رواية #البوب
#الحلقة_3
هو قعد يدخن طول الليل ولين اخذاه النوم وارقد
٠
الصبح ناض دوش وطلع من غير مايقول لي مريم
ناضت مريم قعدت ادور عليه مالقتاش خشت دوشت ولبست لبسه مستوره وقعمزت تراجي فيه وهي جعانه ماقدرتش تكلم السيرفز يجوها ☺😭 قعدت لا اذان الظهر دوره تسمع ف الباب يطق فتحت لقاته مالك 😒
مالك .. هلا شن جو
مريم .. قعدت تشبحله
مالك .. الناس ترد خيرك شن جاك
مريم .. شن صاير
مالك .. مافيه شي بس البوب قالي بر ارفعها للحوش وصلها غير هو مش فاضي هي بري وتي روحك فيسع هيا خيرك تتفرجي عليا
امشيت لبست حوايجها واخذت حاجاتها وطلعت وهما ف الطريق وقفها مالك علي محل عبايات شرعيه وقلها قالي البوب خطمها تأخذ حاجات
مريم .. ((بينها وبين نفسها هو مش قالي هذا رجاء يعني مش فرص تلبسيه به شن نزل ولا لا توا هي انزلي وخلاص ))
مالك .. ها وين امشيتي
مريم .. اهو بننزل
ونزلت واخذت كل شي من عبايات وقوانطي وخمارات وطلعت وصلها لي حوش البوب وصلها وقعد معاها شويا وطلع وقبل مايطلع قالها مانبيش نوصيك ب راجلك
مريم .. حست كلمة راجلك كيف طلعت من مالك تهبل
يعني الحوش يهبل وصغير ونظيف ومرتب وقعدت تراجي ف البوب لا رقدت ولا ناضت هو ماجاش سيبها ف احلا ايام حياتها يلي مفروض يكونو هكي
________££€€££_______££¥£€€__^_^^____
البوب بعد مانزل من الفندق ولع سيارته امشي لحوشهم اول ما وصل لقي امه وبوه قدامه يباركوله ويتسهوكو عليه 😒 وكل واحد يحذف كلمه قعدت امه تقولي كان تبي تتزوج تاني قتلي ره جوزتك يا احميده طلقها ره ماتصلحش بيك ره معتدين عليها البنت مسخه مش نظيفه طلقها ونأخذلك احلا منها وخير منها هو كله وساكت ماباش يرد عليها سيبها تدوي اركب فوق لحوشه لقي قدام وجهه مرام وقعدت تنفخله ف دماغه وتبكي وديرله ف دسكه وتقوله طلقني هو بحكم يحب مرام ومايبيش يطلقها قلها منتزوجها فتره وح نطلقها ارتاحي
مرام .. بجد
البوب .. شن نكذب عليك خلاص بلا نفخ دماغ وجي جنبها ويبوس فيها ولين قامها ودخلها ف دار النوم وقعد راقد من العصر لا الساعة 11 ف الليل وهي مرام مابتش تنوضه ناض يعارك فيها علاش خليتيني راقد
مرام..باش تمشيلها
البوب .. شن كنت نخرف امبكري قتلك تحملي فتره ح نطلقها وخير دين اصلك توا شن تبي بزبط
مرام.. خلاص امالا علاش واخذلها حوش بروحها جيبها اهني واعطيها دار في الحوش اللوطي ترقد فيها وخلاص
البوب .. مانبيش مشاكل
جيت جنبه مرام وتبوس فيه تقوله معقوله اني ندير المشاكل لي زوجي حبيبي وتلعب ف صوابعها علي لحيته
البوب .. امي وبوي
مرام.. توا نفهمهم ع كل شي وهي فتره وتمشي
البوب . . به يصير خير بري توا من قدامي ترا
في الوقت هذا مالك روح للحوش وقال لأمه روحت ب مريم من الفندق للحوش
فاطمه .. علاش يا ولدي شن صاير غير قولي شن صاير
مالك .. والله ماصارحاجة به بس اتصل بيا البوب وقالي روح بي مريم من الفندق للحوش وهو مش فاضي قتله به
فاطمة.. به به
