#الحب_وحده_لايكفي
#الكاتبةورودالخالدي
البارت5
فاتن:::
شنو 3شروط انفذهن هسه!؟
اي 3شروط عندي وانطيج الموبايل..
انتي تحجي من كل عقلك تفرض عليه شروط لان ساعدتني
وليش ما افرض شروط الي يمج حساب قديم وهسه اني ابو الراهي اكيد افرض عليج شروط..
فكرت هذا مصر على كلامه خلي اسايسه..
اي وشنو هذه الشروط اكيد شروط تعجيزيه..
لا ..مولدرجة تعجيزيه شروط بسيطة!..وطبعا كل شرط منهن اله سبب اكيد ما افرض عليج شروط بدون اسباب!
هااا..هيج..يله كول شنو شروطك!
باوع بعيوني لحظات وكال:
اول شرط تعتذرين مني 4مرات!؟
4مرات شنو!؟
اي تكومين توكفين كبالي مدنكة مثل الحبابة وتعتذرين اربع مرات اول اعتذار لان تفلتي بوجهي والاعتذارات الثلاثة الباقية ع الغلط الي غلطتي..مو كلتي ادبسز وحقير وجبان اعتذري على غلطج..
وهم كلت خلي اسايسه شكو بيها اني ..اذا اعتذر شنو راح يطير نص مني المهم احصلة للموبايل وامسح صوري واخلص من هالطلابة..
كمت من القنقة وكفت كبالة كتله:
اي ماشي اعتذر ليش لا ..اني اسفه هشام لان تفلت عليك واسفه. اسفه اسفه ع الغلط
بعدين رفعت راسي وباوعت بعيونه..
اعتقد هسه انت ارتاحيت من اعتذرت منك يله انطيني الموبايل!
ههه..لا اكيد مرتاحيت بعد كدامج شرطين.
اي وشنو الشرط الثاني ؟
كام من مكانه وكف كبالي عبالي راح يحجي بس هو محجة بلحظة وحدة سحب الشال من راسي وشمره ع القنفة عقلي طار هذا شبي تخبل شلون ينزعني حجابي..باوعت بعيونه ردت احجي قاطعني:
وهذا هو شرطي الثاني توكفين كدامي بدون حجاب..ردت اروح للقنفه اخذ الحجاب هو سبقني اخذه وخلا وره ضهره كتله:
ليش..ليش..موحرام عليك تنزعني حجابي!
لا موحرام..واكيد عندي سبب..
عندك سبب!
اي وسبب قوي هم..وهو عقلج..المجيم المعقد الي يزعجني وافكارج وخوفج مني ها..ميصير يشوفني بدون حجاب حرام.. ميصيريشوف صوري بدون حجاب اطلعي من هالعقد وهالتخلف المزعج السخيف العايشه بي..
وانت شعليك بيه وبعقدي!
لا عليه شلون معليه احنا عايشين بنفس البيت واني ما احب اتعامل ويه..شخص معقد..
انت..انت..
وقبل ما اكمل كال بصوت تحذيري..
ديري بالج تغلطين ترة بس تغلطين راح اجبرج تعتذرين مرة لخ!
كلبي طك منه اشايف نفسه واكف يفرض شروط وينزعني حجابي..ويباوع عليه عبالك عبده عنده..فكتلة واني ارجع خطوتين لورة..
واني ممجبورة اغضب رب العالمين واوكف كدامك بدون حجاب والله شنو حضرتك تعتبر الحجاب تعقيد..
والتفتت..ردت اطلع بعدني موصلت للباب هو سبقني قفل الباب وخله المفتاح بجيبه..بسرعة كتله:
افتح الباب هشام خلي اروح حتى الموبايل ما اريده والصور خليها عندك شتريد تسوي سوي بيها..
اتقرب يمي وكال لا مو بهالسهوله ترحين بعد شرط ثالث لازم يتم..وبعدين اسمحلج ترحين!
واني ممجبورة انفذ شروطك السخيفة افتحلي الباب كتلك!
مو انتي الي راح تنفذين الشرط الاخير اني الى راح انفذه!
انت!؟
اي اني مجبور انفذه لان شرط مهم راح يخلصج من هذا الي تسمي عيب واستحي وميصير..وشلون اكعد بصفك وجسمي بصف جسمك وخابصة نفسج وادكيها مشي..يوميه..اصلا بالعكس وره ما انفذ هالشرط راح تكعدين بصفي لزك..وخاطرج طيب!
لك انت منين الله خالقك شتقصد بكلامك ..شنو اكعد بصفك وخاطري طيب مو عيب عليك هالحجي؟!
