ويلومني بعض العرب في غلاك

Part 12

‫بعد اربع ايام ‬

‫في هلاربع ايام الي مرت كانو عائله ابو فيصل و عائله ابو نهيان كل يوم واحد عند الثاني و سوالف ما اتخلص ‬

‫المهم كان الضهر ‬

‫ابو فيصل يكلم ابو نهيان فلتلفون ‬
‫ابو فيصل : اقول يابو نهيان ما ودك نطلع لنا مكان . دام انه نهيان ما عنده فحوصات هلاسبوع وش رايك ‬
‫ابو نهيان : مثل وين يعني ‬
‫ابو فيصل : مخيم و لا نسافر منطقه ماهي بعيده من هنا و نقضي مع الشباب و الحريم و نستانس ‬
‫ابو نهيان : والله عن نفسيه اختار مخيم بس مس هلاسبوع ان شاء الله يوم بي ابو علي لانه باجر بي ، وبعد بخلي موعد نهيان مال الاسبوع الياي باجر عشان نستانس ‬
‫ابو فيصل : اجل تم ، و انا بشوف اوضاع الجماعه ‬
‫ابو نهيان : و انا بعد ، يلا شي في خاطرك ‬
‫ابو فيصل : سلامتك ‬

‫عند البنات فوق ‬

‫العنود : امس ما رمت ارقد ‬
‫عليا : ليش ‬
‫العنود : لا بعد تسال ‬
‫عليا : هههههه انزين شو ايخصنيه راقده ‬
‫العنود : اتدافرين الموت الله يعين الي بياخذج ‬
‫عليا : عن الخريط عاد البارحه بس اول مره ارافسج ‬
‫العنود : اول مره بس هب رفس عليج حتى الثور ما سواها ‬
‫عليا : هههههههه‬

‫عند العيال ‬

‫نهيان : ابويه غير وقت الموعد بيخليه باجر ‬
‫منصور : ليش ‬
‫نهيان : ما ادري يقول مفاجاه ‬
‫سعد : هههه ول من زمان عن المفاجآت ‬
‫سالم : بنسال عميه يوم بينزل العصر ‬
‫و قعدو يسولفون عن الكوره و الشباب ‬

‫ العصر نزل ابو نهيان و نادا العيال في الصاله الثانيه و اذن فلبيت بصوت عالي ‬

‫اتوضو و صلو جماعه. الحريم كل و حده صلت في حجرتها كان الجو برا غيم و حلو ‬

‫في الامارات قبل كل ها الصبح الساعه 7 ‬

‫ابو علي : ها ام علي كل شي جاهز ‬
‫ام علي : هيه كل شي جاهز ‬
‫فطامي : متحمسه اجوف ردت فعلهو هههه حرام كذبنا عليهو ‬
‫ابو علي : ههههه عادي مفاجاه ‬
‫ام علي : انته كلمت منو منهو ‬
‫ابو علي : سعد عطانيه العنوان و قلت له لا اتقول حق حد ولا جنك تعرف ‬

‫طبعا ( ابو علي قال حق ابو نهيان انه بي باجر بس هوه اساسا بس اليوم يبا اسويلهو مفاجاه ) ‬

‫الحين في مطار المانيا ‬

‫نزل ابو علي و رتبو امورهو و دق ع سعد ‬

‫سعد : هلا ابويه ‬
‫ابو علي : اهلين انا وصلت المطار اطلع من اي بوابه ‬
‫سعد البوابه الرئيسيه بتلقا سياره / وصف السياره و ركب ابو علي و اتجهو لبيت ابو نهيان ‬