رواية #البوب
#حلقة_5
مريم ... هايمه ف الحمام والبوب قالب عليها الدنيا وفتحت باب الدار القاها مهناش وبعدها اسمع صوت جاي من الحمام وهي تغني ودوش ، ماباش يكلمها قعد يسمع فيها 🔥 ف خاطره محلاه صوتها 😎 وبعدها ابدي يدق عليها من اول ما سمعتاش وبعدين سمعاته قتله انعم محمد تبي حاجه
البوب .. شن ? هيا وقت عندي ماندير اني
مريم .. به اهو طالعه
طلعت بروب الدوش
البوب ..🙄🌚 قعد يشبحلها
مريم .. اهو طلعت شويا ونكون واتية
البوب .. 👌 به بس نبي نقولك معاش تطلعي هكي قدامي به ولا تلبسي لبس زي هذا
مريم.. 😊 اني مالبستش هكي قدامك أولا انت يلي خشيت لي الدار وتانيا هذا روب حمام يعني مش قاعده فيه 👌 وتمام حاضر ع كلام يلي قلته
البوب طلع من الدار وقعد يراجي فيها برا قدام الحوش،
بعد ربع ساعه طلعت القاته قدام الباب اخذي منها الشنطة وركبت معاه ف السيارة وامشو لحوش بوه 🖒 وهي قعدت تفكر شن يلي يبي يصير وكيف اماليه ح يكونو معاي 😓 ومرته زعما تحبني?وف خاطرها ف وحده تحب ضرتها 🙄غبارة سوده عليك وخلاص يا مريم
وطول طريق وهما ساكتين لين وصلو للحوش. حوشهم كبير هلبا الله يبارك عليه ❤ وقنين ،
نزلت من سيارة وخشو للحوش اول ما خشو القت قدامها بنت وف خاطرها هذه مرته? اشيه محلاها
البوب .. نورا
نورا .. هلا شن جو احميده
البوب .. اسمعي اني طالع به وهادي مريم وريلها دارها به
مريم .. قعدت تشبحله وساكته
طلع بعدها من غير مايقولها حتي حاجه مايبيش يقولها حتي هذه مرتي ((شن يا مريم يا مريم يا مريم ))
نورا .. مريم
مريم.. أنعم
نورا .. اني اسمي نورا اخت البوب محمد 😂
مريم .. اهلين واني اسمي مريم
وقعدت تهذرز ع نورا لين طلعتلها وحده محلاها فاتحه شعرها كاري وامدايره شويا مكياج ولابسه قفطان قنين هلبا
كريمه .. نورا من هادي ??
مريم .. تشبحلها ومعجبه بيها وف خاطرها اكيد هذه مرته
نورا.. هذه مرت محمد مريم
كريمه .. اه مرته المؤقته
مريم .. اهلين عمتي وتبي تجي تسلم عليها قتلها أُقعدي بعيد عليا ولا تجي جهيتي فاهمة معاش تقوليلي عمتي لان اني مش عمتك
مريم .. 😊 به تماام ابلة كريمه ((ياربي كون معاي وياربي يقويني))
نورا قعدت تشبح لي كريمة امها
نورا .. يا امي شن الكلام هذا
خشت مرام عليهم
مرام.. عُرفتها هادي مريم لان البوب قاللها حطيتها ف الحوش لاكن خشت وبكل وقاحه عمتي حبيبة قلبي
كريمه .. ها ياروح عمتك يا ميمي يا كنتي انتي وبس
نورا .. خيرك شن العسل هذا
كريمه .. ضمي فمك ترا
مرام .. هذه الخدامة الجديده 😂 وتضحك .
كريمه.. 😂😂😂 لا يعطيك السلامه هادي يلي تزوجها احميده المؤقته هادي البنت يلي قال نبي نسترها
مريم بتطيح ومعاش عرفت شن تقول قعدت تسمع بس هما يتسهوكو عليها (( مريم شن جيبني اني اهني ياريي مش قادره نتحمل )) شدت روحها بالسيف
مريم .. من غير قصد طلعت منها وين داري
كريمه .. دار من? يا روح امك
مرام .. زوجناها واسترنا عليها قدام الناس واعطيناها دار. معاناها بتكون دارك ?شويا تانيا ياعمتي و تقول هذا حوشي
مريم .. اني اسفه والله من غير قصد
نورا .. شن هذا ياسر
اخذت مريم من جنبهم ورفعتها لي دار البوب قبل ،
خشت لي الدار وقالتلها هادي داره قبل وقعدت تهذرز عليها ومريم مش متحملتها تبي تبكي تبي تعيط بصوت عالي مخنوقه ومش قادره ادير شي قعدت شويا وطلعت نورا صكرت عليها الدار تبي تبكي لاكن تاليفونها شرين امها هي يلي تتصل ردت عليها ،
فاطمه .. مريومه ها شن حالك اليوم ? امشيتي ولا قاعده ف الحوش
مريم.. هي مخنوقه لا يا ماما امشيت لي حوش بوه
فاطمه .. به حبيبتي كويس مرات بعدين نجيك نشوفك به مريومه
مريم .. به به
وزعت امها لان مخنوقه من الكلام يلي سمعاته ف خاطرها هذا من اول يوم هكي بس كلامهم صح، الناس هكي تشبح فيا اني ماننفعش وقعدت تبكي بالشوية وخاطرها تعيط بصوت عالي بس ماقدرتش وقعدت ضمت الدار ودارت حوايجها و تراجي ف البوب يجيها وهي جعانه ماكلت شي من الفطور وحتي تغذوا مادوروهاش بكل لين دق عليها الباب ..
نورا .. مريومه شن جوك توا
مريم .. الحمدالله
نورا.. تعالي تعشي معانا اكيد جعانه
مريم .. به
هي لابسة سروال و سورية ووشاح وطلعت مع نورا امشي القتهم امقعمزين يتعشو
مريم.. السلام عليكم
ماباش حد يرد عليها
نورا .. قعمزي خيرك
مريم قعمزت وقدامها مرام والبوب قاعد ماجاش
حميد وكريمه يهذرزو و ماعبروهاش بكل
البوب جي اول ماسمعت صوته ناضتله مرام تبوس فيه قدام امه وبوه وتقوله حمودي
مريم .. قعدت تشبحلهم وحزت ف خاطرها ماقدرتش تتحمل مرام والبوب
جي قعمز والكل سلمو عليه شخصيته قويه هلبا بدرجه الكل يحترم فيه 😎 ماكلمش مريم اشبحلها بس
تعشو بس مريم من كثر ماخاطرها تأكل انسدت نيتها
كملو عشاهم والكل ناضو جت جنبها كريمه،
كريمه.. اسمعي اغسلي الماعين وغذوا خشي طيبي خير ماامقعمزه ماديري في شي
مريم .. انصدمت من كلامها قتلها حاضر
وهي تقيم ف الماعين دخلتهم ف الكوجينه وجيت تعاون فيها نورا تهذرز عليها دوره يسمعو ف باب يدق امشيت فتحت الباب نورا
هي فتحت الباب من اهني وتلقا قدامها شخص طويل وعضلات وجسم وقنين ولحية 😢يعني طرف اطلع عرض مش طول
