرحي اًفرحي ، و بري يعطي و نادي الناس و قولي خوي شمام و واحد ما يخافش ربي ، و اعتدي علي بنت و حاب منها ولد و قتل حبيبي و كل شي قوله معش يهمني ،
( بدت تضرب في وجهها )
ياقوت : خوك نفضح نفضح نفضح 💔
( تلفتت و مشت للحوش )
ياقوت : حسك عينك تروحي للحوش. بري وين ما كنتي
نور : 🥺
............
( فهد مقعمز في الشركة )
( يشوف في الياس يركب في كاميرات بدرقة في الشركة  )
فهد : 🤭
( طلع التليفون و كلم ناجي )
فهد : الو يا ناجي ، يلي اسمه الياس يركب في كاميرات
ناجي : معروفة اصلا من لما جاباته نور عرفته انه تاعبها ، المهم خلاص في الليل كسرهم
فهد : 👁👁🔥
........
( بعد ما سمعت نور الكلام هذا من امها )
( تلفتت و بتطلع من الحوش )
صلاح : نور
( تلفتت )
نور : نعم
صلاح : ما تزعليش منها
نور : 😊💔 تعودت
صلاح : زي ما انتي من لما عرفتك حتي الدمعة ما تبيش تنزل
نور : 🥺💔
صلاح : كيف حياتك بعد يحيي يا نور
نور : حياتي بعد يحييي زي حياتي بعد يوسف بزبط بس الفرق ان يحيي نحبه و يوسف لا
صلاح : سامحني يوسف علي داره في يحيي
نور : مش مهم نسامحه او لا ، المهم اني ننسي ، حقا انت ليش خدمت اهني
صلاح : علي خاطرك
نور : 👁👁 علي خاطر مني
صلاح : علي خاطر نطمن عليك و نشوفك
نور : ❤️ تخيل يا صلاح رغم انك صديق يحيي مش خوه الا انك تشبهله في كل شي
صلاح : صح
نور : نحمد ربي ان يوسف مات لان كل ما نشوفه نحس ان حق يحيي مزال موجود ،
صلاح : 🥺
نور : محتاج حاجة صلاح
صلاح : سلامتك
نور : سلام 👋🏻
.........
منى : خيرك يا مدام فيك شي
ياقوت : ( تهز ) ما خيرني شي
منى : 👁👁🤭
ياقوت : نبي نعرف من قال لنور
منى : شن قال
ياقوت : اني ما قلتش الا لناجي
منى : يا مدام فيه حاجة
ياقوت ؛ معناها هو صح
منى : 🥺
ياقوت : ايه ايه هو هو
( ناضت من السرير و مشت للتليفون و لقاته مسكر )
ياقوت : بنمشيله لحوشه
منى : استني يا مدام استني
( ناضت ياقوت و طلعت بروحها و من غير صلاح لانه قاعد مريض )
...
احمد : جبت مكان الرقم
نادر : حضر السيارات بسرعة
.....
( وصلت ياقوت لشقة ناجي )
( طقت )
مرته : ياقوت عاش من شافك
ياقوت : اهلا كيف حالك عايدة ، نسال علي ناجي وينه
مرته : توا كيف طلع يجيب حاجة من المحل و جاي تفضلي
( خشت )
مرته : ان شاء الله خير
ياقوت : لا خير
مرته : سامحيني اني ما جيتش عزيت بس تعرفي محمود منقدرش نخليه بروحه
ياقوت : 👁👁 محمود
مرته : ايه حسبي الله و نعم الوكيل و خلاص
ياقوت : احم احم👁👁🔥
مرته : حقا لقيتي من قتل يوسف
ياقوت : مزال بس ان شاء الله يارب
مرته : ان شاء الله ، ربي يجازي يلي كان السبب
ياقوت : ايه و الله ولدي كان نسمة ، عمره ما غلط في حد او وجع حد ، امتي بس بنرتاح و نلقي القاتل
( فتح محمود باب داره و طلعت بلكرسي المتحرك و جي لياقوت )
ياقوت : ( تشبحله ) و تحسابه بيسلم عليها
محمود : نبشرك مش حترتاحي
ياقوت : 👁👁🔥شني
محمود : مش حترتاحي و مش حتعرفي القاتل
ياقوت : انت يا محمود
محمود : ولدك نسمة صار
( ناضت و شداته من رقبته )
ياقوت : انت يلي قتلت ولدي يا محمود
محمود : انا يلي قتلته ايه
ياقوت : 🤭🔥 ليش لييييييششش قتلته ليش
( تشد فيه و طيحاته من علي الكرسي )
مرت ناجي : ولدي ولدي ابعدي ايدك
ياقوت : ووووووووووووه ووووووووووه وووووووووووه علي يوسف ووووووووووه
( فجاء فتحت الشرطة الباب و خشو )
ياقوت : تعالوا هو يلي قتل ولدي ارفعوه ارفعوه
نادر : انت محمود
محمود : ايه
نادر : نوض معانا نوض
موت ناجي : معلق معاق 💔
( حطوله كرسيه و رفعوه )
( نزلت ياقوت و دموعها في عيونها و تعيط و الناس في الحي ملمومة و جي ناجي يشوف في زحمة قدام حوشه و ياقوت معاهم )
ناجي : شن فيه يا هانم
ياقوت : محمود يقتل ولدي يا نااااججحي محمود قتل يووسسسسسففف يا نااااججحيييي
ناجي : لا محمود ما يديرهاش لا
لا
ولدي ولدي 💔 ووووللللددددييييي
( ركبت ياقوت مع الشرطة لقسم الشرطة و الدموع في عيونها )
( دخلوهم القسم و قعمزت ياقوت البرا و هو في التحقيق )
ياقوت : ليش قتله ليش انتي كنت حنديره العملية كنت حنديره العملية ، قتله و حرمني منه ، )
.
( في التحقيق )
نادر : انت يلي تبعت الرسائل لياقوت
محمود : ايه اني
نادر : و انت يلي قتلت يوسف
محمود : ايه اني
نادر : 👁👁 انت عارف ان كلمتك هادي تتسكر القضية و حتنعدم
محمود : ايه عارف
نادر : 👁👁 يا احمد طلعه و حطه في الانفرادي
...
( طلعوا محمود من المكتب جت ياقوت تجري )
ياقوت : انت يلي قتلت ولدي ، حرام عليك حرام عليك تحرمني منه حرام عليك ، ليش ليش يا ولدي ليش
ااااااه علي يوسف ااااااااه
ناجي : و اللهي محمود ما يديرها و اللهي لا
ياقوت : اهو اعترف و قال اني
ناجي : مش هو و اللهي ما هو
ياقوت : امانا من يبعت في الرسائل و من يلي قتل ولدي
ناجي : الرسائل ممكن ايه اما قتل لا و اللهي لا يا ياقوت هانم
ياقوت : 💔 ولدك هو القاتل ولدك
.
( طلع نادر )
نادر: استاذة ياقوت نبيك لو سمحتي
( ناضت و خشت )
( قعمزت و الدموع في عيونها )
نادر : تتوقعي ليش محمود يقتل يوسف
ياقوت : اساله
نادر : يعني هل إعاقة محمود ممكن يكون سببها يوسف
ياقوت : لالا انت شن تقول ولدي نسمة عمره ما ادى حد او غلط في حد ابدا
نادر : متاكدة
ياقوت : متاكدة و يلي صار هذا كله قضاء و قدر لا اكتر و لا اقل
( سمعت نور بعد ما كلمها ناجي )
( جت تجري )
نادر : استاذة ياقوت تقدري تطلعي و تجي غدوا بعد التحقيق
( ناضت ياقوت و فتحت باب المكتب )
نور : ماما فيك شي
ياقوت : ( بدت تبكي ) شفتي يا نور من قتل خوك شفتي 💔 يناري علي يوسف يناري يناري
نور : هيا يا ماما تعالي معاي
( و هي طالعة شافت لمحمود كيف مقعمز علي الكرسي المتحرك و معاه بوه ناجي و امه و يبكوا )
( طلعت هي و بنتها و ركبوا السيارة )
( و ياقوت سرحانة )
🌙 تذكر 🌙
ياقوت : انت يلي ضربته بلسيارة
يوسف : ايه اني
ياقوت : به اسكت خلاص ، ليش حاسده
يوسف : كله منك انتي شوف محمود خليك زي محمود ، اهو خليتهولك معاق محمود
ياقوت : اسكت اسكت خلاص ، يلي صار قضاء و قدر مش منك انت خلاص
( طلعت و سكرت المكتب علي يوسف )
( مشت لناجي لقاته يبكي )
ياقوت : كيف حاله توا ولدك
ناجي : قالوا باهي ، رجليه يا هانم معش يحس بيهم 💔
ياقوت : 👁🤭 ان شاء الله ربي معاه
ناجي : نبي نعرف ليش دار هكي استاذ يوسف حرام عليه
ياقوت : ( فنصت عيونها ) لالا لا عيب منك يا ناجي ، ولدي انت تعرفه مستحيل يدير هكي ، اني مراة ما نحبش الظلم
ناجي : الكاميرات مصوراته يا هانم
ياقوت : وينها
ناجي : الكاميرة هادي
ياقوت : ( شدت الكاميرة و كسرتها قدام ناجي ) ما نبيش نشوف شي ، يلي صار قضاء و قدر و انهي الموضوع و اذا علي علاج ولدك انا حنتكفل بيه
ناجي : 😭💔
.
( رجعت فتحت المكتب )
ياقوت : مصورينك يا حمار
يوسف : تحسابيني خايف منه نطلع و نقول انا يلي درت
ياقوت : خلاص فكني منك
يوسف : شن قلتيله
ياقوت : قتله علاج الولد علي حسابي
يوسف : تحلمي ، خليه راقد في الطبي و رد بالك نسمع انك دفعتي قرش ، نبيه معاق و لو رجع يمشي حنمعقه بس الله اعلم المرة الجاية هل يتمعق بس او يموت ، و نبي نشوف من البنات يلي يحبوه و معجبين فيه توا ترا 😂
ياقوت : 🤭👁👁
.........
🌙 الرجوع للواقع 🌙
نور : ماما ماما ماما
ياقوت : خيرك
نور : وين كنتي
ياقوت : كنت سرحانة شوي ، نور انتي هل حاسة ان محمود هو يلي قتل يوسف
نور : الله اعلم ،
ياقوت : قصدي كيف واحد معاق حيدير كل هذا ، ممكن يبعت رسائل باش يقهرني بس يقتل نحسها لا او معاه شخص تاني
نور : 👁👁🔥 هو حق يا امي ان يوسف ضربه بلسيارة بقصد
ياقوت : لا لا لا كذب خوك كان راجل يخاف ربي عمره ما دار حاجة غلط ، الله يرحمه كان نسمة 💔
.
( روحت ياقوت للحوش و رقدت من كتر الدموع و ضرب وجهها و رقدت معاها نور )
.
( بعد ما روحت ياقوت و بنتها و روح ناجي و مرته و هو قريب يموت علي ولده )
( مشي نادر هو و احمد للحبس الانفرادي للتحقيق مع محمود )
نادر : نبي نعرف كل شي ومن غير استعباط
محمود : انا يلي قتلت يوسف
نادر : انت خيرك تقول فيها بلساهل شن تبي تموت
محمود : ايه نبي نموت
نادر : باهي انت يلي قتلت يوسف ، احكيلي كيف مات يوسف
محمود : قتلته
نادر : لا يا راجل فاهم ما شاء الله ، نبي كيف قتلته
محمود : ااااا ااااا ااااا  ذبحته بلموس في رقبته و خديته و لوحته في مليتة
نادر : اها و ليش
محمود : لانه معقني
نادر : لما قتلته خليت دبشه او لا
محمود : لا 
نادر : باهي هل قاومك
محمود : ايه قاموني و انا ضربته و ذبحته و لوحته
انا يلي قتلت يوسف
.
نادر : حلو حلو ، كلام سليم و الواضح صح انك القاتل ، بس الغريب ان يوسف ما ماتش مذبوح ، مات مضروب علي راسه ، تانيا يوسف كان عريان وقت ما لقوه ، تالتآ و الاهم ان يوسف جتته ما فيهاش ولا ضربة
محمود : 👁👁
نادر  : انت مش القاتل يا محمود ، انت تبي تموت و خلاص
ليش درت هكي يا محمود ليش
.
ياقوت تحلم
🌙 حلم 🌙
ياقوت واقفة علي مراية و لابسة اسود
( طلع يوسف )
ياقوت : استحشتك يا يوسف خلاص اللغز حل
يوسف : اي لغز
ياقوت : شفت من قتلك يا يوسف 🥺😭💔
يلي قتلك هو ناجي يا يوسف
يوسف : مش نادر يلي قتلتي يا أمي
" القاتل قدامك يا أمي "
ياقوت : ( تعيط ) منى يا يوسف قول منى يا يوسف قول
يوسف : " القاتل قدامك يا أمي "
ياقوت ؛ يووووسسسف يوووسسسف يوسسسف
( ناضت من فراشها مخلوعة )
نور : خيرك يا ماما خيرك
ياقوت : اني كل ما انوض من حلم نلقاك قدامي
نور : خيرك فيك شي
ياقوت : ابعدي عليا خليني نمشي للمحقق نبيه القاتل من محمود قالي القاتل قدامي قدامي
نور : 👁👁🔥.........................يتبع
حلقة طويلة تعويض ليكم
ظهرك طيبة ، نحب نقوللكم ان الرواية 13 حلقة يعني معش مزال هلبا
.
و حتكون كل يوم حلقة خلاص عشان نكملوا بسرعة و نعرفوا النهاية الصادمة 🔥
.
رايكم بالله عليكم نبي كلام يشجعني نكمل بسرعة ❤️ تصبحوا علي الف الف الف خير