الصبح اخر يوم امتحانات كان الباب يدق قوي و التلفون ايرن عدالها و هيه ولا درت بلدنيا
ام نهيان : العنود يلا قومي لا اكسر الباب امتحانج بيبدأ و انتي ما قمتي / وردت ادق اقوى ما عندها
العنود : امايه برقد
ام نهيان : العنود عن الاستهبال يلا عاد قومي .
العنود توها تستوعب : اوه الساعه 7و40
باقي 10 دقايق علامتحان .
قامت بسرعه الحمام ( الله يعزكم ) قسلت ويها و توضت و طلعت صلت و تلبست و سحت شعلها ربطه بسرعه و راحت تحت ركض .
ام انهيان : حطيتلج كورن فلكس و حليب عند الخدامه في السياره يلا بسرعه البسي نعالج و طلعي ، شنطتج فالسياره .
لبست عنود نعالها و عباتها بسرعه و تحجبت و ركضت برا و الا تدعم جسم ثقيل
العنود قابضه راسها : اح راسيه
نهيان يضحك : خبلا تربعين جنج غنمه شارده من الشبج .
العنود ربعت ، وركبت السياره و راحت المدرسه .
وصل و دخلت من باب الاداره الانه باب السيارات سكروه و كان باقي 40 دقيقه علامتحان و الامتحان كان انجليزي سهل .
دخلت الصف و كانت ربيعتها دانه اتجوفها راحت قعدت فلطاوله و خلصت الامتحان و طلعو من اللجنه .
دانه : العنود ليش اتاخرتي
العنود : كن راقده ف سابع نومه ولا ادري بدنيا زين بعد انيه قمت ، امايه بقت تكسر الباب من الدق .
البنات : هههههههههه
روضه : اه اخر يوم و اخيرا بنفتك و بنتخرج
ميثا : لا حبيبتي وراج جامعه ما شي بفتك
العنود : الله متحمسه حق الاجازه و اخيرا ما صدق
يت دانه جدام عنود و ضربتها كف ع ويها
العنود : اح دانوه بلاج ما سويتلج شي
دانه : هههههه عشان اتصدقين
العنود: خخخ سخيفه تراج .
روضه : ايه خلاص ها اخر يوم خلكن فرفوشات
ميثا : خلاص يلا خدامتنا يت باي
دانوه : انا بعد
روضه اتحط يدها جدام عينها اونها اتسوي تلسكوب ادور خدامتهم : وه هكيه ليلوه
ضحكن البنات عليها و كل و حده سارت سيارتها تمت العنود قاعده تنتضر خدامتهو اتي بس ما يت شوي و جافت فطامي بنت عمها تمشي راحت العنود عندها .
العنود : مساء الخير
فطامي لفت ويها ورا : هلا و غلا ، ليش عدج ما رحتي .
العنود : دريولنا عده مايا .
فطامي : تعالي معايه بوصلج .
العنود : اوك انا اصلا يايه عشان اتوصلينيه ههه .
فطامي : ما عليه خلج هنيه موتي حر انا بروح
العنود : لا لا خلاص والله استهبل
تمن يسولفن وهنه يمشن لين السياره يوم وصلو عند السياره فجت العنود الباب الي ورا السواق ع اساس فطامي بتركب من الباب الثاني بس انصدمت وهيه اتجوف فطامي تركب قدام .
العنود : فطامي تستهبلين
سعد : السلام عليكم
العنود يوم سمعت صوته بقت اتموت من الفشله
العنود بصوت واطي يالله يالله ينسمع : و عليكم السلام
فطامي : ههههههه بلاج اونج مستحيه ترا عادي الا سعد
سكتت العنود و سعد و فطامي قعدو ايسولفون و عنود مرتفع ضغطها من فطامي و دها تخنقها .
سعد كان مبتسم و هوه ايجوفها مستحيه ومنزله راسها وكان ايطالعها من المنضره العنود رفعت راسها و جافته يطالعها من المنضره نزلت راسها و تمت تلعب بصبوعها ، وصل سعد بيت عمه و نزلت العنود و قبل لاتنزل عطت فطامي اشاره انه ارويج .
فطامي تبا تقهرها : عنوود بلاج اتحركين ايدج جنج قرد
سعد : ها خلصتي اشارات ولا لا
العنود سكتت و شلت شنطتها و سكرت الباب اقوى ما عندها عشان يتأدبون في ثنين و دخلت البيت و هيه منقهره من فطامي .
أنت تقرأ
ويلومني بعض العرب في غلاك
Fantasyروايتي الاولى .. 🌿 اتمنى تعجبكم ( لا اسمح للنقل ) اتمنى تستمتعون و انتو تقرون 💗 تاريخ البدايه : 16/اغسطس / 2020
