#الحب_وحده_لايكفي
#الكاتبةورودالخالدي
البارت8
فاتن:::
ش..شنو معندك غير حل..اش..اش..اشتقصد!؟
اقصد الي فهمتيه والي خايفه منه هسه!
باوعت بعيونه..وكتله:
هشام..انت..انت تريد..تخوفني مو..اي اكيد متحجي صدوك تريد تخوفني وبس..
مقتنعه بكلامج؟؟
اي انت ممعقوله تأذيني انت عاقل وفاهم واكيد..تخاف على عرضك واني عرضك..
اي..اي قنعيني عفيه عليج.!!.لج من جبتج لهنا اعرف راح تتوسلين وراح تحجين هالحجي!
يعني شنو!
يعني ميفيدج هالحجي..
ميفيدني..!؟
وراد يشبكني دفعته كتله:
اوكف بس اسمعني..وشتريد تسوي سوي!
انت مو تحبني مو عرضت عليه الزواج ماشي اني موافقه وروح ابويه موافقه رجعني للبيت كدامك اخابر ماما واكولها ..هشام يريد يخطبني واني موافقه..
.ايباااه هسه موافقه..وتخابرين امج..لان بين اديه وماعندج غير حيلة تكوليها!
والله مو حيلة انطيك كلام شرف..اتزوجك واني الممنونه بعد شتريد بس افتح الباب ورجعني الله يوفقك!
ههههه..والله انتي تضحكين انتي شكد ثوله وفطيرة وكلبج ثلج وتتصورين واحد مثلي عنده قدره يفكر ويخطط وينفذ...
الخطة مالته بخمس دقايق تعبر عليه هالحيل..
كتلك مو حيلة اتزوجني بالحلال..انت مو تحبني..تزوجني هشام لتاخذني بالحرام..عليك الله ورسوله..
ودموعي جرت على خدودي..كلي..
جبتج لهنا واعرف راح تبجين وراح تتوسلين واعرف دموعج راح ادمرني واضعف ويمكن اهدج..واكلج روحي لهذا قررت ما اضعف ..لو بجيتي كدامي مو دمع دم فاتن..كتلج احبج..ومعندي غير حل..والي راح اسوي الضمان..الوحيد الي..والي راح يخليني متأكد انتي الي ومراح اتعوفيني!
.وزادن دموعي وكتله.:
والله ما اعوفك شتتصور من تغتصبني وتاخذني بالحرام راح احبك ..حتى لو تزوجتني وصلحت غلطك هم مراح احبك ع الاقل اذا عفتني هسه راح اراجع نفسي واكول هو شريف وعنده غيره ويحبني من صدوك ويخاف ليكسر كلبي ..
رفع وحده من ايديه ومسح خدي وكال:
كله هذا الحجيتي مفكر بيه ومفكر من راح اطلعين من يمي راح تنسين كل حرف كلتيه هسه ويمكن تنهزمين وترحين لامج وبعد ما اشوفج طول عمري..هذه فرصتي الوحيدة واني متعودت اضيع الفرص..
رفعت ايدي لزمت ايده الي جان يمسح بيها خدي وبستها..وكتله ..
عوفني لوجه..الله..لخاطر الله..هشام..لتكسر كلبي..وتدنس جسمي بالحرام..
شفت عيونه فترن صار عندي امل يعوفني ادنه خله راسي على صدره..كلت ميخالف خلي اكون هادئه بلكي انكسر خاطره عليه ..وراجع افكاره بس هو شويه ..ودناني وسحب حجابي شمره بالكاع عرفت راح يعتدي عليه دفعته رحت للباب رغم اعرف هيه مقفوله بس كمت هيح بدون وعي اجرجر بيها بلكي تنفتح..منفتخت اجه يمي..شبكني حيل من وره ويحجي بأذني..:
ولج مقفوله 3اقفال..بمفتاح واحد لتعبين نفسح..
جان حاضني وايديه وحده ع خصري ووحده قريبه عن وجهي كلت لنفسي ياروح مابعدج روح اقاومه لاخر نفس..دنكت عضيته حيل من ايده توجع هدني..ردت انهزم بس وين اروح المكتب زغير بيه بس الميز..والقاصة وقنفتين جلد وين انهزم..سمعته..يحجي:
ماشي خوش مقاومه وجعتيني والله..
هشام..انعل الشيطان وابعد عني لتشوفني بنيه وناعمه والله اذا تدنه اكلك بسنوني..و..
