#الحب_وحده_لايكفي
#الكاتبةورودالخالدي
البارت10والاخير
فاتن:::
ومرت ليلة عرسي الي ما اعرف شلون مرت لان احنا مو مثل العرسان العاديين لا ابد مو مثلهم جانت ليلة عرس بين اثنين متناقضين..عريس جاي بكل حبه ولهفته ومشاعره الحلوة وكلماته الي تلين حتى الحديد..وعروسه ميته اي ميته مجرد جثه هامدة بلا حركة ولا مشاعر ولا احساس..صح صارت بينا علاقة زوجيه كاملة بس..اني مجنت حاسه بيها لان اني مجرد جسم بدون روح تحس وتشعر بكل مشاعره واحاسيسه ورغم الليلة مرت واعرف حق المعرفة هو متهنه بيها ولا جانت بمستوى احلامه ولاب1بالميه بس هو مبينلي هالشي بينلي انه هو مرتاح وسعيد وبقه حاضني ويبوس بيه للعشره الصبح..ويهمس باذني احبج..حبيبتي عمري..روحي ..انفاسي العايش بيهن بس كل هذا محرك ساكن بجسمي..لان اني ..اصلا جبرت نفسي اكون اله بدون مشاعر..ومرت الايام واحنا نفس الحاله وخلصو الخطاطير ع بيت خالو وخلصت دوخة ايام العرس الاولى وجيات اقاربهم بعد ممر اسبوعين ع زواجنا..بس هو ابد متغير ذاك هو نفس لهفته ونفس حبه ونفس مشاعره وزاد اكثر ويحاول يبينلي هو اسعد انسان وياي الى ان طفح الكيل بيه وانفجر بيه بعد15يوم من زواحنا جنا كاعدين ع جربايتنا وقبل ميتقربلي كلي:.
فاتن شوكت تحبيني..شوكت تحسين بيه ليش هالشكل..يعني..اني رجلج..يعني دتعاقبيني ببرودج وياي اريد احس نفسي مقبول منج..يعني الى متى اضل نايم ويه جثة الى متى انتي مثل التمثال ..لج ادنه عليج..
تغمضين عيونج حتى انفاسج تختفي..ليش ليش كل يوم اكعد الصبح واكل لنفسي هي متريدني بعد ما اتقرب عليها ...واجي بالليل بس اشوفج انسه شكلت لنفسي واجيج بكل لهفتي وانام وياج ..لج..حسي بيه ..حسي بحبي ماشي مطالب منج تضغطين ع نفسج وتبادليني العلاقة مثلي بس ع الاقل حسسيني انتي متقبلتني تره جاي اموت كل ليلة بسببج..جاي اموت واني احس نفسي..مفروض عليج..ليش شبيه اني مو شاب ..شنو بيه ميعجبج ومكادره تتقبليه كوليلي حتى اغيره..والله اغيره..مكادرة تنسين الي صار..شلون انسيج..شلون فهميني..يعني..شوكت تفهمين اني اخذتج قبل العرس لان مجان بيدي غير..حل اني عاشكج وانتي رفضتيني وانطيتني جواب قاطع انه انتي مراح تحبيني عقلي طار مني واتصرفت هالشكل..لج حتى الكافر..والكاتل..ربج يغفرله انتي ليش متغفريلي..
يحجي وعيونه تلمع اجفانه صارت حمر..هالكد ممنفعل ..والله ولا عبالك ذاك هشام القوي الي ميدير بال وميهمه كولشي كاعد كبالي يحجي واحسه اضعف حتى من الطفل..كتله:
اعرف..والله اعرف شبيدي هشام..مدا اكدر..!.
متكدرين لان متحاولين..معندج مبادره تغيرين بيها مشاعرج تجاهي..
كلامه جان صح..وبقينا نتناقش فتره طويلة كل كلمة يكوله تأذيني اكثر وانتهى النقاش بدموعي الي غركت خدودي حضني حيل وجر حسره شطولها..وكلي:
اسف..اسف حبيبتي لتبجين ماشي..اصبر..اصبر لو ابقه طول عمري صابر هم اصبر عليج بس لتبجين..وخلاني على زنده ونام..وكل شويه يفز يبوسني بشعري ويرجع ينام..ومن يومها مفتح الموضوع الليالي تمر عاديه يجي من بره مبتسم..جايبلي حلويات وكرزات ناكل اني وياه وبعدين..يحضن بيه...يمكن الي احجيه عيب ينكال بس هو فعلا شخص غريب..بشكل موطبيعي لايكل ولا يمل ولا ييأس ولا يضوج..ولا يكول لنفسه هي متريدني ليش..اتنازل عن كرامتي ع مودها.. يحبني وبس حتى كرامته مخليها ع صفحة من نصير سوه شحجي شسولف عنه لو احجي منا لبعد 100سنه ما اكدر..اوصل تعبه ومحاولاته..وياي يعني ..ابسط مثل كل ليلة رغم يجي هلكان من التعب..من شغله ميهمه التعب ولا يتغير مزاجة ..هذا شعري يفتحة..باصابعة خصلة خصلة يبوس بيه وجسمي على كل سنتمتر يطبع شفايفه..وهمساته بكلام الحب والغزل اتحده اي شاعر بالدنيا يكدر يكولهن..وانفاسه..كلها لهفة وعطره ياخذ العقل..بغض النظر عن اوصافه وجاذبيته ورجولته هو..انسان مختلف عن هالبشر كتله حب ومشاعر..واحساس..مع كل هذا ابد مرف كلبي عليه احس اكو حاجز بكلبي..يمنعني اسامحه واتجاوب ويا..رغم كل محاولاته وعذابه..ابد ملمسته بايدي ابد مفكرت حتى امد ايدي ع وجهه..الحلو واحسسه اني وياه ورغم كل هذا ميأس ومسمعني كلمه تضوجني وكل يوم وره متخلص علاقتنا الزوجيه مينام الى ان يشوفني...
