رواية #البوب
#الحلقة_28
مالك .. ايه يا محمد الشخص مايعرفش انه فيه كاميرات و فوق هذا كله دمر عيله ..
البوب .. من يكون يا مالك نار فيا
مالك .. مرتك مرام .. ايه ماتشبحليش هي وراء كل شي وعندي مايتبث ع كل شي قلته توا
البوب .. انت تبصر ولا تتسهوك يا مالك ماتخلينيش نغلط فيك
مالك .. لا مانبصرش ولا نتسهوك عليك تماام وهاك شوف ... هذا تليفون عزو وهذا رقم مرتك وشوف الرسائل
البوب. .. قعد يشوف ف الرقم والرسائل وهو مش مصدق يعني مرته أدير هكي علاش به ...
مالك .. قعد يشبحله وهذا تسجيل الكاميره امتع العياده عموماً العياده قبل تبي تشكي فيها بس أدخلت ف الموضوع واحمد ربك أنها تابعة للكتيبة ويحموك فيها .. وتسجيل المكالمات جيبته من ليبيانا والله ديرت جهدي مش منظلمهاش بس والله هذا يلي صار يا محمد
البوب .. قعد يسمع ف تسجيل المكالمات أمتع عزو ومرام ... لوح التليفون وحط ايده ع رأسه كيف علاش
مالك .. اهدي يا محمد توا بتقول علاش دار هكي .. درت هذا كله ع خاطر اختي يوم ضربتها يوم شكيت فيها ماقدرتش نجي ونواجهك لانك صاحبي مانبيش نخسرك حتي لو على حساب اختي تعرف انت شن بالنسبه ليا انت خوي يلي ماجابتاش امي ويلي ديرته معاي والله مايقدر حد يديره بس اختي وجعتني لو مش عارفها مظلومه مانجيك توا ونقولك ع شي مش تقول هكي دار مش يبي اخته تقعد ع دمتي لا بس اني براءتها بس قدامك وحتي لو تقولي توا معاش نبيها ح نطلع ومعاش تشوفها بكل لاكن اني وياك ح نقعدو خوت وصحاب وقلب ع قلب يا قلب صاحبك انت وحضنه ...
البوب .. مصدوم من يلي دراته مرام والكلام يلي قاله مالك أتر فيه هلبا .. وقاله صحيت يا مالك ع كل شي واكيد وعارف انك اصيل من يوم يومك يا قلب صاحبك ..
مالك .. اطلع من دار وكيف وصل بيفتح الباب القي قدامه حميد وسلم عليه وسأله ع التليفون
مالك .. يا عمي التليفون عند البوب توا
حميد .. كيف تعطيه ل البوب مش قتلك نبيه
مالك.. يا عمي توا اني مش فاضي كان تبيه شوف البوب
مريم .. ها مالك مروح
مالك .. ايه مروح تبي حاجه
حميد .. تعفلق من مالك وقاله تماام
مريم .. خيره عمي
مالك .. شي انتي خيرك تبي حاجه
مريم .. اسمع خيرك انت والبوب شن في
مالك .. انت شن تبي بزبط توا
مريم .. وانت خيرك متعفلق يا ووخيي شن قتلك اني توا
مالك.. مافيه شي هي ردي بالك ع روحك وعلي راجلك
مريم .. حاضر تماام .. وطلع مالك
_________________
نورا .. شافت من روشن دار مصعب مالك كيف مروح اتصلت به
مالك.. ايوه
نورا .. كنت ف حوشنا وماتكلمنيش
مالك .. خيرك انتِ توا متعفلقة جيت شوفت اختي وراجلها
نورا .. واني
مالك .. ضحك وانتي خيرك شن فيك
نورا .. خيرك هكي تدوي معاي علاش ماشوفتنيش مرة وحدة ولا لازم نطلبها منك
مالك .. لا يا غالية احني اصدقاء يعني مش كل شي نقولك عليه توا لما تولي حبيبتي ومرتي من عيوني نقولك شن تبي واضربيني بعدين به يا صديقتي 😂😂😍
نورا .. توثرت من كلامه وعجبها هلبا ومعاش عرفت شن تقول وقعدت ساكته
مالك ..اني ندوي بروحي ردي يا ..
نورا.. يا شن ...
مالك .. والله توا ساعه كنت ندوي ماعجبكش شكله كلامي ورديتي ع يا .. بس
نورا .. لا مش هكي يا مالك
مالك .. والله مالا شن انتي يا عيون مالك
نورا .. زمطت ريقها شعور حاسه بيه مش قادره توصفه حاجه حلوووه بس ... قصدي اني
مالك .. قطعها وقلها نورا بنقعدو احني هكي هلبا ياسر من الجو الزايد يلي مدايرينه ره الزوز عارفين روحنا نبو بعض من الأخير اني الوضع هذا معاش يناسبني نقعد هكي معاك
نورا.. فرحانه وقلبها يرقص توا .. قتله وشن يناسبك انت
مالك ..اني نبيك ونحبك من الأخير نجي نخطبك ونتزوجو شن رأيك
نورا.. انصدمت من كلامه .. متوقعه ان يقول كلمه نحبك اما نجي نخطبك ونتزوجو لا لا مش متوقعه يعني تفاجأت ومعاش عرفت حتي شن ترد .. بس احساس حلوو لما يكون شخص يلي تبيه راجل ومش عيل راجل مش بالكلام بالأفعال هو شاف ان معاش يساعد يبيها تكون معاه تكون جنبه بدال من التليفونات والكلام الزايد .. قتله واني نحبك يا مالك وصكرت التليفون لان خلاص معاش قدرت أنها تكمل كلامها معاه .. محلاه شعور خيالي يارب كل بنت ربي يرزقها شخص يلي يحبها ويصونها ....
مالك .. حس أنها متحشمه ف بعد ماصكرت ماعاودلهاش امشي للعياده لان زوز صحابه انصابو ف امشي شافهم واحد من صحابه توفي غذوا جنازته واتصل ب محمود وقاله وكلم جماعة الكتيبه ..
____________________
