تكملة البارت ٤١
قصة النوك الحمر الكاتبة مريم السعدي
ﻓﺮﺡ - ﻛﻠﺒﻲ ﻭﺟﻌﻨﻲ ﻣﻦ ﺻﻴﺎﺣﻪ ﺧﻔﺖ ﺣﻴﻞ ﺧﺎﻟﻪ ﺗﺼﻴﺢ ﻭﺗﻌﻴﻂ ﺑﺮﻩ ﻭﺍﻧﻲ ﺑﺎﻟﻐﺮﻓﻪ ﺍﻟﻠﻲ ﺳﻮﻳﺘﻪ ﺍﻟﺒﺎﺭﺣﻪ ﻛﺮﻫﻨﻲ ﺑﻨﻔﺴﻲ ﺍﻧﻲ ﺷﻮﻥ ﺳﻮﻳﺖ ﻫﻴﺞ ﺍﻧﻲ ﺷﻮﻥ ﺗﺠﺮﺍﺕ ﺑﻘﻴﺖ ﺻﺎﻓﻨﻪ ﺧﻠﻴﻨﻲ ﺑﺎﻻﻧﻲ ﺑﻲ ﻫﺴﻪ ﻃﺒﺖ ﺧﺎﻟﻪ ﻛﻮﻩ ﺗﺘﻨﻔﺲ ﻣﻦ ﺍﻟﻬﺒﻄﻪ ﻫﻤﺴﺖ
ﺗﻌﺎﻱ ﻳﻤﻪ ﻋﻠﻴﺶ ﺗﺒﺠﻴﻦ ﺗﻌﺎﻱ ﻳﺮﻳﺪ ﻳﺤﺎﺟﻴﺞ
ﺍﻭﻙ ﻫﺰﻳﺖ ﺭﺍﺳﻲ ﻭﻃﻠﻌﺖ ﻛﺪﺍﻣﻬﺎ ﺍﺷﺮﻟﻲ ﺗﻌﺎﻱ ﺭﺍﻓﻊ . ﺣﺎﺟﺒﻪ ﺷﻌﺮﻩ ﻣﺨﺮﺑﻂ ﻭﺍﻟﻐﺘﺮﻩ ﻋﺎﻟﻘﻨﻔﻪ ﻭﺳﻼﺣﻪ
ﺍﻱ ﺟﻴﺖ ﻛﻠﺘﻬﺎ ﻭﺩﺍﺧﻠﻲ ﻫﺶ ﺧﺎﻳﻔﻪ ﺣﻴﻞ ﻛﻠﺴﺎ ﺍﻟﺘﻔﺖ ﻟﺨﺎﻟﻪ ﺍﻟﻤﺎﺿﻠﻠﻬﺎ ﺣﻴﻞ ﻃﺒﺒﻨﻲ ﻟﻠﺼﺎﻟﻪ ﺩﻓﻌﻨﻲ ﻭﺻﺎﺣﺖ ﺧﺎﻟﻪ
ﻋﺒﺒﺪ ﺍﻳﺪﻙ ﻻ ﺗﺸﻐﻠﻬﺎ ﻭﺭﻭﺡ ﺍﺑﻮﻳﻪ ﺍﺧﺬﻫﺎ ﻭﺍﻃﻠﻊ ﻣﻦ ﺍﻟﺤﻮﺵ
ﺍﻧﺘﻲ ﻻﺗﺪﺧﻠﻠﻴﻦ ﺭﻭﺣﺞ ﻛﻞ ﺍﻟﺼﺎﺭ ﻣﻨﺞ
ﻓﺮﺡ - ﻧﺘﺮﺕ ﺑﻲ ﺍﺍﻧﻲ ﻣﺤﺠﻴﺖ ﺷﻲ ﻫﻲ ﺍﺧﺘﻪ ﺟﺘﻲ ﻛﺎﻟﺘﻠﻲ ﺍﻟﺴﻴﺪ ﻳﻀﺮﺑﺞ ﻭﻣﻤﺮﺗﺎﺣﻪ ﻭﻟﻴﺶ ﻣﺘﺤﻤﻠﻪ ﺣﺘﻰ ﻛﺘﻠﻬﺎ ﻣﺮﺗﺎﺣﻪ ﺻﺤﺖ ﺑﻬﻪ ﻣﻦ ﺧﻮﻓﻲ ﻓﻚ ﻋﻴﻨﻪ ﻛﻠﻬﺎ ﻭﺗﻘﺮﺏ ﻭﻫﻮ ﻣﺤﻨﺰﺭ ﻭﺟﻬﻪ ﺩﻡ ﻳﺎﺷﺮ ﺑﻴﺪﻩ ﻣﻬﺪﺩ . ﺭﺟﻌﺖ ﻟﻴﻮﺭﻩ ﺑﺎﻭﻋﺖ ﻟﺨﺎﻟﻪ
ﺧﺎﻟﻪ ﻣﻮ ﺟﻴﺖ ﻛﺘﻠﺞ
ﺍﻱ ﺍﻱ ﺻﺢ ﻭﺍﻟﻠﻪ ﻃﻠﻌﺖ ﻣﻦ ﺣﻮﺵ ﺑﻴﺖ ﺍﻡ ﻋﻮﻑ ﺑﻜﺖ ﺍﻟﻠﻲ ﺟﺎﻧﺖ ﺍﻟﻌﻜﺮﺑﻪ ﻛﺎﻋﺪﻩ ﻓﻲ ﻭﻛﺎﻟﺘﻠﻬﺎ ﺍﻭﺧﻴﺘﻮ ﺍﻧﻪ ﺍﺷﻬﺪﺩﺩ
ﺟﺮ ﻧﻔﺲ ﻭﺿﺮﺏ ﻋﻠﻰ ﻓﺨﺬﻩ ﺑﻴﺪﻩ ﺍﻻﺛﻨﻴﻦ ﺻﺎﺡ ﺑﻌﻠﻮ ﺻﻮﺗﻪ
ﻳﺎﻫﻮﻭﻭﻭ ﺍﻟﻮﻭﺻﻠﻮ ﺣﺠﻴﻴﻴﻲ ﺍﻟﻴﻮﻡ ﺍﻃﺮﻭ
ﻓﺮﺡ - ﺑﻠﻌﺖ ﺭﻳﻚ ﻫﻤﺴﺖ ﺣﺴﻮﻧﻲ ﺟﺎﻥ ﻭﺍﻛﻒ ﻳﺠﻮﺯ ﻫﻮ ﻛﺎﻟﻠﻬﺎ ﻟﻮ ﺫﻳﺞ ﺣﺠﻴﺘﻬﺎ ﻭﺑﺠﻴﺖ ﻣﻦ ﺑﺠﻴﺖ ﺟﺮ ﺣﺴﺮﻩ ﺑﻐﻤﺞ ﻭﻏﻤﺾ ﺩﺍﺭ ﻭﺟﻬﻪ ﺧﺎﻟﻪ ﺗﻘﺮﺑﺖ ﻣﻨﻲ ﻫﻤﺴﺖ
ﻻﺗﺨﺎﻓﻴﻦ ﺣﺪﺭﻱ ﻭﻳﺎﻱ
ﻧﺰﻝ ﺣﺴﻴﻦ ﺍﺷﺮﻟﻪ ﺍﺑﻮ ﻭﻭﻛﻔﻨﺎ ﻗﻄﻊ ﻃﺮﻳﻘﻨﺎ ﺑﺴﺎﻋﺪﻩ ﻛﺎﻝ
ﺍﻛﻔﻮ ﺻﺒﺮﺝ ﻋﻠﻲ ﻋﻠﻮﻳﻴﻴﻪ ﺻﺒﺮﺝ
ﺣﺴﻴﻦ ﻳﺎﺑﺎ
ﻛﻨﺒﺺ ﻭﺻﻞ ﻟﻤﺴﺘﻮﺍ ﻣﺮﺣﻠﻪ ﺍﻟﻐﻀﺐ ﺍﻟﻮﺍﺻﻞ ﺑﻴﻬﺎ ﺩﻣﺎﺭﺍﺕ ﺍﻳﺪﻩ ﻧﺎﻃﻪ ﻭﻋﺪﻩ ﺩﻣﺎﺭ ﺑﻜﺼﺘﻪ ﻳﺮﻭﺡ ﻭﻳﺮﺟﻊ ﻭﻱ ﺍﻟﻜﻼﻡ ﺣﺴﻴﻦ ﻋﻜﺪ ﺣﺎﺟﺒﻪ ﻛﺎﻝ
ﻧﻌﻢ ﺑﻮﻳﻪ
ﺑﻮﻳﻪ ﻳﺎﻫﻮ ﻟﻜﺎﻝ ﻟﺨﻮﺍﺕ ﻣﺤﻴﺴﻦ ﺍﻧﻪ ﻃﻜﻴﺖ ﻓﺮﺣﻪ
ﺟﺎﻭﺏ ﺑﺒﺮﺍﺋﻪ ﺍﻣﻲ . ﻭﺍﻧﻪ ﺑﻌﺪ
ﻓﺮﻙ ﻭﺟﻬﻪ ﺍﻟﺴﻴﺪ ﻭﻭﻛﻒ ﺗﺤﺰﻡ ﺑﺤﺰﺍﻣﻪ ﺧﺎﻟﻪ ﺗﺮﻛﺘﻨﻲ ﻭﺭﻛﻀﺖ ﻋﻠﻴﻪ ﺻﺎﺣﺖ
ﻟﻴﻮﻭﻭﻳﻦ ﺭﺍﻳﺢ ﺳﻴﺪﺩﺩ
ﻫﺪﻳﻨﻲ ﺍﻟﻴﻮﻡ ﺍﻛﻄﻊ ﺭﺳﻮﻭﻭ ﻟﺞ ﺍﻧﻪ ﻳﺨﻠﻴﻨﻲ ﺑﻤﻮﻗﻒ ﻭﻱ ﺍﺑﻮﻫﺎ ﺍﻧﻨﻨﻨﻪ
ﻟﻚ ﻋﻴﻨﻲ ﺷﻠﻲ ﺍﻟﻠﻲ ﺻﺎﺭ ﺗﻌﺎﻝ ﻫﺪﻱ ﻭﻭﺍﺣﺠﻴﻠﻲ
ﻧﺘﺮ ﺑﺼﻴﺎﺡ ﺳﺪﻳﺖ ﺍﺫﻧﻲ ﻣﻨﻪ
ﺭﺍﻳﺢ ﻟﻌﺪﻭﻭ ﻟﻠﺴﺠﻦ . ﻗﺒﻞ ﻣﻨﻲ ﻛﺼﺪﺗﻪ ﺍﻧﻪ ﻭﺍﻫﻮ ﻃﻠﻊ ﻭﻟﻜﻴﺘﻮ ﺣﺎﻟﺘﻪ ﺣﺎﻟﻪ ﻭﺍﻳﺪﻳﻨﻮ ﺗﺮﺟﻒ ﺧﻮﻑ ﻋﻠﻰ ﺑﻨﺘﻮ ﻳﻜﻠﻠﻲ ﻭﺩﻳﻬﺎ ﻟﺨﺎﻟﺘﻬﺎ ﺍﺣﻨﺎ ﺣﻤﻠﻨﺎ ﺛﻜﻞ ﻋﻠﻴﻚ
ﺿﺮﺏ ﻋﻠﻰ ﺻﺪﺭﻩ ﻭﻛﺎﻟﻬﺎ ﺑﺎﻭﻋﻠﻲ ﺑﻨﺘﺮﻩ
ﻭﻟﻠﺞ ﺗﺮﺩﻳﻦ ﺍﻭﺩﻳﺞ ﻟﺨﺎﺍﻟﺘﺞ ﺍﻣﺸﻲ ﺧﻠﻨﻲ ﺍﺧﻠﻠﺺ
ﺍﺑﺘﻌﺪﺕ ﻭﻫﻮ ﻳﺼﺮﺥ ﺧﺎﻟﻪ ﺣﺠﺖ
ﺍﻥ ﻣﺸﺖ ﺍﻣﺸﻲ ﻭﻳﺎﻫﺎ ﺍﻥ ﺧﻄﺖ ﺧﻄﻮﻩ ﺑﺮﻩ ﻫﺎﻟﺤﻮﺵ ﺍﺧﻄﻴﻬﺎ ﻛﺒﻠﻬﺎ
ﺍﻟﺴﻴﺪ ﺳﻜﺖ ﻭﻳﺒﺎﻭﻋﻠﻲ ﺑﺎﺗﻬﺎﻡ ﻭﺍﻧﻲ ﻣﻨﺼﻴﻪ ﻋﻴﻮﻧﻲ ﻣﻜﺪﺭﺕ ﺍﺣﻄﻬﺎ ﺑﻌﻴﻨﻪ ﺑﻌﺪ ﺍﻟﺼﺎﺭﺍﻟﺒﺎﺭﺣﻪ . ﻃﻠﻊ ﻣﻦ ﺍﻟﺒﻴﺖ ﻭﺧﺎﻟﻪ ﻛﻌﺪﺕ ﻭﺧﻠﺖ ﺍﻳﺪﻫﺎ ﻋﻠﻰ ﺭﺍﺳﻬﺎ ﻭﺻﺎﺣﺖ
ﻛﻮﻥ ﻏﻀﺐ ﺍﻟﻠﻠﻪ ﻋﻠﻴﺠﺠﺞ ﻭﻳﻨﻪ ﻭﻳﻨﻪ ﺍﻧﺘﻘﺎﻡ ﺭﺑﻲ ﻛﻮﻥ ﺣﻮﺑﺘﻲ ﻣﺎﺗﺘﻌﺪﺍﺝ
ﻃﺒﻴﺖ ﻟﻠﻐﺮﻓﻪ ﺭﻛﺾ ﺷﻮﻱ ﻭﻃﺒﺖ ﺧﺎﻟﻪ ﺑﺠﻴﺖ ﻣﻦ ﻛﻠﺒﻲ ﺑﻘﻬﺮ ﻭﻗﺮﺭﺕ ﺍﻃﻠﻊ ﻟﺨﺎﻟﺘﻲ ﺑﺒﻐﺪﺍﺩ ﻣﺎﺍﺭﺟﻊ ﻟﻬﻨﺎ ﺑﻌﺪ ﻭﺍﺗﺨﻴﻞ ﺑﻌﺪ ﻣﺎﺻﺒﺢ ﺑﻮﺟﻬﻪ ﻭﺍﺧﻠﺺ ﻣﻦ ﺍﻟﻔﺸﻠﻪ ﻭﺍﻟﺨﺠﻞ ﻣﻦ ﺍﻟﻠﻲ ﺳﻮﻳﺘﻪ
ﻏﻤﻀﺖ ﻃﺒﺖ ﺧﺎﻟﻪ ﻧﺎﻣﺖ ﻳﻤﻲ ﺑﺎﻟﻔﺮﺍﺵ ﺣﻨﻴﺖ ﺟﺴﻤﻲ ﻗﺮﻓﺼﺖ ﺍﺑﺠﻲ ﺣﻀﻨﺘﻨﻲ ﻣﻦ ﻭﺭﻩ ﻭﺗﻤﺴﺪ ﻋﻠﻰ ﺭﺍﺳﻲ
ﺍﻧﻪ ﻫﻨﻲ ﻳﻤﻪ ﻣﺎﻫﺪﺝ ﺍﻧﻪ ﻋﺪﺝ ﺑﺎﻟﻒ ﺯﻟﻤﻪ ﻭﺷﺤﺪﻭ ﺍﻟﻴﻔﻜﺮ ﻳﻜﺮﺏ ﻣﻨﺞ ﺧﻄﻮﻩ ﻻﺍﺧﻠﻴﻨﻮ ﻳﻨﺪﻡ ﻃﻮﻝ ﺣﻴﺎﺗﻮ
ﺧﺎﻟﻪ ﺍﻧﻲ ﻏﻠﻄﺖ
ﺍﻟﺘﻔﺘﺖ ﻋﻠﻴﻬﺎ ﻣﻴﺘﻪ ﺑﺠﻲ ﻭﺍﺷﻬﻚ ﺧﺎﻟﻪ ﺳﻮﻳﺖ ﺷﻲ ﻏﻠﻂ ﻣﺎﺩﺭﻱ ﺷﻮﻥ ﺳﻮﻳﺖ ﻫﻴﺞ
ﺧﺎﻟﻪ ﻣﻼﻣﺤﻬﺎ ﺗﻐﻴﺮﺕ ﺗﺤﻮﻟﺖ ﻗﻠﻖ ﻛﻌﺪﺕ ﻋﺪﻝ ﻭﻋﺪﻟﺖ ﺭﻭﺣﻬﺎ ﻭﺷﻌﺮﻫﺎ ﻫﻤﺴﺖ
ﻳﻤﻪ ﻓﺮﺣﻪ ﻟﻴﻜﻮﻥ ﻣﺤﻴﺴﻦ ﺷﺎﻳﻒ ﻣﻨﺞ ﻭﺟﻪ
ﻻﻻ ﺧﺎﻟﻪ ﻭﺍﻟﻨﺒﻲ ﺣﺘﻰ ﻣﺸﺎﻳﻔﻨﻲ ﺍﻧﻲ ﺍﺻﻼ ﺍﺫﺍ ﺷﻔﺘﻪ ﻣﺎﻋﺮﻓﻪ
ﻏﻤﻀﺖ ﻭﺧﻠﺖ ﺍﻳﺪﻫﺎ ﻋﻠﻰ ﺻﺪﺭﻫﺎ ﺗﺘﻨﻔﺲ ﺑﺮﺍﺣﻪ ﻛﺎﻟﺖ
ﻛﻮﻣﻲ ﻛﻌﺪﻱ ﻟﺸﻮ ﻛﺒﺎﻟﻲ ﺍﺭﺩﻥ ﺍﺷﻮﻓﻦ ﺷﻨﻮ ﺍﻟﻐﻠﻂ ﺍﻟﺴﺎﻭﻳﺘﻲ ﻳﻠﻲ ﻣﺎ ﺗﻄﻠﻊ ﻣﻨﺞ ﻋﻴﺒﻪ .
ﺑﺲ ﻛﺎﻟﺖ ﻫﻴﺞ ﻏﻄﻴﺖ ﻭﺟﻬﻲ ﺍﺑﺠﻲ ﺑﺤﺮﻛﻪ
ﻳﺎ ﻓﺮﺣﻪ ﺷﺠﺎﺝ ﻭﺟﻌﺘﻲ ﻛﻠﺒﻲ ﻳﺎﻳﻤﻪ ﺟﺎﻱ ﺍﺣﺲ ﺭﻭﺣﻲ ﻣﻜﺼﺮﻩ ﻳﺎﺑﻌﺪ ﺧﺎﻟﺘﺞ
ﺧﺎﻟﻪ ﺍﺫﺍ ﻛﺘﻠﺞ ﺗﻜﺮﻫﻴﻨﻲ
ﻻﻳﻤﻪ ﻣﺎﺗﺮﻫﻢ ﺍﻧﻪ ﺍﺷﻤﻦ ﺑﻴﺞ ﺭﻳﺤﻪ ﺍﻭﺑﻮﺝ
ﺧﺎﻟﻪ ﺑﺎﺑﺎ ﺍﺫﺍ ﺩﺭﻩ ﺣﺘﻰ ﺑﺎﺑﺎ ﻳﻜﺮﻫﻨﻲ ﻭﻳﺰﻋﻞ
ﻓﻜﺖ ﺣﻠﻜﻬﺎ ﺑﻠﻌﺖ ﺭﻳﻚ ﺑﺨﻮﻑ ﻭﺳﻜﺘﺖ ﺗﺤﺎﻭﻝ ﺗﺒﻴﻨﻠﻲ ﺍﻧﻪ ﺍﻧﻲ ﺑﺎﻣﺎﻥ ﻛﺎﻟﺖ
ﺍﺣﺠﻴﻠﻲ ﻳﻴﻤﻪ ﺍﻧﻪ ﺍﺳﺎﻋﺪﺝ ﺍﻧﻪ ﻭﻳﺎﺝ
ﻛﻌﺪﺕ ﺗﺮﺑﻌﺖ ﻛﺪﺍﻣﻬﺎ ﻭﻋﺪﻟﺖ ﺷﻌﺮﻱ ﻣﺴﺤﺖ ﻭﺟﻬﻲ ﻃﺘﻨﻲ ﻣﻦ ﻳﻤﻬﺎ ﻛﻨﻴﻨﺲ
ﺧﺎﻟﻪ ﺍﻧﻲ ﺍﻟﺒﺎﺭﺣﻪ ﺻﻌﺪﺕ ﻟﻠﺴﻴﺪ
ﺧﺎﻟﻪ ﻫﺰﺕ ﺭﺍﺳﻬﺎ ﺑﻘﺒﻮﻝ ﺳﺎﻛﺘﻪ ﺑﻘﻴﺖ ﺍﺑﺎﻭﻉ ﺑﻌﻴﻨﻬﺎ ﻭﻛﻠﺖ
ﻭﻭﺣﺎﻭﻟﺖ ﺍﻗﺘﺮﺏ ﻣﻨﻪ ﺑﻘﺖ ﺳﺎﻛﺘﻪ ﻟﻤﺖ ﺷﻔﺎﻓﻬﺎ ﻟﺪﺍﺧﻞ ﺣﻠﻜﻪ ﻛﻤﻠﺖ ﺣﺠﻲ ﻭﺑﺠﻴﺖ
ﺭﺭﺩﺕ ﺍﺑﻮﺳﻪ ﻭﻛﺘﻠﻪ ﺍﺍﻧﻲ ﻣﺮﺗﻚ
ﻛﻠﺘﻬﺎ ﻭﺿﺮﺑﺖ ﻋﻠﻰ ﻓﺨﺬﻱ ﺑﻨﺪﻡ ﻭﺑﺠﻴﺖ
ﺍﺑﺎﻭﻉ ﺧﺎﻟﻪ ﻏﻄﺖ ﻭﺟﻬﻪ ﻭﻋﻀﺖ ﺍﺻﺒﻌﻬﺎ ﺟﺮﺗﻨﻲ ﻟﺤﻀﻨﻬﺎ ﻫﻤﺴﺖ
ﻟﻮﻳﺶ ﻳﺎﺍﻣﻲ ﻟﻮﻭﻭﻳﺶ ﺗﻘﻠﻠﻴﻦ ﻣﻦ ﺭﻭﻳﺤﺘﺞ . ﻟﻴﻴﻴﺶ ﺷﻔﻴﺞ ﺍﻧﺘﻲ ﻭﺗﻨﺰﻟﻴﻦ ﻧﻔﺴﺞ ﺍﺑﺘﻌﺪﺕ ﻋﻨﻬﺎ ﻣﺴﺤﺖ ﺩﻣﻮﻋﻲ ﺗﺒﺎﻭﻋﻠﻲ ﺑﻌﺘﺐ ﻛﺎﻟﺖ
ﻣﺎﺗﻮﻗﻌﺘﻬﺎ ﺍﺑﺪ ﻟﻠﺘﺎﻟﻲ
ﺷﻠﻲ ﻧﺎﻛﺼﺞ ﻳﻔﺮﺣﻪ
ﺯﻏﻴﺮﻭﻧﻪ ﻭﺣﻠﻴﻮﻩ ﻭﺍﻟﻒ ﻣﻦ ﻳﺘﻤﻨﺎﺝ . ﺷﻠﻲ ﻧﺎﻛﺼﺞ ﻭﺗﺮﺣﻴﻦ ﺗﺘﻮﺩﺩﻳﻦ ﺍﻧﺘﻲ
ﺍﻧﻪ ﻣﺎﺍﻛﺬﺏ ﺍﺗﻤﻨﺎﺝ ﻻﻭﺧﻮﻱ ﺑﺲ ﺑﻌﺰﺯﻩ ﻧﻔﺲ ﻭﻛﺮﺍﻣﻪ ﻻﺭﺿﺎﻟﺞ ﺍﻟﺬﻟﻪ ﺻﺢ ﺍﻫﻮ ﺍﻭﺧﻮﻱ ﺑﺲ ﺍﻧﺘﻲ ﺑﻨﻴﺘﻲ . ﻳﻔﺮﺣﻪ ﺍﻧﺘﻲ ﻣﻮ ﺷﻮﻱ ﻟﺤﺘﻰ ﺗﺎﺧﻀﻴﻦ ﻭﺍﺣﺪ ﻣﺘﺰﻭﺝ ﻭﻋﺪﻭ ﻭﻟﺪ ﻻﺍﻧﺘﻲ ﺍﻟﺨﺸﻴﺘﻲ ﺑﺎﻟﻌﻤﺮﻳﻦ ﻭﻻﺍﻧﺘﻲ ﺍﻟﻔﻴﺞ ﺷﻲ ﺻﻐﻴﺮﻭﻧﻪ ﻭﺍﻟﺪﻧﻴﺎ ﺑﻌﺪﻫﺎ ﻭﻳﺎﺝ ﺑﺎﻭﻟﻬﺎ ﻳﺒﺖ ﺍﻟﻐﺎﻟﻲ
ﺍﻭﺧﻮﻱ ﻫﻤﺎﺕ ﻳﻜﺒﺮﺝ ﺑﻬﻮﺍﻱ ﻭﻫﻤﺎﺕ ﻋﺪﻭ ﻭﻟﺪ ﻭﻫﻤﺎﺕ ﻣﺎﻣﺘﺨﻠﺺ ﻣﻦ ﻫﺎﻱ ﺍﻟﻌﻜﺮﺑﻪ ﻭﻋﻠﻴﺶ ﺍﺧﻠﻴﺞ ﺑﻬﺎﻟﺪﻭﺍﻣﻪ ﺍﻧﻪ ﻛﻔﻠﺘﺞ ﻭﻛﺘﻠﻮ ﺑﻨﺘﻲ ﻫﺎﻱ ﺻﺎﺭﺕ ﻭﺍﻧﻪ ﻋﺪ ﻭﻋﺪﻱ ﻳﺎﻳﻤﻪ ﻣﺠﺎﻧﺞ ﻫﻨﻲ ﻣﻦ ﻣﺠﺎﻧﻲ ﻻ ﺗﻨﺰﻟﻴﻦ ﻛﺮﺍﻣﺘﺞ ﻭﺳﻤﻌﻪ ﺍﻭﺑﻮﺝ ﺍﻟﻔﻴﻪ ﺍﻧﺘﻲ ﻣﻮ ﺑﻌﺸﻚ ﻻ ﻭﺍﻟﻠﻪ ﺍﻟﻔﻴﻪ ﺍﻧﺘﻲ ﺗﺒﻴﻦ . ﺗﺤﺘﻮﻳﻪ ﻟﺤﺘﻰ ﺗﺎﻣﻨﻴﻦ ﺣﺎﻟﺞ ﻳﻴﻤﻪ ﻣﻨﻴﺶ ﺧﺎﻳﻔﻪ ﻭﺍﻧﻪ ﺑﺎﻟﻮﺟﻮﺩ ﺗﻌﺎﻟﻲ ﻓﺮﺣﻪ ﺗﻌﺎﻱ ﻳﺒﻌﺪ ﺍﻣﺞ
ﻛﻤﺖ ﻭﻳﺎﻫﺎ ﻛﺎﻣﺖ ﻟﻠﻜﻨﺘﻮﺭ ﻓﺘﺤﺘﻪ ﻃﻠﻌﺖ ﻣﻨﻪ ﻭﺭﻗﻪ ﻣﻄﻮﺍﻳﻪ ﺑﻴﻬﺎ ﺟﻨﺴﻴﺘﻲ ﻣﺴﺘﻨﺴﺨﻪ ﻭﺻﻮﺭ ﻣﻜﺒﺴﻪ ﻛﺎﻟﺖ
ﺗﻌﺮﻓﻴﻦ ﺗﻘﺮﻳﻦ
ﺍﻱ ﺧﺎﻟﻪ ﻛﺎﻟﺖ
ﺍﻗﺮﻳﻠﻲ ﻋﺠﻞ
ﻗﺮﻳﺖ . ﻗﺮﻳﺖ
ﺍﻧﺎ ﺑﺮﻳﺴﻢ ﻋﺒﺪ ﺍﻻﻟﻪ ---- ﺑﻜﺎﻣﻞ ﻗﻮﺍﻱ ﺍﻟﺠﺴﺪﻳﻪ ﻭﺍﻟﻌﻘﻠﻴﻪ ﺑﺪﻭﻥ ﺿﻐﻂ ﺍﻭﻛﻞ ﻣﻮﻛﻠﻲ ﻓﺮﺡ ﻳﺎﺳﻴﻦ -- ﺑﻜﺎﻣﻞ ﺍﻣﻼﻛﻲ ﻭﻟﻬﺎ ﺑﺎﻟﺤﻖ ﺍﻟﺒﻴﻊ ﺍﻭ ﻣﺎﻳﺸﺒﻪ ﺫﻟﻚ
ﻭﺗﻮﻗﻴﻌﻬﺎ
ﺑﻘﻴﺖ ﺻﺎﻓﻨﻪ ﺑﺎﻭﻋﺘﻠﻬﺎ
ﻳﻌﻨﻲ ﺷﻨﻮ
ﻛﺎﻟﺖ
ﻫﺎﻱ ﻭﻛﺎﻟﻪ ﻋﺎﻣﻪ ﺑﺎﻣﻼﻛﻲ ﻳﻴﻤﻪ ﺍﻥ ﺍﻧﻪ ﻣﺘﺖ ﺍﻭ ﺻﺎﺭﻟﻲ ﺷﻲ ﻫﺎﻱ ﺑﺴﻤﺞ ﻛﻞ ﻣﻠﻜﻴﺘﻲ ﺗﺮﺑﻴﻦ ﺍﻭﺧﻮﺝ ﻳﻔﺮﺣﻪ ﺑﺲ ﻣﺎﺗﻜﺪﺭﻳﻦ ﺗﺒﻴﻌﻴﻦ ﺷﻲ
ﻓﻜﻴﺖ ﻋﻴﻨﻲ ﻛﺎﻟﺖ
ﻳﻴﻤﻪ ﺍﻧﺘﻲ ﺍﻡ ﺍﻟﺒﻴﺖ ﻫﺴﺎﻉ ﺍﻥ ﺍﻧﻪ ﻣﺘﺖ ﺑﺎﻟﻮﻻﺩﻩ ﺍﺧﻮﺝ ﺍﻟﻠﻲ ﻓﺒﻄﻨﻲ ﺍﻧﺘﻲ ﺍﻟﺘﺮﺑﻴﻨﻪ ﻭﺍﻟﺞ ﻛﻞ ﻣﻠﻜﻴﺘﻲ ﻻﺗﺨﺎﻓﻴﻦ ﻳﺒﻤﻪ ﺍﻧﺘﻲ ﺍﻡ ﺍﻟﺒﻴﺖ
ﺑﺠﻴﺖ ﺑﻘﻬﺮ ﻭﻛﻌﺪﺕ ﺑﺎﻟﻜﻊ ﻣﻘﺮﻓﺼﻪ ﺍﻣﻲ ﺍﻣﻲ ﻣﺴﻮﺗﻬﺎ
ﺧﺎﻟﻪ ﻟﻴﺶ ﻫﻴﺞ
ﻳﻴﻤﻪ ﺍﻧﻪ ﺍﺧﺲ ﺭﻭﺣﻲ ﻣﻮ ﺑﺮﻳﺴﻢ ﺍﻭﻝ ﻭﺍﻭﺑﻮﺝ ﻭﺍﻟﻠﻪ ﻣﺎﻋﺮﻑ ﺍﻭﺑﻮﺝ ﺧﺎﻳﻔﻪ ﺍﻟﺰﻣﻦ ﻳﻼﻭﻳﻨﻲ . ﻓﻲ ﺍﺯﻳﺪ ﺑﻌﺪ ﻭﺍﻧﻪ ﺳﺎﻭﻳﺖ ﺍﻟﺴﺎﻭﻳﺘﻪ ﻟﺨﺎﻃﺮﻛﻢ ﻭﺭﻏﻢ ﺍﻭﺧﻮﻱ ﻣﺎﻳﻜﺼﺮ ﺑﺲ ﺑﻌﺪ ﺍﺍﻣﻨﺞ ﻭﺍﻣﻦ ﺍﻭﺧﻮﺝ ﻭﺍﻧﻪ ﺍﺩﺭﻱ ﺍﻧﺘﻲ ﻧﻔﺲ ﺣﺒﻮﺑﺘﺞ ﺗﺪﺍﺭﻳﻨﻮ
ﺧﻔﺖ ﺣﻴﻞ ﻟﻤﻴﺖ ﺭﻭﺣﻲ ﻭﺣﻀﻨﺖ ﻧﻔﺴﻲ ﺧﻔﺖ ﻣﻦ ﺑﺎﺟﺮ ﻭﺍﻧﻲ ﻭﺣﺪﻱ ﺣﺴﻴﺖ ﺭﻭﺣﻲ ﻛﺒﺮﺗﻨﻲ ﺑﻬﺬﺍ ﺣﺠﻴﻬﺎ
ﻳﻴﻤﻪ
ﻻﺗﺴﻮﻳﻦ ﻫﻴﺞ ﻛﻮﻣﻲ ﻟﺸﻮ ﻛﻮﻣﻲ ﺍﻛﻠﺞ ﻣﺎﻓﻴﻨﻲ ﺷﺪﻩ
ﻛﻤﺖ ﻋﻀﺎﻣﻲ ﻛﻠﻬﺎ ﺗﺮﺟﻒ ﻟﻤﺘﻨﻲ ﺑﺤﻀﻨﻬﺎ ﻭﺗﺘﻠﻤﺲ ﺑﺸﺸﻌﺮﻱ ﻫﻤﺴﺖ
ﻳﺒﻨﻴﺘﻲ ﺍﻟﺒﻨﻴﻪ ﻋﺰﻩ ﻧﻔﺲ ﻭﻛﺮﺍﻣﻪ ﻭﺑﺮﺍﺋﻪ ﻻ ﺗﺘﺨﻠﻴﻦ ﻋﻨﻬﺎ
ﻣﺎﺩﺭﻱ ﺷﻮﻥ ﺳﻮﻳﺖ ﻫﻴﺞ ﺍﻡ ﻋﻮﻑ ﺍﺛﺮ ﺑﻴﻪ ﺣﺠﻴﻬﺎ ﻭﻭﺍﻧﻲ ﻛﻠﺶ ﻣﺘﺎﺛﺮﻩ ﺑﺸﺨﺼﻴﺘﻪ ﻭﺑﺲ ﺍﻓﻜﺮ ﺑﻲ
ﻻ ﻫﺎﻱ ﺍﺣﺴﺎﺱ ﻋﺮﻓﺎﻥ ﻭﺭﺩ ﺟﻤﻴﻞ . ﻫﺎﻱ ﻣﻮﺣﺐ ﻟﻮﻧﺞ ﺗﺸﻮﻓﻴﻨﻪ ﻣﺪﻟﻠﺞ ﺗﻜﻠﻴﻦ ﻫﺬﺍ ﻳﺤﺒﻨﻲ ﻭﺍﻥ ﻛﺎﻥ ﻳﻔﻜﺮ ﻓﻴﺞ ﻣﺎﺗﺴﺘﺤﻘﻴﻨﻪ ﻭﻣﺎﻳﺴﺘﺤﻘﺞ . ﻭﻟﻮ ﺍﻭﺧﻮﻱ ﻣﺎﻓﻲ ﻣﻨﻮ ﺛﻨﻴﻦ ﻭﺍﻟﻠﻪ ﻣﻮ ﻟﻨﻪ ﺍﻭﺧﻮﻱ ﺑﺲ ﺟﺒﻴﺮ ﻭﺍﻳﺪ ﻋﻠﻴﺞ ﻭﻋﺪﻭ ﻣﺸﺎﻛﻠﻮ ﺍﻟﻤﺎﺗﺨﻠﺺ . ﻭﺍﻥ ﺭﺍﺩﺕ ﺗﺼﻴﺮ ﺍﺭﻳﺪﻥ ﻛﻮﻥ ﻳﺤﺎﺭﺏ ﺍﻟﺪﻧﻴﺎ ﻋﻠﺸﺎﻧﺞ ﻳﻠﻪ ﺍﻓﻜﺮ ﺍﻋﻄﻴﺞ ﺍﻧﺘﻲ ﻣﻮ ﺷﻮﻱ ﻋﺪﻱ ﺍﻧﻪ ﺍﺣﺴﺎﺱ ﺍﻻﻣﻮﻣﻪ ﻭﻳﺎﺝ ﺣﺴﻴﺘﻮ ﻗﺒﻞ ﻻﺍﺣﺴﻮ ﻭﻱ ﺍﻟﻠﻲ ﻓﻲ ﺑﻄﻨﻲ
ﻛﺮﻫﺖ ﻧﻔﺴﻲ ﺷﻮﻥ ﻫﻴﺞ ﺳﻮﻳﺖ ﻻ ﻭﺍﻟﻨﻮﺑﻪ ﺧﻴﺮﻧﻲ ﻳﻜﻮﻟﻲ ﺧﺎﻟﺘﺞ ﺭﺍﺩﻩ ﺍﺫﺍ ﺗﺮﺩﻳﻦ --- ﻗﻄﻌﺖ ﻛﻼﻣﻲ
ﺍﻋﺮﻑ ﺍﻋﺮﻑ ﺭﺩﺕ ﻭﻛﺎﻟﻠﻲ ﻭﻛﺘﻠﻪ ﻣﺎﻛﻮﻟﻠﻬﺎ ﻭﻻﺍﺍﻣﻦ ﺍﻃﺮﺷﻬﺎ ﻟﻬﻨﻴﻚ
ﺧﺎﻟﻪ ﻟﻴﺶ ﺿﻤﻴﺘﻲ ﻋﻠﻴﻪ
ﻳﺒﻤﻪ ﺍﺧﺎﻓﻦ ﻋﻠﻴﺞ ﺑﺎﻭﻋﺖ ﺑﻌﻴﻮﻧﻲ ﻭﺍﻧﻲ ﺑﺤﻀﻨﻬﺎ ﻫﻤﺴﺖ
ﻋﺪﻫﺎ ﻭﻳﻼﺩ ﻣﺎﺍﻣﻦ ﺍﻭﺧﻮﻱ ﻣﺎﻣﻨﺘﻠﻮ . ﻟﻮﻧﻪ ﺍﻧﻪ ﺍﻟﺮﺑﻴﺘﻮ ﻋﻠﻰ ﺍﻳﺪﻳﻨﻲ . ﻭﺑﻌﺪﻳﻦ ﺣﺎﻟﺘﻬﺎ ﺻﻌﺒﻪ . ﺍﻟﻠﻜﻤﻪ ﻋﻠﻴﻬﻢ ﺣﺴﺮﻩ ﺗﺮﺣﻴﻦ ﻫﻨﺎﻙ ﺍﺧﺎﻑ ﻋﻠﻴﺞ ﻭﺗﻬﺪﻳﻨﻲ ﻳﻔﺮﺣﻪ ﺗﻬﺪﻳﻦ ﺍﻭﺧﻮﺝ
ﻻﺧﺎﻟﻪ ﻣﺎﺭﻭﺡ
ﻭﻣﺎﺗﻔﻜﺮﻳﻦ . ﺑﺎﻟﺴﻴﺪ
ﻻ ﺧﺎﻟﻪ ﺷﻠﺘﻪ ﻣﻦ ﺭﺍﺳﻲ ﺑﺲ ﺧﺠﻼﻧﻪ ﺣﻴﻞ ﺑﺮﻃﻤﺖ ﻣﺎﺭﻳﺪ ﺍﺷﻮﻓﻪ ﻭﻳﺸﻮﻓﻨﻲ
ﻭﻻ ﻳﺸﻮﻓﺞ ﻭﻻ ﺗﺸﻮﻓﻴﻨﻮ ﺍﻫﻮ ﻭﻳﻨﻮ ﺣﺎﻳﺮ ﺑﻬﻤﻮ ﻭﻟﻤﻦ ﻳﺠﻲ ﺣﺪﺭﻱ ﻟﻠﻜﺒﻪ .
ﻫﺰﻳﺖ ﺭﺍﺳﻲ
ﻳﻔﺮﺣﻪ ﺍﻧﻪ ﺭﺍﺳﻤﺘﻠﺞ ﻣﺴﺘﻘﺒﻞ ﻏﻴﺮ ﺍﻥ ﺍﻟﻠﻪ ﻋﻄﺎﻧﻲ ﻋﻤﺮ ﺍﻧﻪ ﻭﻳﺎﺝ ﻧﺘﻌﺎﻭﻥ ﻭﺍﻥ ﻣﺎﻋﻄﺎﻧﻲ ﻳﻴﻤﻪ ﻫﺪﻱ ﻛﻠﺸﻲ ﻭﺭﺑﻲ ﺍﻭﺧﻮﺝ ﻫﺎﺫ ﺳﻨﺪﺝ ﻭﺍﻥ ﺍﻟﻠﻪ ﺭﺍﺩ ﻭﻋﺮﺳﺘﻲ ﺍﺧﺘﺎﺭﻟﻲ ﺍﻟﻠﻲ ﺣﺎﺭﺏ ﺍﻟﻜﻞ ﻟﺨﺎﻃﺮﺝ ﺍﺧﺘﺎﺭﻱ ﺍﻟﻠﻲ ﻳﺸﺮﻳﺞ ﺑﻌﻤﺮﻭ ﻭﻻ ﺗﻨﺨﺪﻋﻴﻦ ﺑﻜﻼﻡ ﺧﻠﺞ ﻛﻮﻳﻪ
ﺣﺒﻴﺒﻪ ﺍﻥ ﻣﺎﺗﻌﺮﻓﻴﻦ ﺍﻟﺪﻧﻴﺎ ﺍﻋﺮﻓﻬﺎ ﻟﺞ ﺍﻧﻪ ﻣﻦ ﺍﻟﻴﻮﻡ ﻣﺎﻫﺪﺝ ﻋﻜﺐ ﺍﻧﻪ ﻫﻢ ﺻﻮﺟﻲ ﺍﻟﺘﻬﻴﺖ ﺑﻌﻠﺘﻲ ﻭﻧﺴﻴﺘﺞ
ﻻﺧﺎﻟﻪ ﺍﻧﺘﻲ ﻣﻘﺼﺮﺗﻲ
ﺍﻟﻪ ﻣﻠﻴﺎﻧﻪ ﻛﺼﻮﺭ ﻳﺎﺍﻣﻲ ﻭﺟﻬﻲ ﺍﺳﻮﺩ ﻣﻦ ﺍﻭﺑﻮﺝ
ﺑﺴﺘﻬﺎ ﻣﻦ ﺭﺍﺳﻬﺎ ﻫﻤﺴﺖ ﻭﻋﻴﻮﻧﻲ ﺑﻌﻴﻨﻬﺎ
ﺍﺗﻤﻨﻰ ﻟﻮ ﺍﻧﺘﻲ ﺍﻣﻲ ﻭﻣﻦ ﺍﻭﻝ ﻳﻮﻡ ﺑﺤﻴﺎﺗﻲ ﺍﻧﺘﻲ ﻭﻳﺎﻳﻪ
ﻭﺍﻧﻪ ﺑﻌﺪ ﺍﺗﻤﻨﻰ ﺑﺲ ﻫﺎﻩ ﺑﻌﺪﻧﺎ ﺑﺎﻭﻟﻬﺎ ﻛﺎﻟﺘﻬﺎ ﻭﺍﺑﺘﺴﻤﺖ ﺑﺎﻣﻞ ﻛﺎﻟﺖ
ﺍﻥ ﺍﻟﻠﻪ ﺭﺍﺩ ﻭﻛﻤﺖ ﺑﺴﻼﻣﻪ ﺍﻧﺸﺎﺀ ﺍﻟﻠﻪ ﻭﺑﻌﻮﻥ ﺍﻟﻠﻪ ﺍﻏﺪﻣﻠﺞ ﻋﻠﻰ ﺍﻟﻤﻌﻬﺪ ﻣﺎﻝ ﻣﻌﻠﻤﺎﺕ ﻭﺍﻧﺘﻲ ﺑﻌﺪ ﻋﺪﺝ ﺷﻬﺎﺩﻩ ﺛﺎﻟﺚ ﻭﺗﺪﺍﻭﻣﻴﻦ ﻓﻲ ﻣﻠﻬﺎ ﺛﻠﺚ ﺳﻨﻴﻦ ﻭﺗﻌﻠﻤﻴﻦ ﺑﻬﺎﻟﻤﺪﺭﺳﻪ ﺍﻟﻜﺮﻳﺒﻪ ﻋﻠﻴﻨﺎ ﻭﺍﻥ ﺍﻧﻪ ﻣﺘﺖ
ﺧﺎﻟﻪ ﻓﺪﻭﻩ ﻟﻜﻠﺒﺞ ﺳﻜﺘﻲ
ﻻ ﺧﻠﻴﻨﻲ ﺍﺣﺠﻲ ﺍﻥ ﺍﻧﻪ ﻣﺘﺖ ﻳﻴﻤﻪ ﻫﺪﻱ ﻛﻠﺸﻲ ﻟﺨﺎﻃﺮ ﺍﻭﺧﻮﺝ ﻻﺗﻬﺪﻳﻨﻪ ﻭﺍﻣﻼﻛﻲ ﺗﻜﻔﻴﺞ ﻃﻮﻝ ﻋﻤﺮﺝ ﻭﺍﻭﺧﻮﻱ ﻣﺎﻳﻜﺼﺮ
ﻫﺰﻳﺖ ﺭﺍﺳﻲ ﻏﻤﻀﺖ ﻋﻴﻨﻲ ﺑﺮﺍﺣﻪ ﻣﺤﺎﺳﺘﻬﺎ ﻗﺒﻞ ﺍﺑﺪ ﻫﻤﺴﺖ
ﻣﺎﻳﺴﺘﺎﻫﻞ ﺍﺑﻮﺝ ﻳﻜﻠﻮﻥ ﻋﻠﻰ ﺑﻨﺘﻮ ﻣﺎﻋﺮﻑ ﻳﺮﺑﻴﻬﺎ . ﻭﺍﺩﺭﻱ ﺑﻌﻴﺸﺘﻨﺎ ﺻﻌﺒﻪ ﻳﺒﻤﻪ ﺑﺲ ﺭﺑﺞ ﻳﻬﻮﻧﻬﺎ ﻣﺎﻭﺩﻱ ﺗﺠﻴﺒﻴﻦ ﻃﺎﺭﻱ ﺍﻟﻮﻻﻳﻪ ﻋﻜﺐ ﻫﻨﺎﻳﺎ ﺍﻫﻠﺞ ﺻﻔﻮ ﻫﻨﺎﻙ ﻣﺎﺿﻠﺞ ﺍﺣﺪ ﻭﺍﻥ ﻛﺎﻧﺖ ﺧﺎﻟﺘﺞ ﺑﺲ ﻣﺎﻋﺪﻫﺎ ﺗﻌﻴﺸﺞ ﻛﻮﻩ ﺷﺎﻳﻠﻪ ﺭﻭﻳﺤﺘﻬﺎ ﻭﺣﺤﺎﻳﺮﻩ ﺑﻌﻴﺸﺘﻬﺎ ﻣﺴﻴﻜﻴﻨﻪ
ﻣﺎﺭﻳﺪ ﻏﻴﺮﺝ ﺧﺎﻟﻪ ﺍﺭﻳﺪ ﺍﺑﻘﻰ ﻫﻨﺎ ﺑﻌﺪ ﻭﺍﺭﺿﻰ ﺑﺤﻴﺎﺗﻲ ﺷﺒﻴﻪ ﻣﺪﻟﻠﺘﻨﻲ ﺑﺲ ﺍﻧﻲ ﻏﺒﻴﻪ ﺻﺪﻛﺖ ﺣﻄﻠﻊ ﻣﻦ ﺍﻟﺒﻴﺖ ﻭﺗﻄﺮﺩﻧﻲ ﻣﺘﻮﻗﻌﺖ ﻫﻴﺞ ﺍﻧﺘﻲ ﻣﺴﻮﻳﻪ
ﻻﺗﺨﺎﻓﻴﻦ ﻣﻦ ﺑﺎﺟﺮ ﺍﻟﻠﻪ ﻭﺍﻧﻪ ﻣﻮﺣﻮﺩﻳﻦ ﻭﺍﻭﺑﻮﺝ ﻣﺎﻣﺎﺕ ﻳﻴﻤﻪ ﻭﻫﺎﺫ ﺍﻭﺧﻮﺝ ﺟﺎﻱ ﺭﺑﻲ ﻋﻠﻰ ﺣﺒﺞ ﺍﻟﻪ ﻳﻜﺒﺮ ﻭﻳﺼﻴﺮ ﻋﻜﺎﺯﺝ ﻳﺮﻭﺡ ﺑﺮﻳﺴﻢ
ﺑﺴﺘﻬﺎ ﻣﻦ ﺭﻛﺒﺘﻬﺎ ﻭﺷﻤﻴﺖ ﻋﻄﺮﻫﺎ ﺑﻐﻤﺞ ﻏﻔﻴﺖ ﺑﺤﻀﻨﻬﺎ ﺳﺒﺤﺎﻥ ﺍﻟﺨﻠﻪ ﺍﻻﻣﺎﻥ ﺍﻟﻲ ﺑﻴﻦ ﺿﻠﻮﻋﺞ ﺳﺒﺤﺎﻥ ﺍﻟﻠﻪ
ﻣﻦ ﻳﻮﻣﻬﺎ ﺍﻧﻲ ﻭﺍﻟﺴﻴﺪ ﻣﻠﺘﻘﻴﻨﺎ ﺣﺴﻴﻦ ﻳﻄﺐ ﻭﻳﻄﻠﻊ ﻳﻤﻲ ﻧﺴﻮﻟﻒ ﻭﻧﻠﻌﺐ ﻣﻦ ﻳﻜﻮﻥ ﻣﻮ ﺑﺎﻟﺒﻴﺖ ﻣﺮﺗﻪ ﺗﺼﻌﺪ ﻭﺗﻨﺰﻝ ﺍﻛﺜﺮ ﻣﻦ ﻗﺒﻞ ﻭﻫﻮ ﻣﻠﺘﻬﻲ ﺑﺎﻟﺒﻴﺖ ﻭﺍﻟﺒﻨﺎﺀ ﻭﺍﻟﺒﺴﺘﺎﻥ ﻭﺍﻟﻤﻌﻤﻞ
ﻭﺑﻌﺪﻧﻲ ﺍﻧﻀﻒ ﻏﺮﻓﺘﻪ ﻭﻧﺴﺨﻪ ﻣﻔﺘﺎﺡ ﻋﺪﻩ ﻭﺍﻧﻲ ﺍﻟﻨﺴﺨﻪ ﺍﻟﺜﺎﻧﻴﻪ ﻛﻞ ﻧﺴﺨﻪ ﺑﻴﻬﺎ ﺣﻠﻘﻪ ﻭﻣﻔﺘﺎﺣﻴﻦ ﺍﻛﻮﻱ ﻫﺪﻭﻣﻪ ﻭﺍﺭﺗﺒﻬﺎ ﺍﻧﻀﻒ ﺍﻟﺒﻴﺖ ﻭﻱ ﺧﺎﻟﻪ ﺍﻟﺠﺎﻧﺖ ﺍﺟﺘﻤﺸﻲ ﺑﻬﺪﻭﺀ ﻭﺗﻨﻄﻴﻨﻲ ﻋﺰﻡ ﻭﻗﻮﻩ ﻫﻲ ﺗﺮﻛﺐ ﻭﺍﻡ ﻋﻮﻑ ﺗﺨﺒﺰ ﺧﺎﻟﻪ ﻣﻦ ﻳﻮﻣﻬﺎ ﻣﻨﻌﺖ ﺍﻡ ﻋﻮﻑ ﺗﺤﺎﺟﻴﻨﻲ ﺣﺠﺎﻳﻪ ﺯﺍﻳﺪﻩ ﺑﻌﺪﻩ ﺍﻟﺒﻴﺖ ﻣﻜﺎﻣﻞ ﺍﻃﻠﻊ ﺑﻠﻴﻞ ﻟﻠﺤﺪﻳﻘﻪ ﺧﻨﻜﺘﻲ ﺭﺍﺣﺖ ﻭﺑﺪﻳﺖ ﺍﺗﻌﻮﺩ ﻋﻠﻰ ﻋﻴﺸﺘﻬﻢ
ﺑﺪﻳﺖ ﺍﺗﻌﻠﻢ ﺧﺒﺰ ﻭﻱ ﺍﻡ ﻋﻮﻑ ﺗﻌﻠﻤﺖ ﺍﻧﻀﻒ ﺍﻟﺪﺟﺎﺝ ﺗﻌﻠﻤﺖ ﺍﻗﺴﻢ ﺍﻟﻠﺤﻢ ﺗﻌﻠﻤﺖ ﺍﺯﺭﻉ ﺑﺤﺪﻳﻘﻪ ﺍﻟﻮﺭﻩ ﺍﻟﺒﻴﺖ ﺗﻌﻠﻤﺖ ﻋﻠﻰ ﺣﻴﺎﺗﻬﻢ ﻭﻛﻤﺖ ﺍﺣﺒﻬﺎ ﺻﺮﺕ ﺍﺣﺲ ﻫﺎﻱ ﺣﻴﺎﺗﻲ ﻭﺍﻓﺘﺨﺮ ﺑﻴﻬﺎ . ﺩﻭﻣﻲ ﻣﺴﺘﻮﺭﻩ ﻭﺍﻟﺴﻴﺪ ﻧﻮﺑﺎﺕ ﻳﻤﺮﻧﻲ ﻃﻴﻔﻪ ﻣﻦ ﺍﺭﻳﺪ ﺍﻏﻔﻰ ﻭﻛﻠﺒﻲ ﻳﻨﺘﻔﺾ ﺑﺪﻛﺘﻪ ﻭﺍﺭﺟﻊ ﺍﻫﺪﻱ ﺭﻭﺣﻲ ﻭﺍﺗﺬﻛﺮ ﻛﻼﻡ ﺧﺎﻟﻪ
ﻭ ﻣﺤﻴﺴﻦ ﺍﻧﻄﺮﺩ ﻣﻦ ﺍﻟﺒﺴﺘﺎﻥ ﻻﻥ ﺗﻌﺎﺭﻙ ﻭﻳﺎﻩ ﻭﻳﻜﻮﻟﻪ ﺣﺮﺍﻡ ﻋﻠﻴﻚ ﺗﻤﺎﻟﺨﻮ ﻭﺍﻟﻌﺎﻟﻢ ﻓﺎﻛﻜﺘﻬﻢ ﻻﻣﺤﻴﺴﻦ ﻏﻴﺮﺗﻪ ﺗﺴﻤﺤﻠﻪ ﻳﺤﺠﻲ ﻟﻴﺶ ﺗﻌﺎﺭﻙ ﻭﻱ ﺍﻟﺴﻴﺪ ﻭﻻﺍﻟﺴﻴﺪ ﻳﺠﻴﺐ ﻃﺎﺭﻱ
ﺍﻡ ﻋﻮﻑ ﺟﺎﻧﺖ ﺗﺤﺠﻲ ﻣﺮﻋﻮﺑﻪ
ﺍﻟﻮﺵ ﻫﻴﺞ ﺳﺎﻭﻩ ﺑﺎﻟﺼﺒﻲ ﺍﻫﻮ ﺍﻟﺮﺑﺎﻩ ﺭﺑﻪ ﻣﻦ ﺑﺴﺘﺎﻧﻜﻢ ﻋﻠﻮﻳﻪ ﻭﺧﺎﻟﻪ ﻣﺘﺮﺩ ﺗﻜﻮﻟﻬﺎ ﻣﺎﻋﺮﻑ
ﻃﻠﻊ ﻣﻦ ﺍﻟﺒﺴﺘﺎﻥ ﻛﻠﻪ .
ﻣﺮﺭﺷﻬﺮ ﻭﺧﺎﻟﻪ ﻭﺻﻠﺖ ﺷﻬﺮ ﺍﻟﺴﺎﺩﺱ ﻭﺍﻧﻲ ﺑﺲ ﺍﺳﻤﻊ ﺻﻮﺕ ﺍﻟﺴﻴﺎﺭﻩ ﺍﻧﻬﺰﻡ ﻟﻠﻐﺮﻓﻪ ﺣﺘﻰ ﺳﻠﻄﻪ ﻓﺎﻛﻬﻪ ﻛﻤﺖ ﻣﺎﺳﻮﻱ ﻣﺎﺭﻳﺪ ﺍﺑﻴﻦ ﺍﻧﻲ ﻣﻮﺟﻮﺩﻩ ﺍﺻﻼ ﻛﻤﺖ ﻣﺎﺍﺗﺼﻨﻂ ﺍﺑﺪ ﻻﻥ ﺍﺧﺎﻑ ﺍﺳﻤﻊ ﺻﻮﺗﻪ ﻟﻮ ﺍﺧﺎﻑ ﻳﺠﻴﺐ ﺳﻴﺮﺗﻲ ﻭﺍﺭﺟﻊ ﻟﻌﺬﺍﺑﻲ ﺍﻳﺎﻡ ﻣﺮﺕ ﻭﻭﺍﻟﺪﻱ ﺧﺎﺑﺮﻧﺎ ﻣﻦ ﺭﺍﺡ ﺍﻟﺴﻴﺪ ﺍﻟﻪ ﺣﺠﻪ ﻭﻳﺎﻳﻪ ﻣﺒﺘﻌﺪ ﻋﻦ ﺍﻟﺴﻴﺪ
ﺣﺒﻴﺒﺘﻲ ﺑﺎﺑﺎ ﻋﻤﺮﻱ ﺍﻧﺘﻲ ﺷﻠﻮﻧﺞ
ﺯﻳﻨﻪ ﺑﺎﺑﺎ ﺷﺒﻴﻪ ﻭﺍﻟﻠﻪ ﻣﺒﻴﻪ ﺷﻲ
ﺑﺎﺑﺎ ﺑﺮﻭﺡ ﻧﻨﻪ ﻣﺮﺗﺎﺣﻪ
ﺑﺎﺑﺎ ﻛﺘﺘﺼﻮﺭ ﺷﻜﺪ ﻭﺭﻭﺣﻬﺎ ﻟﻨﻨﻪ ﻣﺮﺗﺎﺡ ﺑﺎﺑﺎ ﺧﺎﻟﻪ ﺳﺠﻠﺖ ﻛﻠﺸﻲ ﺑﺎﺳﻤﻲ ﻫﺬﺍ ﺻﺎﺭ ﺑﻴﺘﻲ . ﻭﺍﺑﻨﻚ ﺍﻧﻲ ﺍﺳﺎﻋﺪﻫﺎ ﺑﺘﺮﺑﻴﺘﻪ ﺣﺪ ﻣﺎﺗﻄﻠﻊ ﺑﺎﺑﺎ ﻟﺘﺨﺎﻑ ﻋﻠﻴﻪ ﺍﻧﻲ ﺳﺒﻌﻪ
ﺑﺎﺑﺎ ﺣﺒﻴﺒﺘﻲ ﺍﻧﺘﻲ ﺧﺎﻳﻒ ﻋﻠﻴﺞ
ﻻ ﺑﺎﺑﺎ ﻟﺘﺨﺎﻑ ﺧﺎﻟﻪ ﺣﺘﺴﺠﻠﻨﻲ ﻣﻌﻬﺪ ﻣﻌﻠﻤﺎﺕ ﺗﺪﺭﻱ ﺑﺎﺑﺎ ﻧﻮ ﺑﺎﺕ ﺍﺗﻤﻨﻰ ﺧﺎﻟﻪ ﻫﻲ ﻣﺎﻣﺎ ﺑﺲ ﻫﺎﻫﻲ ﺍﻟﺤﻤﺪ ﻟﻠﻪ ﺍﻧﻲ ﻛﻠﺶ ﻣﺮﺗﺎﺣﻪ ﻣﻨﺎﻗﺼﻨﻲ ﻏﻴﺮﻙ ﺑﺲ ﺍﺭﻳﺪ ﺗﺪﻳﺮ ﺑﺎﻟﻚ ﻋﺮﻭﺣﻚ
ﻳﻌﻨﻲ ﻣﺘﺮﻭﺣﻴﻦ ﻟﺨﺎﻟﺘﺞ
ﻻﻻ ﺍﺑﺪ ﺍﻧﻲ ﻫﻨﺎ ﺍﺑﻘﻰ ﻫﺬﺍ ﺑﻴﺘﻲ ﻭﺑﻴﺖ ﺍﺧﻮﻳﻪ
ﻣﺎﺷﻲ ﻣﺎﺷﻲ ﺧﺎﻟﺘﺞ ﻭﻳﻦ ﺣﺒﻴﺒﺘﻲ
ﻫﻴﺎﻧﻬﺎ
ﻃﻴﺘﻬﻴﺎ ﻭﻃﻠﻌﺖ ﺻﻌﺪﺕ ﻓﻮﻙ ﺭﺗﺒﺖ ﺍﻟﻐﺮﻓﻪ ﻟﻜﻴﺖ ﺑﻤﺠﺮ ﺍﻟﻐﺮﺍﺽ ﻣﺎﻟﺘﻪ ﻓﻠﻮﺱ ﺻﻔﻄﺎﺕ ﺣﻤﺮ ﻫﻮﺍﻱ ﺭﺗﺒﺘﻬﻦ ﻭﺧﻠﻴﺖ ﺑﻘﻴﻪ ﻏﺮﺍﺿﻪ ﻗﻔﻠﺖ ﺍﻟﺒﺎﺏ ﻭﻧﺰﻟﺖ ﺿﻤﻴﺖ ﺍﻟﻤﻔﺘﺎﺡ ﺑﺼﺪﺭﻱ ﻣﺜﻞ ﺍﻟﻜﻼﺩﻩ
ﻣﺮﺗﻪ ﻫﺎﻟﻔﺘﺮﻩ ﻛﻠﺸﻲ ﻣﺴﻮﺕ ﻫﻲ ﺑﺤﺎﻟﻬﺎ ﻭﺍﺣﻨﺎ ﺑﺤﺎﻟﻨﻪ ﻣﻦ ﺗﺸﻮﻓﻨﺎ ﺗﺼﻌﺪ ﺗﺴﻮﻳﻨﺎ ﻓﻀﻞ ﻫﺎﻟﻔﺘﺮﻩ ﻧﺰﺭﻋﺖ ﺍﻣﻞ ﻣﻦ ﺟﺪﻳﺪ ﻭﻱ ﻃﻜﻄﻜﻪ ﺍﺷﺠﺎﺭ ﺍﻟﻠﻴﻤﻮﻥ ﺍﻟﺰﺭﻋﻬﺎ ﺑﺎﺑﺎ ﺍﻟﻌﺎﻡ ﻃﻜﻄﻜﺖ . ﻛﺒﺮﺕ ﺍﺣﺲ ﺭﻭﺣﻲ ﻣﻼﻣﺤﻲ ﺑﻴﻨﺖ ﺍﻛﺜﺮ ﻭﺑﻌﺪﻧﻲ ﻗﺒﻞ ﻣﺎﻧﺎﻡ ﺍﺳﻤﻊ ﺻﻌﺪﻩ ﺭﺟﻠﻪ ﻋﺎﻟﺪﺭﺝ ﻭﻫﻤﺴﺘﻪ ﻳﻢ ﺍﻟﺒﺎﺏ ﻗﺒﻞ ﻟﻴﺼﻌﺪ
ﻳﺎ ﺍﻟﻠﻪ ﻳﺎ ﺍﻟﻠﻪ .
ﺍﻏﻤﺾ ﻭﺍﺍﻣﻦ ﺑﻴﻬﺎ
ﻭﺍﺗﺨﻴﻞ ﺣﻴﺼﻌﺪ ﻳﻠﻜﻪ ﺍﻟﻐﺮﻓﻪ ﻣﺮﺗﺒﻪ ﻭﻳﺮﺗﺎﺡ
ﺭﻏﻢ ﻛﻠﺸﻲ ﺍﺣﺴﻪ ﺭﺟﺎﻝ ﺍﻟﺒﻴﺖ ﺍﻟﻠﻲ ﻧﺎﻣﻦ ﺑﻮﺟﻮﺩﻩ
ﺟﻨﺖ ﺍﻧﺎﻡ ﺑﻬﺪﻭﺀ ﻭﻋﺪﻡ ﺗﻔﻜﻴﺮ ﺑﺎﺑﺘﺴﺎﻣﻪ ﺭﺍﺣﻪ ﻭﻋﻠﻰ ﻏﻔﻠﻪ ﺍﻛﻮﻡ ﻭﺍﻧﺎﻡ ﻳﻢ ﺧﺎﻟﻪ ﺗﺤﻀﻨﻨﻲ ﻭﺗﺒﺘﺴﻢ ﻭﺗﻤﺴﺪ ﻋﻠﻰ . ﺷﻌﺮﻱ ﺣﺪ ﻣﺎﺍﻏﻔﻰ ﺑﺮﺍﺣﻪ
ﻧﻨﻪ ﺣﺒﻴﺒﺘﻲ . ﺍﻛﻮ ﻭﺣﺪﻩ ﺑﺤﻨﺎﻧﺞ ﻟﺤﺪ ﺍﻻﻥ ﺍﺗﺬﻛﺮ ﻣﻦ ﻓﺘﺤﺖ ﺻﺪﺭﻫﺎ ﻭﺗﺪﻋﻲ ﻟﺒﺎﺑﺎ
ﻛﻮﻥ ﺍﻟﻠﻪ ﻳﻌﻮﺿﻚ ﺑﺤﻴﺎﺗﻚ ﺭﻭﺡ ﻳﺎﻳﺎﺳﻴﻦ ﻳﺎﺍﺑﻦ ﺍﺑﻮﻳﻪ ﺍﻟﻠﻪ ﻳﻮﻓﻘﻚ ﺑﺤﻴﺎﺗﻚ ﻭﻳﺴﺘﺮ ﻋﻠﻰ ﺑﻨﺘﻚ ﻭﻳﺤﻔﻀﻚ ﻭﻳﻴﺴﺮﻟﻚ ﺑﺖ ﺍﻟﺤﻼﻝ ﺍﻟﻠﻲ ﺗﻨﺴﻴﻚ ﻛﻞ ﺍﻭﺟﺎﻋﻚ ﻭﺣﺮﻣﺎﻧﻚ ﺑﺠﺎﻩ ﻣﺮﺿﻲ ﻭﺍﻟﻤﻲ ﺑﺠﺎﻩ ﺿﻠﻊ ﺍﻟﺰﻫﺮﻩ
ﻭﺗﺪﻣﻊ ﻋﻴﻨﻲ
ﺩﻋﺘﻬﺎ ﺑﺴﺎﻋﻪ ﻏﺮﻭﺏ ﺑﺴﺎﻋﻪ ﺍﻟﻢ ﻭﺣﺮﻛﻪ ﺳﻮﺩﻩ ﻋﻠﻴﻪ ﺑﻴﺒﻲ ﺍﻟﻠﻪ ﻳﺮﺣﻤﺞ
ﺛﺎﻧﻲ ﻳﻮﻡ ﺣﻠﻤﺖ ﺑﻴﻬﺎ ﺟﺎﻳﻪ ﻭﺧﻠﺖ ﺑﻴﺪﻱ ﻭﺻﻠﻪ ﺧﻀﺮﻩ ﺗﺒﺘﺴﻢ ﻭﻓﺘﺤﺖ ﺍﻟﻤﻲ ﻣﺎﻝ ﺑﻮﺭﻱ ﻣﺎﻝ ﺑﻴﺘﻨﺎ ﺍﻟﻘﺪﻳﻢ ﻣﻦ ﺍﺑﺎﻭﻉ ﺍﻟﺤﺪﻳﻘﻪ ﻣﺎﻟﺘﻨﺎ ﻳﺎﺑﺒﺒﺴﻪ ﻭﻣﻦ ﻓﺘﺤﺖ ﺍﻟﻤﻲ ﺍﻧﺘﺮﺳﺖ ﺍﻟﺴﻮﺍﻛﻲ ﻭﺭﺍﺳﻦ ﻃﻜﻄﻚ ﺍﻟﺰﺭﻉ ﺍﺧﻀﻀﺮ ﺍﺑﺎﻭﻉ ﺻﺎﺭﺕ ﻧﺎﻓﻮﺭﻩ ﻋﺎﻟﻴﻪ ﻛﻠﺶ ﺍﻟﻤﻲ ﻗﻮﻩ ﻗﻮﻩ ﻗﻮﻩ ﻭﺍﻧﻔﺠﺮ ﺑﻘﻮﻩ ﻛﺎﻟﺖ
ﺑﻬﺪﻭﺀ ﻣﺜﻞ ﻗﺒﻞ ﻭﺍﺑﺘﺴﺎﻣﻪ ﺣﻨﺎﻥ
ﺻﺒﺮﺍ ﺟﻤﻴﻼ ﻭﺍﻟﻠﻪ ﺍﻟﻤﺴﺘﻌﺎﻥ ﻣﺎﺿﻞ ﺷﻲ ﻓﺮﻭﺣﻪ
ﻓﺰﻳﺖ ﻣﻦ ﺍﻟﻨﻮﻡ ﻭﺧﺎﻟﻪ ﻫﻢ ﻓﺰﺕ ﺍﺑﺘﺴﻤﺖ ﻛﺎﻟﺖ
ﻳﺎﺭﺑﻲ ﺧﻴﺮ ﺧﻴﺮ ﺍﻧﺸﺎﺀ ﺍﻟﻠﻪ ﺑﺎﻭﻋﺘﻠﻬﺎ
ﺧﺎﻟﻪ ﺣﻠﻤﺖ ﺑﺒﻴﺒﻲ
ﺑﺠﺖ ﻭﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻛﺎﻟﺖ
ﻭﺍﻧﻪ ﺑﻌﺪ
ﺣﺠﻴﺘﻠﻬﺎ ﺍﻟﻤﻨﺎﻡ ﻭﻏﻄﺖ ﻭﺟﻬﻬﺎ ﻛﺎﻟﺖ
ﻳﺒﻤﻪ ﺍﻧﻪ ﻫﻢ ﺣﻠﻤﺖ ﺑﻴﻬﺎ ﺗﺪﻫﻦ ﺟﺮﺡ ﻳﻢ ﺻﺪﺭﻱ ﺟﺒﻴﺮ ﻭﺗﻜﻮﻟﻲ
ﻳﻄﻴﺐ ﻭﻳﺼﻴﺮ ﺍﺣﺴﻦ ﻣﻦ ﻗﺒﻞ ﻛﻮﻣﻲ ﻳﻤﻪ ﻛﻮﻣﻲ ﺧﻠﻲ ﻧﺴﻮﻳﻠﻬﺎ ﺷﻲ ﻋﻠﻰ ﺭﻭﺣﻬﺎ
ﺷﺴﻮﻱ ﺧﺎﻟﻪ
ﺷﻨﻮ ﺍﻟﺠﺎﻧﺖ ﺗﺤﺒﻮ ﻛﻠﺶ
ﺧﺎﻟﻪ ﺑﻴﺒﻲ ﺗﻤﻮﺕ ﻋﺎﻟﺰﺭﺩﻩ ﺟﺎﻧﺖ
ﺩﻛﻮﻣﻲ ﻭﻳﺎﻱ ﺑﻴﺪﺝ ﺗﻄﺒﺨﻴﻨﻬﺎ ﻭﺍﻧﻪ ﺍﺳﺎﻋﺪﺝ ﻭﻧﻮﺯﻋﻬﺎ ﺍﻟﺤﻴﻦ ﺑﻴﺪ ﺍﺑﻮﻋﻮﻑ
ﻛﻤﺖ ﻭﻳﺎﻫﺎ ﻭﺗﻌﻠﻤﻨﻲ ﻭﺍﺳﻮﻱ ﺍﺟﺘﻲ ﺍﻡ ﻋﻮﻑ ﻭﻳﺎﻧﺎ ﻭﻣﻦ ﺍﻟﺼﺒﺢ ﻟﻠﻀﻬﺮ ﺻﺎﺭﺕ ﺗﺨﺒﻞ ﻛﻠﻴﺖ ﺍﻟﻠﻮﺯ ﻭﺗﻌﻠﻤﻨﻲ ﺧﺎﻟﻪ ﺷﺴﻮﻱ ﺩﺍﺍﺩﺭﺥ ﺑﻴﻬﺎ ﺑﻌﺪ ﺻﻮﺕ ﺍﻟﺠﺪﺭ ﻭﺍﻟﺒﺮﻳﻤﺰ ﻋﺎﻟﻲ ﺳﻤﻌﻲ ﺿﻌﻒ ﻭﻣﺴﻤﻌﺖ ﺻﻮﺕ ﺍﻟﺴﻴﺎﺭﻩ ﻣﻨﺼﻴﻪ ﺍﺻﺐ ﺑﺎﻟﻄﺎﺳﻪ ﻭﺍﺳﻤﻊ
ﻳﺎ ﺍﻟﻠﻪ ﺭﻓﻌﺖ ﺭﺍﺳﻲ ﺷﻔﺘﻪ ﻭﺍﻛﻒ . ﻳﺒﺎﻭﻋﻠﻲ ﻓﺰﻳﺖ ﻭﺯﻟﻜﺖ ﻭﺍﻳﺪﻱ ﺟﻔﺼﺖ ﺑﺎﻟﺠﺪﺭ ﻭﺍﻟﺰﺭﺩﻩ ﺗﺼﻤﻂ ﺻﻤﻂ ﺻﺤﺖ ﺑﻌﻠﻮ ﺻﻮﺗﻲ ﺍﺧﺨﺦ
ﻭﻓﺮﻓﺤﺖ ﺭﻭﺣﻲ
ﺻﺎﺡ ﻭﻛﻤﺰ
ﺍﻟﻠﻪ ﺍﻟﻠﻪ ﺷﺠﺎﺝ ﻟﻴﺘﻨﻲ ﻣﺎﺧﺸﻴﺖ ﺟﺮ ﺍﻳﺪﻱ ﺍﻟﻤﺤﺮﻭﻛﻪ ﺍﺻﺎﺑﻌﻲ ﺍﻟﺼﻐﻴﺮ ﺍﻟﺨﻨﺼﺮ ﻭﺍﻟﺒﻨﺼﺮ ﻭﺧﻼﻫﺎ ﺑﺤﻠﻜﻪ ﺑﻴﻦ ﺷﻔﺎﻓﻪ ﺟﺮ ﺍﻟﺰﺭﺩﻩ ﺳﺤﺒﻪ ﺑﻴﻦ ﺷﻔﺎﻓﻪ ﻭﺭﺟﻊ ﻛﺮﺭ ﺍﻟﺤﺎﻟﻪ ﻣﺮﺗﺒﻚ ﺑﺨﻮﻑ ﻭﻳﺒﺎﻭﻉ ﻻﻳﺪﻱ ﻣﺨﻨﺰﺭ ﻭﺍﻧﻲ
ﺷﺒﻲ ﺍﺭﺗﺒﺎﻙ ﻭﺧﻮﻑ ﻫﺪﺍ ﺑﻴﻦ . ﺷﻔﺎﻓﻪ ﻧﺴﻴﺖ ﺍﻻﻟﻢ ﻣﺪﺭﻱ ﺷﺼﺎﺭ ﺑﻴﻪ ﻛﻠﺒﻲ ﻳﺪﻙ ﺳﺮﻳﻊ ﺧﺎﻟﻪ ﻣﻮﻳﻤﻲ ﺭﺟﻔﺖ ﺍﻳﺪﻱ ﻧﺘﺮ ﻭﻳﺒﺎﻭﻉ ﻻﻳﺪﻱ
ﺗﺎﺫﻳﺞ ﺗﺤﺮﻛﻴﺒﺞ
ﺟﺞ
ﻫﻤﺴﺖ ﻭﺍﺑﺎﻭﻉ ﺑﻮﺟﻬﻪ ﺷﻜﺪ ﻣﺸﺘﺎﻗﺘﻠﻪ ﺑﻜﺪ ﺭﺣﻤﻪ ﺍﻟﻠﻪ ﺭﻓﻊ ﺭﺍﺳﻪ ﻭﺑﺎﻭﻉ ﺑﻮﺟﻬﻲ ﻃﻠﻊ ﺍﻳﺪﻱ ﻣﻦ ﺑﻴﻦ ﺷﻔﺎﻓﻪ ﻭﺣﺲ ﻋﻠﻰ ﺭﻭﺣﻪ ﺷﺴﻮﻩ ﺑﻠﻊ ﺭﻳﻚ ﻳﺒﺎﻭﻉ ﺑﻌﻴﻮﻧﻲ ﺍﻟﺬﺑﻠﺖ ﺣﻴﻞ ﻧﺼﻪ ﺭﺍﺳﻪ ﺑﻬﺪﻭﺀ ﻭﺭﺟﻊ ﺭﻓﻌﻪ ﻋﺒﺎﻟﻚ ﻋﻠﻜﻴﻴﻒ ﻳﺮﻓﻌﻪ ﻋﺒﺎﻟﻚ ﻧﻀﺮﺗﻪ ﻣﺤﺮﻣﻪ ﻭﻣﻴﺮﻳﺪ ﻳﺴﻮﻳﻬﺎ ﺭﻓﻌﻪ ﻳﺒﺎﻭﻉ ﺑﻌﻴﻨﻲ ﺗﻨﻬﺪ ﻭﻏﻤﺾ ﺛﻮﺍﻧﻲ ﻭﺍﻳﺪﻱ ﺑﻴﺪﻩ ﻻﺯﻣﻬﺎ ﻓﺘﺢ ﻋﻴﻨﻪ ﻟﻢ ﺷﻔﺘﻪ ﻟﺪﺍﺧﻞ ﺣﻠﻜﻪ . ﻫﻤﺲ
ﺍﺷﻠﻮﻧﻴﺞ ﺑﻮﻳﻪ
ﻫﺰﻳﺖ ﺭﺍﺳﻲ ﺳﺎﻛﺘﻪ ﻭﺍﺑﺎﻭﻉ ﺑﻌﻴﻮﻧﻪ ﺟﺮ ﻏﺘﺮﺗﻪ ﻭﺧﻼﻫﺎ ﻋﻠﻰ ﻛﺘﻔﻪ ﺟﺮﻧﻔﺲ ﺑﻐﻤﺞ ﺍﺭﺗﻔﻊ ﺻﺪﺭﻩ ﻭﺫﺑﻠﺖ ﻋﻴﻮﻧﻪ ﻭﻛﻞ ﻣﻼﻣﺤﻪ ﻓﺰﻳﺖ ﻋﻠﻰ ﺻﻮﺕ ﺧﺎﻟﻪ ﻣﻦ ﺍﻟﻐﺮﻓﻪ ﺗﺼﻴﺢ
ﻓﺮﺣﻪ ﺷﺠﺎﺝ ﺻﺤﺘﻲ ﺟﺎﻱ ﺍﺻﻠﻲ ﺟﻴﺖ ﺍﻛﻄﻊ ﺻﻼﺗﻲ ﻭﻳﻨﻴﺞ ﻳﺎﻳﻤﻪ ﺷﻮ ﺷﻮﻓﻴﻠﻲ ﻭﺟﻬﺞ
ﺳﺤﺒﺖ ﺍﻳﺪﻱ ﻣﻦ ﺍﻳﺪﻩ ﺑﻬﺪﻭﺀ ﺟﻠﺐ ﺑﻴﻬﺎ ﺍﻟﺘﻔﺘﺖ ﺑﺎﻭﻋﺘﻠﻪ ﻏﻤﺾ ﻗﻮﻱ ﻭﻫﺪﻧﻲ ﻛﻠﺒﻲ ﺭﺍﺩ ﻳﻮﻛﻒ ﺭﺣﺖ ﺭﻛﺾ ﻟﺨﺎﻟﻪ ﺣﻀﻨﺘﻬﺎ ﻭﻫﻲ ﻋﺎﻟﺴﺠﺎﺩﻩ
ﻫﻤﺴﺖ
ﻋﺒﺪ ﻓﺎﺕ،ﻫﺰﻳﺖ ﺭﺍﺳﻲ ﺑﺎﻭﻋﺘﻠﻬﺎ ﻣﺒﺮﻃﻤﻪ ﻭﺻﺎﻛﻪ ﻋﻠﻰ ﺳﻨﻮﻧﻲ ﻗﻮﻱ
ﺷﺎﻓﻴﺞ
ﻫﺰﻳﺖ ﺭﺍﺳﻲ
ﻛﺎﻟﺖ
ﻫﺎﺫ ﺍﻫﻮ ﻣﺎﺻﺎﺭ ﺷﻲ ﻳﻴﻤﻪ ﻣﺎﺻﺎﺭ ﺷﻲ ﺿﻠﻲ ﻫﻨﻲ ﺍﻧﻪ ﺍﺻﻴﺤﻦ ﻋﻠﻰ ﺍﻡ ﻋﻮﻑ ﻧﻜﻤﻞ ﻧﺠﺐ ﻳﺠﻌﻠﻬﺎ ﻭﺍﺻﻠﻪ ﻛﻮﻥ
ﻫﺰﻳﺖ ﺭﺍﺳﻲ ﻧﺼﻴﺖ ﻭﻛﻔﺖ ﺗﻠﻤﺴﺖ ﺷﻌﺮﻱ ﻭﻛﻔﺖ ﻭﻳﺎﻫﺎ ﺣﻀﻨﺘﻨﻲ
ﻳﻴﻤﻪ ﺷﻔﻴﺞ ﺗﺘﺮﺍﺟﻔﻴﻦ ﺣﺎﺟﺎﺝ
ﺟﺞ
ﻋﺠﻞ ﺷﻔﻴﺞ ﺣﺒﻴﺒﻪ ﻛﻮﻱ ﻛﻠﺒﺞ ﻳﺮﻭﺡ ﺍﻣﻴﻤﺘﺞ ﻛﻮﻱ ﻭﻛﺼﻴﻲ ﺧﻠﻪ ﻛﺎﺻﻲ ﺍﻟﻴﺒﻴﺞ ﻻﺯﻡ . ﻳﺤﺎﺭﺏ ﻻﺟﻠﺞ ﻣﺎﻧﻀﻌﻒ ﻓﺮﺣﻪ ﻭﺗﻀﻜﺮﻱ ﺍﻧﺘﻲ ﻣﺎﺗﺤﺒﻴﻨﻪ ﻭﻣﺎﻣﺤﺘﺎﺟﻪ ﺣﺒﻮ ﻟﻠﺘﺎﻟﻲ ﺍﻫﻮ ﺍﻟﻴﺤﺘﺎﺝ ﻭﻳﺘﻤﻨﻰ ﺭﺿﺎﺝ ﺍﻫﻮ ﺍﻟﻴﺘﻤﻨﺎﺝ ﻳﺒﻌﺪ ﺭﻭﺣﻲ
ﻫﺰﻳﺖ ﺭﺍﺳﻲ ﻭﻃﻠﻌﺖ ﺧﺎﻟﻪ ﻭﺳﺪﺕ ﺍﻟﺒﺎﺏ ﻭﻫﻲ ﺗﺒﺎﻭﻋﻠﻲ ﻃﺒﻴﺖ ﻟﻠﻔﺮﺍﺵ ﻭﺍﺑﺎﻭﻉ ﻻﻳﺪﻱ ﺣﻤﺮﻩ ﺣﻴﻞ . ﺗﺬﻛﺮﺕ ﻣﺮﻩ ﺑﺎﺑﺎ ﻛﺎﻝ ﺍﺫﺍ ﺍﻧﺠﻮﻳﺘﻲ ﻟﺘﺨﻠﻲ ﺟﻮﻩ ﺍﻟﻤﻲ ﺧﻠﻲ ﺍﺻﺒﻌﺞ ﺑﺤﻠﺞ ﻟﻌﺎﺏ ﺣﻠﻜﺞ ﻫﻮﺍﻟﻌﻼﺝ .
ﻭﻋﺒﺪ ﻫﻴﺞ ﺳﻮﻩ ﺑﺲ ﺑﺪﻭﻥ ﻣﻴﺤﺲ ﺑﺮﻭﺣﻪ ﻏﻤﻀﺖ ﻋﻴﻨﻲ ﺗﺬﻛﺮﺕ ﻣﻦ ﺫﺑﻞ ﻭﺳﺎﻟﻨﻲ
ﺷﻨﻮ ﺍﻟﺪﺍﺍﺣﺲ ﺑﻲ ﻫﺬﺍ ﺣﺐ ﻟﻮ ﻣﺜﻞ ﻣﺘﻜﻮﻝ ﺧﺎﻟﻪ ﻛﻤﺖ ﺻﻠﻴﺖ ﻭﻧﻤﺖ ﺗﻌﺒﺖ ﺗﻔﻜﻴﺮ ﻭﺗﻌﺐ ﺟﺴﺪﻱ ----
ﻳﺘﺒﺒﻊ
