رد فعلها الغريب جعله يتحدث مع والدها يريد أن يعلم ما بها و لما خافت من الزواج هكذا و ما قصة زواجها الأول تردد علي في إخباره بتلك الأمور لكنه وجد نفسه مضطرا للحديث فربما يخرج ابنته من حالتها فهو عاشق لها و هذا واضح من عينيه التي كانت تنظر لها
بينما فايزة لم تلق بالا كبيرا لها بل ذهبت لغرفتها متجاهلة ما يجري لها و كأنها ليست ابنتها
- إلينا كانت عارفة سعيد من الجامعة و كانوا زمايل و لما اتخرجوا جه و طلب ايديها مني وافقت و صدقت فعلا إنه بيحبها و هتكون سعيدة معه لكني كنت غلط بعد ما جهزنا كل حاجة و الفرح كنت ملاحظ إن والدته رافضة ابنتي و مش طايقة بس كنت بقول مع الوقت هتحبها لما تعرفها كويس و تبقي واحدة منهم بس هم كسروا ابنتي في اليوم اللي بتستناه كل بنت
بعد الفرح و روحوا البيت دخلت ابنتي تغير الفستان و هو استناها بره الأوضة والدتها كانت مجهزة هدومها و كل حاجة تخصها و بعد ما خلصت لاحظت أنه تأخر خرجت تشوفه
البيه كان مع نسرين صاحبتها و لا كأنها هي العروسة و الليلة ليلتها ابنتي صدمت و لما حاولت تتكلم ضربها هي و أمه و في الآخر طردها و طلقها
لقيت ابنتي مضروبة و راجعة البيت بعد ساعتين من الفرح بقميص النوم يومها خدتها المستشفى و حالها انهيار عصبي و فضلت فترة تتعالج وقتها كان البيه طلق و بعت الورقة يوم الصباحية و اتجوز نسرين و خل الكل يخوض في شرفي بسببه و يتكلم عن ابنتي و للأسف والدتها مستحملتش كلام الناس و هي كمان بقت تقول و تعيد طول الوقت فيه
و لما طلبت ايديها النهاردة افتكرت الزفت الأولاني و رجعت تاني لحالة الانهيار
ظل إياد صامتا غير قادر علي تصديق ما حل بحبيبته علي يد أولئك الوحوش لقد أفسد لها اليوم المنتظر و تركها في الشارع في وقت متأخر بقميص النوم ؟؟؟!!!!!
- عمي كلامك يزيدني إصرار علي الجواز منها و صدقني ابنتك هتكون أحسن من الأول معايا و هعوضها كل اللي شافته من الحيوانات دول
نظر له علي ليري الصدق بعينيه هذا الرجل عاشق سيفعل أي شيء لأجلها و لو كلفه ذاك حياته كلها
- بس أنت شوفت بنفسك لما اتكلمنا عن الجواز جري لها ايه ؟؟!!
مش هقدر افتح معها الموضوع من جديد و الدكتور قال...
- أنا عندي فكرة كويسة هتخلينا نتجوز النهاردة و بدون ما يحصلها انهيار من جديد و هحتاج مساعدتك يا عمي فيها و أوعدك هعوضها عن كل حاجة عاشتها و لا شافته منهم
&&&&&&
استمتعوا بالفصل
نراكم قريبا
😘😘😘
