رواية #البوب
#الحلقة_23
مريم.. وقفت سيارة وطلعو فيها زوز اولاد معاهم مرا كبيره ف السن ركبت معاهم وهي تبكي وتعيط
المرا قتلها يا بنتي خيرك شن صاير معاك قوليلي احكي
والولد يلي يسوق يا اختي كان فيه حاجه قولينا بالله وخيرك هاربه
مريم .. اني مخطوفه كنت وهربت منهم
المرا.. علاش يا بنتي شن امدايره انتي والمهم قعدت تسأل هلبا لان عندها الحق تسأل بس مفروض قدرت ظروف احني نقولو هكي بس لو ف حد ف مكانها ح يدير زيها وأكثر
عزو.. يا بوكا فيسع
بوكا.. نطير مثلا ولا شن نديرلك خيرك
عزو .. شاف مريم ركبت ف سياره ركبت يا شلال ألحقها بالسياره فيسع هونداي سوده يا خرا
بوكا .. تعفلق هو طول الطريق يهزب فيه عزو وناض يخبط ع دومان وقاله اسكت اني مادخلنيش
عزو .. به وقعدو يتبعو ف السياره يلي ركبت فيها مريم. واتصل ب مرام
مرام .. الو يا عزو شن تبي
عزو.. مريم هربت واني وراها توا
مرام.. خايفه شن تقول انت يا كلب كيف تهرب منك يا حمار
عزو .. مش عارفه كيف هربت
مرام .. دبر كيف تراجعها اني مش ناقصتك لو تروح تمشي فيها
عزو .. انتي معاي تمشي فيها
مرام.. لا يا غزال تمشي فيها بروحك اني مادخلنيش فيك وصكرت عليه
بوكا .. خيرك
عزو .. بعتنا مرام بنت الكلب اجري قريب يخشوو لي طرابلس يا بوكا اجري
مراه .. يا بنت وين تسكني به قولينا
ولد .. يااختي انت من اما عيله
مريم .. اني من طرابلس وعيلتي ......
مراه.. قعدت تقولها ايه به كملي شن جابك الخمس انتي
مريم.. خطفوني زوز اولاد
مراه.. علاش شن امدايره انتي مش يخطفوك يا بنتي
الولد يلي يسوق ساكت وكلم خوه وأمه وقلهم اسكتو ووصلوو لي طرابلس هما خشو للطرابلس ؟؟؟؟؟؟
_______
ريم .. طلعت بالسيارة وطول الطريق تدعي تقول يارب مايموتش يارب وتكلم ف باسم مايردش عليها بكل وصلت لي اقرب عياده ف الخمس ونزلت وطول قعدت تنادي ف حد يساعدها وجو جماعة العياده من ممرضين. ودخلوو طول ف إسعاف وطلع عنده نزيف حاد وقعدوو ينظفووو ف جرح وخيطوله راسه 20 بنتو 💔💔 وريم قعدت تشبح لي باسم وتبكي وتبي تروح بس مش قادره وخايفه يسمعوو عيلتها وكيف ح تدير طلع الدكتور و قالها ان حالته كويسة بس انزف هلبا من امداير فيه هكي يا اختي
ريم..قتله عركه يا دكتور
دكتور.. الشاب قريب مات لو ما انتي انقضتيه 💔
ريم .. به توا شن حاله
دكتور.. حاله به واني ح نكلم الشرطه وتجي تحقق معاك ولما ينوض يحققو معاه
ريم .. خافت يا دكتور ارجوك ماتقول ل حد بالله عليك اني عندي عيله ومافيش حد يعرف أن اني معاه ارجوك
دكتور.. والله مانقدر لاكن ح نساعدك انتي اطلعي توا قبل مانكلمهم تماام ولما يجو مايشوفوكش به
ريم .. تماام صحيت يا دكتور وطلعت ولعت السياره وامشت
_______________
كريمه طاحت من دروج زلقت وانفتح رأسها و سنونها طاحو لاكن مش كلهم وجتها ضربه ع خشمها وفمها انفتح شويا ..... زلقت هكي قالت مرام لي الدكتور ولي حميد لاكن الحق دفتها هيا وطول نزلوها لي للإسعاف وخيطولها رأسها وفمها وقعدوو ينظفوو ف كدمات يلي ف جسمها وعلي وجها .... كريمه كانت فايقه من البدايه بعدين غابت ع الوعي لان ماقدرتش تتحمل يلي صاير فيها
حميد .. يبكي ويقول لي الدكتور طمني عليها يا دكتور شن صاير معاها يا دكتور رد عليا
مرام .. تبكي فـ دموع التماسيح .. يقوولك يقتل القتيل ويمشي ف جنازته وهي قريب تموت لما اتصل بها عزوو وقالها ان مريم هربت وتفكر كيف ادير
.. لاكن قعدت اطمن ف روحها ان ح يحصل فيها عزو بروحه واني طالعه منها وماتعرفش ان هي اتصلت ب تليفون عزو وتليفونه عند مالك .. لا ماعلينا خليها ترتاح توا !!
دكتور.. حالها به الحمدالله لحقناها توا بس نبي نأخذ ادنك لازم نصورها ونديرولها شويا تحاليل
حميد.. تماام يا دكتور به نشوفها
دكتور .. اتفضل
حميد.. وخش لي كريمه وقلبه وعقله وكل شي معلق ف كريمه وقعد يشبحلها وهي ضعيفه وكيف وجها هكي وحلقولها رأسها 💔💔 يبكي وشد ف ايدها قالها يا روح روحي انتي يا امي ومرتي يا ام صغاري ماتمشيش وتخليني برووحي يا كريمه نوضي وخلينا نكملوو عمرنا مع بعض وشد ايدها
كريمه.. فاقت من اول ماشد في ايدها حميد ... وقعدت تشبحله لان مش قادره تتكلم بس تبكي من وجعها
حميد.. اشبحلها وباس ايدها 😘 وقالها الحمدالله ع سلامتك يا غاليه وأمسح دموعها وقعد يقولها اني معاك ومحمد حاله به ماتخافيش وماتفكري ف حد توا وخشت مرام
مرام .. الف الف الف لابأس عليك عميمه
كريمه .. فنصت فيها وابدت تضرب ف ايد حميد وتأشر ب ايدها طلعها بر
حميد .. افهمها وقالها مرام بنتي سامحينا عمتك تاعبه ماتبيش تشوف حد وطلعها واطلع معاها
كريمه..ف دخلها انتي سبب ف كل شي يا سوسه اني كنت نساعد فيك يارب سامحني ويكون مع مريم واشفيلي محمد يارب ❤
محمود .. اتصل ب مالك
مالك .. رد ايوه يا محمود شن الجو
محمود .. تماام انت قولي شن صار معاك
مالك .. لا تو مافيش جديد بس ف حاجه انت صاحبي مانقدرش مانقولكش عليها القيت اني وعمي حميد تليفون ف سيارته والتليفون هذا لا لي مريم ولا ل عمي حميد بالك يطلع ل اختك شوف بالله عليك توا
محمود.. لحظه مالك وقعد ينادي ف نورا يا نورا
نورا.. خيرك فيه حاجه صارت
محمود .. وين تليفونك
نورا .. ف الشحن ف داري
محمود.. قصدك ماطحش منك ف سياره بوي
مالك .. ع خط وقال ماتقول شي ل اختك
نورا .. لا مطاح مني شي نجيبلك تشوفه
محمود .. لا بري خلاص امالا امتع مني ح يكون يا مالك
مالك .. مش عارف امبكري واني بوك مروح بيا قعد يشرين ومرا يلي اتصلت وبوك قالي كأني نعرفها لاكن ماذكرش الصوت بكل
محمود.. اعطيني رقمها.
مالك .. ماحفضتاش والتليفون فيه رمز مانعرفش نفتحه
محمود .. ارفعه لي محلات تليفونات ديره هولك يا مالك
مالك.. بس خايف يدير سفتوير يمسح كل شي. واني نبي نعرف شن فيه
محمود.. اني نعرف واحد ينحيلك رمز من غير مايمسح تعالا اخطم عليا نرفعووه
مالك .. انت رجلك توا اعطيني العنوان ونكلم حد من الاولاد يرفعني
محمود.. اعطه العنوان وصكر منه.. وقعد متكي ويتصل ب موده وباله مشغول عليها. بس تليفونها مقفل اتصل ب بوه وقاله شن صار ف امه واحكله وقال توا حالها به قال تعالا ارفعني نشوفها. امي يا بوي
حميد .. به يا ولدي توا نجي نرفعك انت ونورا اصبر شويا بس
اطلع الدكتور من دار كريمه
دكتور .. المدام امورها تماام بس ف تحليل الدم طلع فيه حاجه
حميد .. شن يا دكتور
دكتور ..قولي مرتك تتعطي ف مخدرات ؟؟؟؟
حميد .. !!! شن تقول يا دكتور انت تتكلم ع مرتي شن مخدرات
دكتور .. والله ف تحليل مرتك طلعت تأخذ ف مخدرات وهذا تحليل زيد شوفه بس قاعده ف بدايه يعني نقدرو نعالجولها
حميد .. مصدوووم صدمه عمره ...
اتفكرتو ف الحبوب يلي تعطي فيهم مرام لي كريمه ؟؟؟ هما مخدرات لاكن نسبتهم مش قويه هلبا
________________
