رواية #البوب
#الحلقة_17
نورا.. تبي تمشي تشوف مالك لاكن تتحشمت من مريم
كريمه .. به شن حالك توا محمود
محمود .. به يا امي الحمدالله
كريمة .. تعالا حميد نبيك
حميد .. به واطلع معاها
كريمه .. حميد خلينا نسافرو به ونشوفوه
حميد .. وين تبي تسافري به يا مرا افهمي معاش عنده حل رجله انبترت شن بنرجعوها
كريمه . . به وبالي مشغول ع محمد هلبا يا حميد
حميد. . واني أحرف منك
وقعدو يهذرزو شويا وخشو لي محمود
فاطمه .. خيره وجهك اصفر يا مريم
مريم.. ولا وجها اصفر وتبي ترجع مش قادره خشت للحمام
فاطمه .. خشت معاها للحمام خيرك يا مريم
مريم .. مش عارفه يا امي بس دايخه وكبدي درهت بالك من صنة الدواء
فاطمة .. بالك امك تعالي معاي توا نقولك وامشت معاها لقسم النساء ودراتلها تحاليل وقتلها الدكتوره بعد ساعة تعالوو
مالك .. وينكم وخيرها مريم
فاطمه .. مريضه شويا
مالك.. به برو روحو توا شويا ويجوني الاولاد
امين.. نقعد معاك
مالك .. لا يا راجل انت روح معاهم باش نطمن عليهم
امين .. به حاضر يا راجل وطق ف ايده
مريم .. قعمزت ع كرسي مش قادره توقف بكل
_____________
بوب .. تحصرنا يا اولاد لازم مانديروو حاجه
خالد .. توا نكلم الاولاد ب الثرايا
وقعد يكلم فيهم وقالهم الحمدالله بفضل الله وبعدها شبابنا انقضوهم الحمدالله وقعد البوب مشغول ع محمود ومالك ويبي يتصل بيهم بس ماشدش الخط بكل وقعد يفصل وجي الآمر امتع الكتيبه وقعد يدوي معاه وقاله بر شوفهم بس البوب ارفض من البدايه وماقدرش يمشي ويخليهم ف نفس الوقت يبي يشوفهم وقلبه ف طرابلس
البوب .. تماام ح نمشي يومين ونولي
خالد .. بالله عليك يا بوب اخطم شوف المرا
البوب .. حاضر ح نخطم نشوفها هيا انت دير بالك ع روحك يا غالي
خالد .. ف حفظ الله يا قلبي انت
وطلع البوب معاه الناس التانية وطول الطريق وهو يفكر شن صار فيهم
____________
مرام .. مشت لحوش بوها وألقت امها وموده امقعمزين قتلهم شن جو
موده.. باهي وانتي شن جوك
مرام .. كان تعرفو شن صار
سعاد .. شن اللطف قولي
موده.. ادوي يا خرا شن صار
مرام .. محمود انصاب ف الحرب وانبترت رجله
سعاد .. لا حول ولا قوة الا بالله
موده.. عيونها تعبو دموع قتلها امتا صار هذا
مرام .. وين نعرف وهدي روحك كان قبل نبيك ليه لاكن توا هو هكي فوتيه
سعاد .. لا ياكبدي بنتي تأخذ هذا بو رجل وحده
موده .. ناضت لي دارها وماقالتش ولا كلمة ويلي تبيه توا هي ان تشوفه حتي بعد يلي داره فيها تبيه قاعده
مرام.. ماتعدليش عليها بنتك يا امي وقعدت تهذرز ع امها شويا وروحت للحوش
________
مالك.. امي عندكم من يروح بيكم
فاطمه.. توا نروح ف تاكسي
مالك .. به هيا دير بالك عليهم
مريم .. هيا تصبح على خير وان شاء الله لابأس عليك
امين .. سلام مالك
فاطمه.. طلعت بيهم وهي كيف بتطلع من العياده اذكرت تحليل يلي بيطلع بعد ساعه
مريم .. نأخذوه حتي غذوا
امين .. شن في يا امي شن بتأخذو
فاطمه .. انت اسكت ونمشي نأخذه ونجيكم امشت فاطمه اخذت التحليل ومبروك حامل مدام مريم يعني فاطمه قريب طارت من الفرحه وطول امشت لي مريم وفرحتها
مريم.. فرحانه ب الخبر
فاطمه .. قبل تبي تمشي تفرح عيلة البوب بس قتلها مريم توا تقولهم طلعو من العياده امشوو روحو
___________
البوب .. وصل لي طرابلس قعد يتصل ب محمود تليفونه مقفل وقعد يتصل ب جماعته يلي قاعدين وقالوله ان محمود ف العياده .... وامشي طول للعياده وخش القي الاولاد عنده وف جنبه راقد مالك سلم ع محمود وسلم ع مالك وقعد يهذرز معاهم لا الصبح وبعدين روح للحوش القي كريمه نايضه
البوب.. امي وجي اضبطها
كريمه .. يا روح امك يا حميده يا غالي وقعدت تبكي
حميد.. محمد وسلم عليه
وطلعت نورا تسمع ف صوت محمد سلمت عليه
البوب قعد معاهم شويا وقلهم نمشي ندوش واركب ف حوشه والقي مرام راقده ف سابع نومه ماباش ينوضها وخش دوش وهو طالع
مرام.. صباح الخير امتا روحت
البوب .. صباح النور امس
مرام .. والله من امس اني توا نشوفك ولا امشيتلها قبل
البوب .. شن تخرطي امس روحت ف الليل وامشيت لي خوي هو هذا ومعاش تجيبي سيرتها
مرام .. قربت منه وقعدت تبوس فيه
البوب .. تاعب ترا نحي يا مرام
مرام .. تاعب معاي اني لاكن مع مريم عادي به يا محمد واني خاطري فيك قصدي هذا حقي
البوب.. خير دين اصلك من الصبح ترا اقعدي فيها به
مرام .. ف خاطرها به يا محمد والله لما نرجعك ليا ولما نكرهك فيها ووووه ع مرام كلام نورا حق يبيها ويكذب عليا يقولي موقته اهو فات شهر ماطلقهاش وووه وقعدت تفكر كيف تخلي البوب يطلق مريم
البوب .. انزل والقاهم يفطرو يراجي ف مريم تجي ويشوفها بس مريم مش ف الحوش يا محمد ناض من سفره الفطور واطلع امشي للعياده
______
فاطمه .. مريم هيا نوضي نمشو لخوك ونروحو بكري
مريم .. صباح الخير والله يا امي تاعبه بري انتي وامين
فاطمه.. كيف نخليك بروحك يا همي
مريم .. بري يا امي والله مايجيني حاجه
فاطمه .. به ديري بالك ع روحك لانك قاعده ف بدايه الحمل ورأس بنيتي ماتقيمي شي
مريم .. ههههه والله حاضر يا امي مش ح ندير شي الواحد يدور فيها سماء مش مايديري شي القاها ف الوطى
فاطمه .. مصحك ومفضاك هيا اني طالعة وطلعت وقفت تاكسي هي وامين وامشت للعياده وصلت وخشت والقت قدامها البوب
امين .. اوووو بوب
البوب .. قعد يشبح مرات يلقى مريم معاهم اوووو امين شن الجو
البوب .. كيف حالك عمتي
فاطمه.. الحمدالله يا وليدي وانت كيف حالك الحمدالله سلامة محمود
البوب .. الحمدالله الله يسلمك والحمدالله ع سلامة مالك ربي يشفيه ويعافيه قعد ساكت بس فضوله قريب يقتله قالها كيف حال مريم وينها
فاطمه .. حالها به بس مريضه وضحكت مريضه ماقدرتش تجي
البوب.. خيرها ان شاءالله لا بأس عليها
فاطمه .. مش تبي تشوفها وتوا تقولك خيرها هي خليني نخش نشوف مالك لان مانبيش نعطل لان خليتها بروحها
البوب.. عمتي توا بعدين نورح بيك هذا رقمي اتصليبيا لما تبي تروحي
فاطمه به تماام سلم محمد وركبت لي مالك القاته راقد نوضه امين وقعدو يهذرزو
فاطمه .. صباح الخير ولدي
امين .. مالك يا بطل
مالك .. صباح النور وين مريم
فاطمه .. تاعبه مريضه شويا
مالك .. ان شاء لله خير
فاطمه .. لا خير حامل وتاعبه شويا
مالك .. افرح بالخبر هلبا
كريمه امشت هي ونورا وحميد لي محمود ومرام قعدت ف الحوش زي وجهه شیطان ع قولت نورا وصلوو للعياده. وخشو لي محمود القو البوب مقعمز معاه ونورا تبي ادير اي سبله مش تمشي تشوف مالك
وفعلا جايبة كيكة نوتيلا قلها محمود اعطو منها لي مالك يحبها
نورا .. به توا نعطيها منهم
البوب .. هاتي نرفعلهم
نورا .. لا خليك نرفعلهم اني نبي نشوف مريم
كريمه.. قعمزي اما مريم
البوب .. مريم ماجيتش وهاتي اخذي منها صونية الكيكه وارفعها لي مالك
البوب .. مالك شن جو اليوم
مالك .. به الحمدالله شن هذا يلي ف ايديك
البوب.. هذا كيكه جيبتلك منها ذوقها قال محمود يحبها فاطمه .. صحيت علاش تعبت روحك
مالك .. صحيت يا بابا
فاطمه.. شبحت لي مالك فنصت فيه
البوب .. بابا شنو
مالك .. ماسمعتش المدام حامل
البوب .. قعد يشبحله وهو مصدوم
امين.. ف بيبي
فاطمه .. قريب تقتلهم صغارها ماتبيشي يعرف منهم
البوب .. بجديات الكلام هذا عمتي هو قريب يبكي وفرح به هلبا لان يحب الصغار وليه هلبا يراجي يسمع الخبر هذا فاطمه.. ايه يا ولدي الف مبروك
البوب.. هيا نروح بيك ولا مزال انتي
فاطمه .. هيا شويا
مالك. . قلها روحي معاه وديري بالك علي مريم وباسها وروحت هي وامين
البوب.. طول الطريق مع فاطمه ماتكلمش بكل لين وصلو وقعدو يطقو ع حوش ماردتش السيده مريم لانها راقده ف سابع نومه
البوب .. به عندك مفتاح ياعمتي افتحي مرات صايره معاها حاجه
فاطمه .. هي وفتحت ودخلاته لي الصالون
البوب .. قريب قلها داخليني ليها طول مستاحشها موت يا ناس
فاطمه.. خشت لي مريم تعيط عليها تي نوضي
مريم .. خيرك يا امي شن فيه
فاطمه .. سلامتك مافيه شي غير راجلك بر بس 😂
مريم.. ناضت وقفت تبصري امتا روح
فاطمه .. والله به هي نوضي وتي روحك يراجي فيك ف الصالون حقا اسمع انك حامل
مريم .. من كثر مافرحت ان روح وانا جاها بس تأترت انه هو جاي ع خاطر اني حامل بس بدلت ولبست وتعطرت امشت لي الصالون وهي قريب تموت من الخوف منه اول ماخشت القت امين يضحك معاه
مريم .. السلام عليكم
البوب .. وعليكم السلام وناض وقف
مريم .. سلمت عليه عادي
امين .. توا تنوضي المغرب قريب يأذن
مريم .. 😊به امين اسكت ماخاطريش فيك نوض ماما تبيك
امين.. ناض اطلع وصكر الباب
البوب.. شن حالك
مريم .. الحمدالله وانت شن حالك به
البوب ناض وجي جنبها
مريم .. ناضت وقفت
البوب.. ناض خيرك
مريم .. ماخيرني شي بس نبي نعرف علاش درت فيا هكي يا محمد
البوب .. اني مش جاي باش تدوي معاي هكي اني جاي لان قالولي حمل
مريم.. استفزها كلامه والله به كويس اهو اعرفت اني حامل
البوب .. ايه به يعني توا بتروحي معاي
مريم .. مانبيش نروح معاك لين تفاهمني ونبي تليفوني
البوب .. شدها من ايدها قلها بتروحي معاي يا مريم ومش مفهمك شي ومعاش فيه تليفون به وقرب من فمها يبي يبوسها قعد باب يدقدق
فاطمه .. جابت القهوه
البوب .. اخذها منها صحيتي عمتي
مريم.. تبي تطلع لان تبكي من تصرفاته جبدها من ايدها
