رواية #البوب
#الحلقة_26
وطلع مالك وخلي نورا مع مريم واركب لي العنايه بيشوف البوب .. اركب وخش للعنايه شافه وقعد البوب يفتح ف عيونه ويشبح ل مالك
مالك.. يا غالي نوض هيا طولت علينا ولا عجبك الجو
البوب .. قعد يشبحله وعيونه يضحكو انه طلع حي وشاف يلي يحبهم وقعد يبي يتكلم بس فاشل وطلعت منه كلمه خالد الا بالسيف
مالك .. خالد حاله به يا بوب واموره تمام
البوب .. اطمن ان خالد حي لان يفكر فيه وكان معاه لما صار التفجير
مالك .. هي ارتاح توا والكل يسلم عليك حتي مريم
البوب .. ابتسم 😊 ف خاطره وينها استاحشتها "" يا بوب احني استاحشناك أكثر من مريم "" 😍😍
مالك .. اطلع من العنايه القي قدامه حميد ومحمود وطمنهم عليه ف خاطره يبي يقول ل حميد ع مرام بس مش قادر يقول يبي البوب ينوض ف اسرع وقت يقوله هو .. لان لما لزها من الحوش البوب وكلم مالك يرفع مريم قاعد مانسهاش مالك ويبي يبرر اخته قدامه..
نورا .. قعدت مع مريم وهذرزت عليها شويا وطمنتها ان البوب فاق .. وبعدها طلعت وهي طالعه تلاقت مع مالك يا سلام سلم يا قلبي 💓✋ اهني صارت حاجه قنينه ان مالك كلمها
مالك .. اشبحت نورا معاش قدرت مانكلمهاش قصدي البنت هي فضيعة والله حبيتها من اول ماشفتها يعني هذا كله ف خاطره قاله
نورا .. اني امشيت من جنبه ناداني وحسيت قلبي وقف تلفت جت عيني ف عينه وقتله انعم
مالك .. نبي ندوي معاك ف موضوع
نورا .. تفضل ان شاء لله خير وقعدت نكلم فيه بكل برود واني متوثرة بنتفجر من التوثر يلي صايرلي
مالك .. لا مانقدرش ندوي اهني هاتي تليفونك نسجل رقمي
نورا.. اعطته التليفون وسجل رقمه ودار رنه لي روحه .. مالك .. توا نتصل بيك تماام توا اني طالع دير بالك ع مريم مابين ماجبت امي
نورا .. البنت داخت معاش عرفت شن ادير ولا شن تقول بكل من الفرحه .. قتله تماام .. طلعت منه لين قريب ماتت
___________
امشي مالك جاب فاطمه للعياده قعدت عند مريم ومريم قريب تموت تبي تشوف البوب
كريمه سمعت با البوب ناض وفاق
حميد كلم مرام ان البوب فاق
المهم توا نبي نسارع الاحداث بعد اسبوعين تماما ......
البوب فاق وقعد يتكلم واموره الحمدالله وجاته مريم وشافها وقعدت مريم ومرام وعيلته معاه بس حالته النفسية زي الزفت ان خلاص معاش يقدر يمشي لان الحوض تكسر .... قعد يفكر من ح يعوله من ح يقدر يتحمله هكي مضايق هلبا وحتي يلي يبي يتحمله امه وامه مريضه متلوحة ف الحوش ومش قادره حتي تتحرك ... وجي الدكتور واعطاه ورقة خروج وطلع روح به مالك ومعاه مريم وحميد ومحمود ونورا ومرام ف السيارة التانية... وصلوو للحوش قبل مايوصلو هما نزل مالك ومع مريم وساعدو البوب مش ينزل من السيارة وحطه ف كرسي متحرك وهو حز ف نفسه كيف يساعدوه يعني هو هيبة متوقعش ف يوم يطيح هكي .. قعد يحمد ف ربي الحمدالله الحمدالله يارب.. مالك نزله للحوش استأذن وطلع روح .. البوب انزل وخش للحوش قال لي مريم ارفعيني لي امي وامشي خش ل امه باس ايدها وقعد متأثر هلبا عليها لانها مش قادرة تتحرك من طيحتها ولا تتكلم ..
البوب .. يا امي اني حالي به هيا حتي انتي نوضي بسرعه وقعد يدوي معاها لين جي حميد ومرام ومحمود .. قعمزو ف دار كريمه وجت نورا جابت العصير و الشوكولاته ليهم وبعدها البوب يبي يرتاح ومايقدرش يركب لي حوشه ف ح يرقد ف داره القديمه يلي ترقد فيها مريم ...
مرام .. محمد ارقد فوق اني ندير بالي عليك ماتبيش مريم يرقد عندها
محمود.. من بركبه وينزله داره لوطه خير
البوب .. قعد ساكت ماتكلمش
مريم .. تشبحله وهي فرحانه مضايقه ف نفس الوقت عليه لان حست بيه مضايق من وضعه
مرام.. طلع البوب من دار كريمه ورفعاته ل دار مريم والحقها محمود نزلوه من الكرسي المتحرك وحطوه ع السرير
مريم .. تبي تمشي ل البوب بس نورا شدتها ودارو الغذي وتغذو وكريمه غدتها نورا ومرام بعد الغذي امشت لي البوب ومريم خشت للكوجينه غسلت الماعين دارتله الغذي ورفعتهوله وألقت في جنبه مرام يلي لصقت فيه معاش تحركت خشت وتبي توكله اخذت منها السفره ووكلت البوب .. مريم تشبح وسكتت وطلعت من الدار وهي متعفلقه منها ..
نورا .. بعد ماوكلت كريمه تليفونها قعد يشرين ردت مالك يلي يتصل
نورا .. الو ...❤
مالك.. ايوه اهلا كيف الحال وشن أخبارك
نورا.. الحمدالله بخير
مالك .. قعد ساكت يراجي ف نورا تقوله كيف حالك حتي انت قالها حتي اني حالي الحمدالله بخير يتسهوك
نورا.. خشت بعضها وقتلها اسفه بس اني مش فاضيه وصكرت عليه
مالك .. 😏 مستغرب خيرها هادي مش فاضيه وصكرت ف وجهي مارجتش حتي نكمل
نورا .. زي الحماره علاش صكرتي توا واك منك يا نورا وقعدت تدعي ع روحها أنها ماعرفتش تتصرف
