#الحب_وحده_لايكفي
#الكاتبةورودالخالدي
البارت3
فاتن::::
خالو جاوبه
يعني وين تاخذها بابا غير للمخازن وياك!
اي وشتسوي بالمخازن ؟
مو اني عينتها هناك ويه الموظفين
عينتها!؟شوكت!
اليوم..عينتها دخذها وياك الصبح وشوفلها شغله بسيطة مو متعبه..يعني
فأني كلت!
لا خالو خلي يشوفلي اي شغلة مو شرط بسيطة اومو متعبه اي شي اشتغل!
من سمعني حجيت نظراته تحولت من وجه ابو لوجهي بقه يباوع بوجهي شويه طبعا اول مره احسه مركز بملامحي ورجع التفت ع ابو..وكال:
ماشي بابا باجر اخذها وياي ويصير خير ان شاء الله..اروح انام اني..
اي روح ارتاح ابني
عافنه وصعد كعدت الصبح ويه خاله تريكت همه كعدو بالسبعة ونص عفتهم يتريكون صعدت بدلت هم لبست جبه وملابس ثخينه وحجاب كتان وطلعت رحت يمهم بالمطبخ اسمع هشام يحجي ويه ابو..
بابا..شوف ماركات احدث تره ماركة اكآ وسايونا ماليات السوك وما عليهن سحب.
لا هالمرة غير..راح احيب بضاعة درجة اولى حتى لو اتأخر اسبوع لو عشره ايام ع الحجز..
خالة كالت:.
شدعوة 10ايام!
التسهيل من رب العالمين اذا كدرت اخلص شغلي من وكت اجي شعندي باقي بس بابا ما اوصيك لتطلع بضاعة من المخازن الا تجرد العدد مضبوط وتتأكد ماكو نواقص بالكراتين وهذا ابو الكوت تأكد عليه ..يدز حسابه القديم يله تنطيه بضاعة جديدة
صار بابا لتهتم..!
انت..روح اخذ بت عمتك وروح ما اوصيك عليها بعد واني فد ساعة واروح للمصرف اسحب فلوس واطلع لاربيل
اوك
شفته كام اني هم مشيت ورا تذكرت خالو مسافر التفتت عليه
خالو تروح وترجع بالسلامة يحرسك الرحمن..
خالو ابتسم وكال:
شلون دعوه حلوة مثل صاحبتها
اني هم ابتسمت اله وطلعت هو فتحلي الباب ع اساس اكعد يمه بالصدر بس اني استحي سديت الباب وفتحت باب الوره وصعدت بالكشنات الوره عادي مشت السيارة بينا جنت اباوع ع الطريق ممنتبهتله التفتت فجأة لكيته يباوع عليه بس من صارت عيني بعينه كلت هسه ينزل عينه بس منزلها هو عيونه صفر بيها خطوط خضر واضحة هالكد مكبار وحلوات الواحد يستحي يركز بيهن استغربت هذا شبي ولا يستحي غير ينزل عينه..وفكرت هو ميستحي اني شبيه..
مركزة ويا خو اني انزل عيني وفعلا نزلت عيني بقيت اباوع ع اديه كلت هسه هو التفت ع الطريف وره دقيقتين رفعت راسي هم صارت عيني بعينه يا الله هذا شبي اخاف وجهي بي فد شي ملفت ويستحي يكولي دنكت طلعت مرايه زغيره من جنطتي باوعت اشو مبي شي وجهي هذا شبي...خلاني اشك بنفسي كلت لا بعد ما ارفع عيني وحسيت السيارة لافت ع الترابي لان صارت طسات خفيفة ماكو دقايق وكفت السياره رفعت راسي شفت المخازن هووف الحمد لله وصلنا..وراح اطلع من السيارة وانهزم من عيونه الحلوات..ردت افتح الباب منفتحت كتله:
اشو الباب متنفتح !!
كال
لحظة..
ماكو ثانيتين كال
يله نزلي
نزلت هو مشه كدامي واني حرصت امشي وراه فكرت كلت
هسه الموظفين جوي لو بعدهم؟
طلع نظارات سود لبسهن والتفت عليه..
اكيد جايين متعودين يجون قبلي..
هااا..زين
هم ابتسملي صفح..هذا شبي شنو دنصور فلم..نظراته وحركاته عبالك ممثل ديصور اعلان لو من المشاهير ودياخذ سيلفي..صح هو حلو حيل وجذاب بس شدعوة هالكد...
