الفصل 3
روايةبحر عنيها
بقلمي اية محمد السيد
برنسيسةالروايات👑❤
يوم جديد وصباح جديد
داخل غرفة شهاب
شهاب : انا نفسي اعرف مالي فيها اي يعني لما تقول اتجوز ما هي كدة كدة هتتجوز مالي بقي
تمارا اختي مينفعش افكر غير في كدة
نبيل: اديك قلت اختي
شهاب: بابا حضرتك دخلت امتي
نبيل: من اول ما قلت انها هتتجوز
شهاب بتوتر: بابا حضرتك معودنا ديما انك مش بس اب لا وصديق كمان ممكن نتكلم مع بعض شوية
نبيل: اكيد يا حبيبي قول
شهاب: بابا هو مش انا وتمارا عادي لو اتجوزنا
نبيل: شهاب انا هكون اسعد واحد في الدنيا لو انت وتماارا اتجوزته بس انا مكنتش عاوز اجوزكم غير لما اسمع كلمة منك او منها انا كان سهل عليا اني اجبكم انتو الاتنين واقول لا انا قررت تتجوزه ومكنش حد هيعترض فيكم بس كان هيكون غصب يا شهاب وزي ما انت قلت دلوقتي انا عاوز اتجوز تمارا ولا انت قصدك اي
شهاب: طبعا يا بابا نفسي يا بابا اتجوزها انا بقالي فترة عمال اقول لازم ابعد لازم ابعد والعكس بيحصل معايا حبها بيكبر اكتر في قلبي يا بابا
نبيل: خلاص يا حبيبي يبقي انا هفاتح تمارا
شهاب: لا يا بابا سبني انا ال قولها
نبيل: بس لو موفقتش يبقي مش هغصب عليها يا شهاب
شهاب: مش شهاب نبيل المندوري اللي قبل ان يتجوز واحدة مخصوبة عليه يا بابا وهي هتوافق عليه بكل قواها العقلية يا حج
نبيل: طيب يلا يا بوب ننزل نفطر علشان تروح الشركة
شهاب: حضرتك مش بنزل الشركة خاالص
نبيل: بفكر اسلمها ليك
شهاب: دة يوم المني
نبيل: طب يلا البس عقبال ما اشوف البرنسيسة تمارا
بدل شهاب ملابسه ببدلة سوداء وقميص ابيض وجرفت اسود وكذلك ساعته
داخل غرفة تمارا:
تمارا استيقظت وبدلت ملابسها فستان بلون القهوة الهادئ ميك اب هادئ جدااا
تمارا خرجت من غرفتها
تمارا: اي يا شهاب دة قطعت الخلف
شهاب: اي القمر دة يابت
تمارا: يلا علشان هنزل معاك
شهاب: نعم
تمارا: نعم الله عليك ياعمري هنزل معاك الشركة
شهاب: طب يلا وانتِ قمر كدة
تمارا: بس يا اخ اركن علي جمب كدة خلي الانسة تمارا تعدي الاول
شهاب: اتفضلي يا برنسيسة
نبيل يترأس منضدة الطعام
نبيل: حمدلله على السلامة يارب نعقد ناكل بقي
تمارا: صباح الفل يا بابا
خالد: يعني نفسي افهم هل انا من العيلة هل انا من العيلة
تمارا: صباح الورد عليك يا خلودي
خالد: والله بحبك
تمارا : وانا كمان بحبك
شهاب: وربنا لو ما عقدتي يا تمارا لكون رزعك قفة
تمارا : بص يا بابا
نبيل: انتِ حرة انتِ وهو
تمارا: ماااااشي
نبيل: شهاب خلي بالك من الصفقة الجديدة دي هتفرق جامد معانا
شهاب: علي الرغم من مهارتي وتركيزي في شغلي بس بصراحة الفضل يرجع لتمارا بعد ربنا في الصفقة دي
نبيل: ازاي
تمارا: انا احكيلك يا حج
نبيل: 20 مليووووون يا نهار ابيض جادعة يا بت يا تمارا ابقي فكريني اجبلك هدية حلوة
تمارا: بابا هو محدش فاكر انهاردة اي
شهاب: خير الله ما اجعله خير انهاردة اي
تمارا بدموع : شهاب
شهاب وفي بقه الاكل: نعم
خالد : اتفضلي يا برنسيسة عائلة المندوري اجمل بوكية ورد بمناسبة عيد ميلاد القمر
نبيل: وادي يا ستي هديتي ليكِ
شهاب: انا خلصت اكل هستناكي برا بقي
تمارا: قبلت يد عمها
ربنا يطول لينا في عمرك يا بابا
شكرا يا خلودي
نبيل: متزعليش من شهاب يا تمارا
تمارا: معقول يا بابا يكون نسي
نبيل: ممكن.
تمارا ماشي يا بابا بعد اذنك وهو اللي جابوا لنفسه
خالد: يا بابا انت بقيت شرير كدة ليه
نبيل: كدة هتحلو اسكت
"***************
في الخارج
تمارا: شهاب
شهاب: نعم يا تمارا
تمارا : انت اول مرة متفتكرش عيد ميلادي
شهاب: معلش يا تمارا انتِ عارفة ان الشغل واخد وقتي يلا اركبي علشان نمشي
تمارا: ماشي يا شهاب ماشي
" ***** داخل شركة ال مندوري "*******
نرمين: اتفضلي يا ستي ولا كنها مراته بصي عامله ازاي
نيرة : انتِ مالك بيها يا بنتي
نرمين: مليش فيه شهاب ليا انا وبس
نيرة : نرمين انتِ مش قد تمارا وعيلة المندوري كلها ارجعي عن ال في دماغك دة انتِ مجرد سكرتيرة وبس
نرمين: هتفضلي كدة عند نقطة الصفر حتي لما حبيتي حد واتخطبتي لي اخترتي موظف وشغال معاكي
نيرة: شكرا يا نرمين بس انا عندي الموظف دة بكل رجال العالم بيحبني وبيخاف عليا وبحس معاه بالامان ودة كفاية عليا وشكرا لكِ مرة تانية
نرمين: خلاص مش قصدي ازعلك متزعليش مني
نيرة: انا مش زعلانه منك انا زعلانة عليك علشان انتِ بصة لشكل وفلوس مش بصة لحب وامان وراحة
نرمين: نيرة اطلعي روحي شوفي شغلك يلا
نيرة: سلام
" ""''''''''''''''''''''" "" ""''''''''" "" "" "" ""
داخل مكتب شهاب
تماارا قامت بمهاتفة نرمين
نرمين ممكن لو سمحت تجيبي ليا ومهندس شهاب قهوة مظبوط
نرمين بكره: اكيد طبعا يا فندم
شهاب: بس مش عاوز قهوة
تمارا قربت لشهاب وفضلت تقرب لحد ما هو وقع علي كرسي المكتب ومسكت جرفت البدلة
تمارا: شهاب اتعدل احسنلك انا مخنوقة منك فاهم وبطل اللي بتعمله دة
شهاب: هو انا عملت حاجة
تمارا: شهاب
شهاب: عيونه
تمارا: انت بجد ناسي عيد ميلادي
شهاب: بصراحة اااه
تمارا: تمام يا شهاب انا في مكتبي سلام
شهاب: سلام
تمارا غادرت المكتب
شهاب: بحبك يا بنت المندورية
تمارا داخل مكتبها
ااااااه هفرقع هموت انا دلوقتي
لا مش معقول انا ليه زعلانة ها لا انا مش زعلانة خااالص
انا حلوة اهو وزي الفل ليه ابقي زعلانة يعني ها ليه اخ ونسي عيد ميلاد اخته يبقي اي يعني
لا بس مش اخوية لاااااا انا بفكر ازاي خلاص يا تماارا اتجننتي خلاص
يلهوي بكلم نفسي
بس انا هعقد واهدي كدة وباذن الله مفيش حاجة ريلااكس
انا هكلم البت يسهام صحبتي حببتي وانتمتي وهي هتخليني عسل
تمارا : اي يا بت يا سهام فينك
سهام: انا في المطار
تمارا: هتسفري ولا اي
سهام: ياريت يختي دة اخويا طه جاي من فرنسا
تمارا : اخوكي حلو
سهام: قمر
تمارا: طب قوليلوا في عروسة عاوزاك
سهام: غوري يا بت من هنا
تمارا : ماشي يا سوسو هي دي الصحوبية
سهام: اه ويلا سلام
تمارا : سلام
تمارا : حتي سهام اه يا شهاب عاوزة اجيب جااز واولع فيك
شهاب: ولما انا اولع هموت صح
تمارا: انت دخلت امتي اصلا
شهاب: من اول الجاز
تمارا طب يلا اطلع برا مكتبي
شهاب لا
تمارا: امسكت بيد شهاب
يلا يا شهاب برا
شهاب امسك يديها والصقها بالحائط
شهاب: دة كدة انتِ زعلانة يعني ومقموصة وعلي اساس اني بنسى ليك عيد ميلاد يا مهندسة تمارا
تمارا اصبحت تشبه الورود الحمرا مع بشرتها البيضاء وبحر عينيها
شهاب : ارفعي وشك
تمارا: لا
شهاب: ارفعي وشك
تمارا: لا
شهاب:.....................
*************************
نهاية الفصل ٣
رايكم اي وهل شهاب هيقول لتمارا علي عرض الجواز وهي هتوافق ولا هيكون في قرار تاني
أنت تقرأ
بحر عينيها لبرنسيسة الروايات «آية محمد السيد» مكتملة
Mystery / Thrillerرواية رومانسية تسامح كرم أخلاق تضحية الرضا
