سر ياقوت 🌙 ( روايات ليبية )

حلقة 1 " بداية الحادتة " 🌙

رواية #سر_ياقوت 🌙
بقلم : أحمد عبدالله
حلقة : 1 ................" بداية الحادتة "
.
🔥 أحدات الرواية بعد ثورة 17 فبراير ب 3 سنوات / تحديدآ 2014 🔥
قبل ما نبدا روايتنا لازم نعرفكم ببطلة الرواية
ياقوت : أمرأة خمسينية العمر و أرملة ، تشتغل في السياسة فهي عضو اللجنة التورية سابقآ و تعتبر أمرأة ذات نفوذ مع النظام السابق ، زوجها المحامي حسين فودة توفي عام 1996، و ليها منه طفلين فقط " يوسف " و " نور " و لم تتزوج بعده . كما ان ياقوت تمت محاربتها من قبل الثوار و غيرهم عند اندلاع الثورة بسبب شغلها مع النظام السابق و كما انها من مدينة مصراتة الذي تعتبر منبع للثورة . و بعد فترة تم اخلاء سبيلها بواسطة معارف قديمة لها و لكن خروجها لا يعني انها ستستريح لا ، بل لديها عداوة بينها و بين السياسي " فرج المصراتي " بعد أتهامها بسرقة اموال الدولة و غيرها من الاعداء
.
#نبدا_الرواية 🔥
📍 في غرفة ياقوت
" يوسف يوسف " . " وينك يا يوسف "
" يوسف 👁👁 "
( قدامها و دمه في كل مكان )
" يوسف من يلي دار فيك هكي يا ولدي "
" يوسف نوض يا يوسف "
" يوووووووووسسسسسسسسفففففففففففف"
.
( بصرخة كبيرة )
ياقوت : 👁👁 اه
اه
اه
الحمد الله ، الحمد الله
منى ( الخدامة ) : صباح الخير يا هانم
ياقوت : صباح النور يا منى
منى : خيرك يا هانم وجهك اصفر
ياقوت : حلم حلم اعوذ بالله منه
منى : الشر بعيد عنك ، نوضي احكيه في الحمام و ما يصير شي بأذن الله
ياقوت : الساعة كم
منى : الساعة تقريبا 9
ياقوت : 🤭 9 يح بيني مش قتلك نوضيني السبعة عندي مشوار مهم اليوم
( ناضت من الفراش تجري )
منى : يا هانم
ياقوت : نعم
منى : خيره وجهك دم
ياقوت : وينه
( تلفتت علي المراية )
ياقوت : 👁👁 هذا شني
منى : تحسي بشي ضاربك السرير بالك
ياقوت : ايه ممكن 👁👁
( مشت للحمام تجري )
( خشت للحمام غسلت و لبست و طلعت )
( فتحت باب الدار و نزلت )
منى : و هذا احلي فطور ليك
ياقوت : لالا صحة ، قتلك منى نور وين
منى : مشت العمل بكري
ياقوت : باهي كلمتوا يوسف
منى : لا الحق بس تعرفي انتي الرجالة لما يكونوا عرسان مش فاضيين
ياقوت : علي قولك ربي يسعده هو و فرح يارب
منى : يارب
( طلعت ياقوت من الفيلا )
( ركبت السيارة )
السواق : صباح الخير يا هانم
ياقوت : صباح الخير عابد ، عابد الله يفتاح عليك بسرعة علي الشركة
السواق : حاضر
.
📍برج بوليلة
( درست سيارة نوع فاخرة و نزلت منها 🔥 نور حسين فودة 🔥 )
( خشت للبرج )
نور : صباح الخير
الحارس : صباح الخير يا استاذة
نور ؛ حولي السيارة
الحارس : حاضر
( خشت و صوت الكعب في كل مكان )
ركبت الاسنسير
و وصلت للدور الرابع
نور : السلام عليكم الياس
الياس : اهلين استاذة نور الاجتماع شوي و بيبدا
نور : تمام
الياس : استاذة نور فيه شي امس
نور : كيف
الياس : امس شفتك طلعتي تجري من البرج الساعة 9 فليل تقريبآ
نور : 👁👁 انت كنت موجود
الياس : ايه
نور : تعالا وراي
الياس : حاضر
( خشت للمكتب )
نور : الياس كاميرات البرج في اي فرع
الياس : 1
نور : من شادهم
الياس : سالم
نور : تمام . خود الفلوس هاذم و اعطيهم لسالم تبع الكاميرات و قوله قتلك نور امسح من الكاميرات الساعة 9 بدات
الياس : حاضر بس ليش
نور : من غير ليش من امتي تدير شي و تسأل شوف شغلك
الياس : حاضر
نور : 👁👁
.......
ياقوت 📍 ( في السيارة )
عابد ( السواق ) : مبروك ليوسف يا هانم و تفرحي في ولاده يارب
ياقوت : سلمك يارب بس و الله زعلت انك ما كنتش موجود يومها
عابد : تعرفي انتي الشغل
ياقوت : ذكرتني في يوسف خلي نكلمه
( بدت تتصل )
📲 الرقم المطلوب مقفل
ياقوت : مقفل العريس
عابد : خلي ينبسط
ياقوت : 😂 خلي نكلم صاحبه هو اكيد يعرف و مكلمه 
( بدت تتصل )
ياقوت : الو يا فهد صباح الخير
فهد : 👁👁 الو استاذة ياقوت شوي و حنجي لشغل
ياقوت : لالا خود اجازة اليوم علي خاطر امس تعبت مع يوسف
فهد  : اه ايه 👁👁
ياقوت : قتلك فهد كلمك يوسف لان من لما مشي ما كلمنيش بك
فهد  : ا ا ا ي ي ايه كلمته الصبح 👁👁 و ما فيه الا كل خير 🔥
ياقوت : تمام حبيبي سلملي علي ماما
فهد : يوصل سلام
📍 وصلت للشركة
🔥 بعد الثورة قررت انها تبعد عن السياسة و تكون شركة بيع شركات قيد الانهيار 🔥
( وصلت السيارة نزلت ياقوت )
          ( خشت )
ناجي : صباح الخير يا هانم ، عاش من شافك
ياقوت : سلمك يارب
ناجي : مبروك لاستاذ يوسف و يارب تشوفي صغاره يارب 🥺
ياقوت : بارك الله فيك ناجي نبيك تعطي مكافاءت للموظفين كلهم و اسمع نبيك توزع فلوس علي العائلات المحتاجة و خود القائمة من مقر الزكاء منها علي خاطر المدراس يلي جاية في الطريق و منها علي خاطر عرس يوسف
ناجي : ربي يزيدك يارب ، حقا استاذة ياقوت
ياقوت : نعم
ناجي : نبيك يا هانم في موضوع
ياقوت : تعال وراي
( بعدت شوي هيا و ياه )
ياقوت : اذا علي ولدك المعاق حنساعده ما تخافش يا خالد
ناجي : ايه ايه حاضر يا هانم ، بس و اللهي محمود نفسيته تعبانة من يكون الحادتة يلي صارت
ياقوت : ايه و الله صح
ناجي : و الحق استاذ يوسف لا سال و لا مشاله مع انه السبب
ياقوت : ناجي ناجي 👁👁 هكي حتزعلنى منك ، انسي الموضوع قضاء و قدر و معش نبي نسمع اسم ولدي ابدآ و بعدين معاشه زي ما قتلك كأنه يخدم في الشركة زي ما كان و ينزل كل شهر ،
ناجي : حاضر يا هانم 😢💔 بس خاطره يخدم
ياقوت : و شن يخدم حاليا
ناجي : يمشي هو و ولد عمه يوصلوا في ركاب لتونس منها يسايره و منها يغير جو
ياقوت : تبي نزيده فلوس
ناجي : لالا كتر خيرك
ياقوت : تمام.برا شوف شغلك
( خشت ياقوت للشركة )
.....
🔥 في حوش ياقوت 🔥
طق الباب
فتحت منى الباب
منى : أنتم مني
: احني تابعين كتيبة طرابلس المركز ، مش هذا حوش كلبة القذافي ياقوت المصراتي
منى : عيب يا خوي ، ايه هو حوشها
: ممكن تكلميها لقينة جثة ولدها يوسف ملوحة في مليتة
منى : مني 🤭
: يوسف فودة ولدها ولا لا ،
منى : ايه
: كلميها تجي تتأكد من الجتة
منى : وووووه علي يوسف وووووووه
.
بدت تتصل بياقوت
ياقوت : نعم يا منى شن تبي خيرك
منى : فيه ثوار قدام الباب
ياقوت : و به مش جديد كل يوم جايين هاذم شن يبوني مرة تانية
منى : لا يا هانم يبوك في موضوع كبير شوي
ياقوت : شن فيه
منى : بسرعة يا هانم اني خايفة
ياقوت : ما تخافيش يا منى مسافة الطريق و نكون عندك
منى : بسرعة يا هانم
( طلعت ياقوت من الشركة و ركبت السيارة و وصلت للحوش تجري )
( نزلت تجري )
ياقوت : انت كيف تتحرى و تدخل لبيتي
واحد من الثوار : انت ياقوت المصراتي
ياقوت : تفضل
: هذه بطاقة ولدك
ياقوت : ( شدت البطاقة) 👁👁 ايه خيره
: لقوه ميت في منطقة مليتة النفطية
ياقوت : شني
: شن ما تسمعيش هو موجود في الطبي كان بتتأكدي منه
ياقوت : قصدي ولدي شن بيرفعه مليتة مش فاهمة
: تفضلي معاي يستني فيك النقيب نادر قدام مستشفي الطبي
منى : وووووه علي يوسف
ياقوت : اسكتي و من قالك ان يوسف عارفة انتي يوسف بطاقته ديما ملوحة
( مشت بتركب معاهم )
منى : بنمشي معاك يا هانم
( ركبت منى )
( طلعوا السيارات )
ياقوت : ( تتصل بناجي ) يا ناجي تعالا للطبي فيه حد سارق بطاقة يوسف و لقوه ميت في مليتة تعالا معاي
ناجي : حاضر
( وصلوا السيارات للطبي )
( نزلوا و نزلت ياقوت )
( جي النقيب نادر وقف جنبها )
نادر : النقيب نادر المريمي
ياقوت : تشرفت بيك استاذ نادر
نادر : استاذة ياقوت نبوك تتحققي من جثة ابنك هل هو او لا
ياقوت : اكيد لا
نادر : و كيف عرفتي
ياقوت : امس موصلاته اخته لحوشه في الفيلات و سهر عنده صاحبه و توا كلمت صاحبه قالي كويس ، و بعدين ولدي شن يدير في مليتة انت عارف وين مليتة يعني قريب تونس فا مستحيل
نادر : احني لقينا بطاقة ولدك محطوطة في الجتة و نفس الشكل
ياقوت : لا لا مستحيل
( جي ناجي يجري )
ناجي : شن صار يا هانم
ياقوت : اهو يقولي ولدك محطوط ميت الداخل و لا لقوه في مليتة تخيل يوسف في مليتة
ناجي : 👁👁 باهي وينه
نادر : هي تفضلوا معاي
( خشيت ، نكلم في نور و للاسف تسكر عليا )
وصلنا للمشرحة
نادر : افتح التلاجة
ياقوت : 👁👁
ناجي : 👁👁
منى : 🥺 يارب يارب يارب يارب
( فتح التلاجة و طلع الجتة )
ياقوت : ( غمضت عينها بقوة و بحسرة )
ناجي : 🤭
منى : وووووووووه وووووووووه علي يوسف وووووووووووه يح بيني يح يح بيني يح وووووووووووه
.
نادر : ولدك يا استاذة ياقوت
ياقوت : ( تلفتتله و بكل قوة ) لا مش ولدي 🔥
نادر : متاكدة
ناجي : لا اله الا الله لا اله الا الله
منى : وووووووووه علي يوسف
ياقوت : قتلك لا يعني لا مش ولدي يوسف
( تلفتت وطلعت )
( طلعت تجري من الممر و الدمعة في عينها وصلت بنهايته وقفت و رفعت راسها )
ياقوت : لا يارب لا ، لا يا رب لا
( طاحت ياقوت )
منى : يا هانم يا هانم
( بدت تجري منى علي ياقوت )
.
نادر : استاذ ناجي هو يوسف او لا
ناجي : هو هو الله يرحمه و يسامحه
....
( رجعوا بياقوت للحوش دايخة )
.
منى : يا نور هانم خوك مات
نور : تمام اني شوي و جاية
( ساوت بضاعتها و طلعت من الشركة )
و هي طالعة
ياسر : ان شاء الله خير اليوم مروحة بكري
نور : خوي يوسف مات
ياسر :👁👁 بلحقا
نور : ايه بلحقا هي سلام
( طلعت )
سلام : هادي تبصر او حق خيرها تتكلم هكي
.
بدي ناجي يكلم في كل الناس يلي تعرفها ياقوت و جت نور و بدي عياط الناس في كل انحاء الحوش
.
🔥 في دار ياقوت 🔥
( راقدة علي السرير و سمعت عيطة كبيرة هلبا نوضتها )
( كانت عيطة عمته )
( ناضت مخلوعة )
ياقوت : اه
( بدت تتنفس و كانها كانت مخنوقة )
ياقوت : اعوذ بالله من الشيطان الرجيم اعوذ بالله من الشيطان الرحيم
يا منى يا منى
( بدت منى تسمع فيها )
( جت للنساوين )
منى : اس بالله عليكم ياقوت ناضت
نور :👁👁
( مشت تجري للدار )
( فتحت الباب )
منى : صح نومك
ياقوت : كم الساعة توا
منى : بالك ال 9 فليل
ياقوت : قصدك راقدة من امس لليوم ال 9 فليل
منى : لا ماهو
ياقوت : ماهو شني و بعدين كلمكم يوسف
منى :🥺
ياقوت : ترا ابعدي عليا خليني نمشي نكلمه
( فتحت باب الدار و هي كيف نازلة )
منى : استي يا هانم استني
ياقوت : خليتني راقدة يوم كامل يا مفترية
( بدت تسمع )
...........
اللهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ
..........
ياقوت : ( تلفتت لمنى و الصدمة في عيونها ) هذا شني
منى : 😭 الله يرحمه يا هانم الله يرحمه
ياقوت : 💔🔥 مني يلي الله يرحمه
منى : 😭 ( بدت تبكي )
ياقوت : تكلمي ( بصوت عالي ) تكلمي
( نزلت تجري 🏃🏻‍♀️ )
لقت نساوين واقفين قدامها
شدي حيلك يا ياقوت
ياقوت : من يلي مات
يوسف يا ياقوت يوسف
ياقوت :👁👁🥺💔 لالا ولدي ما ماتش ولدي حي ولدي حي اني متاكدة
نور : 👁👁
ياقوت : ولدي حي ولدي يوسف حي 💔😭
اااااااااه ااااااه
( طاحت )
( بدو يواسوا فيها النساوين )
.
نجاة : شفتي هذا حق كل شهيد قلتي عليه جرذ انتي و ولدك ، مصير ولدك زي ماصير المقبور بزبط
نهى : ايه و الله صادقة خلي تذوق طعم يلي ذاقه الشعب الليبي
نجاة : لا و الوقاحه قاعدة حاطة صورة القذافي في الصالة اني مش عارفة ليش ما شدوهاش و كلت علي كبدها زي هالة المصراتي
نهى : ما تنيش ولد عمها فرج المصراتي
نجاة : قصدك فرج يلي يوسف كان سبب قتل ولده حيوقف معاها
نهى : الله اعلم بالك يبي ينتقم بروحه
.
ياقوت : يوسف نبي نشوف يوسف 💔 يوسسسسففف يا نااااااااس ما ماتشششششش ما ماتششششششش لااااااااااااااااااااااااااااااا
( فجاء وقفت و فتحت عيونها )
ياقوت : اطلعوا برا
: استهدي بالله يا ياقوت
ياقوت : كلكم اطلعوا برا ، ما نبيش حد يعزيني ما نبيش حد يعزيني لين نقتل يلي قتل ولدي ، لين ناخد حق ولدى
و لو حندفع حياتي ، يلي قتل ولدي لازم يموت
اطلللللعععوووووووووو برررررررررررراااااااااا
( تلفتت و فتحت الباب و كانت قدامها خيمة الرجالة )
ياقوت : منى قتل وللللددددددديييييي
من قتلللللللل يوسف من قتللللللل يوسف
يا يوووووووووووووسسسسسسسسففففففففف💔🔥
..........................يتبع
الرواية في البداية ، الشك لا زال في بدايته ، السوال الاهم وين مرت يوسف ، و من فرج المصراتي و شن قصة نور و قصة ولد ناجي و قصة ياقوت 🤫🔥 مزال يلي جاي اسخن و يوسف ما كانش سهل ابدآ 🔥
.
رايكم في المقدمة