بعض المواقف تجبر القلب يقسىَ
وبعض العرب ترتاح لا حان فرقاه
// بعد اسبوع //
في المانيا
عليا كانت فلمطبخ اترتب ريوق حق انهيان لانه الحين بيروحون له و اليوم يوم العمليه
عليا : يلا سالم خلصت كل شي و حطيت الريوق ف سله
سالم : يلا فديتج الحين بدق ع السواق
دق عليه و يا شلهو و على طول المستشفى
دخلو ع نهيان
سالم : السلام عليكم
نهيان : و عليكم السلام و الرحمه ، شحالكو
سالم و عليا : بخير
عليا يرت الطاوله و حطتها قدام نهيان و طلعت الريوق من السله و حطته ع الطاوله الريوق
نهيان : مشكوره
عليا : العفو
كل نهيان و خلص و شلت عليا السمان
سالم : بدق ع عموميه و بدخل العيال قبل ما اتسوي العمليه
نهيان : اوك
دق سالم عليهو زوم و دخلو كلهو
ابونهيان : السلام عليكم
الكل : و عليكم السلام
ابو علي : ها شو الاخبار عندكو
سالم : الحمدلله
ابو نهيان : ها نهيان علومك
نهيان : طيبه عني افداك
منصور : ها شو متوتر و لا شي
نهيان : لا الحمدلله الدكتور طمني و قال انه كل شي تمام و العمليه ناجحه باذن الله
سعد : يلا اتقوم بسلامه
ابو نهيان : امين
سالم : يلا بسكر لانه الحين بيشلون انهيان
ابو نهيان : في امان الله
سكر سالم و دخل الدكتور و شلو نهيان غرفه العمليات و تمو عليا و سالم يمشون معاه لين باب الغرفه و طلعو عنه عقب و ردو قعدو في غرفته
سالم : انا بطلع اشوي احوط في المستشفى لا تطلعين من الغرفه
عليا : اوك
طلع سالم وكان يمش فلممر و ضرب في واحد
سالم : ما اتجوف (بعدين استوعب انه اتكلم عربي )
فيصل : اسف اخوي
سالم رفع راسه
سالم تم ايطالع : فيصل شو اتسوي هني
فيصل : هلا و الله شلونك والله من زمان عنك
سلمو ع بعض
سالم : والله من زمان اعديبك ما كان بينا الا اتصال و فجاه قطع رقمك
فيصل : ايوه جوالي تعطل و لما دخلت البطاقه في الجوال الجديد في ارقام ماجت و رقمك ضمنها
سالم : هيه ، علومك علوم هلك
فيصل : الحمدلله كلهم كويسين
سالم : فيصل شو اتسوي هني
فيصل : والله سالفه طويله ، نروح نجلس في حديقه المستشفى و اقولك
سالم : يلا
راحو الحديقه و قعدو ع كرسي
سالم : ها شو السالفه
فيصل : عندي اخت صغيره اسمها لميس ، اختي لميس عندها وفيها ارتخاء فلصمام . ولما كنا فلسعوديه تعبت علينا و حولناها للمستشفى و اكشفو انو فيها مرض فلقب و ارتخاء فلصمام وهي كانت مره تعبانه وقالو حق ابوي انو راح يدخلوها عمليات بس نجاح العمليه 14% ، ابوي ما رضى يسوي العمليه و طلب طياره خاصه لاختي و حولها على مستشفى المنيا و قبل ما يوصل طلب من المساعد حقه يرن على المستشفى ويبلقهم و ابوي بس شل معه امي ، و جينا هنا بعد ابوي باسبوع انا و اختي نوف .
سالم : و الحين شو صحت لميس
فيصل : والله من شهر عملو لها عمليه و انتكست حالتها بس الحين يسولها فحوصات و يراجعو معها
سالم : الله يشفيها
فيصل : و انت ما قلت قصتك
سالم : الحين بقولك
قال سالم حق فيصل كل شي عن الي صار مع نهيان و انه بس هوه و عليا معاه و قاله كل شي
فيصل : ايوه كم باقي تخلص العمليه
سالم : والله ما قالو لنا ، الحين بروح له
فيصل : عطني رقمك قبل ما اتروح
سالم عطاه الرقم و سلمو ع بعض وكل واحد راح وجهته
أنت تقرأ
ويلومني بعض العرب في غلاك
Fantasyروايتي الاولى .. 🌿 اتمنى تعجبكم ( لا اسمح للنقل ) اتمنى تستمتعون و انتو تقرون 💗 تاريخ البدايه : 16/اغسطس / 2020
