في المانيا
اتعشو و خلصو قعدو لين الفليل و رجعو البيت و طبعا ام فيصل وايد حبت عليا هي و نوف و استانسن عليها .
الصبح
سالم قام من الرقاد صلى و راح يقوم عليا
سالم دق الباب : عليا
عليا من داخل : هلا ادخل
سالم فج الباب و دخل داخل الغرفه لقا عليا متلبسه و جاهزه
سالم : اونيه بوعيج
عليا : لا حبيبي اعجبك حتى الريوق جاهز
سالم : لا خليت منج
عليا : ولا منك ، يلا ننزل
نزلو تحت و اتريقو و شلو ريوق حق نهيان و راحوله المستشفى
عند نهيان
كان واعي و يتكلم فلتلفون مع ربعه الي فلامارات و يسولف معاهو دخلو عليه سالم و عليا
سالم : صباح الخير
نهيان ابتسم : صباح النور ، ولف ع التلفون: يلا خلاص مع السلامه
سكر عنهو
نهيان : علومك
سالم : طيبه
نهيان : ها عليا اخبارج
عليا : بخير
سالم : اجوفك نشيط مشاء الله
نهيان : هي الحمدلله راح الويع عطونيه مسكنات الم و ان شاء الله بطلع بعد باجر بي عندكو البيت و بس بي المستشفى مراجعات
عليا و سالم : بينور البيت
نهيان ابتسم : منور و الله ، انزين ترا يعت و انا اجوف السله
سالم : ههههههه انزين قول ابا اكل
انهيان : احلف
حطت عليا الاكل حق نهيان و راحت الطرف الثاني قعدت ع التلفون ترمس نوف
عليا : هلا نوف
نوف : عليا تعالي عندنا اليوم
عليا : لا ما اروم اليوم ، انا الحين فلمستشفى
نوف : ليه وش فيك
عليا : هههه بلاج ترا قلتلج عن ولد عميه
نوف : والله نسيت ، المهم اجل بكره الفطور عندنا
عليا : ان شاء الله بجوف سالم
نوف : اوك ، يلا سي يو
عليا : باي
قعدت اشوي عقب ردت عندهو
قعدو ايسولفون
في الامارات
الساعه 10 الصبــح
سعد كان راقد في سابع نومه دق منصور عليه
سعد : هممم
منصور : ايه قم يلا
سعد : ممم
منصور : قوم يلا بنروح كوفي مع العنود و فطامي ختك
سعد : ها
منصور : هي قمت اجوفك
سعد : بنروح مع منوه
منصور : العنود و فطامي
سعد تم ساكت يفكر في امس
منصور : ايه بتي و لا لا
سعد : هيه بي
منصور : بعد اشوي بمر عليك
سعد : انزين
وسكر عنه
سعد تم قاعد ايفكر في امس
يوم العنود قالتله انها كانت اتكلم منصور
وهو ما صدقها و سبها . و عرف انه اكيد اتضايقت منه ) ياه تأنيب ضمير اصلا هوه كيف فكر مجرد فكره انها اتكلم شباب
بيت ابو نهيان
العنود اتلبست و خلصت طبعا لبست كندوره و ايلال نفس لون الكندوره و نعال فلات و نزلت تحت قعدت انسولف مع امها تنتضر منصور
أنت تقرأ
ويلومني بعض العرب في غلاك
Fantasyروايتي الاولى .. 🌿 اتمنى تعجبكم ( لا اسمح للنقل ) اتمنى تستمتعون و انتو تقرون 💗 تاريخ البدايه : 16/اغسطس / 2020
